Juan 12:36 - Mixteco del suroeste de Tlaxiaco Oaxaca

³⁶ Jee saáva ni nééꞌ ni̱ꞌ ka̱ꞌ jín rán, jee íyó kuneí iniꞌ rán nuꞌuꞌ, ya̱ kúvi ni̱ꞌ ñuꞌunꞌ nu̱u̱nꞌ rán, sáva kenta kuvi rán ñɨvɨ ya̱ jiáꞌnu rán nu̱u̱nꞌ ñuꞌunꞌ ―nkachiꞌ Jesús. Jee sáá nkuvi nkachiꞌ re̱ꞌ rá tu̱ꞌun yaꞌá, jee kua̱ꞌa̱nꞌ re̱ꞌ, jee nchi̱yuꞌuꞌ re̱ꞌ maáréꞌ nu̱u̱nꞌ ráa.

Juan 12:36 ပူးပေါင်းရင်းမြစ်များ

Mateo 21:17

Jee nxi̱nóo re̱ꞌ ráa, jee nkene re̱ꞌ ñuunꞌ Jerusalén, jee kua̱ꞌa̱nꞌ re̱ꞌ ñuunꞌ Betania, jee yukuán nkino̱o re̱ꞌ yakuááꞌ ki̱vɨ̱ꞌ yukuán.

Mateo 5:14

’Jee suni sukuán kúvi rán kuéntáꞌ nuva ñuꞌunꞌ túúnꞌ nu̱u̱nꞌ rá ñɨvɨ íyó ñɨ̱vɨ́ yaꞌá jie̱ꞌe̱ꞌ jiáꞌnu na̱a̱ꞌ va̱ꞌa rán. Jín suni kuéntáꞌ ɨɨn ñuunꞌ káꞌnú káá ne̱ xi̱ni̱ꞌ ɨɨn yuku, ya̱ ntu kúvi kɨse̱ꞌí‑i.

Lucas 16:8

’Saájee nna̱kuetúꞌún i̱toꞌoꞌ xí tiñu vá musúꞌ ntu náaꞌ vá ya̱ nito víꞌí‑i jín rá tiñu sáꞌá‑a. Chi rá ñɨvɨ jiáꞌnu ñujiínꞌ ñɨ̱vɨ́ yaꞌá nito víꞌí ráa ka̱ꞌ jie̱ꞌe̱ꞌ rá tiñu sáꞌá ráa jín ɨɨn inka rá táꞌán ráa, nsú káꞌ rá se̱ꞌya Ndiosíꞌ ya̱ túúnꞌ ñuꞌunꞌ Ndiosíꞌ ánímaꞌ ráa.

Juan 1:7

Jee te̱e yaꞌá nkiji re̱ꞌ sáva kuvi re̱ꞌ te̱e ya̱ ku̱ꞌva re̱ꞌ ya̱ naáꞌ, sáva ku̱ꞌva re̱ꞌ ya̱ naáꞌ jie̱ꞌe̱ꞌ ɨɨn re̱ꞌ ya̱ kúvi ñuꞌunꞌ vá, jee sáva i̱nu̱ꞌ iniꞌ ntáká ñɨvɨ maáréꞌ ya̱ kúvi ñuꞌunꞌ vá jie̱ꞌe̱ꞌ tu̱ꞌun kachiꞌ Juan.

Juan 11:54

Saáva ntu ka̱ꞌ nikanuun nijinꞌ Jesús nteñu rá ñɨvɨ ñuunꞌ Israel, chisaꞌ nkene iyo re̱ꞌ nu̱u̱nꞌ ñuunꞌ Judea, jee kua̱ꞌa̱nꞌ re̱ꞌ nu̱u̱nꞌ ɨɨn ñuunꞌ naní Efraín, ya̱ káá yatin nu̱u̱nꞌ ñu̱ꞌún saɨn, jee nu̱u̱nꞌ ñuunꞌ yukuán nkino̱o re̱ꞌ nneeꞌ re̱ꞌ jín rá te̱e súkuáꞌa re̱ꞌ ráa.

Juan 12:37

Soo súnika̱ꞌ kue̱ꞌe̱ꞌ víꞌí rá seña a̱nasɨ́ nsa̱ꞌá Jesús nu̱u̱nꞌ ráa, soo ni ntu̱ví nínúꞌ iniꞌ ráa re̱ꞌ.

Juan 12:46

Jee nuꞌuꞌ, ya̱ kuvi ni̱ꞌ ñuꞌunꞌ ya̱ túún iniꞌ ánímaꞌ ñɨvɨ ñɨ̱vɨ́ yaꞌá, jee nkenta ni̱ꞌ iniꞌ ñɨ̱vɨ́ yaꞌá, sáva nta̱ká rá ñɨvɨ ya̱ kúneí iniꞌ ráa nuꞌuꞌ nsáꞌ kino̱o ráa kueꞌnu ráa nu̱u̱nꞌ ñu̱neenꞌ.

Juan 3:21

Soo ñɨvɨ ya̱ sáꞌá tiñu na̱a̱ꞌ jee nátuꞌva‑a ñuꞌunꞌ vá, sáva natu̱vi rá tiñu saꞌá‑a sáni kuíni Ndiosíꞌ ―nkachiꞌ Jesús.

Juan 8:12

Jee tukuni nkaꞌanꞌ Jesús jín rá ñɨvɨ, jee nkachiꞌ re̱ꞌ nu̱u̱nꞌ ráa: ―Nuꞌuꞌ ñuꞌunꞌ kúvi ni̱ꞌ nu̱u̱nꞌ rá ñɨvɨ ñɨ̱vɨ́ ya̱ stúúnꞌ ni̱ꞌ iniꞌ ánímaꞌ ráa, jee ɨɨn ñɨvɨ ya̱ níkɨ́nꞌ‑ɨ nuꞌuꞌ ntu̱né kaka‑a ñujiínꞌ nu̱u̱nꞌ neenꞌ, chisaꞌ kuꞌun ñuꞌunꞌ ya̱ stúúnꞌ ni̱ꞌ iniꞌ ánímaꞌ ñɨvɨ vá ya̱ sáꞌá‑a ya̱ kutekuꞌ ñɨvɨ nɨ́ɨ́nkání jín Ndiosíꞌ ―nkachiꞌ Jesús.

Juan 8:59

Saájee nkeꞌen ráa yu̱u̱ꞌ sáva kuun ráa re̱ꞌ. Soo ña̱kɨyuꞌuꞌ Jesús, [jee njia̱ꞌa re̱ꞌ ma̱ꞌñú nu̱u̱nꞌ íñɨ́ rá ñɨvɨ vá], jee nkene yuꞌuꞌ re̱ꞌ chíkéꞌi iniꞌ veñu̱ꞌun káꞌnú jee kua̱ꞌa̱nꞌ re̱ꞌ.

Efesios 5:8

Chi tiempúꞌ ya̱ta̱ꞌ yukuán jee nkuvi rán kuéntáꞌ ñu̱neenꞌ jie̱ꞌe̱ꞌ kua̱chi rán. Soo vitan jee kúvi rán kuéntáꞌ ñuꞌunꞌ ya̱ túúnꞌ, chi yɨ́ꞌɨ́ rán nu̱u̱nꞌ I̱toꞌoꞌ‑ó. Jee íyó kueꞌnu rán nu̱u̱nꞌ túúnꞌ ñuꞌunꞌ re̱ꞌ iniꞌ ánímaꞌ rán kuéntáꞌ íyó kueꞌnu rá se̱ꞌya Ndiosíꞌ.

1 Tesalonicenses 5:5

Chi yɨ́ꞌɨ́ rán nu̱u̱nꞌ Cristo, jee nátuunꞌ nuva re̱ꞌ nu̱u̱nꞌ ránoꞌó. Saáva káchíꞌ‑ó ya̱ kúvi ránoꞌó se̱ꞌya nuva ñuꞌunꞌ jín se̱ꞌya nuví, jee ntu kúvi‑ó se̱ꞌya ñu̱neenꞌ ni se̱ꞌya yakuááꞌ.

1 Tesalonicenses 5:8

Soo maáó ya̱ kúvi‑ó se̱ꞌya nuví nu̱u̱nꞌ nijínꞌ, jee íyó kuꞌun kájí iniꞌ‑ó, jee kuneí iniꞌ‑ó Jesús jee kunu̱u̱nꞌ‑ó ɨɨn inka‑ó. Suꞌva nama‑ó maáó sáva ntu xínáꞌví ñɨvɨ yó, kuéntáꞌ nákúꞌun ɨɨn soldado saꞌma nama‑a maáa. Jee íyó tu̱neí iniꞌ‑ó ya̱ nanitáꞌvíꞌ‑ó. Suꞌva nama‑ó antúníꞌ‑ó, kuéntáꞌ nákúꞌun ɨɨn soldado ti̱kokoꞌ ka̱a sáva nama‑a xi̱ni̱ꞌ‑i.