Hechos 5:39 - Mixteco del suroeste de Tlaxiaco Oaxaca

³⁹ Soo retú tiñu sáꞌá Ndiosíꞌ ví‑i, nkúvi xináánꞌ rán ráa jee nito koo rán maárán chi sa̱naanꞌ kukáꞌnú iniꞌ rán ya̱ kántáꞌán rán jín Ndiosíꞌ ―nkachiꞌ Gamaliel nu̱u̱nꞌ ráa.

Hechos 5:39 ပူးပေါင်းရင်းမြစ်များ

Génesis 24:50

Saájee nna̱xiníkó Labán jín Betuel nu̱u̱nꞌ musúꞌ vá jee nkachiꞌ ráa: ―Tiñu yaꞌá va̱ji ne̱ nu̱u̱nꞌ I̱toꞌoꞌ‑ó, jee nkúvi kachiꞌ ránꞌ nu̱u̱nꞌ nú á ya̱ váꞌa áxí ya̱ niváꞌa ví‑i.

Mateo 16:18

Jee nuꞌuꞌ káchíꞌ ni̱ꞌ nu̱u̱nꞌ nú, ya̱ noꞌó kúvi Pedro. Jee [tu̱ꞌun na̱a̱ꞌ vá ya̱ nkachiꞌ nú], yaꞌá kúvi máá kava káꞌnú nu̱u̱nꞌ samaꞌ ni̱ꞌ veñu̱ꞌun ni̱ꞌ, ya̱ kúvi rá ñɨvɨ kúneí iniꞌ ráa nuꞌuꞌ. Jee nu̱u̱nꞌ íyó rá ánímaꞌ rá ñɨvɨ níꞌiꞌ ntu̱náꞌ kuneí‑i jín rá ñɨvɨ kúneí iniꞌ ráa nuꞌuꞌ.

Lucas 21:15

Chi nuꞌuꞌ taji ni̱ꞌ tu̱ꞌun níchí ki̱vɨ antúníꞌ rán na̱ja kaꞌanꞌ rán naxiníkó rán nu̱u̱nꞌ ráa, sáva ni ɨɨn rá ñɨvɨ ya̱ kénta ráa si̱kɨ̱ꞌ ránó ni nsáꞌ kuneí ráa jín rán ni ntu̱náꞌ íyó nakachiꞌ ráa si̱kɨ̱ꞌ tu̱ꞌun kachiꞌ rán.

Hechos 11:17

Jee suni nkachiꞌ Pedro: ―I̱ña̱jée, ré nsi̱kútaꞌviꞌ Ndiosíꞌ Ta̱chi̱ꞌ Ííꞌ nu̱u̱nꞌ ráa, kuéntáꞌ kua̱ꞌ ntaji re̱ꞌ maa nu̱u̱nꞌ‑ó ya̱ nku̱neí iniꞌ‑ó I̱toꞌoꞌ‑ó Jesús ya̱ kúvi Cristo, jee, ¿né ɨɨn kúvi ni̱ꞌ ya̱ kasɨꞌ ni̱ꞌ nu̱u̱nꞌ Ndiosíꞌ, résa? ―nkachiꞌ Pedro nu̱u̱nꞌ ráa.

Hechos 23:9

Nkuvaaꞌ ni̱ꞌin víꞌí ráa. Jee sava rá te̱e xínéꞌénꞌ jie̱ꞌe̱ꞌ tu̱ꞌun ley nta̱túníꞌ Ndiosíꞌ yanaꞌán, ya̱ íñɨ́ ráa jín rá fariseo, nna̱kuiñɨꞌ ráa, jee nkachiꞌ ráa: ―Ntu̱náꞌ nániꞌinꞌ ránꞌ ni ɨɨn kua̱chi, ya̱ sáꞌá te̱e yaꞌá. Sa̱naanꞌ re̱ꞌ ɨɨn ta̱chi̱ꞌ káꞌánꞌ áxí ɨɨn najiáꞌáꞌ ííꞌ Ndiosíꞌ nkaꞌanꞌ jín re̱ꞌ.

Hechos 6:10

Soo ntu̱né nníꞌínꞌ ráa kuneí ráa jín re̱ꞌ, chi níchí xíniꞌ re̱ꞌ, jee njia̱ꞌa Ta̱chi̱ꞌ Ííꞌ Ndiosíꞌ nu̱u̱nꞌ re̱ꞌ sákachiꞌ re̱ꞌ.

Hechos 7:51

―¡Ránoꞌó ni̱ꞌin ánímaꞌ! Ánímaꞌ rán íyó kuéntáꞌ ánímaꞌ rá ñɨvɨ inka rá nación ya̱ ntu níso yɨkɨkúñu ráa seña Ndiosíꞌ naní circuncisión, ya̱ ntu chíꞌi ráa maáráa xi̱ntíín Ndiosíꞌ, ni ntu tésóꞌo rán tu̱ꞌun re̱ꞌ kuéntáꞌ rá ñɨvɨ vá. Sukuáni núníꞌin rán nu̱u̱nꞌ Ta̱chi̱ꞌ Ííꞌ Ndiosíꞌ. Sánikua̱ꞌ nsa̱ꞌá rá jííꞌ rán yanaꞌán, suni sukuán sáꞌá rán.

Hechos 9:5

Jee ni̱ka̱tu̱ꞌún Saulo: ―¿Né ɨɨn kúvi nú, I̱toꞌoꞌ ni̱ꞌ? Jee nna̱xiníkó ta̱chi̱ꞌ yuꞌú vá: ―Maáníꞌ kúvi Jesús, ya̱ jíto u̱ꞌvi̱ꞌ nú. [Xínóꞌo nú maánú, kuéntáꞌ ɨɨn sa̱na̱ꞌ ya̱ jiáñúꞌ yátá ti̱ꞌ xi̱ni̱ꞌ tu̱xíi ñɨvɨ tájí ti̱ꞌ.]

1 Corintios 1:25

Chi rá tiñu sáꞌá Ndiosíꞌ ya̱ káchíꞌ rá ñɨvɨ ya̱ kúvi tiñu naanꞌ soo tiñu vá kúvi níchí ñúꞌún kájí xíniꞌ ka̱ꞌ nsú ka̱ꞌ ya̱ níchí ñúꞌún xi̱ni̱ꞌ rá ñɨvɨ tu̱ꞌva. Jee sú káꞌvi iniꞌ rá ñɨvɨ ya̱ táyáꞌ Ndiosíꞌ, soo saꞌ víꞌí káꞌ ví fuersáꞌ ííꞌ níso re̱ꞌ nsú ka̱ꞌ fuersáꞌ níso ñɨvɨ.

1 Corintios 10:22

Áxí, ¿á núkú‑ó ya̱ kukuíñɨ́ iniꞌ I̱toꞌoꞌ‑ó yó?, áxí, ¿á níso‑ó ka̱ꞌ fuersáꞌ nsú ka̱ꞌ maá I̱toꞌoꞌ‑ó résa?