Juan 13:31 - Mixteco del suroeste de Tlaxiaco Oaxaca

³¹ Jee sáá nkene Judas kua̱ꞌa̱nꞌ re̱ꞌ, jee nkachiꞌ Jesús: ―Nuꞌuꞌ, ya̱ nta̱jí Ndiosíꞌ nu̱u̱nꞌ ñɨ̱vɨ́ sáva kuvi ni̱ꞌ Se̱ꞌya Ñɨvɨ, jee vitan jee ya̱ túvi nijinꞌ nu̱u̱nꞌ rá ñɨvɨ na̱sa kúñáꞌnú nasɨ́kuitɨꞌ ni̱ꞌ jín tiñu níso ni̱ꞌ, jee túvi ya̱ kúñáꞌnú nasɨ́kuitɨꞌ ka̱ꞌ Ndiosíꞌ jie̱ꞌe̱ꞌ tiñu saꞌá ni̱ꞌ.

Juan 13:31 ပူးပေါင်းရင်းမြစ်များ

Mateo 8:20

Jee nkachiꞌ Jesús nu̱u̱nꞌ‑u: ―Rá ñu̱nkuii chi íyó rá yaviꞌ kava nu̱u̱nꞌ kíxíꞌ rátíꞌ, jee rá kitɨ chúchíyoꞌ ya̱ jíkó súkún íyó takaꞌ rátíꞌ. Soo nuꞌuꞌ ya̱ nta̱jí Ndiosíꞌ nu̱u̱nꞌ ñɨ̱vɨ́ sáva kuvi ni̱ꞌ Se̱ꞌya Ñɨvɨ, ni ntu̱ví íyó nu̱u̱nꞌ kosoꞌ xi̱ni̱ꞌ ni̱ꞌ najia̱ví ni̱ꞌ ―nkachiꞌ Jesús.

Lucas 12:50

Jee íyó kuanuté ni̱ꞌ nu̱u̱nꞌ tu̱nóꞌó, jee na̱ ka̱ꞌ vá núkuíꞌyáꞌ iniꞌ ni̱ꞌ nekuaꞌ sikúnkuvi ni̱ꞌ maa.

Juan 11:4

Jee sáá nteso̱ꞌo Jesús rá tu̱ꞌun yaꞌá, jee nkachiꞌ re̱ꞌ: ―Kue̱ꞌi̱ꞌ yaꞌá jee nsú kue̱ꞌi̱ꞌ kuviꞌ re̱ꞌ kuvi‑i. Chisaꞌ sáva stúvi‑i ya̱ kúñáꞌnú nasɨ́kuitɨꞌ Ndiosíꞌ, sáva jie̱ꞌe̱ꞌ vá kuniꞌ rá ñɨvɨ ya̱ kúñáꞌnú ni̱ꞌ ya̱ kúvi Se̱ꞌya Ndiosíꞌ ―nkachiꞌ Jesús.

Juan 12:23

Jee nna̱xiníkó Jesús nu̱u̱nꞌ ráa, jee nkachiꞌ re̱ꞌ: ―Ya nkenta ki̱vɨ̱ꞌ ya̱ kenta tu̱vi ya̱ viiꞌ kúñáꞌnú nasɨ́kuitɨꞌ ni̱ꞌ ya̱ nta̱jí Ndiosíꞌ nu̱u̱nꞌ ñɨ̱vɨ́ sáva kuvi ni̱ꞌ Se̱ꞌya Ñɨvɨ.

Juan 12:28

Tátáꞌ ni̱ꞌ, stúvi nú ya̱ kúñáꞌnú nasɨ́kuitɨꞌ nú ―nkachiꞌ Jesús. Saájee nkiji ɨɨn ta̱chi̱yuꞌú ne̱ antivɨ́ súkún jee nkachiꞌ‑i: ―Ya nstúvi ni̱ꞌ ya̱ kúñáꞌnú nasɨ́kuitɨꞌ ni̱ꞌ jee tukuni stúvi ni̱ꞌ maa ―nkachiꞌ Ndiosíꞌ.

Juan 14:13

Jee néni ɨɨn ya̱ ka̱ka̱nꞌ rán nu̱u̱nꞌ Tátáꞌ ni̱ꞌ nu̱u̱nꞌ súví nuꞌuꞌ jie̱ꞌe̱ꞌ yɨ́ꞌɨ́ rán nu̱u̱nꞌ ni̱ꞌ, jee saꞌá ni̱ꞌ maa, sáva stúvi ni̱ꞌ ya̱ máá kúñáꞌnú nasɨ́kuitɨꞌ kúvi Tátáꞌ ni̱ꞌ jie̱ꞌe̱ꞌ ya̱ sáꞌá ni̱ꞌ.

Juan 16:14

Jee maáréꞌ vá stúvi ya̱ kúñáꞌnú nasɨ́kuitɨꞌ ni̱ꞌ, chi rá tu̱ꞌun ya̱ nkachiꞌ ni̱ꞌ jee nakachiꞌ va̱ꞌa re̱ꞌ maa nu̱u̱nꞌ rán jee kukáꞌnú iniꞌ rán maa.

Juan 7:39

Soo nkachiꞌ Jesús rá tu̱ꞌun yaꞌá jie̱ꞌe̱ꞌ Ta̱chi̱ꞌ Ííꞌ Ndiosíꞌ, chi rá ñɨvɨ ya̱ kúneí iniꞌ ráa re̱ꞌ, jee ni̱ꞌi̱nꞌ ráa Ta̱chi̱ꞌ Ííꞌ Ndiosíꞌ kɨꞌɨ‑ɨ iniꞌ ánímaꞌ ráa. Chi ni ntiáꞌan taji Ndiosíꞌ Ta̱chi̱ꞌ Ííꞌ re̱ꞌ, chi jie̱ꞌe̱ꞌ ntiáné kɨ̱naa Jesús antivɨ́ súkún nu̱u̱nꞌ kúñáꞌnú re̱ꞌ.

Hechos 2:36

―Saájee kukáꞌnú na̱a̱ꞌ iniꞌ ntáká ñɨvɨ tataꞌ Israel, ya̱ ñani Ndiosíꞌ Jesús yaꞌá ya̱ kuvi‑i I̱toꞌoꞌ‑ó jín ya̱ kuvi‑i Cristo, sáva natavaꞌ re̱ꞌ ñɨvɨ nu̱u̱nꞌ kua̱chi ráa. Jesús yaꞌá ví ya̱ nte̱kaa rán nu̱u̱nꞌ kurúsiꞌ jee ñaꞌniꞌ rán maa ―nkachiꞌ Pedro.

Hechos 3:13

Ndiosíꞌ ví re̱ꞌ ya̱ nneñu̱ꞌun rá jííꞌ‑ó yanaꞌán Abraham jín Isaac jín Jacob. Jee suni Ndiosíꞌ ví re̱ꞌ ya̱ nneñu̱ꞌun rá inka tátáꞌ jííꞌ‑ó yanaꞌán re̱ꞌ. Suvire̱ꞌ ví ya̱ nsa̱ꞌá re̱ꞌ ya̱ kúñáꞌnú Se̱ꞌya re̱ꞌ Jesús. Jee suvirán nna̱ku̱ꞌva rán Jesús nu̱u̱nꞌ rá te̱e néetiñu. Jee suvirán nku̱ichi iniꞌ rán maa nu̱u̱nꞌ Pilato, sú nkuna̱a̱ꞌ iniꞌ re̱ꞌ siaáꞌ re̱ꞌ maa.

2 Corintios 3:18

Jee jie̱ꞌe̱ꞌ sukuán, váchóo nta̱ká maáó kuéntáꞌ ntu ka̱ꞌ násɨ́ꞌ nu̱u̱nꞌ‑ó. Chi kúvi‑ó kuéntáꞌ ɨɨn espejo néꞌyá‑ó ya̱ viiꞌ kúñáꞌnú I̱toꞌoꞌ‑ó jee jiánu̱te̱ꞌ‑ó nuva I̱toꞌoꞌ‑ó, chi maa Ta̱chi̱ꞌ Ííꞌ re̱ꞌ sáꞌá ya̱ ne̱ jíꞌín‑ó viiꞌ kua̱ꞌa̱nꞌ kua̱ꞌa̱nꞌ kúvi‑ó sánikua̱ꞌ viiꞌ kúñáꞌnú I̱toꞌoꞌ‑ó, chi ya̱ viiꞌ kua̱ꞌa̱nꞌ sáma re̱ꞌ iniꞌ‑ó sáva koo‑ó kuéntáꞌ íyó maá I̱toꞌoꞌ‑ó. Suꞌva sáꞌá I̱toꞌoꞌ‑ó ya̱ maáréꞌ ví Ta̱chi̱ꞌ Ííꞌ.

Efesios 1:12

Sukuán nsa̱ꞌá re̱ꞌ jín ránuꞌuꞌ ya̱ kúvi ránꞌ rá ñɨvɨ ya̱ xíꞌnañúꞌún ya̱ íyó tu̱ꞌun neí iniꞌ ránꞌ Cristo sáva túvi nu̱u̱nꞌ rá ñɨvɨ ya̱ viiꞌ nasɨ́kuitɨꞌ kúñáꞌnú re̱ꞌ jee nakuetúꞌún ráa re̱ꞌ.

Efesios 2:7

Jee nsa̱ꞌá re̱ꞌ sukuán sáva stúvi nu̱u̱nꞌ rá ñɨvɨ tiempúꞌ kiji ichinúúnꞌ ka̱ꞌ ya̱ na̱ ka̱ꞌ ntántúníꞌ ka̱ꞌ íyó mániꞌ iniꞌ re̱ꞌ ya̱ ñúnkúún iniꞌ re̱ꞌ néꞌyá re̱ꞌ yó, jie̱ꞌe̱ꞌ yɨ́ꞌɨ́‑ó nu̱u̱nꞌ Cristo Jesús.

Efesios 3:10

Sukuán nsa̱ꞌá re̱ꞌ sáva rá najiáꞌáꞌ ííꞌ re̱ꞌ rá kúñáꞌnú jín rá nísotíñú ya̱ nééꞌ ráa antivɨ́ súkún, jee sáá kune̱ꞌyá ráa nu̱u̱nꞌ tiñu sáꞌá re̱ꞌ iniꞌ rá ñɨvɨ ya̱ kúneí iniꞌ ráa Jesús, jee kuniꞌ ráa ya̱ ntáká nu̱u̱nꞌ ntántúníꞌ níchí nasɨ́kuitɨꞌ ka̱ꞌ Ndiosíꞌ.

Filipenses 2:11

Jín sáva nta̱ká ráa ku̱ꞌvayuꞌú, ya̱ I̱toꞌoꞌ ví Jesús ya̱ níso re̱ꞌ tiñu Cristo, jee suꞌva stúvi ráa, ya̱ máá viiꞌ kúñáꞌnú ví Ndiosíꞌ ya̱ kúvi Tááꞌ‑ó.

1 Pedro 1:21

Chi jie̱ꞌe̱ꞌ Cristo jee jínúꞌ iniꞌ rán Ndiosíꞌ, ya̱ kúvi re̱ꞌ ya̱ nna̱xinátekuꞌ i̱i̱ꞌ tuku re̱ꞌ Cristo nnene‑e nteñu rá níyɨ, jee nnu̱ñáꞌnú nasɨ́kuitɨꞌ‑ɨ nsa̱ꞌá re̱ꞌ, jee saáva kúneí iniꞌ rán ínúꞌ iniꞌ rán Ndiosíꞌ, jee íyó kutú tu̱neí iniꞌ rán nétu rán ya̱ saꞌá re̱ꞌ.

1 Pedro 2:12

Jee kueꞌnu va̱ꞌa rán nteñu rá ñɨvɨ ya̱ ntu jíníꞌ ráa Tu̱ꞌun Ndiosíꞌ, sáva súka̱ꞌ káꞌánꞌ rá ñɨvɨ si̱kɨ̱ꞌ rán kuéntáꞌ kua̱ꞌ sáꞌá rán tiñu níváꞌa, soo kuniꞌ rá ñɨvɨ vá rá tiñu váꞌa sáꞌá rán, jee nakuetúꞌún ráa Ndiosíꞌ ki̱vɨ̱ꞌ niji tuku Cristo sanáaꞌ re̱ꞌ sáni ya̱ nááꞌ.

1 Pedro 4:11

Retú níꞌínꞌ ɨɨn ránoꞌó ɨɨn ta̱ꞌvi̱ꞌ ya̱ chíneí Ndiosíꞌ nó kaꞌanꞌ nú, jee kaꞌanꞌ sáni káꞌánꞌ nú Tu̱ꞌun Ndiosíꞌ. Jee retú ɨɨn ránoꞌó ni̱ꞌi̱nꞌ nú ta̱ꞌvi̱ꞌ ya̱ chineí nú táꞌán nú, jee saꞌá nú maa jín fuersáꞌ táji Ndiosíꞌ nu̱u̱nꞌ nú, sáva nakuetúꞌún rá ñɨvɨ Ndiosíꞌ jie̱ꞌe̱ꞌ ntáká tiñu sáꞌá rán jie̱ꞌe̱ꞌ Jesús ya̱ kúvi Cristo, jee kúñáꞌnú nasɨ́kuitɨꞌ re̱ꞌ tátúníꞌ re̱ꞌ nɨ́ɨ́nkání. Sukuán koo.