Juan 10:31 - Mixteco del suroeste de Tlaxiaco Oaxaca

³¹ Saájee rá te̱e kúñáꞌnú nu̱u̱nꞌ ñuunꞌ Israel nna̱keꞌen tuku ráa yu̱u̱ꞌ sáva kuun ráa maa Jesús.

Juan 10:31 ပူးပေါင်းရင်းမြစ်များ

Mateo 12:14

Saájee nkene rá te̱e grupo fariseo vá kua̱ꞌa̱nꞌ ráa, jee nátúꞌún ráa na̱ja saꞌá ráa sáva kuvi kaꞌniꞌ ráa Jesús.

Mateo 21:35

Soo rá te̱e sátíñú vá ntɨɨn ráa rá musúꞌ re̱ꞌ vá, jee ɨɨn rá musúꞌ re̱ꞌ vá njia̱ꞌa ráa maa, jee inka ka̱ꞌ ñaꞌniꞌ ráa maa, jee inka ka̱ꞌ chi nkuun ráa yu̱u̱ꞌ maa.

Mateo 23:35

Saáva si̱kɨ̱ꞌ ránoꞌó nakuniꞌi nɨꞌɨ kua̱chi si̱kɨ̱ꞌ rán kunoꞌo rán jie̱ꞌe̱ꞌ nɨꞌɨ rá ñɨvɨ na̱a̱ꞌ váꞌa ya̱ ñaꞌniꞌ nu̱u̱nꞌ ñɨ̱vɨ́ yaꞌá, ne̱ sáá ñaꞌniꞌ ñɨvɨ Abel ya̱ kúvi te̱e na̱a̱ꞌ, jín ne̱ sáá ñaꞌniꞌ rá ñɨvɨ Zacarías se̱ꞌya Berequías ma̱ꞌñú veñu̱ꞌun káꞌnú i̱i̱ꞌ jín xíín altar nu̱u̱nꞌ sókóꞌ rá sa̱na̱ꞌ nu̱u̱nꞌ Ndiosíꞌ.

Juan 1:19

Jee rá tee nísotíñú nu̱u̱nꞌ rá ñɨvɨ Israel nchu̱ichí ráa sava rá su̱tu̱ꞌ jín sava rá te̱e tataꞌ Leví, ya̱ sátíñú nu̱u̱nꞌ veñu̱ꞌun káꞌnú, ne̱ nu̱u̱nꞌ ñuunꞌ Jerusalén kɨ̱ꞌɨ̱nꞌ ráa nu̱u̱nꞌ Juan sáva katu̱ꞌún ráa re̱ꞌ: ―¿Né ɨɨn kúvi nú? Jee yaꞌá ví ya̱ naáꞌ njia̱ꞌa Juan.

Juan 10:24

Jee rá te̱e kúñáꞌnú nu̱u̱nꞌ Israel nkuti̱yu̱ꞌ ráa nu̱u̱nꞌ Jesús, jee nkachiꞌ ráa: ―¿Na̱sa ka̱ꞌ tiempúꞌ vá íyó chuꞌun níní nú iniꞌ ránꞌ? Retú noꞌó ví máá Cristo, jee kachiꞌ kájí maa nu̱u̱nꞌ ránꞌ.

Juan 10:32

Jee nna̱xiníkó Jesús nu̱u̱nꞌ ráa: ―Ya nstúvi ni̱ꞌ kue̱ꞌe̱ꞌ víꞌí tiñu va̱ꞌa nu̱u̱nꞌ rán, ya̱ ntaji Tátáꞌ ni̱ꞌ nu̱u̱nꞌ ni̱ꞌ saꞌá ni̱ꞌ. Jee, ¿jie̱ꞌe̱ꞌ né ɨɨn rá tiñu váꞌa yaꞌá kúvi ya̱ kuun rán yu̱u̱ꞌ nuꞌuꞌ rúsa? ―nkachiꞌ Jesús.

Juan 11:8

Jee nkachiꞌ rá te̱e súkuáꞌa re̱ꞌ ráa nu̱u̱nꞌ re̱ꞌ: ―Mestrúꞌ, sukuán yatin ni ya̱ nkuini rá te̱e kúñáꞌnú nu̱u̱nꞌ ñɨvɨ Israel kuun ráa yu̱u̱ꞌ noꞌó jee, ¿á tukuni kuíni nú ya̱ kɨ̱ꞌɨ̱nꞌ nú yukuán rúja? ―nkachiꞌ ráa.

Juan 5:18

Saáva jie̱ꞌe̱ꞌ rá tiñu yukuán, jee saꞌ víꞌí káꞌ nniꞌvɨꞌ iniꞌ rá te̱e kúñáꞌnú nu̱u̱nꞌ ñɨvɨ Israel ya̱ kaꞌniꞌ ráa maa, chi nsú kua̱chi kuitɨꞌ jie̱ꞌe̱ꞌ ya̱ njia̱ꞌa re̱ꞌ nu̱u̱nꞌ ya̱ tátúníꞌ ráa jie̱ꞌe̱ꞌ ki̱vɨ̱ꞌ nájiáví, chisaꞌ suni nkachiꞌ re̱ꞌ ya̱ máá Ndiosíꞌ kúvi Tátáꞌ maáréꞌ, ya̱ sáꞌá nuún re̱ꞌ maáréꞌ jín Ndiosíꞌ.

Juan 8:59

Saájee nkeꞌen ráa yu̱u̱ꞌ sáva kuun ráa re̱ꞌ. Soo ña̱kɨyuꞌuꞌ Jesús, [jee njia̱ꞌa re̱ꞌ ma̱ꞌñú nu̱u̱nꞌ íñɨ́ rá ñɨvɨ vá], jee nkene yuꞌuꞌ re̱ꞌ chíkéꞌi iniꞌ veñu̱ꞌun káꞌnú jee kua̱ꞌa̱nꞌ re̱ꞌ.

Hechos 7:52

Jee rá te̱e nna̱kani tu̱ꞌun nkene yuꞌú Ndiosíꞌ chi, ¿né ɨɨn ráa ntu níto u̱ꞌvi̱ꞌ rá jííꞌ rán yanaꞌán rúja? Jee ñaꞌniꞌ ráa rá te̱e vá ya̱ nkachitu̱ꞌún ya̱chi̱ꞌ ráa, ya̱ kiji máá maá te̱e ya̱ na̱a̱ꞌ kúvi re̱ꞌ nu̱u̱nꞌ Ndiosíꞌ. Jee nna̱ku̱ꞌva rán re̱ꞌ, jee ñaꞌniꞌ rán maa.