Hechos 5:41 - Mixteco del suroeste de Tlaxiaco Oaxaca

⁴¹ I̱ña̱jée nkene rá apóstol nu̱u̱nꞌ Justicia. Jee kúsɨ́ɨꞌ iniꞌ ráa, chi jíníꞌ Ndiosíꞌ ya̱ níkɨ́nꞌ na̱a̱ꞌ ráa Jesús jee saáva nnoꞌo ráa tu̱nkánuun jie̱ꞌe̱ꞌ re̱ꞌ.

Hechos 5:41 ပူးပေါင်းရင်းမြစ်များ

Lucas 6:22

’Na̱ ka̱ꞌ netuꞌ ka̱ꞌ kúvi ránoꞌó sáá táꞌvi iniꞌ ñɨvɨ néꞌyá ráa ránoꞌó, jín sáá táváꞌ ráa ránoꞌó nteñu ráa, jín sáá ténúunꞌ ráa ránoꞌó, jín sáá jíníichiꞌ ráa ránoꞌó káꞌánꞌ niva̱ꞌa ráa jie̱ꞌe̱ꞌ rán jie̱ꞌe̱ꞌ íñɨ́ rán jín nuꞌuꞌ ya̱ nta̱jí Ndiosíꞌ nu̱u̱nꞌ ñɨ̱vɨ́ sáva kuvi ni̱ꞌ Se̱ꞌya Ñɨvɨ.

Juan 15:21

Soo ntáká rá tiñu yaꞌá saꞌá ráa jín ránoꞌó, jie̱ꞌe̱ꞌ ni ka̱ꞌ ya̱ yɨ́ꞌɨ́ rán nu̱u̱nꞌ nuꞌuꞌ, chi jie̱ꞌe̱ꞌ ni ka̱ꞌ ya̱ ntu̱ví jíníꞌ ráa iniꞌ maáréꞌ ya̱ nchu̱ichí re̱ꞌ nuꞌuꞌ va̱ji ni̱ꞌ.

Hechos 21:13

Saájee nna̱xiníkó re̱ꞌ: ―¿Na̱kui chi náꞌyúꞌ rán jee jiáxin rán ánímaꞌ ni̱ꞌ? Chi nsáꞌ kua̱chi íyó túꞌva ni̱ꞌ ya̱ kunuꞌniꞌ ni̱ꞌ, chisaꞌ suni íyó túꞌva ni̱ꞌ kuviꞌ ni̱ꞌ ranika̱ꞌ nu̱u̱nꞌ ñuunꞌ Jerusalén jie̱ꞌe̱ꞌ I̱toꞌoꞌ‑ó Jesús.

Hechos 5:21

Sáá nteso̱ꞌo ráa yaꞌá, jee sáá nku̱nijinꞌ jee nki̱vɨ ráa iniꞌ veñu̱ꞌun káꞌnú jee nka̱jiéꞌé ráa xinéꞌénꞌ ráa. Jee sáá nkenta maá su̱tu̱ꞌ kúñáꞌnú ka̱ꞌ jín rá te̱e íñɨ́ jín re̱ꞌ, jee nkana ráa rá te̱e kúñáꞌnú, sáva kutútú ntáká rá te̱e Justicia Ñáꞌnú nación Israel. Jee nta̱jí ráa ya̱ kuákeꞌen rá te̱e yɨ́ꞌɨ́ iniꞌ veka̱a.

Romanos 5:3

Jee nsáꞌ kua̱chi kuitɨꞌ yaꞌá, chi suni kúsɨ́ɨꞌ iniꞌ‑ó nu̱u̱nꞌ tu̱nóꞌó nóꞌo‑ó, chi jíníꞌ‑ó ya̱ nu̱u̱nꞌ tu̱nóꞌó nóꞌo‑ó vá sáꞌá ya̱ jíjia iniꞌ‑ó káꞌnú koo iniꞌ‑ó keꞌneꞌ iniꞌ‑ó ya̱ kuiñɨ kutú‑ó nu̱u̱nꞌ Jesús.

2 Corintios 12:10

Saáva kúsɨ́ɨꞌ iniꞌ ni̱ꞌ jie̱ꞌe̱ꞌ ya̱ táyáꞌ iniꞌ ni̱ꞌ, jín ya̱ ténúunꞌ ñɨvɨ nuꞌuꞌ, jín sáá kúmániꞌ nu̱u̱nꞌ ni̱ꞌ, jín sáá jíto u̱ꞌvi̱ꞌ ñɨvɨ nuꞌuꞌ, jín sáá táꞌánꞌ ni̱ꞌ tu̱nóꞌó, jie̱ꞌe̱ꞌ sátíñú ni̱ꞌ nu̱u̱nꞌ Cristo. Chi sáá táyáꞌ iniꞌ ni̱ꞌ saájee nátají Cristo fuersáꞌ nu̱u̱nꞌ ni̱ꞌ.

Filipenses 1:29

Chi jie̱ꞌe̱ꞌ Cristo, ntaji Ndiosíꞌ u̱vi̱ꞌ tiñu váꞌa nu̱u̱nꞌ rán: nsáꞌ kua̱chi ntaji re̱ꞌ ya̱ ínúꞌ iniꞌ rán Cristo, chi suni ntaji re̱ꞌ ya̱ kunoꞌo rán jie̱ꞌe̱ꞌ Cristo.

Hebreos 10:34

Chi nku̱náꞌví iniꞌ rán rá ñɨvɨ ya̱ yɨ́ꞌɨ́ iniꞌ veka̱a jie̱ꞌe̱ꞌ íñɨ́ ráa jín tu̱ꞌun váꞌa Cristo. Jee suni ne̱ sɨ̱ɨ̱ꞌ ni̱yo iniꞌ rán sáá nka̱neeꞌ rá ñɨvɨ rá nantíñú kúmí rán, chi jíníꞌ rán ya̱ ne̱ antivɨ́ nu̱u̱nꞌ nééꞌ Ndiosíꞌ yukuán ñúꞌún ta̱ꞌvi̱ꞌ váꞌa nasɨ́kuitɨꞌ rán ka̱ꞌ ya̱ koo nɨ́ɨ́nkání.

Hebreos 12:2

Kunenu̱u̱nꞌ‑ó Jesús ya̱ nu̱u̱nꞌ maáréꞌ va̱ji ya̱ kuneí iniꞌ‑ó re̱ꞌ, jee síkújia re̱ꞌ iniꞌ‑ó ya̱ kuneí va̱ꞌa iniꞌ‑ó re̱ꞌ ne̱ nu̱u̱nꞌ nɨꞌɨ. Chi ñeꞌneꞌ iniꞌ re̱ꞌ nnoꞌo re̱ꞌ nu̱u̱nꞌ kurúsiꞌ, jee ntu ntɨ́ɨn kuéntáꞌ re̱ꞌ ya̱ ku̱ꞌva rá ñɨvɨ tu̱nkánuun nu̱u̱nꞌ re̱ꞌ ya̱ kuviꞌ re̱ꞌ sukuán, chi njia̱ꞌa Ndiosíꞌ re̱ꞌ ya̱ kusɨ̱ɨ̱ꞌ víꞌí iniꞌ re̱ꞌ ichinúúnꞌ jee suni nna̱kuneeꞌ re̱ꞌ ichi kuáꞌá teyuꞌ nu̱u̱nꞌ nééꞌ Ndiosíꞌ tátúníꞌ‑i.

Santiago 1:2

Ránoꞌó ya̱ kúvi ñaniꞌ maáníꞌ jín ku̱ꞌva ni̱ꞌ, íyó tɨɨn rán ya̱ kusɨ̱ɨ̱ꞌ víꞌí iniꞌ ánímaꞌ rán, sáá kototúníꞌ kéꞌín nu̱u̱nꞌ tu̱nóꞌó táꞌánꞌ si̱kɨ̱ꞌ rán.

3 Juan 1:7

Chi nkene ráa jíka ráa sáva saꞌá ráa tiñu Cristo, jee ni ntu̱náꞌ tɨ́ɨn ráa rénákúvi ya̱ chíneí rá ñɨvɨ ya̱ ntu kúneí iniꞌ Jesús.