Juan 13:23 - Mixteco del suroeste de Tlaxiaco Oaxaca

²³ Jee ɨɨn rá te̱e súkuáꞌa re̱ꞌ ráa, ya̱ ñúnúunꞌ víꞌí re̱ꞌ, ya̱ nééꞌ‑e xiín re̱ꞌ yuꞌú mesa nu̱u̱nꞌ kúxíní ráa.

Juan 13:23 ပူးပေါင်းရင်းမြစ်များ

Lucas 16:22

’Jee suꞌva nkuvi sáá ni̱ꞌi̱ꞌ re̱ꞌ, jee nna̱keꞌen rá najiáꞌáꞌ ííꞌ Ndiosíꞌ maáréꞌ kua̱noꞌonꞌ ráa jín‑i ne̱ nu̱u̱nꞌ íyó Abraham jee nééꞌ‑e xiín re̱ꞌ. Jee suni ni̱ꞌi̱ꞌ te̱e kúká vá jee nse̱ꞌí rá ñɨvɨ ñunéꞌyúꞌ re̱ꞌ.

Juan 1:18

Ndiosíꞌ chi ni ɨɨn ñɨvɨ ntu̱ví jíníꞌ nijinꞌ maa na̱sa íyó re̱ꞌ, chi métúꞌún ni Se̱ꞌya re̱ꞌ ya̱ kúvi Ndiosíꞌ ya̱ nééꞌ‑e jín re̱ꞌ jíníꞌ na̱sa íyó re̱ꞌ, jee suvi‑i vá nstúvi‑i na̱sa iniꞌ re̱ꞌ.

Juan 11:3

Saájee nchu̱ichí rá ku̱ꞌva re̱ꞌ tu̱ꞌun kua̱ꞌa̱nꞌ nu̱u̱nꞌ Jesús, jee nkachiꞌ ráña: ―I̱toꞌoꞌ, te̱e ya̱ ñúnúunꞌ nú kúꞌvíꞌ re̱ꞌ.

Juan 11:36

Saájee nkachiꞌ rá ñɨvɨ Israel vá: ―Kune̱ꞌyá rán, na̱ ka̱ꞌ nñunu̱u̱nꞌ re̱ꞌ ka̱ꞌ maa ―nkachiꞌ ráa.

Juan 11:5

Jee ñúnúunꞌ Jesús Marta jín ku̱ꞌvi̱ꞌ ña María jín ku̱ꞌva ráña Lázaro.

Juan 13:24

Jee Simón Pedro nsa̱ꞌá re̱ꞌ seña jín xi̱ni̱ꞌ re̱ꞌ nu̱u̱nꞌ te̱e yaꞌá, sáva katu̱ꞌún‑u Jesús né ɨɨn ráa xí xi̱ni̱ꞌ vá nkaꞌanꞌ re̱ꞌ.

Juan 13:25

Saájee nsa̱ꞌá xiín te̱e vá maáa nu̱u̱nꞌ Jesús, jee nkachiꞌ‑i: ―I̱toꞌoꞌ, ¿né ɨɨn ví‑i? ―nkachiꞌ‑i.

Juan 19:26

Saájee sáá niniꞌ Jesús nánáꞌ re̱ꞌ, jee íñɨ́ nkáá ña jín ɨɨn rá te̱e ya̱ nsu̱kuáꞌa re̱ꞌ maa ya̱ kúvi te̱e ya̱ ñúnúunꞌ re̱ꞌ, jee nkachiꞌ re̱ꞌ nu̱u̱nꞌ nánáꞌ re̱ꞌ: ―Nánáꞌ. Kune̱ꞌyá, i̱ña̱ꞌ íñɨ́ se̱ꞌya nú.

Juan 20:2

Saájee ninu ña kua̱ꞌa̱nꞌ ña nu̱u̱nꞌ nééꞌ Simón Pedro jín inka ka̱ꞌ te̱e ya̱ nku̱táꞌán nsu̱kuáꞌa Jesús maa, ya̱ nñunu̱u̱nꞌ víꞌí Jesús maa, jee nkachiꞌ ña nu̱u̱nꞌ ráa: ―Ntavaꞌ rá ñɨvɨ ñunéꞌyúꞌ I̱toꞌoꞌ‑ó yaviꞌ ni̱yɨ re̱ꞌ jee kua̱ꞌa̱nꞌ ráa jín re̱ꞌ, jee ntu̱ví jíníꞌ ráníꞌ né núꞌ ñakɨnꞌ ráa maa ―nkachiꞌ ña.

Juan 21:20

Jee nna̱koto yátá Pedro jee niniꞌ re̱ꞌ ya̱ níkɨ́nꞌ táꞌán te̱e ya̱ súkuáꞌa Jesús maa ya̱ ñúnúunꞌ ka̱ꞌ Jesús maa. Jee suni te̱e vá ví ya̱ ña̱kuyatin ka̱ꞌ xiín‑i Jesús sáá nku̱xíní ráa jee nkachiꞌ‑i nu̱u̱nꞌ Jesús: “¿Né ɨɨn kúvi te̱e ya̱ naku̱ꞌva‑a noꞌó?”

Juan 21:24

Jee te̱e súkuáꞌa Jesús vá ya̱ ñúnúunꞌ víꞌí ka̱ꞌ Jesús kúvi ya̱ jiáꞌa ya̱ naáꞌ jie̱ꞌe̱ꞌ rá tiñu yaꞌá, jee ntee‑e rá tu̱ꞌun yaꞌá jie̱ꞌe̱ꞌ rá tiñu yaꞌá, jee jíníꞌ ráníꞌ ya̱ íyó na̱a̱ꞌ rá tu̱ꞌun jiáꞌa‑a.

Juan 21:7

Saájee te̱e ya̱ súkuáꞌa Jesús maa ya̱ nñunu̱u̱nꞌ re̱ꞌ nkachiꞌ te̱e vá nu̱u̱nꞌ Pedro: ―¡Máá I̱toꞌoꞌ‑ó kúvi‑i! Sáá nteso̱ꞌo Simón Pedro ya̱ suvire̱ꞌ ví I̱toꞌoꞌ, jee nna̱ku̱ꞌun Pedro saꞌma re̱ꞌ (chi ntavaꞌ re̱ꞌ maa), jee íchíni nnava re̱ꞌ nu̱u̱nꞌ nute.