Hechos 4:34 - Mixteco del suroeste de Tlaxiaco Oaxaca

³⁴ Chi nteñu ráa ntu̱ví ñɨvɨ kúmániꞌ nu̱u̱nꞌ‑u. Chi néni ɨɨn rá ñɨvɨ xín ñuꞌun áxí xín veꞌi, jee sáá nxi̱kó ráa maa, jee jiánaka ráa xu̱ꞌún vá

Hechos 4:34 ပူးပေါင်းရင်းမြစ်များ

Mateo 19:21

Jee nkachiꞌ Jesús nu̱u̱nꞌ‑u: ―Retú kuíni nú kuvi nú ɨɨn te̱e na̱a̱ꞌ ya̱ síkúnkuvi nɨꞌɨ, kuáꞌán, jee xi̱kó nú nɨꞌɨ rá nantíñú kúmí nú, jee ku̱ꞌva xu̱ꞌún vá nu̱u̱nꞌ rá ñɨvɨ láꞌví, saájee ni̱ꞌi̱nꞌ nú ta̱ꞌvi̱ꞌ váꞌa ka̱ꞌ yɨ́yáꞌvi víꞌí ne̱ antivɨ́ súkún. Jee neꞌenꞌ kunikɨnꞌ nú nuꞌuꞌ ―nkachiꞌ Jesús.

Marcos 10:21

Soo sáá nne̱ꞌyá Jesús nu̱u̱nꞌ te̱e vá, jee nñunu̱u̱nꞌ re̱ꞌ maa, jee nkachiꞌ re̱ꞌ nu̱u̱nꞌ‑u: ―Kúmániꞌ ɨɨn ka̱ꞌ tiñu íyó saꞌá nú. Kuáꞌán, jee xi̱kó nú nɨꞌɨ rá nantíñú kúmí nú, jee ku̱ꞌva xu̱ꞌún vá nu̱u̱nꞌ rá láꞌví, saájee ni̱ꞌi̱nꞌ nú ta̱ꞌvi̱ꞌ váꞌa ka̱ꞌ yɨ́yáꞌvi víꞌí ne̱ antivɨ́ súkún. Jee neꞌenꞌ kunikɨnꞌ nú nuꞌuꞌ, [jee xináán iniꞌ nú maánú kuéntáꞌ ɨɨn ya̱ níso kurúsiꞌ sáva kuviꞌ‑i nu̱u̱nꞌ vá jie̱ꞌe̱ꞌ nuꞌuꞌ] ―nkachiꞌ Jesús nu̱u̱nꞌ re̱ꞌ.

Lucas 12:33

Xi̱kó rán nantíñú rán, jee ku̱ꞌva rán xu̱ꞌún nu̱u̱nꞌ rá ñɨvɨ láꞌví. Jee sukuán chuva̱ꞌa rán ta̱ꞌvi̱ꞌ yɨ́yáꞌvi maárán ya̱ ntu nɨ́ꞌɨ‑ɨ iniꞌ antivɨ́ súkún, jee suꞌva kuéntáꞌ yukuán saꞌá rán ñɨɨn xu̱ꞌún maárán ya̱ ntu kutúꞌú‑u. Jee yukuán ntu kénta rá kui̱ꞌná, ni ntu stívɨ́ ti̱kixinꞌ maa.

Lucas 16:9

Soo sú rá ñɨvɨ ntu náaꞌ núkú ráa rá nantíñú kumí ráa, soo nuꞌuꞌ káchíꞌ ni̱ꞌ nu̱u̱nꞌ ránoꞌó ya̱ kuatíñú rán rá kúmí rán iniꞌ ñɨ̱vɨ́ yaꞌá sáva saꞌá va̱ꞌa rán jín ñɨvɨ sáva ni̱ꞌi̱nꞌ rán ya̱ tɨɨn ráa Tu̱ꞌun Ndiosíꞌ jee suꞌva saꞌá mániꞌ táꞌán rán, jee sáá nɨꞌɨ rá kúmí rán iniꞌ ñɨ̱vɨ́ yaꞌá, jee nakuatáꞌví ráa ránoꞌó sáá kenta rán nu̱u̱nꞌ nééꞌ Ndiosíꞌ nu̱u̱nꞌ kuneeꞌ rán nɨ́ɨ́nkání.

Lucas 22:35

Saájee nkachiꞌ Jesús nu̱u̱nꞌ ráa. ―Sáá nta̱jí ni̱ꞌ ránoꞌó ña̱kachitu̱ꞌún rán tu̱ꞌun váꞌa Ndiosíꞌ, jee ni̱ꞌ ntu̱náꞌ ñɨɨn ñúꞌún xu̱ꞌún rán ínaꞌá rán, ni ñunu ñúꞌún nantíñú nú, ni ni̱jia̱nꞌ, jee, ¿á níyo ná nkumaniꞌ nu̱u̱nꞌ rán ya̱ jíniñúꞌún rán rúja? ―nkachiꞌ re̱ꞌ. Jee nkachiꞌ ráa: ―Ntu̱náꞌ nkúmániꞌ.

Hechos 2:45

Saáva sáá xíkó ráa rá ñuꞌun ráa jín rá nantíñú ráa, jee tásáva ráa xu̱ꞌún vá nu̱u̱nꞌ ntáká ráa na̱kua̱ꞌ jíniñúꞌún ne̱ ni ɨɨn ráa.

Hechos 4:37

Ni̱yo ɨɨn ñuꞌun re̱ꞌ ya̱ nxi̱kó re̱ꞌ maa, jee ña̱na̱ka re̱ꞌ xu̱ꞌún ya̱ꞌvi ñuꞌun vá nu̱u̱nꞌ rá te̱e nísotíñú apóstol.

2 Corintios 8:14

chisaꞌ sáva nuún ni̱ꞌi̱nꞌ‑o ya̱ jíniñúꞌún‑ó. Chi tiempúꞌ vitan, sáá íyó kue̱ꞌe̱ꞌ nu̱u̱nꞌ rán, jee kúvi jiáꞌa rán nu̱u̱nꞌ ráa ya̱ kúmániꞌ nu̱u̱nꞌ ráa. Jee suni sukuán sáá koo kue̱ꞌe̱ꞌ nu̱u̱nꞌ rá inka ñɨvɨ ranika̱ꞌ, jee kuvi taji ráa nu̱u̱nꞌ rán sáá kumaniꞌ ya̱ jíniñúꞌún rán. Sáva nuún ni̱ꞌi̱nꞌ‑ó ya̱ jíniñúꞌún‑ó.

1 Tesalonicenses 4:12

Íyó saꞌá suꞌva sáva kaka ñáꞌnú rán nu̱u̱nꞌ rá inka ñɨvɨ ntu yɨ́ꞌɨ́ ráa nu̱u̱nꞌ Jesús. Jee sákua nku̱mániꞌ nu̱u̱nꞌ rán.

1 Timoteo 6:19

Suꞌva chuꞌun va̱ꞌa ráa ya̱ váꞌa, ya̱ kino̱o kutú nɨ́ɨ́nkání tiempúꞌ ichinúúnꞌ, kuéntáꞌ íyó ɨɨn koo nu̱u̱nꞌ sámáꞌ va̱ꞌa ráa, ya̱ kino̱o kutú. Chuꞌun va̱ꞌa ráa ya̱ váꞌa suꞌva, sáva kuꞌun iniꞌ ráa ya̱ va̱ꞌa víꞌí ka̱ꞌ kutekuꞌ nijia ráa jín Cristo.

Santiago 1:27

Jee tɨ́ɨn kuéntáꞌ Tátáꞌ‑ó Ndiosíꞌ ya̱ néñu̱ꞌun ninuꞌun‑ó re̱ꞌ, jín ya̱ saɨn iniꞌ‑ó ya̱ néñu̱ꞌun‑ó re̱ꞌ retú sáꞌá‑ó yaꞌá: ya̱ chíneí‑ó rá kuáchí nkino̱o láꞌví jín rá ñaꞌan ya̱ nkino̱o náꞌví ráa, ya̱ kúkuíꞌyáꞌ iniꞌ ráa nu̱u̱nꞌ ya̱ nóꞌo ráa, jee suni ya̱ kúmí‑ó maáó ya̱ ntu sátéꞌén‑ó ánímaꞌ‑ó jín ya̱ niváꞌa ya̱ níyo iniꞌ ñɨvɨ ñɨ̱vɨ́.