Hechos 5:12 - Mixteco del suroeste de Tlaxiaco Oaxaca

¹² Nsa̱ꞌá Ndiosíꞌ saꞌá rá te̱e nísotíñú apóstol kue̱ꞌe̱ꞌ seña, ya̱ stúvi ya̱ nchu̱ichí Ndiosíꞌ ráa jín tu̱ꞌun re̱ꞌ, jín kue̱ꞌe̱ꞌ a̱nasɨ́, nteñu rá ñɨvɨ ya̱ tívɨ́ xíniꞌ ráa. Nuún iniꞌ ntáká rá ñɨvɨ ya̱ kúneí iniꞌ ráa Jesús, jee kútútú ráa yuꞌú véꞌi veñu̱ꞌun vá naní Yuꞌú Véꞌi Salomón.

Hechos 5:12 ပူးပေါင်းရင်းမြစ်များ

Marcos 16:20

Jee nke̱i̱chí rá te̱e vá, jee nɨ́ɨ́n nste̱kútu̱ꞌún ráa tu̱ꞌun váꞌa Jesús, jee nchi̱neí maá I̱toꞌoꞌ‑ó ráa, jee nstúvi re̱ꞌ ya̱ naáꞌ ví tu̱ꞌun vá jín seña ííꞌ a̱nasɨ́ nsa̱ꞌá re̱ꞌ. Saá koo. Amén.]

Juan 10:23

Jee jíkanuun Jesús chíkéꞌi iniꞌ veñu̱ꞌun vá ma̱ꞌñú yúvéꞌi nu̱u̱nꞌ naní yúvéꞌi Salomón.

Juan 4:48

Saájee nkachiꞌ Jesús nu̱u̱nꞌ re̱ꞌ: ―Retánꞌ ntu néꞌyá rán rá seña jín tiñu a̱nasɨ́, jee nsáꞌ kúneí kuitɨꞌ iniꞌ rán nuꞌuꞌ ―nkachiꞌ Jesús.

Hechos 1:14

Jee nuún yɨ́tíñú ntáká ráa yaꞌá káꞌánꞌ ráa jín Ndiosíꞌ. Jee kútútú ráa jín rá ñaꞌan, jín María, ya̱ kúvi náánꞌ Jesús, jín rá ñaniꞌ re̱ꞌ sáva kaꞌanꞌ ráa jín Ndiosíꞌ.

Hechos 14:3

Soo kue̱ꞌe̱ꞌ tiempúꞌ nkino̱o Pablo jín Bernabé yukuán, jee nkaꞌanꞌ neí iniꞌ ráa, chi kúneí iniꞌ ráa I̱toꞌoꞌ‑ó. Jee I̱toꞌoꞌ‑ó nsa̱ꞌá re̱ꞌ ya̱ saꞌá ráa rá seña jín a̱nasɨ́ sáva nstúvi ya̱ íyó na̱a̱ꞌ tu̱ꞌun káꞌánꞌ ráa, jie̱ꞌe̱ꞌ íyó mániꞌ iniꞌ re̱ꞌ néꞌyá re̱ꞌ rá ñɨvɨ ya̱ síkáku re̱ꞌ yó ya̱ ntu íyó ni̱ꞌi̱nꞌ‑ó maa.

Hechos 16:18

Kue̱ꞌe̱ꞌ ki̱vɨ̱ꞌ nsa̱ꞌá ña yaꞌá, jee nku̱níní víꞌí iniꞌ Pablo. Jee nna̱ikó re̱ꞌ jee nkachiꞌ re̱ꞌ nu̱u̱nꞌ ta̱chi̱ꞌ kíni vá: ―Nu̱u̱nꞌ súví Jesús ya̱ kúvi Cristo, tátúníꞌ ni̱ꞌ nu̱u̱nꞌ nú, kene nú ñasúchí vá. Jee kuísá nkene‑e ña.

Hechos 19:11

Jee nsa̱ꞌá Ndiosíꞌ ya̱ sáꞌá Pablo rá tiñu máá ñáꞌnú rá a̱nasɨ́,

Hechos 2:46

Jee ta ki̱vɨ̱ꞌ kútútú ráa iniꞌ veñu̱ꞌun káꞌnú. Jee kútútú ráa veꞌi ta ɨɨn táꞌán ráa, sáva tasáva ráa i̱xta̱tíláꞌ, sáva naku̱ꞌun iniꞌ ráa Jesús. Jee yájíꞌ nkáꞌnú ráa jee kúsɨ́ɨꞌ iniꞌ ráa jee saɨn iniꞌ ráa.

Hechos 28:9

Sáá nkuvi yaꞌá, suni nkiji rá inka ñɨvɨ kúꞌvíꞌ nu̱u̱nꞌ ñuunꞌ yukuán, jee nxi̱núvi re̱ꞌ ráa.

Hechos 3:11

Ni tɨ́ɨn te̱e ni̱yo lénkó vá Pedro jín Juan, jee nɨꞌɨ rá ñɨvɨ ninu tútú nu̱u̱nꞌ íñɨ́ ráa nteñu yuꞌú véꞌi, naní Yuꞌú Véꞌi Salomón. Jee nti̱vɨ́ xá xíniꞌ ráa.

Hechos 4:30

Jee jín fuersáꞌ ííꞌ nú xinúvi nú rá kúꞌvíꞌ, jee saꞌá nú rá seña a̱nasɨ́ ya̱ kuniꞌ ráa ya̱ kúñáꞌnú nú, jín rá a̱nasɨ́ ya̱ xtívɨ́‑ɨ xíniꞌ rá ñɨvɨ, nu̱u̱nꞌ súví Se̱ꞌya ííꞌ nú, Jesús.

Hechos 9:33

Jee yukuán nna̱niꞌinꞌ re̱ꞌ ɨɨn te̱e naní Eneas, ya̱ íyó u̱na̱ꞌ kui̱ya̱ꞌ ya̱ káá‑a nu̱u̱nꞌ i̱to, chi ntu kúvi kantaꞌ‑a.

Hechos 9:40

I̱ña̱jée ntavaꞌ Pedro nɨꞌɨ ráa chíkéꞌi. Jee ña̱kui̱ñɨ̱ꞌ ítɨ́ re̱ꞌ jee nkaꞌanꞌ re̱ꞌ jín Ndiosíꞌ. Sáá nna̱koto re̱ꞌ nu̱u̱nꞌ ñunéꞌyúꞌ ña, jee nkachiꞌ re̱ꞌ: ―Tabita. Nako̱o. Jee nna̱kune nchinúún ña, jee sáá niniꞌ ña Pedro jee nnako̱o ña nna̱kuneeꞌ ña.

Romanos 15:19

jín ya̱ káꞌánꞌ ni̱ꞌ jie̱ꞌe̱ꞌ ya̱ nsa̱ꞌá re̱ꞌ jín ni̱ꞌ rá seña ya̱ níso fuersáꞌ ííꞌ jín rá a̱nasɨ́ sáva stúvi ya̱ kúñáꞌnú re̱ꞌ, chi Ta̱chi̱ꞌ Ííꞌ re̱ꞌ nsa̱ꞌá maa jín fuersáꞌ ííꞌ níso re̱ꞌ. Nsa̱ꞌá re̱ꞌ nɨꞌɨ yaꞌá sáva sikúnkuvi ni̱ꞌ stekútu̱ꞌún ni̱ꞌ tu̱ꞌun váꞌa jie̱ꞌe̱ꞌ Cristo ne̱ ñuunꞌ Jerusalén, jín ntáká rá ñuunꞌ ya̱ káá ni̱kótíyu ntáká ichi yukuán, kénta kua̱íyó ne̱ rá ñuunꞌ ya̱ sánitɨ́ɨn ñuunꞌ Ilírico.

2 Corintios 12:12

Chi maá nááꞌ nijia ya̱ káꞌnú íyó iniꞌ ni̱ꞌ nsa̱ꞌá ni̱ꞌ rá seña nteñu rán, ya̱ stúvi‑i ya̱ níso ni̱ꞌ tiñu apóstol ya̱ chúichi Cristo, chi nsa̱ꞌá ni̱ꞌ rá milagrúꞌ ya̱ tívɨ́ xíniꞌ ñɨvɨ jie̱ꞌe̱ꞌ Ndiosíꞌ maá ñáꞌnú, jín rá tiñu a̱nasɨ́ nsa̱ꞌá ni̱ꞌ jín fuersáꞌ ííꞌ Ndiosíꞌ.

Hebreos 2:4

Jee stúvi maá Ndiosíꞌ ya̱ naáꞌ ví tu̱ꞌun vá. Chi nsa̱ꞌá re̱ꞌ ya̱ saꞌá rá te̱e vá rá seña, jín tiñu ñáꞌnú ya̱ tívɨ́ xíniꞌ‑ó, jín kéꞌín nu̱u̱nꞌ a̱nasɨ́, ya̱ stúvi ya̱ naáꞌ ví tu̱ꞌun vá. Jee suni ntaji re̱ꞌ Ta̱chi̱ꞌ Ííꞌ re̱ꞌ nu̱u̱nꞌ ta ɨɨn ɨɨn‑órán, sáva saꞌá‑a ya̱ kuvi saꞌá‑ó sɨ́ɨ́n sɨ́ɨ́n tiñu re̱ꞌ, sánikua̱ꞌ kuíni maáréꞌ.