Juan 11:19 - Mixteco del suroeste de Tlaxiaco Oaxaca

¹⁹ Jee kue̱ꞌe̱ꞌ víꞌí rá ñɨvɨ Israel yukuán nkenta ráa nu̱u̱nꞌ nééꞌ Marta jín María, sáva nasaꞌá neí ráa iniꞌ ráña, jie̱ꞌe̱ꞌ ya̱ níꞌiꞌ ku̱ꞌva ráña.

Juan 11:19 ပူးပေါင်းရင်းမြစ်များ

Génesis 37:35

Jee ntáká rá se̱ꞌya yɨ́ɨ́ re̱ꞌ jín rá se̱ꞌya sɨ́ꞌɨ́ re̱ꞌ nkuini ráa nasaꞌá va̱ꞌa ráa iniꞌ re̱ꞌ, soo ntu̱ví nkuíni re̱ꞌ nuva̱ꞌa iniꞌ re̱ꞌ, chisaꞌ nkachiꞌ re̱ꞌ: “Koo tu̱nkuéká iniꞌ ni̱ꞌ jie̱ꞌe̱ꞌ se̱ꞌya ni̱ꞌ ne̱kua̱ꞌ kɨ̱ꞌɨ̱nꞌ ni̱ꞌ nutútú ni̱ꞌ jín re̱ꞌ nteñu rá níꞌiꞌ.”

Lucas 10:39

Jee íyó ɨɨn ku̱ꞌvi̱ꞌ ñaꞌan yaꞌá ya̱ naní María, jee ña̱kuneeꞌ María xiín jie̱ꞌe̱ꞌ Jesús, jee tésóꞌo ña tu̱ꞌun ya̱ káchíꞌ re̱ꞌ.

Lucas 10:42

Soo íyó métúꞌún ɨɨn jie̱ꞌe̱ꞌ jíniñúꞌún ñɨvɨ, chi María jee nka̱ji ña máá tiñu váꞌa ka̱ꞌ máá ñáꞌnú ka̱ꞌ, jee ntu̱náꞌ yó kaneeꞌ maa nu̱u̱nꞌ ña ―nkachiꞌ Jesús.

Juan 1:19

Jee rá tee nísotíñú nu̱u̱nꞌ rá ñɨvɨ Israel nchu̱ichí ráa sava rá su̱tu̱ꞌ jín sava rá te̱e tataꞌ Leví, ya̱ sátíñú nu̱u̱nꞌ veñu̱ꞌun káꞌnú, ne̱ nu̱u̱nꞌ ñuunꞌ Jerusalén kɨ̱ꞌɨ̱nꞌ ráa nu̱u̱nꞌ Juan sáva katu̱ꞌún ráa re̱ꞌ: ―¿Né ɨɨn kúvi nú? Jee yaꞌá ví ya̱ naáꞌ njia̱ꞌa Juan.

Juan 11:1

Jee ni̱yo ɨɨn te̱e naní Lázaro ya̱ kúꞌvíꞌ re̱ꞌ. Kúvi re̱ꞌ te̱e ñuunꞌ Betania ya̱ kúvi ñuunꞌ María jín ku̱ꞌvi̱ꞌ ña Marta.

Juan 11:31

Saájee rá ñɨvɨ Israel ya̱ nééꞌ jín ña iniꞌ veꞌi ña jee nasaꞌá neí ráa iniꞌ ña, jee sáá niniꞌ ráa ya̱ numíjiꞌíꞌ nna̱kuiñɨꞌ ña jee nkene ña, jee nchi̱nikɨnꞌ rává ña, chi nkaꞌvi iniꞌ ráa ya̱ kua̱ꞌa̱nꞌ ña nu̱u̱nꞌ kava nu̱u̱nꞌ nse̱ꞌí ráa ku̱ꞌva ña sáva kunaꞌyuꞌ ña yukuán.

Juan 11:33

Saájee sáá niniꞌ Jesús ya̱ náꞌyúꞌ ña, jín rá ñɨvɨ Israel ya̱ kútáꞌán jín ña nkenta ráa yukuán náꞌyúꞌ ráa, jee nku̱níní iniꞌ ánímaꞌ re̱ꞌ jee nnu̱kuéká iniꞌ re̱ꞌ.

Juan 11:36

Saájee nkachiꞌ rá ñɨvɨ Israel vá: ―Kune̱ꞌyá rán, na̱ ka̱ꞌ nñunu̱u̱nꞌ re̱ꞌ ka̱ꞌ maa ―nkachiꞌ ráa.

Juan 11:45

Saájee kue̱ꞌe̱ꞌ víꞌí rá ñɨvɨ Israel ya̱ váji kútáꞌán jín María, jee sáá niniꞌ ráa rá tiñu ya̱ nsa̱ꞌá Jesús jee ni̱nu̱ꞌ iniꞌ ráa re̱ꞌ.

Juan 11:8

Jee nkachiꞌ rá te̱e súkuáꞌa re̱ꞌ ráa nu̱u̱nꞌ re̱ꞌ: ―Mestrúꞌ, sukuán yatin ni ya̱ nkuini rá te̱e kúñáꞌnú nu̱u̱nꞌ ñɨvɨ Israel kuun ráa yu̱u̱ꞌ noꞌó jee, ¿á tukuni kuíni nú ya̱ kɨ̱ꞌɨ̱nꞌ nú yukuán rúja? ―nkachiꞌ ráa.

Romanos 12:15

Jee kusɨ̱ɨ̱ꞌ iniꞌ rán jín rá ñɨvɨ ya̱ kúsɨ́ɨꞌ iniꞌ ya̱ va̱ꞌa kua̱ꞌa̱nꞌ jín‑i, jee jiaku iniꞌ rán jín rá ñɨvɨ jiáku iniꞌ.

2 Corintios 1:4

Chi suvire̱ꞌ násaváꞌa re̱ꞌ iniꞌ‑ó nu̱u̱nꞌ nta̱ká rá tu̱nóꞌó nóꞌo‑ó, sáva suni maáó ranika̱ꞌ kuvi nasaváꞌa‑ó iniꞌ rá ñɨvɨ ya̱ nóꞌo rá na̱ni tu̱nóꞌó. Chi nasaváꞌa‑ó iniꞌ ráa sánikua̱ꞌ nna̱saváꞌa Ndiosíꞌ iniꞌ‑ó.

1 Tesalonicenses 4:18

Saáva nasáneí rán iniꞌ ɨɨn inka rán jín rá tu̱ꞌun yaꞌá.

1 Tesalonicenses 5:11

Saáva nasáneí rán iniꞌ ɨɨn inka rán, jee sikújia rán iniꞌ ɨɨn inka rán, sáva kuneí ka̱ꞌ iniꞌ rán Jesús, sánikua̱ꞌ ya̱ sáꞌá rán.