Juan 12:17 - Mixteco del suroeste de Tlaxiaco Oaxaca

¹⁷ Jee rá ñɨvɨ ya̱ níñɨ jín Jesús sáá nkana re̱ꞌ xi̱ni̱ꞌ Lázaro ne̱ veꞌi kava yu̱u̱ꞌ jee nxi̱nátekuꞌ re̱ꞌ maa nkene re̱ꞌ nteñu rá níꞌiꞌ, jee jiáꞌa ráa nu̱u̱nꞌ rá inka ñɨvɨ ya̱ naáꞌ jie̱ꞌe̱ꞌ ya̱ niniꞌ ráa ya̱ nsa̱ꞌá re̱ꞌ.

Juan 12:17 ပူးပေါင်းရင်းမြစ်များ

Juan 1:19

Jee rá tee nísotíñú nu̱u̱nꞌ rá ñɨvɨ Israel nchu̱ichí ráa sava rá su̱tu̱ꞌ jín sava rá te̱e tataꞌ Leví, ya̱ sátíñú nu̱u̱nꞌ veñu̱ꞌun káꞌnú, ne̱ nu̱u̱nꞌ ñuunꞌ Jerusalén kɨ̱ꞌɨ̱nꞌ ráa nu̱u̱nꞌ Juan sáva katu̱ꞌún ráa re̱ꞌ: ―¿Né ɨɨn kúvi nú? Jee yaꞌá ví ya̱ naáꞌ njia̱ꞌa Juan.

Juan 1:32

Jee suni njia̱ꞌa tuku ka̱ꞌ Juan ya̱ naáꞌ jie̱ꞌe̱ꞌ Jesús, jee nkachiꞌ re̱ꞌ: ―Niniꞌ ni̱ꞌ Ta̱chi̱ꞌ Ííꞌ Ndiosíꞌ, ya̱ nkikuun ne̱ súkún kuéntáꞌ íyó ɨɨn paloma nkenta‑a nkino̱o‑o jín re̱ꞌ.

Juan 1:34

Jee ya̱ niniꞌ ni̱ꞌ vá, jee jiáꞌa ni̱ꞌ ya̱ naáꞌ jie̱ꞌe̱ꞌ re̱ꞌ ya̱ maáréꞌ kúvi nijia Se̱ꞌya Ndiosíꞌ ―nkachiꞌ Juan.

Juan 11:31

Saájee rá ñɨvɨ Israel ya̱ nééꞌ jín ña iniꞌ veꞌi ña jee nasaꞌá neí ráa iniꞌ ña, jee sáá niniꞌ ráa ya̱ numíjiꞌíꞌ nna̱kuiñɨꞌ ña jee nkene ña, jee nchi̱nikɨnꞌ rává ña, chi nkaꞌvi iniꞌ ráa ya̱ kua̱ꞌa̱nꞌ ña nu̱u̱nꞌ kava nu̱u̱nꞌ nse̱ꞌí ráa ku̱ꞌva ña sáva kunaꞌyuꞌ ña yukuán.

Juan 11:42

Jee nuꞌuꞌ chi ya̱ jíníꞌ ni̱ꞌ ya̱ sukuáni tésóꞌo nú ya̱ káchíꞌ ni̱ꞌ. Soo nkachiꞌ ni̱ꞌ sukuán, jie̱ꞌe̱ꞌ ya̱ kuvi ya̱ váꞌa rá ñɨvɨ ya̱ íñɨ́ yaꞌá, sáva jínúꞌ iniꞌ ráa ya̱ noꞌó nchu̱ichí nú nuꞌuꞌ va̱ji ni̱ꞌ saꞌá ni̱ꞌ tiñu nú.

Juan 12:9

Jee kue̱ꞌe̱ꞌ nasɨ́kuitɨꞌ rá ñɨvɨ Israel nku̱káꞌnú iniꞌ ráa ya̱ nééꞌ Jesús nu̱u̱nꞌ ñuunꞌ Betania. Jee ña̱ꞌa̱nꞌ ráa yukuán, soo nsú kua̱chi Jesús ni kua̱ne̱ꞌyá ráa, chisaꞌ suni sáva kɨ̱ne̱ꞌyá ráa Lázaro, ya̱ nna̱tekuꞌ i̱i̱ꞌ re̱ꞌ nsa̱ꞌá Jesús.

Juan 19:35

Máá maá te̱e ya̱ niniꞌ maa ví ya̱ jiáꞌa ya̱ naáꞌ jie̱ꞌe̱ꞌ vá. Jee ya̱ naáꞌ kúvi tu̱ꞌun jiáꞌa‑a. Suvivá jíníꞌ‑i ya̱ káchíꞌ‑i ya̱ naáꞌ, sáva suni ránoꞌó kuneí iniꞌ rán Jesús.

Juan 21:24

Jee te̱e súkuáꞌa Jesús vá ya̱ ñúnúunꞌ víꞌí ka̱ꞌ Jesús kúvi ya̱ jiáꞌa ya̱ naáꞌ jie̱ꞌe̱ꞌ rá tiñu yaꞌá, jee ntee‑e rá tu̱ꞌun yaꞌá jie̱ꞌe̱ꞌ rá tiñu yaꞌá, jee jíníꞌ ráníꞌ ya̱ íyó na̱a̱ꞌ rá tu̱ꞌun jiáꞌa‑a.

Hechos 1:22

ne̱ sáá nsi̱kuánuté Juan Jesús jín ne̱ ki̱vɨ̱ꞌ nxi̱nóo Jesús maáó jee nnaa‑a súkún. Jee te̱e vá íyó kuiñɨ re̱ꞌ jín ránꞌ, sáva istúvi re̱ꞌ ya̱ naáꞌ nu̱u̱nꞌ rá ñɨvɨ, ya̱ Jesús nna̱tekuꞌ i̱i̱ꞌ‑i jee nnako̱o ñunéꞌyúꞌ‑u nteñu rá níꞌiꞌ ―nkachiꞌ Pedro.

Hechos 5:32

Jee ránuꞌuꞌ niniꞌ ránꞌ maa jee nástúvi ránꞌ ya̱ naáꞌ jie̱ꞌe̱ꞌ vá. Jee suni nástúvi Ta̱chi̱ꞌ Ííꞌ Ndiosíꞌ maa. Chi Ndiosíꞌ jiáꞌa re̱ꞌ Ta̱chi̱ꞌ Ííꞌ re̱ꞌ nu̱u̱nꞌ rá ñɨvɨ káníjiá ráa re̱ꞌ ―nkachiꞌ Pedro jín rá inka apóstol chúichí Ndiosíꞌ.

Apoclipsis 1:2

Jee njia̱ꞌa Juan ya̱ naáꞌ jie̱ꞌe̱ꞌ tu̱ꞌun njia̱ꞌa Ndiosíꞌ nu̱u̱nꞌ re̱ꞌ jín jie̱ꞌe̱ꞌ ya̱ naáꞌ ya̱ nstúvi Jesucristo ya̱ niniꞌ jínúunꞌ nijia re̱ꞌ.