Juan 11:47 - Mixteco del suroeste de Tlaxiaco Oaxaca

⁴⁷ Saájee rá su̱tu̱ꞌ kúñáꞌnú jín rá te̱e ya̱ kúvi fariseo nku̱tútú ráa Junta Káꞌnú jín rá inka te̱e kúñáꞌnú, jee nkachiꞌ ráa: ―¿Ná kúvi ya̱ saꞌá‑o? Chi Jesús yaꞌá sáꞌá víꞌí re̱ꞌ rá seña a̱nasɨ́.

Juan 11:47 ပူးပေါင်းရင်းမြစ်များ

Mateo 26:3

Saájee tiempúꞌ yukuán jee rá su̱tu̱ꞌ kúñáꞌnú, jín rá te̱e xínéꞌénꞌ jie̱ꞌe̱ꞌ tu̱ꞌun nta̱túníꞌ Ndiosíꞌ, jín rá te̱e kúñáꞌnú yósóꞌ nu̱u̱nꞌ rá ñɨvɨ ñuunꞌ Israel, nnu̱tútú ráa veꞌi káꞌnú su̱tu̱ꞌ kúñáꞌnú ka̱ꞌ ya̱ naní Caifás.

Mateo 5:22

Soo nuꞌuꞌ káchíꞌ ni̱ꞌ nu̱u̱nꞌ ránú ya̱ néni ɨɨn ñɨvɨ ya̱ kítɨ́ꞌ iniꞌ‑i néꞌyá‑a ñanitáꞌán‑a, koo si̱kɨ̱ꞌ‑ɨ kɨ̱ꞌɨ̱nꞌ‑ɨ xi̱ntíín nu̱u̱nꞌ keꞌneꞌ kua̱chi. Jee néni ɨɨn ñɨvɨ tenu̱u̱nꞌ ñanitáꞌán‑a jee kachiꞌ nu̱u̱nꞌ ñanitáꞌán‑a ya̱ ntu̱náꞌ tiñu, jee kɨ̱ꞌɨ̱nꞌ‑ɨ ichinúúnꞌ rá te̱e nísotíñú ñáꞌnú ka̱ꞌ keꞌneꞌ ráa kua̱chi. Jee néni ɨɨn ñɨvɨ ya̱ kachiꞌ‑i: “Ñɨvɨ naanꞌ”, nu̱u̱nꞌ ñanitáꞌán‑a koo si̱kɨ̱ꞌ‑ɨ kɨ̱ꞌɨ̱nꞌ‑ɨ nu̱u̱nꞌ ñúꞌúnꞌ xéénꞌ.

Marcos 14:1

I̱ña̱jée ni̱yo u̱vi̱ꞌ ka̱ꞌ ki̱vɨ̱ꞌ jee koo viko Pascua jín viko yájíꞌ ráa i̱xta̱tíláꞌ ya̱ ntu yɨ́ꞌɨ́ levadura. Jee rá su̱tu̱ꞌ kúñáꞌnú jín rá te̱e xínéꞌénꞌ jie̱ꞌe̱ꞌ tu̱ꞌun nta̱túníꞌ Ndiosíꞌ yanaꞌán, núkú ráa na̱sa kuvi xináꞌví ráa Jesús, jee tɨɨn ráa re̱ꞌ, jee kaꞌniꞌ ráa re̱ꞌ.

Lucas 22:2

Jee rá su̱tu̱ꞌ kúñáꞌnú jín rá te̱e xínéꞌénꞌ jie̱ꞌe̱ꞌ tu̱ꞌun nta̱túníꞌ Ndiosíꞌ yanaꞌán, núkú ráa na̱ja kaꞌniꞌ ráa Jesús, chi yúꞌví ráa rá ñɨvɨ.

Juan 11:57

Jee rá su̱tu̱ꞌ kúñáꞌnú vá jín rá te̱e yɨ́ꞌɨ́ ñujiínꞌ fariseo vá nta̱túníꞌ ráa ya̱ néni ɨɨn rá ñɨvɨ jíníꞌ ráa nu̱u̱nꞌ nééꞌ Jesús, jee íyó kachiꞌ ráa maa, sáva tɨɨn rá te̱e kúñáꞌnú vá maa.

Juan 12:19

Saájee rá te̱e ya̱ yɨ́ꞌɨ́ ñujiínꞌ fariseo nkachiꞌ ráa nu̱u̱nꞌ táꞌán maáráa: ―¡Kune̱ꞌyá rán! ¡Ni ntu̱náꞌ kúvi kuitɨꞌ saꞌá‑ó! Chi kua̱íyó kuitɨꞌ rá ñɨvɨ ñɨ̱vɨ́ kua̱ꞌa̱nꞌ ráa níkɨ́nꞌ ráa maa ―nkachiꞌ ráa.

Juan 2:11

Jee tiñu yaꞌá ya̱ nsa̱ꞌá Jesús nu̱u̱nꞌ ñuunꞌ Caná ya̱ tɨ́ɨn Galilea nkuvi seña a̱nasɨ́ xíꞌnañúꞌún ya̱ nsa̱ꞌá Jesús. Jee seña yukuán nstúvi‑i ya̱ kúñáꞌnú nasɨ́kuitɨꞌ re̱ꞌ, jee rá te̱e súkuáꞌa re̱ꞌ ráa ni̱nu̱ꞌ iniꞌ ráa re̱ꞌ.

Juan 6:2

Jee kue̱ꞌe̱ꞌ víꞌí rá ñɨvɨ níkɨ́nꞌ ráa re̱ꞌ, chi nne̱ꞌyá ráa rá seña a̱nasɨ́ va̱ꞌa sáꞌá re̱ꞌ ya̱ xínúvi re̱ꞌ rá ñɨvɨ kúꞌvíꞌ.

Juan 7:32

Sáá nteso̱ꞌo rá te̱e fariseo tu̱ꞌun yaꞌá ya̱ káchíꞌ rá ñɨvɨ jee nchu̱ichí rá su̱tu̱ꞌ kúñáꞌnú jín rá fariseo vá rá te̱e kúmí yukuán sáva tɨɨn ráa Jesús.

Juan 7:45

Saájee rá te̱e kúmí veñu̱ꞌun káꞌnú nni̱kó ráa nu̱u̱nꞌ rá su̱tu̱ꞌ kúñáꞌnú jín nu̱u̱nꞌ rá fariseo. Jee ni̱ka̱tu̱ꞌún ráa rá te̱e vá jee nkachiꞌ ráa: ―¿Na̱ kuvi chi ntu̱ví va̱ji rán jín Jesús? ―nkachiꞌ ráa.

Hechos 5:21

Sáá nteso̱ꞌo ráa yaꞌá, jee sáá nku̱nijinꞌ jee nki̱vɨ ráa iniꞌ veñu̱ꞌun káꞌnú jee nka̱jiéꞌé ráa xinéꞌénꞌ ráa. Jee sáá nkenta maá su̱tu̱ꞌ kúñáꞌnú ka̱ꞌ jín rá te̱e íñɨ́ jín re̱ꞌ, jee nkana ráa rá te̱e kúñáꞌnú, sáva kutútú ntáká rá te̱e Justicia Ñáꞌnú nación Israel. Jee nta̱jí ráa ya̱ kuákeꞌen rá te̱e yɨ́ꞌɨ́ iniꞌ veka̱a.

Hechos 5:24

Sáá nteso̱ꞌo ráa rá tu̱ꞌun yaꞌá, jee maá su̱tu̱ꞌ kúñáꞌnú ka̱ꞌ, jín capitán yósóꞌ nu̱u̱nꞌ rá mayóríꞌ kúmí veñu̱ꞌun káꞌnú, jín rá su̱tu̱ꞌ kúñáꞌnú nku̱naanꞌ ráa ya̱ ná kúvi ya̱ kuvi ka̱ꞌ jín tiñu yaꞌá.