Hechos 5:42 - Mixteco del suroeste de Tlaxiaco Oaxaca

⁴² Jee ta ki̱vɨ̱ꞌ iniꞌ veñu̱ꞌun káꞌnú jín ta veꞌi ta veꞌi, ni ntu̱né nsíkɨ́kui̱ñɨ̱ꞌ ráa xínéꞌénꞌ ráa jee stékútu̱ꞌún ráa tu̱ꞌun váꞌa jie̱ꞌe̱ꞌ Cristo Jesús.

Hechos 5:42 ပူးပေါင်းရင်းမြစ်များ

Lucas 21:37

Jee ni ki̱vɨ̱ꞌ rá nuví xínéꞌénꞌ Jesús Tu̱ꞌun Ndiosíꞌ chíkéꞌi iniꞌ veñu̱ꞌun káꞌnú, jee rá yakuááꞌ kéne re̱ꞌ jiáꞌánꞌ re̱ꞌ kínóo re̱ꞌ yuku naní Olivos.

Lucas 22:53

Ni ki̱vɨ̱ꞌ nééꞌ ni̱ꞌ jín rán iniꞌ chíkéꞌi veñu̱ꞌun káꞌnú jee ntu ntɨ́ɨn rán nuꞌuꞌ. Soo yaꞌá ví hora rán ya̱ nkuna̱a̱ꞌ iniꞌ Ndiosíꞌ ya̱ saꞌá rán ya̱ niváꞌa jín tiñu tátúníꞌ kui̱ꞌna̱ꞌ kúñáꞌnú nu̱u̱nꞌ ñuunꞌ neenꞌ.

Hechos 11:20

Soo sava ráa kúvi te̱e Chipre jín ñuunꞌ Cirene, jee sáá nkenta ráa nu̱u̱nꞌ ñuunꞌ Antioquía jee suni nste̱kútu̱ꞌún ráa jie̱ꞌe̱ꞌ I̱toꞌoꞌ‑ó Jesús nu̱u̱nꞌ rá ñɨvɨ ntu kúvi Israel.

Hechos 13:32

’Jee ránuꞌuꞌ stékútu̱ꞌún ráníꞌ nu̱u̱nꞌ ránoꞌó tu̱ꞌun váꞌa, ya̱ nchi̱sóyuꞌú Ndiosíꞌ nu̱u̱nꞌ rá jííꞌ‑ó yanaꞌán.

Hechos 17:18

Soo íyó kéꞌín rá te̱e ya̱ sava ráa súkuáꞌa ñujiínꞌ epicúreo. Jee sava ráa súkuáꞌa ñujiínꞌ estoico. Jee nka̱ntátúꞌun ráa jín‑i, jee kéꞌín ráa nkachiꞌ: ―¿Ná kuíni kachiꞌ te̱e nékáíyó káꞌánꞌ yaꞌá? Jee inka ráa ka̱ꞌ nkachiꞌ: ―Túvi‑i kuéntáꞌ ɨɨn te̱e ya̱ xínéꞌénꞌ‑e jie̱ꞌe̱ꞌ rá ndiosíꞌ to̱ꞌo̱ꞌ inka ñuunꞌ. Nkachiꞌ ráa yaꞌá chi nkaꞌanꞌ Pablo tu̱ꞌun váꞌa jie̱ꞌe̱ꞌ Jesús jín jie̱ꞌe̱ꞌ ya̱ nna̱tekuꞌ i̱i̱ꞌ re̱ꞌ jín ya̱ natekuꞌ i̱i̱ꞌ ñɨvɨ nteñu rá níꞌiꞌ.

Hechos 17:3

Nna̱kachiꞌ va̱ꞌa re̱ꞌ ka̱ꞌ tu̱ꞌun vá. Jee nxi̱néꞌénꞌ re̱ꞌ ya̱ Tu̱ꞌun Ndiosíꞌ nkachiꞌ‑i ya̱ Cristo, jee íyó kunoꞌo‑o jee natekuꞌ i̱i̱ꞌ‑i kene nteñu rá níꞌiꞌ. Jee nkachiꞌ Pablo: ―Cristo ví Jesús. Maáréꞌ ví ya̱ stékútu̱ꞌún ni̱ꞌ nu̱u̱nꞌ rán.

Hechos 2:46

Jee ta ki̱vɨ̱ꞌ kútútú ráa iniꞌ veñu̱ꞌun káꞌnú. Jee kútútú ráa veꞌi ta ɨɨn táꞌán ráa, sáva tasáva ráa i̱xta̱tíláꞌ, sáva naku̱ꞌun iniꞌ ráa Jesús. Jee yájíꞌ nkáꞌnú ráa jee kúsɨ́ɨꞌ iniꞌ ráa jee saɨn iniꞌ ráa.

Hechos 20:20

Ntu̱náꞌ nkúmániꞌ ni̱ꞌ nkachitu̱ꞌún ni̱ꞌ nu̱u̱nꞌ rán ya̱ kúvi ya̱ váꞌa nu̱u̱nꞌ rán. Jee nxi̱néꞌénꞌ ni̱ꞌ ránoꞌó nu̱chitú jín veꞌi ta veꞌi.

Hechos 4:20

Soo ntu kúvi sikɨ́kui̱ñɨ̱ꞌ ráníꞌ kachiꞌ ránꞌ jie̱ꞌe̱ꞌ rá niniꞌ ránꞌ jín rá nteso̱ꞌo ránꞌ ―nkachiꞌ Pedro jín Juan.

Hechos 4:29

Jee ntañúꞌún, I̱toꞌoꞌ ráníꞌ, tɨɨn kuéntáꞌ nú ya̱ nsi̱úꞌví ráa ránuꞌuꞌ, ya̱ kúvi ránꞌ rá musúꞌ nú, jee taji nú ya̱ chuneí iniꞌ ránꞌ kaꞌanꞌ ránꞌ tu̱ꞌun nú.

Hechos 8:35

Saájee nka̱jiéꞌé Felipe jín tu̱ꞌun yaꞌá níso nu̱u̱nꞌ Tutuꞌ Ííꞌ ya̱ nkaꞌvi re̱ꞌ, jee nste̱kútu̱ꞌún‑u tu̱ꞌun váꞌa jie̱ꞌe̱ꞌ Jesús nu̱u̱nꞌ re̱ꞌ.

Hechos 8:5

Jee ña̱ꞌa̱nꞌ Felipe ñuunꞌ Samaria, jee nste̱kútu̱ꞌún re̱ꞌ nu̱u̱nꞌ rá ñɨvɨ yukuán jie̱ꞌe̱ꞌ Cristo.

Hechos 9:20

Jee kuíntañúꞌún nste̱kútu̱ꞌún re̱ꞌ jie̱ꞌe̱ꞌ Jesús iniꞌ rá veꞌi sinagoga nu̱u̱nꞌ kútútú rá ñɨvɨ Israel nu̱u̱nꞌ súkuáꞌa ráa Tu̱ꞌun Ndiosíꞌ. Nkachiꞌ re̱ꞌ ya̱ Jesús kúvi Se̱ꞌya Ndiosíꞌ.

1 Corintios 2:2

Chi sáá nééꞌ ni̱ꞌ jín rán, jee nkuna̱a̱ꞌ iniꞌ ni̱ꞌ ya̱ ni ntu̱náꞌ inka ka̱ꞌ tu̱ꞌun kachitu̱ꞌún ni̱ꞌ nu̱u̱nꞌ rán, chisaꞌ ñuꞌun iniꞌ ni̱ꞌ kachitu̱ꞌún ni̱ꞌ kua̱chi tu̱ꞌun jie̱ꞌe̱ꞌ Jesús ya̱ kúvi Cristo nkachiꞌ ni̱ꞌ nu̱u̱nꞌ rán, jín jie̱ꞌe̱ꞌ ya̱ níꞌiꞌ re̱ꞌ nu̱u̱nꞌ kurúsiꞌ sáva natavaꞌ re̱ꞌ yó nu̱u̱nꞌ kua̱chi‑ó sikáku re̱ꞌ yó.

Gálatas 1:16

stúvi re̱ꞌ Se̱ꞌya re̱ꞌ nu̱u̱nꞌ ni̱ꞌ, sáva stekútu̱ꞌún ni̱ꞌ jie̱ꞌe̱ꞌ vá nu̱u̱nꞌ rá ñɨvɨ ntu kúvi Israel. Sáá nsa̱ꞌá re̱ꞌ suꞌva, jee ntu kuísá níkátu̱ꞌún ni̱ꞌ inka ñɨvɨ jie̱ꞌe̱ꞌ tu̱ꞌun vá.

Gálatas 6:14

Soo maáníꞌ ntu̱náꞌ káꞌánꞌ téyɨ́ɨ́ ni̱ꞌ. Kua̱chi káꞌánꞌ téyɨ́ɨ́ ni̱ꞌ jie̱ꞌe̱ꞌ ya̱ níꞌiꞌ I̱toꞌoꞌ‑ó Jesucristo nu̱u̱nꞌ kurúsiꞌ jie̱ꞌe̱ꞌ‑ó. Chi jie̱ꞌe̱ꞌ yukuán jee kúvi kuéntáꞌ níꞌiꞌ rá ñujiínꞌ jiáꞌnu ñɨvɨ ñɨ̱vɨ́ nu̱u̱nꞌ kurúsiꞌ nu̱u̱nꞌ ni̱ꞌ. Chi suni kúvi kuéntáꞌ níꞌiꞌ ni̱ꞌ nu̱u̱nꞌ rá ñujiínꞌ vá, chi ntu yɨ́ꞌɨ́ ni̱ꞌ ka̱ꞌ chi̱ji naꞌá rává.

2 Timoteo 4:2

Saáva tétíñú ni̱ꞌin ni̱ꞌ nu̱u̱nꞌ noꞌó ya̱: Kachitu̱ꞌún nú tu̱ꞌun váꞌa jie̱ꞌe̱ꞌ re̱ꞌ. Naniꞌvɨꞌ iniꞌ nú kachitu̱ꞌún nú maa nu̱u̱nꞌ ñɨvɨ sáá íyó tiempúꞌ núne jee súnika̱ꞌ ntu̱ví tiempúꞌ núne. Naxinákutíñú nú nu̱u̱nꞌ rá ñɨvɨ ya̱ sáꞌá niva̱ꞌa, jee kuxeenꞌ nú nu̱u̱nꞌ ráa, jee nasáneí nú iniꞌ ráa, jín nɨꞌɨ ya̱ káꞌnú íyó iniꞌ nú jín ya̱ xinéꞌénꞌ nú.