Juan 11:32 - Mixteco del suroeste de Tlaxiaco Oaxaca

³² Saájee nkenta ña nu̱u̱nꞌ íñɨ́ Jesús, jee nxi̱nániso ña maáña rá jie̱ꞌe̱ꞌ re̱ꞌ, jee nkachiꞌ ña nu̱u̱nꞌ re̱ꞌ: ―I̱toꞌoꞌ, retánꞌ nééꞌ nú yaꞌá, jee va̱ni nku̱víꞌ ku̱ꞌva ni̱ꞌ nékúvi ―nkachiꞌ ña.

Juan 11:32 ပူးပေါင်းရင်းမြစ်များ

Lucas 17:16

Jee nna̱kui̱ñɨ̱ꞌ ítɨ́‑ɨ jie̱ꞌe̱ꞌ Jesús, jee ña̱xin‑i nu̱u̱nꞌ‑u ne̱ nu̱u̱nꞌ ñu̱ꞌún, jiáꞌa‑a ya̱ kútaꞌviꞌ‑i nu̱u̱nꞌ Jesús. Jee kúvi‑i ɨɨn te̱e ñuunꞌ Samaria.

Lucas 5:8

Jee sáá niniꞌ Simón Pedro ya̱ nkuvi sukuán, jee nna̱kui̱ñɨ̱ꞌ ítɨ́ re̱ꞌ nu̱u̱nꞌ Jesús jee nkachiꞌ re̱ꞌ: ―Siíyo nú maánú nu̱u̱nꞌ nuꞌuꞌ, I̱toꞌoꞌ ni̱ꞌ, chi te̱e kua̱chi kúvi ni̱ꞌ ―nkachiꞌ re̱ꞌ.

Lucas 8:41

Saájee yukuán nkenta ɨɨn te̱e naní re̱ꞌ Jairo, kúvi re̱ꞌ ɨɨn te̱e kúñáꞌnú nééꞌ kuéntáꞌ re̱ꞌ veꞌi sinagoga nu̱u̱nꞌ kútútú rá ñɨvɨ Israel súkuáꞌa ráa Tu̱ꞌun Ndiosíꞌ, jee ña̱kui̱ñɨ̱ꞌ ítɨ́ re̱ꞌ ña̱xin re̱ꞌ maáréꞌ nu̱u̱nꞌ ñuꞌun jie̱ꞌe̱ꞌ Jesús, jee ni̱ka̱nꞌ táꞌvíꞌ re̱ꞌ nu̱u̱nꞌ‑u ya̱ kɨ̱ꞌɨ̱nꞌ‑ɨ veꞌi re̱ꞌ jín re̱ꞌ.

Juan 11:2

(Jee María ví ñaꞌan ya̱ nchiꞌi ña aceite ya̱ jiáꞌánꞌ vi̱xi̱ꞌ jie̱ꞌe̱ꞌ I̱toꞌoꞌ‑ó, jee nxi̱náchi ña jie̱ꞌe̱ꞌ re̱ꞌ jín ixi xíníꞌ ña. Jee kúvi ña ku̱ꞌva Lázaro ya̱ kúꞌvíꞌ re̱ꞌ.)

Juan 11:21

Saájee nkachiꞌ Marta nu̱u̱nꞌ Jesús: ―I̱toꞌoꞌ, retánꞌ nneeꞌ nú yaꞌá, jee va̱ni nku̱víꞌ ku̱ꞌva ni̱ꞌ nékúvi.

Juan 11:37

Soo sava ka̱ꞌ rá ñɨvɨ vá nkachiꞌ: ―Te̱e yaꞌá jee nkuvi nsa̱ꞌá re̱ꞌ ya̱ nnu̱nijinꞌ rá titɨ nchinúún te̱e kuáá. Jee, ¿á suni kuvi saꞌá re̱ꞌ ya̱ nku̱víꞌ Lázaro yaꞌá nékúvi? ―nkachiꞌ ráa.

Juan 4:49

Jee nkachiꞌ te̱e nísotíñú vá: ―Tátáꞌ, kɨ̱ꞌɨ̱nꞌ nú ne̱ ntiáꞌan ka̱ꞌ kuviꞌ se̱ꞌya ni̱ꞌ ―nkachiꞌ re̱ꞌ.

Apoclipsis 22:8

Nuꞌuꞌ, Juan, nuꞌuꞌ ví ya̱ nteso̱ꞌo ni̱ꞌ jee niniꞌ jínúunꞌ ni̱ꞌ ntáká rá tu̱ꞌun yaꞌá jín tiñu yaꞌá. Jee sáá nkuvi nteso̱ꞌo ni̱ꞌ rá tu̱ꞌun vá, jín rá tiñu niniꞌ jínúunꞌ ni̱ꞌ vá, jee nna̱kui̱ñɨ̱ꞌ ítɨ́ ni̱ꞌ jiáxin ni̱ꞌ maáníꞌ ne̱ nu̱u̱nꞌ ñuꞌun jie̱ꞌe̱ꞌ najiáꞌáꞌ ííꞌ vá ya̱ nstúvi‑i rá tiñu vá nu̱u̱nꞌ nuꞌuꞌ sáva kuneñu̱ꞌun ni̱ꞌ maa nékúvi.

Apoclipsis 5:14

Saájee nkachiꞌ ni kúmíꞌ rá tékúꞌ vá: ―Sukuán koo ―nkachiꞌ ráa. Jee ni ókóꞌ ku̱mi̱ꞌ (24) rá te̱e kúñáꞌnú vá nna̱kui̱ñɨ̱ꞌ ítɨ́ ráa jiáxin ráa maáráa ne̱ nu̱u̱nꞌ ñuꞌun, jee nneñu̱ꞌun ráa [maáréꞌ ya̱ nééꞌ re̱ꞌ teyuꞌ nu̱u̱nꞌ tátúníꞌ re̱ꞌ, jín maáréꞌ ya̱ kúvi re̱ꞌ Lanchi Lúlí Ndiosíꞌ].

Apoclipsis 5:8

Jee sáá ntɨɨn re̱ꞌ tutuꞌ vá, jee ni kúmíꞌ rá tékúꞌ vá, jín ni ókóꞌ ku̱mi̱ꞌ (24) rá te̱e kúñáꞌnú vá nna̱kui̱ñɨ̱ꞌ ítɨ́ ráa jiáxin ráa maáráa ne̱ nu̱u̱nꞌ ñuꞌún nu̱u̱nꞌ re̱ꞌ. Jee ta ɨɨn ɨɨn rá te̱e kúñáꞌnú vá ínaꞌá ráa yaaꞌ naní arpa, jín ko̱ꞌo̱ꞌ oro ñúꞌún chitú su̱jie ííꞌ iniꞌ ráa. Jee rá su̱jie ííꞌ vá kúvi ráa rá tu̱ꞌun ya̱ káꞌánꞌ rá ñɨvɨ Ndiosíꞌ jín re̱ꞌ jee kúvi rá ñɨvɨ vá ya̱ nsa̱ꞌá sɨ́ɨ́n re̱ꞌ ráa sáva kuvi ráa ñɨvɨ re̱ꞌ.