Hechos 5:3 - Mixteco del suroeste de Tlaxiaco Oaxaca

³ Soo nkachiꞌ Pedro nu̱u̱nꞌ‑u: ―Ananías, ¿na̱ jie̱ꞌe̱ꞌ chi nku̱neí Satanás ntɨɨn‑ɨ ánímaꞌ nú, sáva katúꞌún nú nu̱u̱nꞌ Ta̱chi̱ꞌ Ííꞌ Ndiosíꞌ, jee nkino̱o nú jín sava xu̱ꞌún ya̱ꞌvi ñuꞌun nú ya̱ nxi̱kó nú?

Hechos 5:3 ပူးပေါင်းရင်းမြစ်များ

Mateo 13:19

Ntáká ñɨvɨ ya̱ tésóꞌo tu̱ꞌun jie̱ꞌe̱ꞌ na̱sa kívɨ ñɨvɨ xi̱ntíín Ndiosíꞌ tátúníꞌ re̱ꞌ nu̱u̱nꞌ ráa, jee ntu̱ví jiáku̱ꞌun iniꞌ ráa tu̱ꞌun vá, jee kénta kui̱ꞌna̱ꞌ kákini jee sííyo re̱ꞌ tu̱ꞌun váꞌa vá ya̱ níꞌinꞌ ñɨvɨ vá ñúꞌún iniꞌ ánímaꞌ‑a. Suvi‑i kúvi kuéntáꞌ nikɨn ya̱ ña̱kava yuíchí sáá nxi̱náváꞌ te̱e vá maa.

Lucas 22:3

Saájee nki̱vɨ kui̱ꞌna̱ꞌ kúñáꞌnú naní Satanás iniꞌ Judas ya̱ suni naní re̱ꞌ Iscariote, jee kúvi re̱ꞌ ɨɨn rá u̱xu̱ꞌ u̱vi̱ꞌ (12) rá kútáꞌán ráa jín Jesús.

Juan 13:2

Jee viko Pascua ni kúxíní Jesús jín rá te̱e súkuáꞌa re̱ꞌ ráa, jee ya nchuꞌun kui̱ꞌna̱ꞌ kúñáꞌnú iniꞌ ánímaꞌ Judas ya̱ naku̱ꞌva re̱ꞌ Jesús xi̱ntíín rá te̱e kánéꞌén. Judas kúvi se̱ꞌya Simón Iscariote.

Juan 13:27

Jee sáá nkuvi ntɨɨn Judas i̱xta̱tíláꞌ vá, jee ntañúꞌún kuitɨꞌ nki̱vɨ Satanás, ya̱ kúvi ta̱chi̱ꞌ kíni kúñáꞌnú, iniꞌ Judas. Saájee nkachiꞌ Jesús nu̱u̱nꞌ Judas: ―Tiñu saꞌá nú, jee ñamani saꞌá maa.

Hechos 5:2

Jee nkino̱o re̱ꞌ jín sava xu̱ꞌún vá. Jee suni jíníꞌ ñasɨ́ꞌɨ́ re̱ꞌ maa. Jee ña̱na̱ka re̱ꞌ sava ni nu̱u̱nꞌ rá te̱e kúvi apóstol kuéntáꞌ retáꞌ nɨꞌɨ.

Hechos 5:4

¿Á nsú ñuꞌun nú kúvi vá, nékúvi? Jee sáá nxi̱kó nú maa, ¿á nsú xu̱ꞌún nú kúvi vá résa? ¿Na̱kui chi nkaꞌvi iniꞌ nú saꞌá nú suꞌva, résa? Nsú nu̱u̱nꞌ rá ñɨvɨ nka̱túꞌún nú, chisaꞌ nu̱u̱nꞌ Ndiosíꞌ nka̱túꞌún nú ―nkachiꞌ Pedro.

Hechos 5:9

Jee Pedro nkachiꞌ nu̱u̱nꞌ ña: ―¿Na̱kui chi nna̱túꞌún nuún tu rán, jee nkaꞌvi iniꞌ rán ya̱ xínáꞌví rán Ta̱chi̱ꞌ Ííꞌ I̱toꞌoꞌ‑ó, résa? Kune̱ꞌyá. I̱ña̱ꞌ va̱ji rá te̱e ña̱se̱ꞌí ráa yɨɨ́ nú. Vitan jee kɨ̱ꞌɨ̱nꞌ ráa jín maánú ―nkachiꞌ Pedro.

Santiago 4:7

Saáva íyó chiꞌi rán maárán xi̱ntíín Ndiosíꞌ. Jee nuni̱ꞌin rán nu̱u̱nꞌ kui̱ꞌna̱ꞌ, jee kunu kui̱ꞌna̱ꞌ nu̱u̱nꞌ rán.

1 Pedro 5:8

Jee kuꞌun ñáꞌnú iniꞌ rán nito koo rán, chi kui̱ꞌna̱ꞌ kúñáꞌnú ya̱ túfíꞌ ta̱ꞌán re̱ꞌ jín ránoꞌó, jíkanuun re̱ꞌ kuéntáꞌ ɨɨn nikaꞌa ya̱ ne̱ nɨ́ꞌɨn sáxéenꞌ ti̱ꞌ núkú ti̱ꞌ kajiꞌ ti̱ꞌ chi núkú re̱ꞌ ɨɨn ñɨvɨ sáva xináánꞌ re̱ꞌ maa.