Juan 11:22 - Mixteco del suroeste de Tlaxiaco Oaxaca

²² Soo ne̱ vitan jee jíníꞌ ni̱ꞌ ya̱ nta̱ká ya̱ ka̱ka̱nꞌ nú nu̱u̱nꞌ Ndiosíꞌ, jee taji re̱ꞌ maa nu̱u̱nꞌ nú ―nkachiꞌ ña.

Juan 11:22 ပူးပေါင်းရင်းမြစ်များ

Mateo 28:18

Saájee ña̱kuyatin Jesús nu̱u̱nꞌ ráa, jee nkachiꞌ re̱ꞌ nu̱u̱nꞌ ráa: ―Ntaji Tátáꞌ ni̱ꞌ Ndiosíꞌ ntáká tiñu ñáꞌnú kunisotíñú ni̱ꞌ antivɨ́ súkún jín iniꞌ ñɨ̱vɨ́ yaꞌá.

Marcos 9:23

Jee Jesús nkachiꞌ nu̱u̱nꞌ re̱ꞌ: ―¡Né núꞌ vá nkúvi ví! Nɨꞌɨ ni nu̱u̱nꞌ vá kuvi saꞌá ni̱ꞌ ya̱ kuvi nu̱u̱nꞌ ɨɨn ñɨvɨ ya̱ kúneí iniꞌ ñɨvɨ vá nuꞌuꞌ.

Juan 11:23

Jee nkachiꞌ Jesús nu̱u̱nꞌ ña: ―Natekuꞌ i̱i̱ꞌ ku̱ꞌva nú nako̱o re̱ꞌ ―nkachiꞌ Jesús.

Juan 17:2

Chi ntaji nú tiñu níso ni̱ꞌ ya̱ tátúníꞌ ni̱ꞌ nu̱u̱nꞌ ntáká ñɨvɨ ñɨ̱vɨ́, sáva ntáká rá ñɨvɨ ya̱ ntaji nú nu̱u̱nꞌ ni̱ꞌ kɨꞌɨ ráa nu̱u̱nꞌ ni̱ꞌ, ni̱ꞌi̱nꞌ ráa ya̱ kutekuꞌ ráa nɨ́ɨ́nkání jín‑ó saꞌá ni̱ꞌ.

Juan 3:35

Chi Ndiosíꞌ ya̱ kúvi Tátáꞌ jee ñúnúunꞌ re̱ꞌ Se̱ꞌya re̱ꞌ jee nɨꞌɨ nna̱chiꞌi re̱ꞌ naꞌá Se̱ꞌya re̱ꞌ.

Juan 9:31

Jee jíníꞌ‑ó ya̱ Ndiosíꞌ ntu̱ví tɨ́ɨn kuéntáꞌ re̱ꞌ rá tu̱ꞌun jíkánꞌ táꞌvíꞌ rá ñɨvɨ íyó kua̱chi nu̱u̱nꞌ re̱ꞌ. Soo retú ɨɨn ñɨvɨ ya̱ ñúyúꞌví iniꞌ‑i Ndiosíꞌ, jee retú saꞌá‑a ya̱ sáni kuíni re̱ꞌ, saájee tɨ́ɨn kuéntáꞌ re̱ꞌ maa.