Juan 13:14 - Mixteco del suroeste de Tlaxiaco Oaxaca

¹⁴ Chi retú nuꞌuꞌ, ya̱ kúvi ni̱ꞌ I̱toꞌoꞌ rán, jín ya̱ kúvi ni̱ꞌ Mestrúꞌ rán, jee nna̱kete ni̱ꞌ jie̱ꞌe̱ꞌ rán. Jee suni sukuán íyó nakete rán jie̱ꞌe̱ꞌ ɨɨn inka táꞌán rán.

Juan 13:14 ပူးပေါင်းရင်းမြစ်များ

Juan 11:2

(Jee María ví ñaꞌan ya̱ nchiꞌi ña aceite ya̱ jiáꞌánꞌ vi̱xi̱ꞌ jie̱ꞌe̱ꞌ I̱toꞌoꞌ‑ó, jee nxi̱náchi ña jie̱ꞌe̱ꞌ re̱ꞌ jín ixi xíníꞌ ña. Jee kúvi ña ku̱ꞌva Lázaro ya̱ kúꞌvíꞌ re̱ꞌ.)

Hechos 20:35

Jee jie̱ꞌe̱ꞌ nsa̱ꞌá ni̱ꞌ nɨꞌɨ yaꞌá, jee suꞌva nna̱stúvi ni̱ꞌ ya̱ íyó satíñú ni̱ꞌin‑ó sukuán, sáva chineí‑ó rá ñɨvɨ kúmániꞌ nu̱u̱nꞌ. Naku̱ꞌun iniꞌ rán tu̱ꞌun ya̱ nkachiꞌ I̱toꞌoꞌ‑ó Jesús: “Netuꞌ kúvi‑ó ka̱ꞌ ku̱ꞌva‑ó nsú ká natɨɨn‑ó.”

Romanos 12:10

Jee kunu̱u̱nꞌ ñúnkúún iniꞌ rán ɨɨn inka táꞌán rán kuéntáꞌ ñúnúunꞌ rán ñaniꞌ maárán ya̱ nkaku jín rán. Jee nukú rán saꞌá ñáꞌnú rán ka̱ꞌ nu̱u̱nꞌ rá táꞌán rán nsú káꞌ maárán.

Romanos 12:16

Jee nuún koo iniꞌ ɨɨn inka rán jín táꞌán rán, jee koto sáꞌá téyɨ́ɨ́ rán maárán, chisaꞌ ɨɨn nuún saꞌá rán maárán jín rá ñɨvɨ láꞌví jee ɨɨn nuún nutútú rán jín ráa. Jee koto kúkaꞌvi iniꞌ rán ya̱ tu̱ꞌva víꞌí rán ka̱ꞌ nsú káꞌ rá ñanitáꞌán rán.

1 Corintios 12:3

Jee saáva síkúkáꞌnú ni̱ꞌ iniꞌ rán ya̱ ni ɨɨn ñɨvɨ ya̱ retú káchíꞌ‑i: “Yósóni̱nu Jesús”, jee nsú tu̱ꞌun ya̱ jiáꞌa Ta̱chi̱ꞌ Ííꞌ Ndiosíꞌ ví rá tu̱ꞌun káꞌánꞌ‑a vá. Jee suni ni ɨɨn ñɨvɨ nkúvi kachiꞌ‑i ya̱: “Jesús ví I̱toꞌoꞌ nu̱u̱nꞌ kua̱íyó”, retú nsú Ta̱chi̱ꞌ Ííꞌ ví ya̱ jiáꞌa tu̱ꞌun nu̱u̱nꞌ ya̱ káchíꞌ‑i.

1 Corintios 8:13

Jee saáva, retú jie̱ꞌe̱ꞌ yájíꞌ ni̱ꞌ ku̱ñu jee sukuán sikíninkava ni̱ꞌ ñanitáꞌán‑ó nu̱u̱nꞌ kua̱chi jee ni nsáꞌ kajiꞌ kuitɨꞌ ni̱ꞌ ka̱ꞌ ku̱ñu ni tékúꞌ ni̱ꞌ, sáva ntu̱ví saꞌá ni̱ꞌ ya̱ kininkava ñanitáꞌán‑ó nu̱u̱nꞌ kua̱chi.

2 Corintios 10:1

Nuꞌuꞌ Pablo jíkánꞌ táꞌvíꞌ ni̱ꞌ nu̱u̱nꞌ ránoꞌó jee másúꞌ káꞌánꞌ ni̱ꞌ jee káꞌánꞌ vi̱tá ni̱ꞌ kuéntáꞌ káꞌánꞌ Cristo. Jee ñɨvɨ káꞌvi ni káchíꞌ ya̱ sáá nééꞌ ni̱ꞌ jín rán jee ñúꞌún láꞌví iniꞌ ni̱ꞌ, soo sáá íyó íká ni̱ꞌ nu̱u̱nꞌ rán jee ñúꞌún tiɨ́kɨ́ iniꞌ ni̱ꞌ káꞌánꞌ ni̱ꞌ jín ránoꞌó, sáá tée ni̱ꞌ nu̱u̱nꞌ tutuꞌ nu̱u̱nꞌ rán.

2 Corintios 8:9

Chi ya̱ jíníꞌ rán ya̱ íyó mániꞌ iniꞌ I̱toꞌoꞌ‑ó Jesús ya̱ kúvi Cristo néꞌyá re̱ꞌ yó ya̱ sáꞌá re̱ꞌ ya̱ váꞌa jín‑ó. Chi sú kúká re̱ꞌ chi xi̱ntíín re̱ꞌ ví nɨꞌɨ ya̱ íyó, soo nna̱saꞌá láꞌví re̱ꞌ maáréꞌ jie̱ꞌe̱ꞌ ya̱ kúvi ya̱ váꞌa nu̱u̱nꞌ ránoꞌó, sáva ni̱ꞌi̱nꞌ‑órán ya̱ yɨ́yáꞌvi ka̱ꞌ ya̱ táji Ndiosíꞌ, jie̱ꞌe̱ꞌ ya̱ nnoꞌo láꞌví Cristo.

Gálatas 5:13

Chi, ránoꞌó ñaniꞌ, nkana Ndiosíꞌ ránoꞌó, sáva koo núne rán jee nkɨ́ꞌɨ rán xi̱ntíín ley vá jín rá costumbre. Soo sú nééꞌ núne rán nu̱u̱nꞌ ley, jee koto jiátíñú rán maa, sáva saꞌá rán ya̱ níyo néꞌén iniꞌ rán jín yɨkɨkúñu kua̱chi. Jee kunu̱u̱nꞌ ɨɨn inka rán táꞌán rán, sáva kuvi rán musúꞌ saɨn nu̱u̱nꞌ ɨɨn inka rán, jee chineí rán ɨɨn inka táꞌán rán.

Filipenses 2:11

Jín sáva nta̱ká ráa ku̱ꞌvayuꞌú, ya̱ I̱toꞌoꞌ ví Jesús ya̱ níso re̱ꞌ tiñu Cristo, jee suꞌva stúvi ráa, ya̱ máá viiꞌ kúñáꞌnú ví Ndiosíꞌ ya̱ kúvi Tááꞌ‑ó.

1 Timoteo 5:10

jee retú túvi ya̱ váꞌa sáꞌá ña nu̱u̱nꞌ inka ñɨvɨ, jee retú nsi̱kuéꞌnu va̱ꞌa ña se̱ꞌya ña, jee retú ni̱yo ma̱ni̱ꞌ iniꞌ ña, ya̱ njia̱ꞌa ña ntíꞌ veꞌi ña kino̱o ñɨvɨ jíka ichi, jee retú nsa̱ꞌá ña tiñu suꞌva, sáva kootiñu ña nu̱u̱nꞌ rá ñɨvɨ yɨ́ꞌɨ́ nu̱u̱nꞌ Cristo, sú tiñu láꞌví ví‑i ya̱ nna̱kete ña jie̱ꞌe̱ꞌ ráa, jee retú nchi̱neí ña rá ñɨvɨ nóꞌo, jee retú nyɨ̱tíñú ña nsa̱ꞌá ña nta̱ká nu̱u̱nꞌ ya̱ váꞌa.

Hebreos 12:2

Kunenu̱u̱nꞌ‑ó Jesús ya̱ nu̱u̱nꞌ maáréꞌ va̱ji ya̱ kuneí iniꞌ‑ó re̱ꞌ, jee síkújia re̱ꞌ iniꞌ‑ó ya̱ kuneí va̱ꞌa iniꞌ‑ó re̱ꞌ ne̱ nu̱u̱nꞌ nɨꞌɨ. Chi ñeꞌneꞌ iniꞌ re̱ꞌ nnoꞌo re̱ꞌ nu̱u̱nꞌ kurúsiꞌ, jee ntu ntɨ́ɨn kuéntáꞌ re̱ꞌ ya̱ ku̱ꞌva rá ñɨvɨ tu̱nkánuun nu̱u̱nꞌ re̱ꞌ ya̱ kuviꞌ re̱ꞌ sukuán, chi njia̱ꞌa Ndiosíꞌ re̱ꞌ ya̱ kusɨ̱ɨ̱ꞌ víꞌí iniꞌ re̱ꞌ ichinúúnꞌ jee suni nna̱kuneeꞌ re̱ꞌ ichi kuáꞌá teyuꞌ nu̱u̱nꞌ nééꞌ Ndiosíꞌ tátúníꞌ‑i.

1 Pedro 4:1

Saáva jie̱ꞌe̱ꞌ ya̱ nnoꞌo Cristo jín ñunéꞌyúꞌ re̱ꞌ, jee suni sukuán ránoꞌó ranika̱ꞌ íyó satúꞌva rán antúníꞌ rán nuún kuꞌun iniꞌ rán jín re̱ꞌ. Chi ñɨvɨ ya̱ nnoꞌo jín yɨkɨkúñu‑u, jee nxi̱nóo‑o saꞌá‑a kua̱chi,

1 Pedro 5:5

Jee sunisaá ni ránoꞌó te̱súchí, chiꞌi rán maárán xi̱ntíín rá te̱e kúñáꞌnú nu̱u̱nꞌ rán. Jee ntáká rán kuꞌun tu̱ꞌun ñúꞌún láꞌví iniꞌ rán jín ɨɨn inka táꞌán rán chi: Ndiosíꞌ jee íñɨ́ re̱ꞌ si̱kɨ̱ꞌ rá ñɨvɨ ñútéyɨ́ɨ́ iniꞌ, soo va̱ꞌa iniꞌ re̱ꞌ chíneí re̱ꞌ rá ñɨvɨ ya̱ ñúꞌún tu̱ꞌun láꞌví iniꞌ ráa.