Juan 11:52 - Mixteco del suroeste de Tlaxiaco Oaxaca

⁵² Jee nsú kua̱chi kuitɨꞌ jie̱ꞌe̱ꞌ rá ñɨvɨ ñuunꞌ yaꞌá kuviꞌ re̱ꞌ, chisaꞌ suni kuviꞌ re̱ꞌ sáva kua̱íyó kuitɨꞌ rá ñɨvɨ ya̱ kúvi se̱ꞌya Ndiosíꞌ ya̱ ñe̱te̱nuun ráa nééꞌ ráa rá ñuunꞌ íyó ñɨ̱vɨ́ yaꞌá, jee nastútú re̱ꞌ ráa sáva ɨɨn ni ka̱ꞌ nuvi nta̱ká ráa.

Juan 11:52 ပူးပေါင်းရင်းမြစ်များ

Génesis 49:10

Jee nkuíyo bastón nu̱u̱nꞌ Judá, jee kino̱o bastón te̱e néetiñu jín rá ichiyúkúnꞌ kiji nu̱u̱nꞌ re̱ꞌ ya̱ tatúníꞌ ráa ne̱kua̱ꞌ kiji te̱e xí karútíꞌ vá, jee rá ñɨvɨ ntáká rá ñuunꞌ kaníjiá ráa re̱ꞌ.

Lucas 15:8

’Jee, ¿né ɨɨn ñaꞌan kúmí va̱ꞌa ña u̱ji̱ꞌ xu̱ꞌún ka̱a plata jee retú sukuíta ña ɨɨn, jee á ntu su natee ña ñuꞌunꞌ jee nastá ña veꞌi ña jee nanukú ñunkúún kávii ña nekuaꞌ naniꞌinꞌ ña maa rúja?

Lucas 2:32

Jee maáréꞌ kúvi ɨɨn ñuꞌunꞌ ya̱ stúúnꞌ re̱ꞌ iniꞌ antúníꞌ rá ñɨvɨ ya̱ ntu kúvi ñɨvɨ ñuunꞌ Israel, ya̱ stúvi‑i ya̱ naáꞌ nu̱u̱nꞌ ráa, jee saꞌá re̱ꞌ ya̱ viiꞌ kúñáꞌnú rá ñɨvɨ ñuunꞌ nú Israel, nkachiꞌ Simeón.

Juan 1:12

Soo nta̱ká rá ñɨvɨ ya̱ nákuatáꞌví ráa re̱ꞌ, ya̱ kúneí iniꞌ ráa re̱ꞌ, jee jiáꞌayuꞌú re̱ꞌ ni̱ꞌi̱nꞌ ráa kuvi ráa se̱ꞌya Ndiosíꞌ.

Juan 1:29

Jee ki̱vɨ̱ꞌ steñu̱ꞌún jee niniꞌ Juan máá Jesús ya̱ váji‑i nu̱u̱nꞌ re̱ꞌ, jee nkachiꞌ re̱ꞌ nu̱u̱nꞌ rá ñɨvɨ: ―Kune̱ꞌyá rán chi te̱e yaꞌá kúvi kuéntáꞌ ɨɨn lanchi lúlí ya̱ nchu̱ichí Ndiosíꞌ maa, chi kuéntáꞌ jiáꞌníꞌ rá ñɨvɨ Israel lanchi lúlí sókóꞌ ráa maa nu̱u̱nꞌ Ndiosíꞌ jee sukuán sííyo te̱e yaꞌá kua̱chi si̱kɨ̱ꞌ rá ñɨvɨ.

Juan 10:16

Jee suni íyó ñɨvɨ inka nación ya̱ kúvi ráa lanchi ni̱ꞌ ya̱ ntu yɨ́ꞌɨ́ rátíꞌ kuráꞌ yaꞌá. Jee suni íyó kinake̱ꞌen ni̱ꞌ ráa ni̱vɨ ráa xi̱ntíín ni̱ꞌ. Jee teso̱ꞌo ráa ta̱chi̱ꞌ káꞌánꞌ ni̱ꞌ. Jee ɨɨn ni métúꞌún ñɨvɨ ni̱ꞌ nunkáꞌnú koo. Jee métúꞌún ni xí I̱toꞌoꞌ ráa koo kunaka ni̱ꞌ ráa.

Juan 12:32

Jee nuꞌuꞌ chi, sáá naneꞌen ráa nuꞌuꞌ nu̱u̱nꞌ kunintakaa ni̱ꞌ, jee naxtúꞌva ni̱ꞌ nta̱ká rá ñɨvɨ nu̱u̱nꞌ ni̱ꞌ ―nkachiꞌ Jesús.

Hechos 18:10

Chi íñɨ́ ni̱ꞌ jín nú. Ni ɨɨn ntu̱náꞌ kasɨꞌ nu̱u̱nꞌ nó sáva nsáꞌ saꞌá kini ráa nó. Chi íyó kue̱ꞌe̱ꞌ víꞌí ñɨvɨ ni̱ꞌ ki̱vɨ nu̱u̱nꞌ ni̱ꞌ ñuunꞌ yaꞌá.

Romanos 3:29

¿Á kúvi Ndiosíꞌ kua̱chi kuitɨꞌ Ndiosíꞌ rá ñɨvɨ Israel, résa? ¿Á ntu suni kúvi re̱ꞌ Ndiosíꞌ rá inka ñɨvɨ ya̱ ntu kúvi ráa ñɨvɨ Israel, résa? Va̱tu̱ꞌ nijia, suni kúvi re̱ꞌ Ndiosíꞌ ñɨvɨ rá inka nación.

Romanos 4:17

Suꞌva káchíꞌ tu̱ꞌun níso nu̱u̱nꞌ Tutuꞌ Ííꞌ ya̱ nkachiꞌ Ndiosíꞌ nu̱u̱nꞌ Abraham: “Ñani ni̱ꞌ noꞌó sáva kuvi nú tátáꞌ rá ñɨvɨ kue̱ꞌe̱ꞌ nación.” Ni̱nu̱ꞌ iniꞌ Abraham re̱ꞌ, chi maáréꞌ ví ya̱ nástekúꞌ i̱i̱ꞌ re̱ꞌ rá níꞌiꞌ jín ya̱ tátúníꞌ re̱ꞌ sáꞌá re̱ꞌ ya̱ koo rá nantíñú ya̱ ni ntiáꞌan koo.

Efesios 1:5

jee saá ya̱ nkuna̱a̱ꞌ ya̱chi̱ꞌ iniꞌ re̱ꞌ ya̱ nakeꞌen re̱ꞌ yó sáva kuvi‑ó se̱ꞌya re̱ꞌ jie̱ꞌe̱ꞌ ya̱ nsa̱ꞌá Jesús ya̱ kúvi Cristo. Nkuna̱a̱ꞌ ya̱chi̱ꞌ iniꞌ re̱ꞌ saꞌá re̱ꞌ suꞌva sánikua̱ꞌ nkuini re̱ꞌ sáni kúváꞌa iniꞌ re̱ꞌ.

Efesios 3:11

Jee nsa̱ꞌá re̱ꞌ sukuán sáni nkuna̱a̱ꞌ iniꞌ re̱ꞌ nɨ́ɨ́nkání, ya̱ nsi̱kúnkuvi I̱toꞌoꞌ‑ó Cristo Jesús tiñu vá.

Santiago 1:1

Maáníꞌ Jacobo, ya̱ kúvi ni̱ꞌ musúꞌ Ndiosíꞌ jín I̱toꞌoꞌ‑ó Jesús ya̱ níso re̱ꞌ tiñu Cristo, ya̱ ñani Ndiosíꞌ sáva tatúníꞌ nu̱u̱nꞌ nɨꞌɨ, tée ni̱ꞌ tutuꞌ yaꞌá nu̱u̱nꞌ ránoꞌó ya̱ kúneí iniꞌ Jesús, ya̱ kúvi rán sava ni uxúꞌ u̱vi̱ꞌ (12) rá tataꞌ ichiyúkúnꞌ nkene rán nu̱u̱nꞌ Israel, ya̱ ñéte̱nuun nu̱u̱nꞌ ñɨ̱vɨ́ yaꞌá. Tájí ni̱ꞌ tu̱ꞌun káva̱ꞌa nu̱u̱nꞌ rán.

1 Pedro 1:1

Nuꞌuꞌ Pedro níso ni̱ꞌ tiñu apóstol chúichí Jesús nuꞌuꞌ. Níso re̱ꞌ tiñu Cristo ya̱ chúichí re̱ꞌ nuꞌuꞌ sáva stékútu̱ꞌún ni̱ꞌ tu̱ꞌun re̱ꞌ. Tée ni̱ꞌ tutuꞌ yaꞌá kua̱jiááꞌ nu̱u̱nꞌ ránoꞌó ñɨvɨ ya̱ nka̱ji Ndiosíꞌ ya̱ kúvi rán to̱ꞌo̱ꞌ inka ñuunꞌ ñe̱te̱nuun rán nééꞌ rán nu̱u̱nꞌ rá ñuunꞌ Ponto, Galacia, Capadocia, Asia jín Bitinia.

1 Juan 2:2

Jee suvire̱ꞌ nso̱ko̱ꞌ re̱ꞌ maáréꞌ ni̱ꞌi̱ꞌ re̱ꞌ sáva kunekáꞌnú iniꞌ Ndiosíꞌ kua̱chi‑ó. Jee nsáꞌ níꞌiꞌ re̱ꞌ kua̱chi kuitɨꞌ jie̱ꞌe̱ꞌ kua̱chi maáó ni, chi suni ni̱ꞌi̱ꞌ re̱ꞌ jie̱ꞌe̱ꞌ kua̱chi ntáká rá ñɨvɨ íyó ñɨ̱vɨ́ yaꞌá.

1 Juan 3:1

Kune̱ꞌyá rán ya̱ na̱ka̱ꞌ váꞌ ñúnúunꞌ ka̱ꞌ Tátáꞌ‑ó Ndiosíꞌ yó ya̱ se̱ꞌya re̱ꞌ káꞌánꞌ re̱ꞌ yó, jee suvi kúvi nijia‑ó. Jee rá ñɨvɨ jiáꞌnu ñujiínꞌ ñɨ̱vɨ́ yaꞌá ntu̱ví tɨ́ɨn kuéntáꞌ ráa ya̱ kúvi‑ó se̱ꞌya Ndiosíꞌ, chi ntu jíníꞌ ráa re̱ꞌ.

1 Juan 3:10

Jee suꞌva túvi né ɨɨn nijia ví rá se̱ꞌya Ndiosíꞌ, jín né ɨɨn nijia ví rá se̱ꞌya kui̱ꞌna̱ꞌ kúñáꞌnú: nta̱ká ñɨvɨ ya̱ ntu jíka na̱a̱ꞌ jín ya̱ ntu ñúnúunꞌ ráa rá ñanitáꞌán ráa ya̱ yɨ́ꞌɨ́ nu̱u̱nꞌ Jesús, jee ntu̱ví kúvi ráa se̱ꞌya Ndiosíꞌ.

1 Juan 3:2

Ránoꞌó ya̱ ñúnúunꞌ ni̱ꞌ, vitan jee se̱ꞌya Ndiosíꞌ kúvi‑ó. Soo ntiáꞌan tu̱vi ná kúvi ya̱ koo maáó tiempúꞌ ichinúúnꞌ. Soo jíníꞌ‑ó ya̱ sáá kitu̱vi Jesús niji re̱ꞌ, jee nuún koo‑ó jín re̱ꞌ kuéntáꞌ íyó maáréꞌ, chi kuniꞌ‑ó re̱ꞌ sánikua̱ꞌ íyó nijia re̱ꞌ.

Apoclipsis 5:9

Jee jíta ráa ɨɨn yaaꞌ jiáá ya̱ káchíꞌ suꞌva: Noꞌó ví ya̱ íyó ni̱ꞌi̱nꞌ nú tɨɨn nú tutuꞌ i̱ña̱ꞌ jee kuvi kune nú rá seyúꞌ násɨ́ꞌ maa. Chi nso̱ko̱ꞌ nú maánú ñaꞌniꞌ rá ñɨvɨ noꞌó, jee jín ni̱ñɨ̱ꞌ nú nna̱chuya̱ꞌvi nú nkeꞌen nú rá ñɨvɨ sáva nuvi ráa ñɨvɨ Ndiosíꞌ. Rá ñɨvɨ vá va̱ji nu̱u̱nꞌ ntáká tataꞌ, ntáká ñɨvɨ ya̱ káꞌánꞌ ráa sɨ́ɨ́n sɨ́ɨ́n nu̱u̱nꞌ tu̱ꞌun nkaku ráa, ntáká ñuunꞌ, ntáká nu̱u̱nꞌ rá ñɨvɨ.