Juan 10:32 - Mixteco del suroeste de Tlaxiaco Oaxaca

³² Jee nna̱xiníkó Jesús nu̱u̱nꞌ ráa: ―Ya nstúvi ni̱ꞌ kue̱ꞌe̱ꞌ víꞌí tiñu va̱ꞌa nu̱u̱nꞌ rán, ya̱ ntaji Tátáꞌ ni̱ꞌ nu̱u̱nꞌ ni̱ꞌ saꞌá ni̱ꞌ. Jee, ¿jie̱ꞌe̱ꞌ né ɨɨn rá tiñu váꞌa yaꞌá kúvi ya̱ kuun rán yu̱u̱ꞌ nuꞌuꞌ rúsa? ―nkachiꞌ Jesús.

Juan 10:32 ပူးပေါင်းရင်းမြစ်များ

Mateo 11:5

Rá ñɨvɨ kuáá jee núnijinꞌ nchinúún ráa jee nákune̱ꞌyá ráa, jee rá ñɨvɨ lénkó nákaka ráa, jee rá ñɨvɨ nóꞌo kue̱ꞌi̱ꞌ ni̱ꞌyɨ stéꞌyúꞌ ñɨɨn naní lepra jee kuíyo ni̱ꞌyɨ ñɨɨn ráa jee nónoo ráa nu̱u̱nꞌ kue̱ꞌi̱ꞌ ráa, jee rá ñɨvɨ sóꞌó jee núnijinꞌ so̱ꞌo ráa, jee rá ni̱yɨ jee nátekuꞌ ráa sáꞌá ni̱ꞌ, jee nu̱u̱nꞌ rá ñɨvɨ láꞌví káchítu̱ꞌún ni̱ꞌ tu̱ꞌun váꞌa jie̱ꞌe̱ꞌ nuꞌuꞌ ya̱ kuvi ni̱ꞌi̱nꞌ ráa ya̱ natavaꞌ ni̱ꞌ ráa nu̱u̱nꞌ kua̱chi ráa sikáku ni̱ꞌ ráa.

Juan 10:25

Jee nna̱xiníkó Jesús nu̱u̱nꞌ ráa: ―Ya nkachiꞌ ni̱ꞌ maa nu̱u̱nꞌ rán, soo ntu̱ví jínúꞌ iniꞌ rán maa. Jee rá tiñu va̱ꞌa a̱nasɨ́ ya̱ sáꞌá ni̱ꞌ nu̱u̱nꞌ súví Tátáꞌ ni̱ꞌ, jee rá yaꞌá jiáꞌa ya̱ naáꞌ jie̱ꞌe̱ꞌ nuꞌuꞌ.

Juan 10:31

Saájee rá te̱e kúñáꞌnú nu̱u̱nꞌ ñuunꞌ Israel nna̱keꞌen tuku ráa yu̱u̱ꞌ sáva kuun ráa maa Jesús.

Juan 10:33

Jee rá te̱e kúñáꞌnú nu̱u̱nꞌ ñuunꞌ Israel nna̱xiníkó ráa nu̱u̱nꞌ Jesús: ―Nsú jie̱ꞌe̱ꞌ ɨɨn tiñu va̱ꞌa nsa̱ꞌá nú kúvi ya̱ kuun ránꞌ yu̱u̱ꞌ noꞌó, chisaꞌ jie̱ꞌe̱ꞌ ya̱ káꞌánꞌ nú tu̱níváꞌa jie̱ꞌe̱ꞌ Ndiosíꞌ kúvi ya̱ kuun ránꞌ yu̱u̱ꞌ noꞌó. Chi noꞌó ya̱ kúvi nú te̱e, jee káchíꞌ nú ya̱ kúvi nú Ndiosíꞌ ―nkachiꞌ ráa.

Juan 10:37

Retú ntu̱ví sáꞌá ni̱ꞌ rá tiñu sáꞌá Tátáꞌ ni̱ꞌ, jee koto jínúꞌ iniꞌ rán nuꞌuꞌ.

Juan 5:36

’Soo íyó ɨɨn ya̱ jiáꞌa ya̱ naáꞌ máá ñáꞌnú yɨ́yáꞌvi ka̱ꞌ jie̱ꞌe̱ꞌ ni̱ꞌ nsú káꞌ ya̱ njia̱ꞌa Juan. Chi rá tiñu ya̱ ntaji Tátáꞌ ni̱ꞌ sáva sikúnkuvi ni̱ꞌ, jee rá tiñu vá ya̱ sáꞌá ni̱ꞌ jiáꞌa ya̱ naáꞌ jie̱ꞌe̱ꞌ ni̱ꞌ, chi rá tiñu vá stúvi ya̱ Tátáꞌ ni̱ꞌ nchu̱ichí re̱ꞌ nuꞌuꞌ.

Hechos 10:38

Jesús kúvi re̱ꞌ te̱e ñuunꞌ Nazaret. Jíníꞌ rán ya̱ ñani Ndiosíꞌ re̱ꞌ jee njia̱ꞌa‑a nu̱u̱nꞌ re̱ꞌ Ta̱chi̱ꞌ Ííꞌ‑i jín fuersáꞌ ííꞌ‑i. Jee ni̱kónúun re̱ꞌ nsa̱ꞌá re̱ꞌ ya̱ váꞌa, jee nxi̱núvi re̱ꞌ rá ñɨvɨ nóꞌo sáꞌá kui̱ꞌna̱ꞌ kúñáꞌnú, chi Ndiosíꞌ íñɨ́ jín re̱ꞌ.

Hechos 2:22

Jee suni nkachiꞌ Pedro nu̱u̱nꞌ ráa: ―¡Ránoꞌó tántéyɨ́ɨ́ Israel! Teso̱ꞌo rán rá tu̱ꞌun yaꞌá. Jesús, ya̱ váji ñuunꞌ Nazaret, nstúvi Ndiosíꞌ nteñu ránoꞌó ya̱ nchu̱ichí re̱ꞌ maa. Chi nsa̱ꞌá Ndiosíꞌ, ya̱ nsa̱ꞌá re̱ꞌ rá milagrúꞌ, rá tiñu a̱nasɨ́ ya̱ nsa̱ꞌá‑a ya̱ nti̱vɨ́ xíniꞌ‑ó, jín rá seña, ya̱ stúvi ya̱ kúñáꞌnú ví re̱ꞌ. Nsa̱ꞌá re̱ꞌ rá yaꞌá nteñu ránú, sáni ya̱ jíníꞌ ránú.

1 Juan 3:12

Jee koto sáꞌá‑ó kuéntáꞌ nsa̱ꞌá Caín, ya̱ ni̱ñɨ re̱ꞌ jín kui̱ꞌna̱ꞌ kúñáꞌnú, jee ñaꞌniꞌ re̱ꞌ ñaniꞌ re̱ꞌ. Jee, ¿na̱ jie̱ꞌe̱ꞌ chi ñaꞌniꞌ re̱ꞌ maa, résa? Chi rá tiñu ya̱ nsa̱ꞌá re̱ꞌ nkuvi ya̱ niváꞌa, jee rá tiñu nsa̱ꞌá ñaniꞌ re̱ꞌ nkuvi ya̱ naáꞌ.