Juan 10:24 - Mixteco del suroeste de Tlaxiaco Oaxaca

²⁴ Jee rá te̱e kúñáꞌnú nu̱u̱nꞌ Israel nkuti̱yu̱ꞌ ráa nu̱u̱nꞌ Jesús, jee nkachiꞌ ráa: ―¿Na̱sa ka̱ꞌ tiempúꞌ vá íyó chuꞌun níní nú iniꞌ ránꞌ? Retú noꞌó ví máá Cristo, jee kachiꞌ kájí maa nu̱u̱nꞌ ránꞌ.

Juan 10:24 ပူးပေါင်းရင်းမြစ်များ

Mateo 11:3

sáva katu̱ꞌún ráa Jesús, jee kachiꞌ ráa nu̱u̱nꞌ re̱ꞌ: ―¿Á noꞌó ví Cristo ya̱ nchi̱sóyuꞌú Ndiosíꞌ ya̱ íyó kiji‑i tatúníꞌ‑i nu̱u̱nꞌ nɨꞌɨ?, áxí, ¿á íyó kunetu ráníꞌ inka ka̱ꞌ?

Marcos 8:32

Na̱a̱ꞌ kuitɨꞌ nkachiꞌ re̱ꞌ tu̱ꞌun yaꞌá. I̱ña̱jée kua̱ꞌa̱nꞌ sɨ́ɨ́n Pedro jín re̱ꞌ jee nka̱jiéꞌé‑e núxeenꞌ‑e nu̱u̱nꞌ re̱ꞌ jie̱ꞌe̱ꞌ káchíꞌ re̱ꞌ sukuán.

Lucas 3:15

Jee rá ñɨvɨ kue̱ꞌe̱ꞌ ya̱ nétu kuvi iniꞌ ráa ya̱ kiji Cristo, jee jiáni iniꞌ ánímaꞌ maáráa ya̱ sa̱naanꞌ jee Juan kúvi re̱ꞌ maá Cristo ya̱ íyó kiji.

Juan 1:19

Jee rá tee nísotíñú nu̱u̱nꞌ rá ñɨvɨ Israel nchu̱ichí ráa sava rá su̱tu̱ꞌ jín sava rá te̱e tataꞌ Leví, ya̱ sátíñú nu̱u̱nꞌ veñu̱ꞌun káꞌnú, ne̱ nu̱u̱nꞌ ñuunꞌ Jerusalén kɨ̱ꞌɨ̱nꞌ ráa nu̱u̱nꞌ Juan sáva katu̱ꞌún ráa re̱ꞌ: ―¿Né ɨɨn kúvi nú? Jee yaꞌá ví ya̱ naáꞌ njia̱ꞌa Juan.

Juan 10:31

Saájee rá te̱e kúñáꞌnú nu̱u̱nꞌ ñuunꞌ Israel nna̱keꞌen tuku ráa yu̱u̱ꞌ sáva kuun ráa maa Jesús.

Juan 10:33

Jee rá te̱e kúñáꞌnú nu̱u̱nꞌ ñuunꞌ Israel nna̱xiníkó ráa nu̱u̱nꞌ Jesús: ―Nsú jie̱ꞌe̱ꞌ ɨɨn tiñu va̱ꞌa nsa̱ꞌá nú kúvi ya̱ kuun ránꞌ yu̱u̱ꞌ noꞌó, chisaꞌ jie̱ꞌe̱ꞌ ya̱ káꞌánꞌ nú tu̱níváꞌa jie̱ꞌe̱ꞌ Ndiosíꞌ kúvi ya̱ kuun ránꞌ yu̱u̱ꞌ noꞌó. Chi noꞌó ya̱ kúvi nú te̱e, jee káchíꞌ nú ya̱ kúvi nú Ndiosíꞌ ―nkachiꞌ ráa.

Juan 16:25

’Nkachiꞌ ni̱ꞌ nu̱u̱nꞌ rán rá tu̱ꞌun kúnkunuún káꞌánꞌ. Soo kiji rá ki̱vɨ̱ꞌ ya̱ nsáꞌ kaꞌanꞌ ni̱ꞌ ka̱ꞌ jín rán rá tu̱ꞌun kúnkunuún káꞌánꞌ, chisaꞌ kájí ni kachitu̱ꞌún ni̱ꞌ nu̱u̱nꞌ rán tu̱ꞌun jie̱ꞌe̱ꞌ Tátáꞌ ni̱ꞌ.

Juan 8:25

Saájee ni̱ka̱tu̱ꞌún ráa Jesús: ―Noꞌó, ¿né ɨɨn kúvi nú résa? ―nkachiꞌ ráa. Saájee nkachiꞌ re̱ꞌ nu̱u̱nꞌ ráa: ―Ne̱ ya̱ xíꞌnañúꞌún nkachiꞌ ni̱ꞌ né ɨɨn kúvi ni̱ꞌ nu̱u̱nꞌ rán.

Juan 8:53

Jee, ¿á noꞌó vá kúñáꞌnú nú ka̱ꞌ nsú káꞌ tátáꞌ jííꞌ‑ó Abraham ya̱ ni̱ꞌi̱ꞌ re̱ꞌ résa? Jee, ¿á kúñáꞌnú nú ka̱ꞌ nsú káꞌ rá te̱e nna̱kani tu̱ꞌun nkene yuꞌú Ndiosíꞌ ya̱ suni ni̱ꞌi̱ꞌ ráa rúsa? Jee noꞌó, ¿né ɨɨn kúvi nú kúníꞌ nú rúja? ―nkachiꞌ ráa.

Juan 9:22

Jee rá tu̱ꞌun yaꞌá nkachiꞌ tááꞌ re̱ꞌ jín náánꞌ re̱ꞌ chi yúꞌví ráa néꞌyá ráa rá te̱e kúñáꞌnú nu̱u̱nꞌ rá ñɨvɨ Israel, chi ya nna̱túꞌún rá te̱e kúñáꞌnú nu̱u̱nꞌ rá ñɨvɨ Israel vá ya̱ retú néni ɨɨn ñɨvɨ jiáꞌayuꞌú ya̱ Jesús kúvi Cristo, [ya̱ nchu̱ichí Ndiosíꞌ maa sáva tatúníꞌ‑i nu̱u̱nꞌ ñɨ̱vɨ́], yukuán jee tavaꞌ ráa ñɨvɨ vá rá veꞌi sinagoga nu̱u̱nꞌ kútútú rá ñɨvɨ Israel, jee nsáꞌ ku̱ꞌva ráa ka̱ꞌ ki̱vɨ ñɨvɨ vá iniꞌ veꞌi sinagoga yukuán.

2 Corintios 3:12

Jee jie̱ꞌe̱ꞌ íyó kutú tu̱neí iniꞌ‑ó ya̱ saꞌá Ndiosíꞌ sukuán, jee saáva íyó neí iniꞌ‑ó.