Hechos 9:4 - Mixteco del suroeste de Tlaxiaco Oaxaca

⁴ I̱ña̱jée nna̱niso re̱ꞌ nu̱u̱nꞌ ñuꞌun jee nteso̱ꞌo re̱ꞌ ɨɨn ta̱chi̱ꞌ yuꞌú ya̱ nkachiꞌ nu̱u̱nꞌ re̱ꞌ: ―¡Saulo! ¡Saulo! ¿Na̱ kuvi chi jíto u̱ꞌvi̱ꞌ nú nuꞌuꞌ?

Hechos 9:4 ပူးပေါင်းရင်းမြစ်များ

Génesis 16:8

Jee nkachiꞌ re̱ꞌ: ―Agar, musúꞌ Sarai, ¿né núꞌ va̱ji nú?, jee, ¿né núꞌ kɨ̱ꞌɨ̱nꞌ nú? Jee nkachiꞌ ña: ―Nu̱u̱nꞌ i̱toꞌoꞌ ni̱ꞌ Sarai jínu ni̱ꞌ síyo ni̱ꞌ ―nkachiꞌ ña.

Génesis 22:11

Jee nkaꞌanꞌ máá najiáꞌáꞌ ííꞌ I̱toꞌoꞌ xi̱ni̱ꞌ re̱ꞌ ne̱ antivɨ́ súkún jee nkachiꞌ‑i: ―¡Abraham! ¡Abraham! ―nkachiꞌ najiáꞌáꞌ ííꞌ vá. Jee nkachiꞌ re̱ꞌ: ―Yaꞌá íñɨ́ ni̱ꞌ ―nkachiꞌ re̱ꞌ.

Génesis 3:9

Jee nkana I̱toꞌoꞌ‑ó Ndiosíꞌ te̱e vá, jee nkachiꞌ re̱ꞌ: ―¿Né nú íñɨ́ nú?

Mateo 25:40

’Jee nuꞌuꞌ ya̱ kúvi ya̱ tátúníꞌ nu̱u̱nꞌ nɨꞌɨ naxiníkó ni̱ꞌ nu̱u̱nꞌ ráa, jee kachiꞌ ni̱ꞌ: “Máá nááꞌ vá káchíꞌ ni̱ꞌ nu̱u̱nꞌ rán ya̱, mákua sukuán nsa̱ꞌá rán jín ɨɨn rá ñanitáꞌán ni̱ꞌ yaꞌá, ya̱ kúneí iniꞌ ráa nuꞌuꞌ, sú ɨɨn máá ñɨvɨ láꞌví ka̱ꞌ kúvi‑i, saájee nu̱u̱nꞌ nuꞌuꞌ nsa̱ꞌá rán maa”, kachiꞌ ni̱ꞌ.

Lucas 10:41

Jee nna̱xiníkó I̱toꞌoꞌ‑ó jee nkachiꞌ re̱ꞌ nu̱u̱nꞌ ña: ―Marta, Marta, na̱ ka̱ꞌ nániꞌvɨꞌ nániꞌvɨꞌ iniꞌ nú jee ñúníní iniꞌ nú jie̱ꞌe̱ꞌ kue̱ꞌe̱ꞌ rá tiñu íyó nu̱u̱nꞌ nú.

Juan 18:6

Jee sáá nkachiꞌ Jesús Nuꞌuꞌ Ví‑i, jee nna̱kaka yátá ráa, jee nna̱niso ráa nu̱u̱nꞌ ñuꞌun.

Juan 20:16

Nkachiꞌ Jesús nu̱u̱nꞌ ña: ―¡María! Jee nna̱koto ña jee káꞌánꞌ ña tu̱ꞌun hebreo jee nkachiꞌ ña: ―¡Raboni! ―ya̱ kuíni káchíꞌ Mestrúꞌ.

Juan 21:15

Sáá nkuvi nya̱siniꞌ ráa, jee nkachiꞌ Jesús nu̱u̱nꞌ Simón Pedro: ―Simón, se̱ꞌya Jonás, ¿á ñúnúunꞌ nú ka̱ꞌ nuꞌuꞌ nsú káꞌ rá yaꞌá? Jee nkachiꞌ Pedro nu̱u̱nꞌ re̱ꞌ: ―Saá I̱toꞌoꞌ, ya̱ jíníꞌ nú ya̱ ñúnúunꞌ ni̱ꞌ noꞌó. Jee nkachiꞌ Jesús nu̱u̱nꞌ re̱ꞌ: ―Kumí rá ñɨvɨ yɨ́ꞌɨ́ xi̱ntíín ni̱ꞌ ya̱ kúvi kuéntáꞌ rá lanchi lúlí ni̱ꞌ.

Hechos 5:10

Jee kuísá ntañúꞌún ni̱ꞌi̱ꞌ ña, jee nna̱niso ña nu̱u̱nꞌ íñɨ́ jie̱ꞌe̱ꞌ Pedro. Jee sáá nki̱vɨ rá te̱e súchí vá jee nna̱niꞌinꞌ ráa ya̱ ya ni̱ꞌi̱ꞌ ña. Jee nniso ráa ña kua̱ꞌa̱nꞌ. Jee ña̱se̱ꞌí ráa ña xiín yɨɨ́ ña.

Hechos 9:5

Jee ni̱ka̱tu̱ꞌún Saulo: ―¿Né ɨɨn kúvi nú, I̱toꞌoꞌ ni̱ꞌ? Jee nna̱xiníkó ta̱chi̱ꞌ yuꞌú vá: ―Maáníꞌ kúvi Jesús, ya̱ jíto u̱ꞌvi̱ꞌ nú. [Xínóꞌo nú maánú, kuéntáꞌ ɨɨn sa̱na̱ꞌ ya̱ jiáñúꞌ yátá ti̱ꞌ xi̱ni̱ꞌ tu̱xíi ñɨvɨ tájí ti̱ꞌ.]

Romanos 11:22

Saáva tɨɨn kuéntáꞌ rán na̱sa kúváꞌa iniꞌ Ndiosíꞌ jín ya̱ xichiꞌ re̱ꞌ. Nu̱u̱nꞌ ráa ya̱ nkininkava ráa ntu nku̱neí iniꞌ ráa Cristo jee xichiꞌ re̱ꞌ ráa. Soo kúváꞌa iniꞌ re̱ꞌ néꞌyá re̱ꞌ noꞌó, retú kino̱o ni̱ꞌin nú nu̱u̱nꞌ ya̱ kúváꞌa iniꞌ re̱ꞌ néꞌyá re̱ꞌ noꞌó jie̱ꞌe̱ꞌ kúneí iniꞌ nú Cristo. Chi retú ntu̱ví, jee suni ne̱ maánú naneeꞌ.

1 Corintios 12:12

Chi kuéntáꞌ ɨɨn yɨkɨkúñu métúꞌún ɨɨn ni ví‑i jee kue̱ꞌe̱ꞌ rá pedasúꞌ íyó nu̱u̱nꞌ yɨkɨkúñu vá, jee sú íyó kue̱ꞌe̱ꞌ rá pedasúꞌ soo ntáká ráa yɨ́ꞌɨ́ nu̱u̱nꞌ ɨɨn ni yɨkɨkúñu. Jee suni sukuán yɨ́ꞌɨ́‑ó nu̱u̱nꞌ Cristo.

1 Corintios 4:7

Chi, ¿né ɨɨn sáꞌá sɨ́ɨ́n noꞌó nsú káꞌ inka ñɨvɨ rúja?, jee, ¿na̱ kuvi ya̱ kúmí nú ya̱ ntu nkútaꞌviꞌ nú maa nu̱u̱nꞌ Ndiosíꞌ rúja? Jee retú íyó nijia ya̱ nku̱taꞌviꞌ nú maa, jee, ¿na̱ kuvi chi kútéyɨ́ɨ́ nú jín maánú kuéntáꞌ retánꞌ nsáꞌ nku̱taꞌviꞌ nú kúvi‑i rúja?

Efesios 5:30

Chi yɨ́ꞌɨ́‑ó nu̱u̱nꞌ re̱ꞌ kuéntáꞌ kúvi‑ó pedasúꞌ yɨkɨkúñu re̱ꞌ.