Juan 11:28 - Mixteco del suroeste de Tlaxiaco Oaxaca

²⁸ Jee sáá nkuvi nkachiꞌ Marta sukuán, jee kua̱kana ña ku̱ꞌvi̱ꞌ ña María, jee nkachiꞌ yuꞌuꞌ ña nu̱u̱nꞌ‑u: ―Máá mestrúꞌ íyó re̱ꞌ yaꞌá jee kána re̱ꞌ noꞌó ―nkachiꞌ Marta.

Juan 11:28 ပူးပေါင်းရင်းမြစ်များ

Mateo 26:18

Saájee nkachiꞌ Jesús nu̱u̱nꞌ ráa: ―Kuáꞌán rán nu̱u̱nꞌ íyótúníꞌ ɨɨn te̱e jee kachiꞌ rán nu̱u̱nꞌ re̱ꞌ: “Káchíꞌ Mestrúꞌ ya̱: Ya nku̱yatin ki̱vɨ̱ꞌ ñani Ndiosíꞌ ya̱ kuviꞌ ni̱ꞌ, jee veꞌi nú kuxíní ni̱ꞌ viko Pascua jín rá te̱e ya̱ súkuáꞌa ni̱ꞌ ráa”, kachiꞌ rán ―nkachiꞌ Jesús.

Marcos 10:49

Saájee ña̱kui̱ñɨ̱ꞌ Jesús jee nkachiꞌ‑i: ―Kana rán maa. Jee nkana ráa te̱e kuáá vá, jee nkachiꞌ ráa nu̱u̱nꞌ‑u: ―¡Neí koo iniꞌ nú! ¡Nakuiñɨꞌ! Chi kána re̱ꞌ noꞌó.

Marcos 14:14

Jee nu̱u̱nꞌ ki̱vɨ re̱ꞌ, jee kachiꞌ rán nu̱u̱nꞌ te̱e xí veꞌi vá: “Maá Mestrúꞌ káchíꞌ: ¿Né núꞌ íyó ɨɨn iniꞌ veꞌi nu̱u̱nꞌ kuneeꞌ ni̱ꞌ nu̱u̱nꞌ kuvi kuxíní ni̱ꞌ viko Pascua jín rá te̱e kútáꞌán jín ni̱ꞌ súkuáꞌa ni̱ꞌ ráa?”

Lucas 22:11

Jee kachiꞌ rán nu̱u̱nꞌ te̱e xí veꞌi vá: “Káchíꞌ Mestrúꞌ nu̱u̱nꞌ nú: ¿Né núꞌ íyó ɨɨn iniꞌ veꞌi nu̱u̱nꞌ kuneeꞌ ni̱ꞌ nu̱u̱nꞌ kuvi kuxíní ni̱ꞌ viko Pascua jín rá te̱e kútáꞌán jín ni̱ꞌ súkuáꞌa ni̱ꞌ ráa?, kachiꞌ rán.”

Juan 1:41

Saájee ña̱nanukú‑u ñaniꞌ‑i Simón, jee nkachiꞌ‑i nu̱u̱nꞌ Simón: ―Nna̱ketáꞌán ránꞌ Mesías ―nkachiꞌ re̱ꞌ. Mesías kuíni kachiꞌ Cristo [ya̱ ñani Ndiosíꞌ sáva tatúníꞌ nu̱u̱nꞌ ñɨ̱vɨ́].

Juan 1:45

Saájee ña̱nanukú Felipe Natanael, jee nkachiꞌ re̱ꞌ nu̱u̱nꞌ‑u: ―Nna̱ketáꞌán ránꞌ maáréꞌ ya̱ kúvi te̱e jie̱ꞌe̱ꞌ ya̱ ntee Moisés nu̱u̱nꞌ Tutuꞌ Ííꞌ níso tu̱ꞌun ley Ndiosíꞌ, jín suni jie̱ꞌe̱ꞌ‑e ya̱ ntee rá te̱e ya̱ nna̱kani tu̱ꞌun nkene yuꞌú Ndiosíꞌ ne̱ yanaꞌán. Jee yaꞌá ví Jesús se̱ꞌya José ya̱ kúvi te̱e ñuunꞌ Nazaret ―nkachiꞌ Felipe.

Juan 10:3

Jee te̱e ya̱ kúmí yuvéꞌí kuráꞌ lanchi, jee jíne re̱ꞌ yuvéꞌí sáva ki̱vɨ te̱e vá. Jee nákuniꞌ rá lanchi re̱ꞌ ta̱chi̱ꞌ káꞌánꞌ re̱ꞌ, jee sáá nákana re̱ꞌ rá lanchi maáréꞌ jee káꞌánꞌ re̱ꞌ súví ta ɨɨn rátíꞌ, jee táváꞌ re̱ꞌ rátíꞌ iniꞌ kuráꞌ.

Juan 11:20

Saájee sáá nteso̱ꞌo Marta ya̱ váji Jesús, jee nkene ña kua̱taꞌanꞌ ña re̱ꞌ. Soo María nkino̱o ña veꞌi.

Juan 11:29

Jee sáá nteso̱ꞌo María rá tu̱ꞌun yaꞌá, jee ntañúꞌún kuitɨꞌ nna̱kuiñɨꞌ ña jee kua̱ꞌa̱nꞌ ña nu̱u̱nꞌ Jesús.

Juan 11:30

Jee ni ntiáꞌan ka̱ꞌ ki̱vɨ Jesús nu̱u̱nꞌ ñuunꞌ, chi íñɨ́ i̱i̱ꞌ re̱ꞌ nu̱u̱nꞌ ña̱taꞌanꞌ Marta re̱ꞌ.

Juan 13:13

Chi ránoꞌó jee káchíꞌ rán ya̱ Mestrúꞌ jín I̱toꞌoꞌ kúvi ni̱ꞌ. Soo va̱tu̱ni káchíꞌ nijia rán maa, chi maáníꞌ kúvi nijia sukuán.

Juan 20:16

Nkachiꞌ Jesús nu̱u̱nꞌ ña: ―¡María! Jee nna̱koto ña jee káꞌánꞌ ña tu̱ꞌun hebreo jee nkachiꞌ ña: ―¡Raboni! ―ya̱ kuíni káchíꞌ Mestrúꞌ.

Juan 21:7

Saájee te̱e ya̱ súkuáꞌa Jesús maa ya̱ nñunu̱u̱nꞌ re̱ꞌ nkachiꞌ te̱e vá nu̱u̱nꞌ Pedro: ―¡Máá I̱toꞌoꞌ‑ó kúvi‑i! Sáá nteso̱ꞌo Simón Pedro ya̱ suvire̱ꞌ ví I̱toꞌoꞌ, jee nna̱ku̱ꞌun Pedro saꞌma re̱ꞌ (chi ntavaꞌ re̱ꞌ maa), jee íchíni nnava re̱ꞌ nu̱u̱nꞌ nute.

1 Tesalonicenses 5:11

Saáva nasáneí rán iniꞌ ɨɨn inka rán, jee sikújia rán iniꞌ ɨɨn inka rán, sáva kuneí ka̱ꞌ iniꞌ rán Jesús, sánikua̱ꞌ ya̱ sáꞌá rán.

Hebreos 12:12

Saáva, nakei iniꞌ rán kuéntáꞌ náskaáꞌ rán naꞌá rán ya̱ kuítá jín rá va̱u xi̱nitɨ́ꞌ rán ya̱ jíjin.