Hechos 8:30 - Mixteco del suroeste de Tlaxiaco Oaxaca

³⁰ Ninu re̱ꞌ ña̱taꞌanꞌ re̱ꞌ karretáꞌ, jee nteso̱ꞌo re̱ꞌ ya̱ káꞌvi te̱e Etiopía tutuꞌ níso tu̱ꞌun Isaías ya̱ kúvi re̱ꞌ te̱e nna̱kani tu̱ꞌun nkene yuꞌú Ndiosíꞌ yanaꞌán. Jee ni̱ka̱tu̱ꞌún re̱ꞌ: ―¿Á jiáku̱ꞌun iniꞌ nú ya̱ káꞌvi nú?

Hechos 8:30 ပူးပေါင်းရင်းမြစ်များ

Mateo 13:19

Ntáká ñɨvɨ ya̱ tésóꞌo tu̱ꞌun jie̱ꞌe̱ꞌ na̱sa kívɨ ñɨvɨ xi̱ntíín Ndiosíꞌ tátúníꞌ re̱ꞌ nu̱u̱nꞌ ráa, jee ntu̱ví jiáku̱ꞌun iniꞌ ráa tu̱ꞌun vá, jee kénta kui̱ꞌna̱ꞌ kákini jee sííyo re̱ꞌ tu̱ꞌun váꞌa vá ya̱ níꞌinꞌ ñɨvɨ vá ñúꞌún iniꞌ ánímaꞌ‑a. Suvi‑i kúvi kuéntáꞌ nikɨn ya̱ ña̱kava yuíchí sáá nxi̱náváꞌ te̱e vá maa.

Mateo 13:23

Soo nikɨn ña̱kava nu̱u̱nꞌ ñuꞌun váꞌa nu̱u̱nꞌ nxi̱náváꞌ te̱e vá maa, jee suvi kúvi‑i ñɨvɨ ya̱ tésóꞌo‑o Tu̱ꞌun Ndiosíꞌ jee jiáku̱ꞌun iniꞌ‑i vá, jee jiáꞌnu‑u jín tu̱ꞌun re̱ꞌ. Jee kúvi‑i kuéntáꞌ jiáꞌa‑a tataꞌ váꞌa ya̱ ɨɨn nikɨn jiáꞌa‑a sientúꞌ (100), jín inka u̱ni̱xiko (60), jín inka o̱ko̱ꞌ u̱ji̱ꞌ (30) nikɨn ka̱ꞌ ―nkachiꞌ Jesús.

Mateo 13:51

Jee nkachiꞌ Jesús nu̱u̱nꞌ rá te̱e súkuáꞌa re̱ꞌ ráa: ―¿Á ña̱ku̱ꞌun iniꞌ rán ntáká jie̱ꞌe̱ꞌ rá tu̱ꞌun yaꞌá? ―nkachiꞌ re̱ꞌ. Jee nkachiꞌ ráa: ―Saá ―nkachiꞌ ráa.

Mateo 15:10

Saájee nkana Jesús rá ñɨvɨ, jee nkachiꞌ re̱ꞌ nu̱u̱nꞌ ráa: ―Teso̱ꞌo rán jee ki̱ku̱ꞌun iniꞌ rán maa:

Mateo 24:15

’Jee Daniel, te̱e nna̱kani tu̱ꞌun nkene yuꞌú máá maá Ndiosíꞌ ne̱ yanaꞌán, ntee re̱ꞌ ya̱ koo ɨɨn ya̱ kákini néꞌí ya̱ jíníichiꞌ iniꞌ Ndiosíꞌ néꞌyá re̱ꞌ maa ya̱ stívɨ́‑ɨ ya̱ ííꞌ ya̱ saꞌá‑a ya̱ kuniꞌ u̱ꞌvi̱ꞌ Ndiosíꞌ veñu̱ꞌun káꞌnú re̱ꞌ. (Ñɨvɨ ya̱ kaꞌvi tu̱ꞌun yaꞌá, jee íyó ki̱ku̱ꞌun iniꞌ‑i vá.) Jee sáá kuniꞌ rán maa, ya̱ kuiñɨ‑ɨ nu̱u̱nꞌ ííꞌ iniꞌ veñu̱ꞌun,

Marcos 13:14

’[Daniel, te̱e nna̱kani tu̱ꞌun nkene yuꞌú máá maá Ndiosíꞌ ne̱ yanaꞌán, ntee re̱ꞌ ya̱ koo] ɨɨn ya̱ kákini néꞌí ya̱ stívɨ́‑ɨ ya̱ ííꞌ jee saꞌá‑a ya̱ kuniꞌ u̱ꞌvi̱ꞌ Ndiosíꞌ veñu̱ꞌun káꞌnú re̱ꞌ. (Ñɨvɨ ya̱ kaꞌvi tu̱ꞌun yaꞌá, jee íyó ki̱ku̱ꞌun iniꞌ‑i vá.) Jee sáá kuniꞌ rán maa, ya̱ kuiñɨ‑ɨ nu̱u̱nꞌ ntu íyó kuiñɨ‑ɨ, saájee rá ñɨvɨ nééꞌ ñuꞌun Judea íyó kunu ráa kɨ̱ꞌɨ̱nꞌ ráa nu̱u̱nꞌ rá yuku sáva ka̱ku ráa.

Juan 4:34

Jee nkachiꞌ Jesús nu̱u̱nꞌ ráa: ―Neyu yájíꞌ ni̱ꞌ ví ya̱ saꞌá ni̱ꞌ sáni kuíni maáréꞌ ya̱ nchu̱ichí re̱ꞌ nuꞌuꞌ va̱ji ni̱ꞌ, jín ya̱ sijínu ni̱ꞌ tiñu re̱ꞌ.

Juan 5:39

Jee ne̱ súkuáꞌa kávii kuitɨꞌ rán rá tu̱ꞌun nééꞌ nu̱u̱nꞌ Tutuꞌ níso Tu̱ꞌun Ndiosíꞌ, chi jiáni iniꞌ rán ya̱ nu̱u̱nꞌ Tutuꞌ vá ni̱ꞌi̱nꞌ rán ya̱ kutekuꞌ rán nɨ́ɨ́nkání jín Ndiosíꞌ. Soo rá tu̱ꞌun níso nu̱u̱nꞌ Tutuꞌ Ííꞌ vá ví ya̱ jiáꞌa ya̱ naáꞌ jie̱ꞌe̱ꞌ nuꞌuꞌ.

Hechos 8:27

Jee nke̱chí re̱ꞌ jee kua̱ꞌa̱nꞌ re̱ꞌ. Jee niniꞌ re̱ꞌ ɨɨn te̱e nación Etiopía ya̱ kúvi ɨɨn eunuco, ya̱ nísotíñú‑u chi̱ji naꞌá ñaꞌan ya̱ kúvi Candace ya̱ kúvi ñaꞌan ya̱ tátúníꞌ ña nu̱u̱nꞌ ñuunꞌ Etiopía. Tesorero ví te̱e nísotíñú vá, ya̱ nééꞌ si̱kɨ̱ꞌ nɨꞌɨ xu̱ꞌún Candace vá. Ña̱ꞌa̱nꞌ re̱ꞌ ñuunꞌ Jerusalén nneñu̱ꞌun re̱ꞌ Ndiosíꞌ.

Hechos 8:29

Jee nkachiꞌ Ta̱chi̱ꞌ Ííꞌ Ndiosíꞌ nu̱u̱nꞌ Felipe: ―Kuáꞌán kuyatin jee naketáꞌán jín karretáꞌ yaꞌá.

Hechos 8:31

Jee nna̱xiníkó te̱e vá: ―¿Na̱ja kúvi ki̱ku̱ꞌun iniꞌ ni̱ꞌ, retú ntu̱náꞌ íyó ɨɨn ya̱ xinéꞌénꞌ‑e nuꞌuꞌ? Jee ni̱ka̱nꞌ re̱ꞌ nu̱u̱nꞌ Felipe, ya̱ káá‑a jee kikuneeꞌ‑e jín re̱ꞌ.

Hechos 8:5

Jee ña̱ꞌa̱nꞌ Felipe ñuunꞌ Samaria, jee nste̱kútu̱ꞌún re̱ꞌ nu̱u̱nꞌ rá ñɨvɨ yukuán jie̱ꞌe̱ꞌ Cristo.

1 Corintios 14:19

Soo súka̱ꞌ sukuán íyó, soo sáá nútútú ráníꞌ jín rá ñɨvɨ ya̱ jínúꞌ iniꞌ ráa Ndiosíꞌ, jee kuíni ni̱ꞌ kaꞌanꞌ ni̱ꞌ sú ré u̱ꞌu̱nꞌ ni tu̱ꞌun jín antúníꞌ ni̱ꞌ ya̱ ki̱ku̱ꞌun iniꞌ rá inka ñɨvɨ maa sáva xinéꞌénꞌ ni̱ꞌ ráa, nsú ka̱ꞌ ya̱ kaꞌanꞌ ni̱ꞌ u̱ji̱ꞌ mil (10,000) tu̱ꞌun inka nu̱u̱nꞌ rá tu̱ꞌun ya̱ ntu̱ví jiáku̱ꞌun iniꞌ rá ñɨvɨ.

Efesios 5:17

Jee saáva koto kúvi rán ñɨvɨ jiáni naanꞌ xi̱ni̱ꞌ, chisaꞌ ki̱ku̱ꞌun iniꞌ rán ntáká tiñu ya̱ kuíni I̱toꞌoꞌ‑ó ya̱ saꞌá rán.

Apoclipsis 13:18

Íyó koo níchí xi̱ni̱ꞌ ñɨvɨ jie̱ꞌe̱ꞌ tu̱ꞌun yaꞌá jee ñɨvɨ ya̱ jiáku̱ꞌun va̱ꞌa iniꞌ jee íyó natavaꞌ‑a kuéntáꞌ numero kitɨ xéénꞌ kákini xíꞌnañúꞌún, chi numero vá kúvi numero káꞌánꞌ jie̱ꞌe̱ꞌ ɨɨn ñɨvɨ. Jee numero vá kúvi i̱ñu̱ꞌ sientúꞌ u̱ni̱xiko i̱ñu̱ꞌ (666).