Hechos 6:6 - Mixteco del suroeste de Tlaxiaco Oaxaca

⁶ Jee nki̱kani ráa ni uxáꞌ rá te̱e vá nu̱u̱nꞌ rá te̱e nísotíñú apóstol. Jee nkaꞌanꞌ rá apóstol jín Ndiosíꞌ, jee nchi̱só ráa naꞌá ráa nu̱u̱nꞌ rává, [sáva naánꞌ ya̱ ntɨɨn rává tiñu vá].

Hechos 6:6 ပူးပေါင်းရင်းမြစ်များ

Marcos 5:23

jee ni̱ka̱nꞌ táꞌvíꞌ ñáꞌnú re̱ꞌ nu̱u̱nꞌ Jesús, jee nkachiꞌ re̱ꞌ: ―Se̱ꞌya sɨ́ꞌɨ́ ni̱ꞌ sa̱néꞌ íyó kuviꞌ‑i. Kɨ̱ꞌɨ̱nꞌ nú xá chisó nú rá naꞌá nú ña, sáva nuvi ña jee kutekuꞌ ña ―nkachiꞌ re̱ꞌ.

Hechos 1:24

Jee nkaꞌanꞌ ráa jín Ndiosíꞌ, jee nkachiꞌ ráa: ―I̱toꞌoꞌ‑ó, suvinú vá, nijin iniꞌ nú na̱sa kúvi ánímaꞌ ntáká ñɨvɨ. Stúvi nú nu̱u̱nꞌ ránꞌ, né ɨɨn núvíꞌ rá yaꞌá vá nka̱ji nú,

Hechos 13:3

Saájee sáá nkuvi nneeꞌ niteꞌ rá te̱e yukuán, jee nkaꞌanꞌ ráa jín Ndiosíꞌ, jee nchi̱só ráa naꞌá ráa Bernabé jín Saulo, jee ña̱kaꞌanꞌ ráa ntíꞌ ka̱ꞌ jín rává jee kua̱ꞌa̱nꞌ rává.

Hechos 19:6

Jee sáá nchi̱só Pablo naꞌá re̱ꞌ ráa jee nki̱vɨ Ta̱chi̱ꞌ Ííꞌ iniꞌ ráa. Jee nkaꞌanꞌ ráa inka nu̱u̱nꞌ rá tu̱ꞌun. Jee nkaꞌanꞌ ráa tu̱ꞌun, ya̱ njia̱ꞌa Ndiosíꞌ nu̱u̱nꞌ ráa.

Hechos 8:17

I̱ña̱jée nchi̱só Pedro jín Juan naꞌá ráa rává, jee nki̱vɨ Ta̱chi̱ꞌ Ííꞌ Ndiosíꞌ iniꞌ rává.

Hechos 9:12

Nxi̱néꞌénꞌ nu̱u̱nꞌ ni̱ꞌ nu̱u̱nꞌ re̱ꞌ ya̱ kájíkuitɨꞌ niniꞌ re̱ꞌ ɨɨn te̱e, naní Ananías, kiji‑i nu̱u̱nꞌ re̱ꞌ jee chisó‑o naꞌá‑a re̱ꞌ, sáva nu̱nijínꞌ nchinúún re̱ꞌ.

Hechos 9:17

Saájee ña̱ꞌa̱nꞌ Ananías jee nki̱vɨ re̱ꞌ veꞌi nu̱u̱nꞌ nééꞌ Saulo. Jee nchi̱só re̱ꞌ naꞌá re̱ꞌ nu̱u̱nꞌ‑u, jee nkachiꞌ re̱ꞌ: ―Ñaniꞌ, Saulo. I̱toꞌoꞌ‑ó, Jesús, ntu̱vi re̱ꞌ nu̱u̱nꞌ nú iniꞌ ichi váji nú. Jee maáréꞌ nta̱jí re̱ꞌ nuꞌuꞌ, sáva kuvi nu̱nijínꞌ nchinúún nú, jee sáva chitú Ta̱chi̱ꞌ Ííꞌ satíñú‑u iniꞌ noꞌó ―nkachiꞌ Ananías.

1 Timoteo 4:14

Koto xínóo nú saꞌá nú tiñu Ndiosíꞌ ya̱ kúvi ta̱ꞌvi̱ꞌ ntaji Ta̱chi̱ꞌ Ííꞌ Ndiosíꞌ nu̱u̱nꞌ nú ya̱ chíneí re̱ꞌ noꞌó sáꞌá nú maa, chi rá te̱e kúñáꞌnú nu̱u̱nꞌ rá ñɨvɨ ya̱ kúneí iniꞌ rává Cristo nchi̱só ráa naꞌá ráa xi̱ni̱ꞌ nú, sáva kani ráa noꞌó kuniso nú tiñu vá, jee ɨɨn ráa nna̱kani‑i tu̱ꞌun nkene yuꞌú Ndiosíꞌ ya̱ taji re̱ꞌ ta̱ꞌvi̱ꞌ vá nu̱u̱nꞌ nú.

1 Timoteo 5:22

Koto kéꞌen ya̱chi̱ꞌ nú kani nú ni ɨɨn te̱e kuniso ɨɨn tiñu nu̱u̱nꞌ ñanitáꞌán‑ó, chi xíꞌna íyó kani va̱ꞌa iniꞌ nú. Jee suni koto nákuíñɨꞌ nú jín kua̱chi sáꞌá inka ñɨvɨ. Jee koo ninuꞌun nú.

2 Timoteo 1:6

Saáva xínákúꞌun ni̱ꞌ iniꞌ nú ya̱ chuꞌun káñá nú iniꞌ maánú kuatíñú nú ta̱ꞌvi̱ꞌ va̱ꞌa ya̱ ntaji Ndiosíꞌ nu̱u̱nꞌ nú, ya̱ kúvi ya̱ chíneí chítuvi Ndiosíꞌ noꞌó, sáva saꞌá nú tiñu re̱ꞌ. Jee ta̱ꞌvi̱ꞌ vá níso nú jie̱ꞌe̱ꞌ ya̱ nchi̱só ni̱ꞌ naꞌá ni̱ꞌ xi̱ni̱ꞌ nú.

Hebreos 6:2

jín suni jie̱ꞌe̱ꞌ tu̱ꞌun xínéꞌénꞌ ránꞌ jie̱ꞌe̱ꞌ ya̱ jiánuté, jín jie̱ꞌe̱ꞌ tiñu ya̱ chisó‑ó naꞌá‑ó xi̱ni̱ꞌ ñɨvɨ, jín jie̱ꞌe̱ꞌ ya̱ natekuꞌ i̱i̱ꞌ rá ni̱yɨ, jín jie̱ꞌe̱ꞌ ya̱ sijíta Ndiosíꞌ ñɨvɨ nɨ́ɨ́nkání jie̱ꞌe̱ꞌ kua̱chi ráa.