Hechos 7:52 - Mixteco del suroeste de Tlaxiaco Oaxaca

⁵² Jee rá te̱e nna̱kani tu̱ꞌun nkene yuꞌú Ndiosíꞌ chi, ¿né ɨɨn ráa ntu níto u̱ꞌvi̱ꞌ rá jííꞌ rán yanaꞌán rúja? Jee ñaꞌniꞌ ráa rá te̱e vá ya̱ nkachitu̱ꞌún ya̱chi̱ꞌ ráa, ya̱ kiji máá maá te̱e ya̱ na̱a̱ꞌ kúvi re̱ꞌ nu̱u̱nꞌ Ndiosíꞌ. Jee nna̱ku̱ꞌva rán re̱ꞌ, jee ñaꞌniꞌ rán maa.

Hechos 7:52 ပူးပေါင်းရင်းမြစ်များ

Mateo 5:12

Na̱ ka̱ꞌ kusɨ̱ɨ̱ꞌ iniꞌ rán jee sɨ̱ɨ̱ꞌ kuvi ka̱ꞌ iniꞌ ánímaꞌ rán, chi mánasɨ́ ñáꞌnú ví ta̱ꞌvi̱ꞌ nataji Ndiosíꞌ nu̱u̱nꞌ rán ya̱ íyó ne̱ antivɨ́ súkún. Chi sánikua̱ꞌ sáꞌá kini ráa jín ránoꞌó suni sukuán nsa̱ꞌá kini rá ñɨvɨ jín rá te̱e nna̱kani tu̱ꞌun nkene yuꞌú máá maá Ndiosíꞌ ne̱ yanaꞌán ne̱ ntiáꞌan nkiji ránoꞌó.

Lucas 6:23

’Na̱ ka̱ꞌ sɨ̱ɨ̱ꞌ kuvi iniꞌ rán rá ki̱vɨ̱ꞌ koo sukuán, jee ne̱ kanava rán ya̱ nusɨ̱ɨ̱ꞌ nasɨ́kuitɨꞌ ka̱ꞌ iniꞌ rán, chi mánasɨ́ ñáꞌnú ví ta̱ꞌvi̱ꞌ nataji Ndiosíꞌ nu̱u̱nꞌ rán ya̱ íyó ne̱ antivɨ́ súkún, chi suni sukuán sáꞌá kini ráa jín ránoꞌó sánikua̱ꞌ nsa̱ꞌá kini rá jííꞌ ráa jín rá te̱e nna̱kani tu̱ꞌun nkene yuꞌú máá maá Ndiosíꞌ ne̱ yanaꞌán.

Juan 16:10

Jee stúvi kájí re̱ꞌ na̱sa kino̱o na̱a̱ꞌ ráa nu̱u̱nꞌ Ndiosíꞌ chi kɨ̱noꞌonꞌ ni̱ꞌ nu̱u̱nꞌ nééꞌ Tátáꞌ ni̱ꞌ, jee nsáꞌ kuniꞌ rán ka̱ꞌ nuꞌuꞌ.

Hechos 2:23

Nna̱ku̱ꞌva rán te̱e yaꞌá xi̱ntíín rá te̱e niva̱ꞌa. Jee ntee ráa maa nu̱u̱nꞌ kurúsiꞌ. Suꞌva ñaꞌniꞌ rán maa. Soo nsa̱ꞌá rán sáni ya̱ nkuna̱a̱ꞌ iniꞌ Ndiosíꞌ, jee ne̱ tióꞌ chíji jíníꞌ re̱ꞌ ya̱ kuvi sukuán sáni nsa̱náaꞌ re̱ꞌ.

Hechos 22:14

Jee nkachiꞌ re̱ꞌ: “Ndiosíꞌ, ya̱ nneñu̱ꞌun rá jííꞌ yanaꞌán‑ó, ñani re̱ꞌ nó sáva kuniꞌ nú ya̱ kuíni re̱ꞌ saꞌá nú, jee sáva kune̱ꞌyá nú máá maá te̱e ya̱ na̱a̱ꞌ kúvi re̱ꞌ nu̱u̱nꞌ Ndiosíꞌ, jee sáva teso̱ꞌo nú ya̱ kaꞌanꞌ re̱ꞌ.

Hechos 3:18

Soo Ndiosíꞌ nsi̱kúnkuvi suꞌva sánikua̱ꞌ tu̱ꞌun njia̱ꞌa re̱ꞌ nu̱u̱nꞌ nɨꞌɨ rá te̱e ya̱ nna̱kani tu̱ꞌun nkene yuꞌú máá maá Ndiosíꞌ. Chi nste̱kútu̱ꞌún ya̱chi̱ꞌ ráa ya̱ kunoꞌo Cristo ya̱ nchu̱ichí Ndiosíꞌ.

Hechos 3:24

―Jee ntáká rá te̱e nna̱kani tu̱ꞌun nkene yuꞌú Ndiosíꞌ ne̱ rá ki̱vɨ̱ꞌ Samuel, jín ne̱ ichinúúnꞌ, jee ntáká ráa ya̱ nna̱kani ráa maa nste̱kútu̱ꞌún ya̱chi̱ꞌ ráa ya̱ koo rá ki̱vɨ̱ꞌ yaꞌá.

Hechos 4:10

íyó kuniꞌ ntáká rán jín ntáká ñɨvɨ Israel ya̱ nu̱u̱nꞌ súví Jesús ya̱ kúvi Cristo, te̱e ñuunꞌ Nazaret, maáréꞌ ya̱ ñaꞌniꞌ rán nu̱u̱nꞌ kurúsiꞌ, soo nxi̱nákóo Ndiosíꞌ re̱ꞌ nteñu rá níꞌiꞌ, jee nxi̱nátekuꞌ i̱i̱ꞌ Ndiosíꞌ re̱ꞌ, jee íyó kuniꞌ rán ya̱ nu̱u̱nꞌ tiñu níso re̱ꞌ nnuva̱ꞌa te̱e yaꞌá, ya̱ íñɨ́‑ɨ nu̱u̱nꞌ rán.

1 Tesalonicenses 2:15

Rá ñɨvɨ Israel vá ví ya̱ ñaꞌniꞌ ráa I̱toꞌoꞌ‑ó Jesús jín rá te̱e ya̱ nna̱kani ráa tu̱ꞌun nkene yuꞌú Ndiosíꞌ ne̱ yanaꞌán. Jee nta̱níkɨ́nꞌ rá ñɨvɨ vá ránuꞌuꞌ ñuunꞌ yukuán. Ntu kúváꞌa iniꞌ Ndiosíꞌ néꞌyá re̱ꞌ ráa. Jee kénta ráa si̱kɨ̱ꞌ nta̱ká ñɨvɨ.

2 Timoteo 3:4

jín ya̱ xi̱kóñáꞌán yuꞌuꞌ ráa ñanitáꞌán ráa nu̱u̱nꞌ rá te̱e jíto u̱ꞌvi̱ꞌ rává, jín ya̱ ni nsáꞌ nikó iniꞌ ráa saꞌá ráa kua̱chi, jín ya̱ kuꞌun téyɨ́ɨ́ víꞌí iniꞌ ráa, jín ya̱ kunu̱u̱nꞌ ráa ya̱ sɨ́ɨꞌ iniꞌ maáráa nsú káꞌ kunu̱u̱nꞌ ráa Ndiosíꞌ,

1 Pedro 1:11

Jee nna̱nukú ráa na̱ tiempúꞌ jín na̱ja koo ntáká tu̱ꞌun stúvi ya̱chi̱ꞌ Ta̱chi̱ꞌ Ííꞌ Cristo ya̱ yɨ́ꞌɨ́ iniꞌ ráa nu̱u̱nꞌ ráa, ya̱ nkachiꞌ ya̱chi̱ꞌ‑i ya̱ kiji tu̱nóꞌó kunoꞌo Cristo, jín na̱ja vá viiꞌ nuñáꞌnú nasɨ́kuitɨꞌ re̱ꞌ sáá jiáꞌa tu̱nóꞌó vá.

1 Juan 2:1

Ránoꞌó ya̱ kúneí iniꞌ rán Jesús, ya̱ kúvi rán kuéntáꞌ se̱ꞌya ni̱ꞌ, tée ni̱ꞌ rá tu̱ꞌun yaꞌá nu̱u̱nꞌ rán sáva nsáꞌá rán kua̱chi. Soo retú néni ɨɨn‑ó saꞌá kua̱chi, jee íyó ɨɨn re̱ꞌ ya̱ yɨ́tuvi re̱ꞌ náma re̱ꞌ yó ichinúúnꞌ Tátáꞌ‑ó Ndiosíꞌ, jee suvire̱ꞌ kúvi Jesús ya̱ kúvi Cristo ya̱ na̱a̱ꞌ kúvi re̱ꞌ.

Apoclipsis 19:10

Saájee nuꞌuꞌ nna̱kui̱ñɨ̱ꞌ ítɨ́ ni̱ꞌ jiáxin ni̱ꞌ maáníꞌ ne̱ nu̱u̱nꞌ ñu̱ꞌún nu̱u̱nꞌ najiáꞌáꞌ ííꞌ vá sáva kuneñu̱ꞌun ni̱ꞌ maa. Soo nkachiꞌ‑i nu̱u̱nꞌ ni̱ꞌ: ―Koto sáꞌá nú sukuán. Chi suni táꞌán musúꞌ kúvi ni̱ꞌ jín noꞌó jín rá ñanitáꞌán nú, ya̱ yɨ́tíñú‑órán nu̱u̱nꞌ Ndiosíꞌ ya̱ níkɨ́nꞌ kutú váꞌa‑ó tu̱ꞌun jie̱ꞌe̱ꞌ Jesús. Saáva kuneñu̱ꞌun nú máá maá Ndiosíꞌ. Chi rá tu̱ꞌun na̱a̱ꞌ ya̱ nkachitu̱ꞌún Jesús, yukuán kúvi tu̱ꞌun na̱a̱ꞌ ya̱ jiáꞌa Ta̱chi̱ꞌ Ííꞌ nu̱u̱nꞌ rá ñɨvɨ ya̱ káchítu̱ꞌún na̱a̱ꞌ tu̱ꞌun kéne yuꞌú Ndiosíꞌ ―nkachiꞌ najiáꞌáꞌ ííꞌ vá.

Apoclipsis 3:7

’Jee tee nú nu̱u̱nꞌ tutuꞌ kɨ̱ꞌɨ̱nꞌ nu̱u̱nꞌ ya̱ kúñáꞌnú nu̱u̱nꞌ grupo rá ñɨvɨ ya̱ jínúꞌ iniꞌ ráa nuꞌuꞌ, jee suviráa ví ya̱ nééꞌ ráa nu̱u̱nꞌ ñuunꞌ Filadelfia: “Nuꞌuꞌ vá i̱i̱ꞌ ni̱ꞌ jín nuꞌuꞌ vá na̱a̱ꞌ ni̱ꞌ. Ínaꞌá ni̱ꞌ nakáa David, ya̱ nísotíñú ni̱ꞌ kuéntáꞌ kua̱ꞌ nta̱túníꞌ re̱ꞌ nu̱u̱nꞌ nación Israel yanaꞌán. Saáva nuꞌuꞌ ví ya̱ jíne ni̱ꞌ nu̱u̱nꞌ ki̱vɨ rá ñɨvɨ nu̱u̱nꞌ tátúníꞌ ni̱ꞌ, jee ni ɨɨn ntu kuvi nakasɨꞌ maa. Jee nuꞌuꞌ nakasɨꞌ maa, jee ni ɨɨn ntu kúvi nakune maa. Suꞌva káchíꞌ nuꞌuꞌ: