Juan 12:20 - Mixteco del suroeste de Tlaxiaco Oaxaca

²⁰ Jee íyótúníꞌ ni ñɨvɨ íyó ya̱ kúvi ñɨvɨ ñuunꞌ Grecia ya̱ kuáꞌánꞌ ráa viko nu̱u̱nꞌ ñuunꞌ Jerusalén, sáva kuneñu̱ꞌun ráa Ndiosíꞌ.

Juan 12:20 ပူးပေါင်းရင်းမြစ်များ

Marcos 7:26

Jee tu̱ꞌun nkaku ñaꞌan vá ví tu̱ꞌun griego, chi nkaku ña nu̱u̱nꞌ tataꞌ sirofenicia. Jee ni̱ka̱nꞌ táꞌvíꞌ ña nu̱u̱nꞌ Jesús ya̱ tavaꞌ re̱ꞌ ta̱chi̱ꞌ néꞌí ya̱ yɨ́ꞌɨ́ iniꞌ se̱ꞌya sɨ́ꞌɨ́ ña.

Juan 12:1

I̱ñu̱ꞌ ka̱ꞌ ki̱vɨ̱ꞌ kúmániꞌ kenta maa ki̱vɨ̱ꞌ viko Pascua, jee ña̱ꞌa̱nꞌ tuku Jesús ñuunꞌ Betania, nu̱u̱nꞌ nééꞌ Lázaro, te̱e ya̱ níꞌiꞌ jee nxi̱nátekuꞌ Jesús maa nkene‑e nteñu rá níꞌiꞌ.

Juan 12:19

Saájee rá te̱e ya̱ yɨ́ꞌɨ́ ñujiínꞌ fariseo nkachiꞌ ráa nu̱u̱nꞌ táꞌán maáráa: ―¡Kune̱ꞌyá rán! ¡Ni ntu̱náꞌ kúvi kuitɨꞌ saꞌá‑ó! Chi kua̱íyó kuitɨꞌ rá ñɨvɨ ñɨ̱vɨ́ kua̱ꞌa̱nꞌ ráa níkɨ́nꞌ ráa maa ―nkachiꞌ ráa.

Juan 7:35

Saájee rá te̱e kúñáꞌnú nu̱u̱nꞌ rá ñɨvɨ Israel jíkátu̱ꞌún táꞌán ráa, jee káchíꞌ ráa: ―¿Né núꞌ kúvi nu̱u̱nꞌ kɨ̱ꞌɨ̱nꞌ te̱e yaꞌá, ya̱ nsáꞌ naniꞌinꞌ‑ó maa rúja? ¿Á nsáꞌ kɨ̱ꞌɨ̱nꞌ re̱ꞌ nu̱u̱nꞌ nééꞌ rá táꞌán ñuunꞌ‑ó ya̱ kua̱ꞌa̱nꞌ ráa ñe̱te̱nuun ráa nééꞌ ráa rá ñuunꞌ Grecia? Jee, ¿á kɨ̱ꞌɨ̱nꞌ re̱ꞌ sukuáꞌa re̱ꞌ rá ñɨvɨ ñuunꞌ Grecia vá?

Hechos 14:1

Jee sukuán nkuvi ñuunꞌ Iconio, jee nki̱vɨ nkáá Pablo jín Bernabé veꞌi sinagoga nu̱u̱nꞌ kútútú rá ñɨvɨ Israel súkuáꞌa ráa Tu̱ꞌun Ndiosíꞌ. Jee va̱ꞌa túníꞌ nkaꞌanꞌ ráa tu̱ꞌun jie̱ꞌe̱ꞌ Jesús, ya̱ ni̱nu̱ꞌ iniꞌ kue̱ꞌe̱ꞌ víꞌí rá ñɨvɨ Israel jín suni rá ñɨvɨ ntu kúvi Israel.

Hechos 16:1

Jee suni ña̱ꞌa̱nꞌ Pablo ñuunꞌ Derbe jín Listra. Jee yukuán nneeꞌ ɨɨn te̱e ya̱ níkɨ́nꞌ‑ɨ ñujiínꞌ Jesús, naní Timoteo. Kúvi re̱ꞌ se̱ꞌya yɨ́ɨ́ ɨɨn ñaꞌan ñuunꞌ Israel ya̱ kúneí iniꞌ ña Jesús. Soo tááꞌ re̱ꞌ kúvi te̱e Grecia.

Hechos 17:4

Kéꞌín ráa ni̱nu̱ꞌ iniꞌ jee nna̱sikánitáꞌán ráa maáráa jín Pablo jín Silas. Jee suni sukuán nsa̱ꞌá kue̱ꞌe̱ꞌ rá ñɨvɨ ntu kúvi Israel, ya̱ nééñuꞌun ráa Ndiosíꞌ, jín kue̱ꞌe̱ꞌ rá ñaꞌan kúñáꞌnú.

Hechos 20:21

Nkachitu̱ꞌún ni̱ꞌ nu̱u̱nꞌ rá ñɨvɨ Israel jín suni nu̱u̱nꞌ rá ntu kúvi ñɨvɨ Israel. Nna̱stúvi ni̱ꞌ ya̱ naáꞌ ya̱ íyó nakani iniꞌ ráa jie̱ꞌe̱ꞌ kua̱chi ráa, jee kunikɨnꞌ ráa Ndiosíꞌ, jee kuneí iniꞌ ráa I̱toꞌoꞌ‑ó Jesús.

Hechos 21:28

Nka̱najíín ráa: ―¡Ránoꞌó, te̱e Israel! ¡Chineí rán ránuꞌuꞌ! ¡Chi te̱e yaꞌá ví ya̱ xínéꞌénꞌ re̱ꞌ si̱kɨ̱ꞌ ñɨvɨ‑ó, jín si̱kɨ̱ꞌ tu̱ꞌun ley, jín si̱kɨ̱ꞌ veñu̱ꞌun yaꞌá! ¡Jee suꞌva xínéꞌénꞌ re̱ꞌ nɨꞌɨ rá ñɨvɨ nééꞌ nɨꞌɨ ñuunꞌ! Jee suni nki̱vɨ re̱ꞌ jín rá te̱e griego iniꞌ veñu̱ꞌun yaꞌá. Suꞌva nstívɨ́ re̱ꞌ iniꞌ veñu̱ꞌun ííꞌ yaꞌá.

Hechos 8:27

Jee nke̱chí re̱ꞌ jee kua̱ꞌa̱nꞌ re̱ꞌ. Jee niniꞌ re̱ꞌ ɨɨn te̱e nación Etiopía ya̱ kúvi ɨɨn eunuco, ya̱ nísotíñú‑u chi̱ji naꞌá ñaꞌan ya̱ kúvi Candace ya̱ kúvi ñaꞌan ya̱ tátúníꞌ ña nu̱u̱nꞌ ñuunꞌ Etiopía. Tesorero ví te̱e nísotíñú vá, ya̱ nééꞌ si̱kɨ̱ꞌ nɨꞌɨ xu̱ꞌún Candace vá. Ña̱ꞌa̱nꞌ re̱ꞌ ñuunꞌ Jerusalén nneñu̱ꞌun re̱ꞌ Ndiosíꞌ.

Romanos 1:16

Chi ntu̱ví kúkanuun ni̱ꞌ jie̱ꞌe̱ꞌ tu̱ꞌun váꞌa Jesús, chi kúvi tu̱ꞌun vá fuersáꞌ ííꞌ Ndiosíꞌ sáva nátavaꞌ re̱ꞌ ntáká ñɨvɨ ya̱ kúneí iniꞌ ráa tu̱ꞌun vá nu̱u̱nꞌ kua̱chi ráa xinánitáꞌvíꞌ re̱ꞌ ráa, xíꞌnañúꞌún rá ñɨvɨ Israel jee suni rá ñɨvɨ ntu kúvi Israel.

Romanos 10:12

Chi ntu sɨ́ɨ́n kúvi rá ñɨvɨ Israel jín rá ñɨvɨ ya̱ ntu kúvi Israel, chi maá I̱toꞌoꞌ kúvi I̱toꞌoꞌ nu̱u̱nꞌ nɨꞌɨ, jee ntántúníꞌ jiáꞌa re̱ꞌ ya̱ váꞌa sáꞌá re̱ꞌ nu̱u̱nꞌ rá ñɨvɨ ya̱ kákua̱chi ráa nu̱u̱nꞌ re̱ꞌ ya̱ kuvi re̱ꞌ I̱toꞌoꞌ ráa.

Gálatas 2:3

Yukuán nneeꞌ Tito jín ránꞌ. Jee sú kúvi re̱ꞌ te̱e ichiyúkúnꞌ se̱ꞌya ñuunꞌ Grecia, ya̱ ntu kúvi re̱ꞌ te̱e ñuunꞌ Israel, soo ntu ntétuvi ráa saꞌá re̱ꞌ costumbre rá ñɨvɨ Israel, na̱ni circuncisión.

Gálatas 3:28

Maáóránꞌ ya̱ yɨ́ꞌɨ́‑ó nu̱u̱nꞌ Cristo Jesús, ntu sɨ́ɨ́n íyó‑ó nu̱u̱nꞌ Ndiosíꞌ, sú kúvi rán ñɨvɨ Israel áxí ñɨvɨ ntu kúvi Israel, ni te̱e kúvi musúꞌ ya̱ nkeꞌen ñɨvɨ, ni te̱e xí tiñu ya̱ íñɨ́ núne, ni te̱e jín ni ñaꞌan, chi ɨɨn ni kúvi nɨꞌɨ‑ó nu̱u̱nꞌ Ndiosíꞌ, ya̱ yɨ́ꞌɨ́‑ó nu̱u̱nꞌ Cristo Jesús.

Colosenses 3:11

Jee saáva ntu̱náꞌ ítú iniꞌ retú ntu kúvi‑ó ñɨvɨ Israel, áxí kúvi‑ó ñɨvɨ Israel, retú níso yɨkɨkúñu‑ó seña ñɨvɨ Israel naní circuncisión, áxí ntu níso‑ó maa, retú kúvi‑ó rá to̱ꞌo̱ꞌ, áxí ñɨvɨ ñuunꞌ láꞌví, retú kúvi‑ó musúꞌ ya̱ kéꞌen ñɨvɨ maa, áxí ñɨvɨ ya̱ yɨ́tíñú nu̱u̱nꞌ tiñu maáa. Chi I̱toꞌoꞌ kua̱íyó kuitɨꞌ‑ó ví Cristo, jee yɨ́ꞌɨ́ re̱ꞌ iniꞌ kua̱íyó kuitɨꞌ‑ó.