Hechos 8:12 - Mixteco del suroeste de Tlaxiaco Oaxaca

¹² Soo sáá ni̱nu̱ꞌ iniꞌ ráa tu̱ꞌun váꞌa ya̱ stékútu̱ꞌún Felipe jie̱ꞌe̱ꞌ na̱sa kuvi ki̱vɨ ñɨvɨ xi̱ntíín Ndiosíꞌ tátúníꞌ re̱ꞌ nu̱u̱nꞌ ráa jín jie̱ꞌe̱ꞌ Jesús ya̱ nísotíñú re̱ꞌ ya̱ kúvi re̱ꞌ Cristo, jee ña̱nuté ráa, kúvi te̱e, kúvi ñaꞌan.

Hechos 8:12 ပူးပေါင်းရင်းမြစ်များ

Mateo 28:19

Saáva kuáꞌán rán xinéꞌénꞌ rán tu̱ꞌun váꞌa ni̱ꞌ nu̱u̱nꞌ ñɨvɨ ntáká rá ñuunꞌ sáva kuneí iniꞌ ráa nuꞌuꞌ jee ki̱vɨ ráa xi̱ntíín ni̱ꞌ ya̱ sukuáꞌa ráa tu̱ꞌun ni̱ꞌ, jee sikuánuté rán ráa nu̱u̱nꞌ súví Tátáꞌ‑ó Ndiosíꞌ jín Se̱ꞌya re̱ꞌ, jín Ta̱chi̱ꞌ Ííꞌ re̱ꞌ.

Lucas 9:2

Jee nchu̱ichí re̱ꞌ ráa kɨ̱kachitu̱ꞌún ráa tu̱ꞌun na̱ja ki̱vɨ ñɨvɨ xi̱ntíín Ndiosíꞌ jín ya̱ xinúvi ráa rá ñɨvɨ.

Lucas 9:60

Jee nkachiꞌ re̱ꞌ nu̱u̱nꞌ‑u: ―Ku̱ꞌva nú ya̱ rá ñɨvɨ kuéntáꞌ níꞌiꞌ ráa nu̱u̱nꞌ Ndiosíꞌ kɨ̱se̱ꞌí ráa rá ni̱yɨ ráa. Soo noꞌó, kunikɨnꞌ nuꞌuꞌ jee kachitu̱ꞌún nú na̱ja ki̱vɨ ñɨvɨ xi̱ntíín Ndiosíꞌ tatúníꞌ re̱ꞌ nu̱u̱nꞌ ráa ―nkachiꞌ Jesús.

Hechos 1:3

Ne̱ sáá ya̱ njia̱ꞌa ya̱ nnoꞌo re̱ꞌ jee ni̱ꞌi̱ꞌ re̱ꞌ, jee suni nstúvi tékúꞌ re̱ꞌ maáréꞌ nu̱u̱nꞌ ráa jee nstúvi kájí víꞌí re̱ꞌ nu̱u̱nꞌ ráa ya̱ máá naáꞌ nijia ya̱ tékúꞌ re̱ꞌ. Jee u̱vi̱xiko (40) ki̱vɨ̱ꞌ ka̱ꞌ niniꞌ ráa re̱ꞌ. Jee nkaꞌanꞌ re̱ꞌ jie̱ꞌe̱ꞌ ichi na̱ja tátúníꞌ Ndiosíꞌ nu̱u̱nꞌ ñɨvɨ.

Hechos 11:20

Soo sava ráa kúvi te̱e Chipre jín ñuunꞌ Cirene, jee sáá nkenta ráa nu̱u̱nꞌ ñuunꞌ Antioquía jee suni nste̱kútu̱ꞌún ráa jie̱ꞌe̱ꞌ I̱toꞌoꞌ‑ó Jesús nu̱u̱nꞌ rá ñɨvɨ ntu kúvi Israel.

Hechos 18:8

Jee Crispo ví te̱e kúñáꞌnú sinagoga. Suvire̱ꞌ jín nɨꞌɨ táꞌán veꞌi re̱ꞌ nku̱neí iniꞌ ráa I̱toꞌoꞌ‑ó. Jee sáá nteso̱ꞌo kue̱ꞌe̱ꞌ ñɨvɨ ñuunꞌ Corinto tu̱ꞌun yaꞌá, jee ni̱nu̱ꞌ iniꞌ ráa jee ña̱nuté ráa.

Hechos 19:5

Sáá nteso̱ꞌo ráa yaꞌá, jee ña̱nuté ráa, sáva stúvi ráa ya̱ kúneí iniꞌ ráa I̱toꞌoꞌ‑ó Jesús.

Hechos 2:38

Jee nna̱xiníkó Pedro nu̱u̱nꞌ ráa: ―Nakani iniꞌ rán kua̱chi rán, jee kuanuté rán, sáva stúvi rán ya̱ ya nki̱vɨ rán nu̱u̱nꞌ Jesús ya̱ kúvi Cristo, sáva kunekáꞌnú iniꞌ Ndiosíꞌ kua̱chi rán, jee kutaꞌviꞌ rán Ta̱chi̱ꞌ Ííꞌ re̱ꞌ.

Hechos 2:41

Saájee ña̱nuté rá ñɨvɨ ntɨɨn tu̱ꞌun re̱ꞌ. Jee ki̱vɨ̱ꞌ yukuán, nku̱kueꞌeꞌ ka̱ꞌ yatin u̱ni̱ꞌ mil (3000) ñɨvɨ vá.

Hechos 20:21

Nkachitu̱ꞌún ni̱ꞌ nu̱u̱nꞌ rá ñɨvɨ Israel jín suni nu̱u̱nꞌ rá ntu kúvi ñɨvɨ Israel. Nna̱stúvi ni̱ꞌ ya̱ naáꞌ ya̱ íyó nakani iniꞌ ráa jie̱ꞌe̱ꞌ kua̱chi ráa, jee kunikɨnꞌ ráa Ndiosíꞌ, jee kuneí iniꞌ ráa I̱toꞌoꞌ‑ó Jesús.

Hechos 20:25

’Jee ntañúꞌún teso̱ꞌo rán. Jíníꞌ ni̱ꞌ ya̱ nku̱níꞌ nɨꞌɨ rán ka̱ꞌ nuꞌuꞌ. Nteñu rán ni̱kónúun ni̱ꞌ, jee nste̱kútu̱ꞌún ni̱ꞌ ya̱ kuvi ki̱vɨ ñɨvɨ naꞌá Ndiosíꞌ nu̱u̱nꞌ tátúníꞌ‑i.

Hechos 28:31

Stékútu̱ꞌún re̱ꞌ ya̱ kúvi ki̱vɨ ñɨvɨ naꞌá Ndiosíꞌ nu̱u̱nꞌ tátúníꞌ re̱ꞌ nu̱u̱nꞌ ráa. Jee káꞌánꞌ neí iniꞌ re̱ꞌ xínéꞌénꞌ re̱ꞌ jie̱ꞌe̱ꞌ I̱toꞌoꞌ‑ó Jesús ya̱ kúvi Cristo, [ya̱ ñani Ndiosíꞌ ya̱ tatúníꞌ‑i ñɨ̱vɨ́]. Jee ntu násɨ́ꞌ ráa xinéꞌénꞌ re̱ꞌ.

Hechos 5:14

Jee nku̱kueꞌeꞌ ka̱ꞌ ñɨvɨ kúneí iniꞌ ráa I̱toꞌoꞌ‑ó, ni̱yo kue̱ꞌe̱ꞌ va̱ni te̱e va̱ni ñaꞌan.

Hechos 8:4

I̱ña̱jée rá ñɨvɨ ñéte̱nuun vá, jee ni̱kónúun ráa, jee nste̱kútu̱ꞌún ráa tu̱ꞌun váꞌa Jesús.

Romanos 10:10

Chi jín ánímaꞌ‑ó kúneí iniꞌ‑ó Jesús sáva siíyo Ndiosíꞌ kua̱chi‑ó jee kino̱o na̱a̱ꞌ‑ó nu̱u̱nꞌ re̱ꞌ, jee jín yuꞌú‑ó jiáꞌayuꞌú‑ó ya̱ I̱toꞌoꞌ‑ó ví Jesús sáva natavaꞌ Ndiosíꞌ yó nu̱u̱nꞌ kua̱chi‑ó nanitáꞌvíꞌ‑ó.

1 Corintios 11:11

Soo súka̱ꞌ sukuán íyó, soo maáó ya̱ kúvi‑ó ñɨvɨ ya̱ yɨ́ꞌɨ́‑ó nu̱u̱nꞌ I̱toꞌoꞌ‑ó Jesús, ya̱ ni te̱e nkóo retú ntu̱ví ñaꞌan, jee ni ñaꞌan nkóo retú ntu̱ví te̱e.

Gálatas 3:28

Maáóránꞌ ya̱ yɨ́ꞌɨ́‑ó nu̱u̱nꞌ Cristo Jesús, ntu sɨ́ɨ́n íyó‑ó nu̱u̱nꞌ Ndiosíꞌ, sú kúvi rán ñɨvɨ Israel áxí ñɨvɨ ntu kúvi Israel, ni te̱e kúvi musúꞌ ya̱ nkeꞌen ñɨvɨ, ni te̱e xí tiñu ya̱ íñɨ́ núne, ni te̱e jín ni ñaꞌan, chi ɨɨn ni kúvi nɨꞌɨ‑ó nu̱u̱nꞌ Ndiosíꞌ, ya̱ yɨ́ꞌɨ́‑ó nu̱u̱nꞌ Cristo Jesús.

1 Pedro 3:21

Jee kuéntáꞌ kua̱ꞌ nkáku ráa nu̱u̱nꞌ nute vá, jee suni kuéntáꞌ sukuán kúnkunuún kúvi‑i ya̱ jiánuté‑ó tiempúꞌ vitan síkáku‑u ñɨvɨ, jie̱ꞌe̱ꞌ ya̱ nna̱tekuꞌ i̱i̱ꞌ Jesús ya̱ kúvi Cristo nkene‑e nteñu rá níyɨ. Soo nsú jie̱ꞌe̱ꞌ ya̱ siíyo rá téꞌén ñunéꞌyúꞌ‑ó jín nute, chisaꞌ jiánuté‑ó sáva stúvi‑ó ya̱ ne̱ ánímaꞌ‑ó chisóyuꞌú‑ó kueꞌnu na̱a̱ꞌ‑ó nu̱u̱nꞌ Ndiosíꞌ jín ya̱ jíkánꞌ táꞌvíꞌ‑ó nu̱u̱nꞌ Ndiosíꞌ ya̱ sííyo kua̱chi‑ó nonoo ánímaꞌ‑ó ya̱ jíníꞌ‑ó ya̱ ntu níso‑ó kua̱chi.