Hechos 7:30 - Mixteco del suroeste de Tlaxiaco Oaxaca

³⁰ ’Sáá njia̱ꞌa u̱vi̱xiko (40) kui̱ya̱ꞌ, jee ntu̱vi najiáꞌáꞌ ííꞌ Ndiosíꞌ nu̱u̱nꞌ re̱ꞌ nu̱u̱nꞌ ñu̱ꞌún saɨn, nu̱u̱nꞌ íñɨ́ yuku naní Sinaí. Ntu̱vi najiáꞌáꞌ ííꞌ vá ma̱ꞌñú ñuꞌunꞌ nu̱u̱nꞌ tu̱yukúꞌ iñu ya̱ káyúꞌ.

Hechos 7:30 ပူးပေါင်းရင်းမြစ်များ

Marcos 12:26

’Soo jie̱ꞌe̱ꞌ ya̱ natekuꞌ i̱i̱ꞌ rá níyɨ, ¿á ntiáꞌan kaꞌvi rán Tu̱ꞌun Ndiosíꞌ níso nu̱u̱nꞌ Tutuꞌ, ya̱ ntee Moisés jie̱ꞌe̱ꞌ ya̱ nkuvi jín tunkúꞌúꞌ ya̱ káyúꞌ‑u rúja? Jee yukuán nkachiꞌ Ndiosíꞌ nu̱u̱nꞌ Moisés: “Nuꞌuꞌ ví Ndiosíꞌ ya̱ néñu̱ꞌun Abraham, jín Isaac, jín Jacobo nuꞌuꞌ”, nkachiꞌ Ndiosíꞌ.

Lucas 20:37

Soo suni ne̱ maá Moisés nstúvi re̱ꞌ ya̱ natekuꞌ i̱i̱ꞌ rá ni̱yɨ sáá ntee re̱ꞌ nu̱u̱nꞌ Tutuꞌ Ííꞌ, jie̱ꞌe̱ꞌ ɨɨn tunkúꞌúꞌ ya̱ káyúꞌ, chi nkachiꞌ Moisés ya̱ I̱toꞌoꞌ‑ó kúvi re̱ꞌ Ndiosíꞌ ya̱ néñu̱ꞌun Abraham jín Isaac jín Jacob re̱ꞌ.

Hechos 7:17

’Sáá va̱kuyatin tiempúꞌ sikúnkuvi Ndiosíꞌ tu̱ꞌun ya̱ nchi̱sóyuꞌú‑u jín ya̱ nsa̱náaꞌ‑a tu̱ꞌun nkachiꞌ‑i nu̱u̱nꞌ Abraham, jee nkenta nku̱kueꞌeꞌ víꞌí ka̱ꞌ ichiyúkúnꞌ nkene nu̱u̱nꞌ re̱ꞌ iniꞌ nación Egipto.

Hechos 7:31

Jee nti̱vɨ́ xi̱ni̱ꞌ Moisés jie̱ꞌe̱ꞌ ya̱ niniꞌ re̱ꞌ nxi̱nénu̱u̱nꞌ‑u nu̱u̱nꞌ re̱ꞌ. Jee nku̱yatin re̱ꞌ sáva kune̱ꞌyá va̱ꞌa re̱ꞌ ka̱ꞌ, jee nteso̱ꞌo re̱ꞌ ta̱chi̱ꞌ yuꞌú maá I̱toꞌoꞌ‑ó, ya̱ nkachiꞌ‑i:

Hechos 7:32

“Nuꞌuꞌ ví Ndiosíꞌ ya̱ nneñu̱ꞌun rá jííꞌ nú yanaꞌán nuꞌuꞌ. Nuꞌuꞌ ví Ndiosíꞌ ya̱ néñu̱ꞌun Abraham, jín Isaac, jín Jacobo nuꞌuꞌ”, nkachiꞌ Ndiosíꞌ. Soo nka̱jiéꞌé nkisɨ Moisés maa nyu̱ꞌví re̱ꞌ. Jee ntu nkíji iniꞌ re̱ꞌ kune̱ꞌyá re̱ꞌ.

Hechos 7:35

―Maá Moisés yaꞌá ví ya̱ nku̱ichi iniꞌ rá jííꞌ‑ó yanaꞌán, jee nkachiꞌ ráa: “¿Né ɨɨn ñani nó ya̱ kúvi nú te̱e tátúníꞌ nu̱u̱nꞌ ránꞌ, jín kuéntáꞌ juez jiéꞌnéꞌ nú kua̱chi nu̱u̱nꞌ ránꞌ, résa?”, nkachiꞌ ráa. Te̱e vá, nta̱jí Ndiosíꞌ re̱ꞌ, sáva kuvi re̱ꞌ maá te̱e ya̱ tatúníꞌ re̱ꞌ nu̱u̱nꞌ ráa jín ya̱ sikáku re̱ꞌ ráa nakui̱ñɨ̱ꞌ núne ráa. Jee nchi̱neí najiáꞌáꞌ ííꞌ Ndiosíꞌ re̱ꞌ, ya̱ ntúvi nu̱u̱nꞌ re̱ꞌ nteñu tu̱yukúꞌ iñu ya̱ káyúꞌ.

Gálatas 4:25

Chi Agar kúvi kuéntáꞌ yuku Sinaí ya̱ íñɨ́ nu̱u̱nꞌ ñuꞌun Arabia. Jee suni kúvi ña kuéntáꞌ ñuunꞌ Jerusalén ya̱ íyó‑o vitan. Chi rá se̱ꞌya ñuunꞌ vá kúvi ráa musúꞌ sátíñú saɨn ya̱ yɨ́ꞌɨ́ ráa chi̱ji xi̱ntíín tu̱ꞌun ley vá ya̱ nta̱túníꞌ Ndiosíꞌ.