Hechos 8:7 - Mixteco del suroeste de Tlaxiaco Oaxaca

⁷ Chi nxi̱núvi re̱ꞌ kue̱ꞌe̱ꞌ ñɨvɨ yɨ́ꞌɨ́ ta̱chi̱ꞌ kíni. Jee sáá kéne rá ta̱chi̱ꞌ kíni vá nka̱najíín ni̱ꞌin‑i. Jee nxi̱núvi re̱ꞌ kue̱ꞌe̱ꞌ ñɨvɨ ntu kúvi kantaꞌ jín kue̱ꞌe̱ꞌ ñɨvɨ lénkó.

Hechos 8:7 ပူးပေါင်းရင်းမြစ်များ

Mateo 10:1

Saájee nkana Jesús ni uxúꞌ u̱vi̱ꞌ (12) rá te̱e kútáꞌán jín re̱ꞌ súkuáꞌa re̱ꞌ ráa. Jee njia̱ꞌa re̱ꞌ tiñu tatúníꞌ ráa, sáva tavaꞌ ráa rá ta̱chi̱ꞌ néꞌí yɨ́ꞌɨ́ iniꞌ rá ñɨvɨ, jín suni njia̱ꞌa re̱ꞌ tiñu sáva xinúvi ráa rá ñɨvɨ kúꞌvíꞌ nu̱u̱nꞌ ntáká rá kue̱ꞌi̱ꞌ nóꞌo ráa jín rá ñɨvɨ ya̱ táyáꞌ ñunéꞌyúꞌ ráa ya̱ nóꞌo ráa.

Mateo 11:5

Rá ñɨvɨ kuáá jee núnijinꞌ nchinúún ráa jee nákune̱ꞌyá ráa, jee rá ñɨvɨ lénkó nákaka ráa, jee rá ñɨvɨ nóꞌo kue̱ꞌi̱ꞌ ni̱ꞌyɨ stéꞌyúꞌ ñɨɨn naní lepra jee kuíyo ni̱ꞌyɨ ñɨɨn ráa jee nónoo ráa nu̱u̱nꞌ kue̱ꞌi̱ꞌ ráa, jee rá ñɨvɨ sóꞌó jee núnijinꞌ so̱ꞌo ráa, jee rá ni̱yɨ jee nátekuꞌ ráa sáꞌá ni̱ꞌ, jee nu̱u̱nꞌ rá ñɨvɨ láꞌví káchítu̱ꞌún ni̱ꞌ tu̱ꞌun váꞌa jie̱ꞌe̱ꞌ nuꞌuꞌ ya̱ kuvi ni̱ꞌi̱nꞌ ráa ya̱ natavaꞌ ni̱ꞌ ráa nu̱u̱nꞌ kua̱chi ráa sikáku ni̱ꞌ ráa.

Mateo 4:24

Jee ñe̱te̱nuun tu̱ꞌun jie̱ꞌe̱ꞌ Jesús nu̱u̱nꞌ ntáká rá ñuunꞌ sánitɨ́ɨn ñuunꞌ Siria. Jee nki̱naka rá ñɨvɨ nu̱u̱nꞌ Jesús ntáká rá ñɨvɨ kúꞌvíꞌ ya̱ nóꞌo sɨ́ɨ́n sɨ́ɨ́n kéꞌín nu̱u̱nꞌ kue̱ꞌi̱ꞌ, jín rá yájíꞌ yatúꞌ, jín rá yɨ́ꞌɨ́ ta̱chi̱ꞌ kíni, jín rá jíꞌíyɨ̱ꞌɨ́ jín rá ñɨvɨ ya̱ ntu kúvi kantaꞌ ñunéꞌyúꞌ jee nxi̱núvi Jesús ráa.

Marcos 9:26

Jee nka̱najíín ta̱chi̱ꞌ néꞌí vá, jee iyo víꞌí ñaꞌniyɨ̱ꞌɨ́ ta̱chi̱ꞌ néꞌí vá re̱ꞌ, jee nkene‑e. Jee te̱e súchí vá nkino̱o kuéntáꞌ ɨɨn ya̱ níꞌiꞌ. Saájee kue̱ꞌe̱ꞌ ráa nkachiꞌ ya̱ níꞌiꞌ re̱ꞌ.

Lucas 10:17

Jee nni̱kó ni uníxiko u̱ji̱ꞌ (70) rá te̱e ya̱ nchu̱ichí Jesús ráa jee kúsɨ́ɨꞌ nasɨ́kuitɨꞌ iniꞌ ráa, jee nkachiꞌ ráa: ―I̱toꞌoꞌ, ne̱ rá ta̱chi̱ꞌ kíni káníjiá ráa ránuꞌuꞌ ya̱ káꞌánꞌ ráníꞌ nu̱u̱nꞌ súví nú ―nkachiꞌ ráa.

Juan 14:12

Jee máá naáꞌ vá káchíꞌ ni̱ꞌ nu̱u̱nꞌ rán: Ɨɨn ñɨvɨ ya̱ kúneí iniꞌ‑i nuꞌuꞌ, jee rá tiñu ya̱ sáꞌá nuꞌuꞌ, jee suni saꞌá‑a rá tiñu vá. Jee saꞌ víꞌí káꞌ saꞌá‑a tiñu ñáꞌnú ka̱ꞌ nsú káꞌ tiñu yaꞌá, chi nuꞌuꞌ jee kɨ̱ꞌɨ̱nꞌ noꞌonꞌ ni̱ꞌ nu̱u̱nꞌ Tátáꞌ ni̱ꞌ.

Hechos 5:16

Jee suni rá ñɨvɨ nééꞌ rá ñuunꞌ káá yatin ñuunꞌ Jerusalén, nkiji ráa jín rá kúꞌvíꞌ jín rá ñɨvɨ noꞌó ráa ta̱chi̱ꞌ kíni. Jee ntáká ráa nnuvi.

Hechos 8:6

Jee kue̱ꞌe̱ꞌ ñɨvɨ nuún nkuvi iniꞌ ráa nteso̱ꞌo ñáꞌnú ráa ya̱ nkachiꞌ Felipe. Sáá nteso̱ꞌo ráa maa jee niniꞌ ráa rá seña a̱nasɨ́ nsa̱ꞌá re̱ꞌ.

Hebreos 2:4

Jee stúvi maá Ndiosíꞌ ya̱ naáꞌ ví tu̱ꞌun vá. Chi nsa̱ꞌá re̱ꞌ ya̱ saꞌá rá te̱e vá rá seña, jín tiñu ñáꞌnú ya̱ tívɨ́ xíniꞌ‑ó, jín kéꞌín nu̱u̱nꞌ a̱nasɨ́, ya̱ stúvi ya̱ naáꞌ ví tu̱ꞌun vá. Jee suni ntaji re̱ꞌ Ta̱chi̱ꞌ Ííꞌ re̱ꞌ nu̱u̱nꞌ ta ɨɨn ɨɨn‑órán, sáva saꞌá‑a ya̱ kuvi saꞌá‑ó sɨ́ɨ́n sɨ́ɨ́n tiñu re̱ꞌ, sánikua̱ꞌ kuíni maáréꞌ.