Hechos 7:51 - Mixteco del suroeste de Tlaxiaco Oaxaca

⁵¹ ―¡Ránoꞌó ni̱ꞌin ánímaꞌ! Ánímaꞌ rán íyó kuéntáꞌ ánímaꞌ rá ñɨvɨ inka rá nación ya̱ ntu níso yɨkɨkúñu ráa seña Ndiosíꞌ naní circuncisión, ya̱ ntu chíꞌi ráa maáráa xi̱ntíín Ndiosíꞌ, ni ntu tésóꞌo rán tu̱ꞌun re̱ꞌ kuéntáꞌ rá ñɨvɨ vá. Sukuáni núníꞌin rán nu̱u̱nꞌ Ta̱chi̱ꞌ Ííꞌ Ndiosíꞌ. Sánikua̱ꞌ nsa̱ꞌá rá jííꞌ rán yanaꞌán, suni sukuán sáꞌá rán.

Hechos 7:51 ပူးပေါင်းရင်းမြစ်များ

Hechos 6:10

Soo ntu̱né nníꞌínꞌ ráa kuneí ráa jín re̱ꞌ, chi níchí xíniꞌ re̱ꞌ, jee njia̱ꞌa Ta̱chi̱ꞌ Ííꞌ Ndiosíꞌ nu̱u̱nꞌ re̱ꞌ sákachiꞌ re̱ꞌ.

Hechos 7:27

’Soo te̱e sáꞌá kini táꞌán vá, nchi̱naꞌá re̱ꞌ Moisés jee nkachiꞌ re̱ꞌ: “¿Né ɨɨn ñani nó kúvi nú te̱e tátúníꞌ nú nu̱u̱nꞌ ráníꞌ, jín kuéntáꞌ juez jiéꞌnéꞌ nú kua̱chi nu̱u̱nꞌ ránꞌ, résa?

Hechos 7:35

―Maá Moisés yaꞌá ví ya̱ nku̱ichi iniꞌ rá jííꞌ‑ó yanaꞌán, jee nkachiꞌ ráa: “¿Né ɨɨn ñani nó ya̱ kúvi nú te̱e tátúníꞌ nu̱u̱nꞌ ránꞌ, jín kuéntáꞌ juez jiéꞌnéꞌ nú kua̱chi nu̱u̱nꞌ ránꞌ, résa?”, nkachiꞌ ráa. Te̱e vá, nta̱jí Ndiosíꞌ re̱ꞌ, sáva kuvi re̱ꞌ maá te̱e ya̱ tatúníꞌ re̱ꞌ nu̱u̱nꞌ ráa jín ya̱ sikáku re̱ꞌ ráa nakui̱ñɨ̱ꞌ núne ráa. Jee nchi̱neí najiáꞌáꞌ ííꞌ Ndiosíꞌ re̱ꞌ, ya̱ ntúvi nu̱u̱nꞌ re̱ꞌ nteñu tu̱yukúꞌ iñu ya̱ káyúꞌ.

Hechos 7:39

’Soo ntu nkuíni rá jííꞌ‑ó yanaꞌán kaníjiá ráa Moisés, jee nku̱ichi iniꞌ ráa re̱ꞌ. Jee nñu̱ꞌun víꞌí iniꞌ ánímaꞌ ráa nni̱kó ráa nación Egipto.

Hechos 7:9

’Jee rá tátáꞌ nu̱u̱nꞌ‑ó vá, nta̱ꞌvi̱ꞌ iniꞌ ráa nne̱ꞌyá ráa ñaniꞌ ráa, José. Jee nxi̱kó ráa maa nu̱u̱nꞌ rá ñɨvɨ, ya̱ ña̱na̱ka ráa re̱ꞌ nu̱u̱nꞌ nación Egipto, sáva xi̱kó ráa re̱ꞌ sáva kuvi re̱ꞌ musúꞌ keꞌen rá ñɨvɨ yukuán. Soo ni̱ñɨ Ndiosíꞌ jín re̱ꞌ

Romanos 2:25

Íyótiñu nijia ya̱ níso nú seña Ndiosíꞌ nu̱u̱nꞌ yɨkɨkúñu nú, ya̱ káchíꞌ‑ó circuncisión, retú sáꞌá nú ya̱ káchíꞌ tu̱ꞌun nta̱túníꞌ Ndiosíꞌ ya̱ njiáꞌa re̱ꞌ nu̱u̱nꞌ Moisés yanaꞌán ya̱ káchíꞌ‑ó ley. Soo retú jiáꞌa nú nu̱u̱nꞌ ya̱ tátúníꞌ ley vá, sú nsa̱ꞌá circuncidar nú maánú soo kúvi kuéntáꞌ ntu nsa̱ꞌá circuncidar nú maánú kuéntáꞌ rá ñɨvɨ inka nación.

Efesios 4:30

Jee koto sáꞌá rán kua̱chi sáva nsíkúkuíꞌyáꞌ rán iniꞌ Ta̱chi̱ꞌ Ííꞌ Ndiosíꞌ. Chi nni̱ꞌi̱nꞌ rán Ta̱chi̱ꞌ Ííꞌ vá kuéntáꞌ ɨɨn seyúꞌ ya̱ stúvi ya̱ kúvi rán ñɨvɨ Ndiosíꞌ, ne̱kua̱ꞌ kiji máá ki̱vɨ̱ꞌ ya̱ nakani núne Ndiosíꞌ yó nu̱u̱nꞌ ya̱ nóꞌo‑ó ñɨ̱vɨ́ yaꞌá jee xinánitáꞌvíꞌ re̱ꞌ yó.

Filipenses 3:3

Chi suvió kúvi‑ó ñɨvɨ Ndiosíꞌ, jee suꞌva kúvi‑ó ñɨvɨ circuncidado nijia nu̱u̱nꞌ re̱ꞌ, chi suvió ví ya̱ chíneí Ta̱chi̱ꞌ Ííꞌ maáó ya̱ néñu̱ꞌun‑ó Ndiosíꞌ, chi kúsɨ́ɨꞌ téyɨ́ɨ́ iniꞌ‑ó jie̱ꞌe̱ꞌ ya̱ sáꞌá Cristo Jesús, chi ntu kúkáꞌnú iniꞌ‑ó maáó ya̱ kino̱o na̱a̱ꞌ‑ó nu̱u̱nꞌ Ndiosíꞌ jie̱ꞌe̱ꞌ ya̱ sáꞌá‑ó.

Colosenses 2:11

Jee jie̱ꞌe̱ꞌ ya̱ yɨ́ꞌɨ́ rán nu̱u̱nꞌ Cristo, jee saáva níso rán seña Ndiosíꞌ, soo nsáꞌ kúvi ya̱ nsiíyo ñɨvɨ ntíꞌ ñɨɨn kuéntáꞌ sáꞌá rá ñɨvɨ Israel. Chisaꞌ nsiíyo re̱ꞌ ránoꞌó xi̱ntíín kua̱chi ya̱ níyo néꞌén iniꞌ rán saꞌá rán jín ñunéꞌyúꞌ kua̱chi. Suꞌva tée Cristo seña Ndiosíꞌ yó.