Hechos 4:5 - Mixteco del suroeste de Tlaxiaco Oaxaca

⁵ Sáá nkuvi inka ki̱vɨ̱ꞌ, nku̱tútú rá te̱e nísotíñú nu̱u̱nꞌ rá ñɨvɨ ñuunꞌ Israel, jín rá te̱e kúñáꞌnú, jín rá te̱e xínéꞌénꞌ jie̱ꞌe̱ꞌ tu̱ꞌun ley nta̱túníꞌ Ndiosíꞌ, nku̱tútú ráa ñuunꞌ káꞌnú Jerusalén.

Hechos 4:5 ပူးပေါင်းရင်းမြစ်များ

Marcos 15:1

Jee ya̱neꞌenꞌ, nna̱túꞌún rá su̱tu̱ꞌ kúñáꞌnú, jín rá te̱e kúñáꞌnú, jín rá te̱e xínéꞌénꞌ jie̱ꞌe̱ꞌ tu̱ꞌun nta̱túníꞌ Ndiosíꞌ, jín nɨꞌɨ rá inka ka̱ꞌ te̱e yɨ́ꞌɨ́ Justicia Ñáꞌnú ya̱ néen kuéntáꞌ ráa nu̱u̱nꞌ Israel. Jee niꞌniꞌ ráa Jesús, jee nnaka ráa maa, jee nna̱ku̱ꞌva ráa maa xi̱ntíín Pilato.

Lucas 20:1

Jee nkuvi tiñu yaꞌá ɨɨn ki̱vɨ̱ꞌ sáá xínéꞌénꞌ Jesús Tu̱ꞌun Ndiosíꞌ nu̱u̱nꞌ rá ñɨvɨ chíkéꞌi iniꞌ veñu̱ꞌun káꞌnú, jee stékútu̱ꞌún re̱ꞌ tu̱ꞌun váꞌa Ndiosíꞌ nu̱u̱nꞌ rá ñɨvɨ. Saájee nkenta rá su̱tu̱ꞌ kúñáꞌnú ka̱ꞌ, jín rá te̱e ya̱ xínéꞌénꞌ tu̱ꞌun nta̱túníꞌ Ndiosíꞌ jín suni rá te̱e kúñáꞌnú nu̱u̱nꞌ ñuunꞌ vá.

Lucas 22:66

Jee sáá ntu̱u̱nꞌ nka̱niiꞌ, nku̱tútú rá te̱e kúñáꞌnú nu̱u̱nꞌ rá ñɨvɨ ñuunꞌ vá, jín rá su̱tu̱ꞌ kúñáꞌnú jín rá te̱e xínéꞌénꞌ jie̱ꞌe̱ꞌ tu̱ꞌun nta̱túníꞌ Ndiosíꞌ, jee kua̱ꞌa̱nꞌ ráa jín Jesús nu̱u̱nꞌ kútútú ráa ya̱ kúvi ráa Justicia Ñáꞌnú, jee ni̱ka̱tu̱ꞌún ráa re̱ꞌ jee nkachiꞌ ráa:

Lucas 23:13

Jee sáá nkana Pilato rá su̱tu̱ꞌ kúñáꞌnú jín rá te̱e nísotíñú, jín rá ñɨvɨ ñuunꞌ sáva kutútú ráa,

Lucas 24:20

Jee rá su̱tu̱ꞌ kúñáꞌnú jín rá te̱e kúñáꞌnú nísotíñú nu̱u̱nꞌ ránꞌ, nna̱ku̱ꞌva ráa re̱ꞌ xi̱ntíín rá te̱e Roma nísotíñú ráa nu̱u̱nꞌ‑ó, sáva saꞌá náaꞌ rá te̱e vá ya̱ tekaa ráa re̱ꞌ nu̱u̱nꞌ kurúsiꞌ kuviꞌ re̱ꞌ.

Hechos 4:8

Jee kuíre nchi̱tú Ta̱chi̱ꞌ Ííꞌ Ndiosíꞌ Pedro sáva kaꞌanꞌ re̱ꞌ, jee nkachiꞌ re̱ꞌ nu̱u̱nꞌ ráa: ―Ránoꞌó ya̱ nísotíñú nu̱u̱nꞌ rá ñɨvɨ jín ránoꞌó te̱e kúñáꞌnú.

Hechos 5:34

Soo nnakui̱ñɨ̱ꞌ nichiꞌ ɨɨn te̱e naní Gamaliel ichinúúnꞌ Justicia. Kúvi re̱ꞌ ɨɨn te̱e yɨ́ꞌɨ́ ñujiínꞌ fariseo, ya̱ xínéꞌénꞌ re̱ꞌ jie̱ꞌe̱ꞌ tu̱ꞌun ley Ndiosíꞌ. Jee íyó ñáꞌnú nɨꞌɨ rá ñɨvɨ nu̱u̱nꞌ re̱ꞌ. Jee nta̱túníꞌ re̱ꞌ ya̱ tavaꞌ ráa rá te̱e vá chíkéꞌi unúún.

Hechos 6:12

Jee nsi̱kántáꞌátúꞌun ráa rá ñɨvɨ, jín rá te̱e xínéꞌénꞌ jie̱ꞌe̱ꞌ tu̱ꞌun ley nta̱túníꞌ Ndiosíꞌ, jín rá te̱e kúñáꞌnú si̱kɨ̱ꞌ Esteban. Jee ña̱tɨɨn ráa maa, jee nna̱ku̱ꞌva ráa maa nu̱u̱nꞌ rá Justicia Kúñáꞌnú.