Hechos 4:7 - Mixteco del suroeste de Tlaxiaco Oaxaca

⁷ Jee ñani ráa Pedro jín Juan ma̱ꞌñú ráa, jee nxi̱náꞌmáꞌ ráa rává: ―¿Na̱ fesáꞌ ííꞌ níso rán?, áxí, ¿nu̱u̱nꞌ né ɨɨn súví nsa̱ꞌá rán tiñu yaꞌá?

Hechos 4:7 ပူးပေါင်းရင်းမြစ်များ

Mateo 21:23

Sáá nki̱vɨ tuku Jesús chíkéꞌi nééꞌ ichinúúnꞌ veñu̱ꞌun káꞌnú, jee nku̱yatin rá su̱tu̱ꞌ kúñáꞌnú ka̱ꞌ, jín rá te̱e kúñáꞌnú tátúníꞌ nu̱u̱nꞌ rá ñɨvɨ, nu̱u̱nꞌ íñɨ́ re̱ꞌ xínéꞌénꞌ re̱ꞌ Tu̱ꞌun Ndiosíꞌ rá ñɨvɨ, jee nkachiꞌ rá te̱e vá nu̱u̱nꞌ re̱ꞌ: ―¿Na̱ tiñu níso nú ya̱ sáꞌá nú rá tiñu yaꞌá? Jee, ¿né ɨɨn ntaji tiñu yaꞌá nu̱u̱nꞌ nú sáꞌá nú maa rúja? ―nkachiꞌ ráa.

Marcos 11:28

Jee ni̱ka̱tu̱ꞌún ráa re̱ꞌ: ―¿Ná tiñu níso nú ya̱ sáꞌá nú rá tiñu yaꞌá?, áxí, ¿né ɨɨn ntaji tiñu níso nú ya̱ sáꞌá nú rá tiñu yaꞌá rúja?

Juan 2:18

Saájee rá te̱e kúñáꞌnú nu̱u̱nꞌ rá ñɨvɨ Israel nkachiꞌ ráa nu̱u̱nꞌ re̱ꞌ: ―¿Na̱ seña xtúvi nú nu̱u̱nꞌ ránꞌ ya̱ íyó tiñu níso nú ya̱ sáꞌá nú rá tiñu yaꞌá résa? ―nkachiꞌ ráa.

Juan 8:3

Saájee rá te̱e xínéꞌénꞌ jie̱ꞌe̱ꞌ tu̱ꞌun nta̱túníꞌ Ndiosíꞌ jín rá te̱e fariseo, nki̱naka ráa nu̱u̱nꞌ Jesús ɨɨn ñaꞌan ya̱ ntɨɨn ráa ña sáá sáꞌá téní ña. Jee ñani ráa ña ma̱ꞌñú rá ñɨvɨ nééꞌ yukuán.

Juan 8:9

Soo sáá nteso̱ꞌo ráa rá tu̱ꞌun nkachiꞌ re̱ꞌ yaꞌá, jee ta ɨɨn ta ɨɨn ráa nkene ráa kua̱ꞌa̱nꞌ ráa, jee xíꞌna ka̱ꞌ rá ñɨvɨ ñáꞌnú ka̱ꞌ nkene, jee nkene ka̱ꞌ rá inka ya̱ nekuaꞌ nɨꞌɨ ráa nkene ráa kua̱ꞌa̱nꞌ ráa, jee métúꞌún ni ka̱ꞌ Jesús nkino̱o re̱ꞌ jín ñaꞌan vá ya̱ íñɨ́ ña ma̱ꞌñú rá ñɨvɨ.

Hechos 4:10

íyó kuniꞌ ntáká rán jín ntáká ñɨvɨ Israel ya̱ nu̱u̱nꞌ súví Jesús ya̱ kúvi Cristo, te̱e ñuunꞌ Nazaret, maáréꞌ ya̱ ñaꞌniꞌ rán nu̱u̱nꞌ kurúsiꞌ, soo nxi̱nákóo Ndiosíꞌ re̱ꞌ nteñu rá níꞌiꞌ, jee nxi̱nátekuꞌ i̱i̱ꞌ Ndiosíꞌ re̱ꞌ, jee íyó kuniꞌ rán ya̱ nu̱u̱nꞌ tiñu níso re̱ꞌ nnuva̱ꞌa te̱e yaꞌá, ya̱ íñɨ́‑ɨ nu̱u̱nꞌ rán.

Hechos 4:6

Yukuán nku̱tútú Anás, ya̱ kúvi su̱tu̱ꞌ kúñáꞌnú ka̱ꞌ nu̱u̱nꞌ nɨꞌɨ su̱tu̱ꞌ, jín Caifás, jín Juan, jín Alejandro, jín ntáká rá inka te̱e, ya̱ kúvi táꞌán su̱tu̱ꞌ kúñáꞌnú ka̱ꞌ.

Hechos 4:8

Jee kuíre nchi̱tú Ta̱chi̱ꞌ Ííꞌ Ndiosíꞌ Pedro sáva kaꞌanꞌ re̱ꞌ, jee nkachiꞌ re̱ꞌ nu̱u̱nꞌ ráa: ―Ránoꞌó ya̱ nísotíñú nu̱u̱nꞌ rá ñɨvɨ jín ránoꞌó te̱e kúñáꞌnú.

Hechos 5:40

Jee ni̱yo maniꞌ ráa tu̱ꞌun nkachiꞌ re̱ꞌ. Jee nna̱kana i̱i̱ꞌ ráa rá te̱e nísotíñú apóstol jee nta̱jí ráa ya̱ chiꞌi yoꞌo rává, jee nta̱túníꞌ ráa ya̱ to káchíꞌ rává ka̱ꞌ tu̱ꞌun nu̱u̱nꞌ súví Jesús. Jee nsia̱áꞌ ráa rává kua̱ꞌa̱nꞌ.