Hechos 4:32 - Mixteco del suroeste de Tlaxiaco Oaxaca

³² Jee rá ñɨvɨ kue̱ꞌe̱ꞌ ya̱ kúneí iniꞌ ráa Jesús, jee nuún ánímaꞌ ráa jee nuún ñúꞌún iniꞌ ráa. Ni ɨɨn ráa ntu káchíꞌ ya̱ kua̱chi maáréꞌ ví i̱toꞌoꞌ xí na̱ni nantíñú re̱ꞌ. Chi nñu̱ꞌun iniꞌ ráa ya̱ nɨꞌɨ nantíñú ráa kúvi nantíñú nkáꞌnú ráa.

Hechos 4:32 ပူးပေါင်းရင်းမြစ်များ

Juan 17:11

’Jee nsáꞌ kuneeꞌ ni̱ꞌ ka̱ꞌ iniꞌ ñɨ̱vɨ́ yaꞌá. Jee suviráa kino̱o ráa kuneeꞌ ráa iniꞌ ñɨ̱vɨ́ yaꞌá, jee nuꞌuꞌ chi kua̱najiaaꞌ ni̱ꞌ nu̱u̱nꞌ nú, Tátáꞌ ni̱ꞌ ya̱ ííꞌ nasɨ́kuitɨꞌ. Jee jíkánꞌ táꞌvíꞌ ni̱ꞌ nu̱u̱nꞌ nú ya̱ kumaꞌñu kusava nú ráa jín fuersáꞌ ííꞌ nú ya̱ ntaji nú nu̱u̱nꞌ ni̱ꞌ, sáva saꞌá nú ya̱ ɨɨn ni kuvi ráa kuéntáꞌ kua̱ꞌ maánú jín nuꞌuꞌ.

Hechos 1:14

Jee nuún yɨ́tíñú ntáká ráa yaꞌá káꞌánꞌ ráa jín Ndiosíꞌ. Jee kútútú ráa jín rá ñaꞌan, jín María, ya̱ kúvi náánꞌ Jesús, jín rá ñaniꞌ re̱ꞌ sáva kaꞌanꞌ ráa jín Ndiosíꞌ.

Hechos 2:1

Sáá nkenta ki̱vɨ̱ꞌ viko Pentecostés, nku̱tútú ntáká ráa ɨɨn nu̱u̱nꞌ.

Hechos 5:12

Nsa̱ꞌá Ndiosíꞌ saꞌá rá te̱e nísotíñú apóstol kue̱ꞌe̱ꞌ seña, ya̱ stúvi ya̱ nchu̱ichí Ndiosíꞌ ráa jín tu̱ꞌun re̱ꞌ, jín kue̱ꞌe̱ꞌ a̱nasɨ́, nteñu rá ñɨvɨ ya̱ tívɨ́ xíniꞌ ráa. Nuún iniꞌ ntáká rá ñɨvɨ ya̱ kúneí iniꞌ ráa Jesús, jee kútútú ráa yuꞌú véꞌi veñu̱ꞌun vá naní Yuꞌú Véꞌi Salomón.

Romanos 12:5

Jee suni sukuán súnika̱ꞌ kue̱ꞌe̱ꞌ‑ó íyó, soo kuéntáꞌ ɨɨn yɨkɨkúñu kúvi‑ó ya̱ yɨ́ꞌɨ́‑ó nu̱u̱nꞌ Cristo, jee ta ɨɨn‑ó yɨ́ꞌɨ́‑ó nu̱u̱nꞌ ɨɨn inka‑ó.

1 Corintios 1:10

Jee jíkánꞌ táꞌvíꞌ ni̱ꞌ nu̱u̱nꞌ ránoꞌó ñaniꞌ jín ku̱ꞌva, nu̱u̱nꞌ súví I̱toꞌoꞌ‑ó Jesús ya̱ kúvi Cristo ya̱ ɨɨn ni kuvi‑ó ya̱ ɨɨn nuún ni natúꞌún rán, jee koto sáꞌá sɨ́ɨ́n rán maárán nteñu rá táꞌán rán, chisaꞌ ɨnuún koo iniꞌ antúníꞌ rán jín nuún kuꞌun iniꞌ rán.

2 Corintios 13:11

Nu̱u̱nꞌ nɨ́ꞌɨ, tátúníꞌ ni̱ꞌ nu̱u̱nꞌ ránoꞌó ñanitáꞌán ya̱, na̱ ka̱ꞌ kusɨ̱ɨ̱ꞌ iniꞌ ánímaꞌ rán, na̱ ka̱ꞌ kujia noo iniꞌ rán nu̱u̱nꞌ Cristo ne̱ kuna̱a̱ꞌ rán, jee na̱ ka̱ꞌ tɨɨn kuéntáꞌ rán rá tu̱ꞌun ya̱ xínániꞌvɨꞌ ni̱ꞌ iniꞌ rán, jee na̱ ka̱ꞌ nuún kuꞌun iniꞌ rán, jee na̱ ka̱ꞌ ñunkúún kuneeꞌ rán jín ɨɨn inka táꞌán rán. Jee maá Ndiosíꞌ, ya̱ sáꞌá ya̱ kunu̱u̱nꞌ‑ó ɨɨn inka‑ó jín ya̱ kuneeꞌ ñunkúún‑ó jín ɨɨn inka‑ó, jee koo re̱ꞌ jín rán.

Filipenses 1:27

Ñáꞌnú ka̱ꞌ ví ya̱ kueꞌnu na̱a̱ꞌ rán nu̱u̱nꞌ Ndiosíꞌ na̱kua̱ꞌ íyó kueꞌnu rá ñɨvɨ ya̱ tɨɨn tu̱ꞌun va̱ꞌa Cristo. Jee suꞌva, vasúꞌ kua̱jiaaꞌ kune̱ꞌyá ni̱ꞌ ránoꞌó, áxí vasúꞌ koo íká ni̱ꞌ nu̱u̱nꞌ rán, jee teso̱ꞌo ni̱ꞌ, ya̱ nuún íñɨ́ ni̱ꞌin rán jín tu̱ꞌun va̱ꞌa vá, jín ya̱ nuún ñúꞌún iniꞌ rán, jín ya̱ nuún nunasɨ́ tútú ni̱ꞌin rán sátíñú rán nu̱u̱nꞌ tu̱ꞌun va̱ꞌa Jesús ya̱ kúneí iniꞌ rán.

1 Pedro 3:8

Jee nu̱u̱nꞌ nɨꞌɨ ɨɨn nuún ni kuꞌun iniꞌ ɨɨn inka ntáká rán, kunáꞌví iniꞌ rán táꞌán rán ré na̱kuáꞌ nóꞌo‑o, kunu̱u̱nꞌ rán ɨɨn inka ñanitáꞌán rán, kuñunkúún iniꞌ ánímaꞌ rán jee kuꞌun láꞌví iniꞌ rán.

1 Pedro 4:11

Retú níꞌínꞌ ɨɨn ránoꞌó ɨɨn ta̱ꞌvi̱ꞌ ya̱ chíneí Ndiosíꞌ nó kaꞌanꞌ nú, jee kaꞌanꞌ sáni káꞌánꞌ nú Tu̱ꞌun Ndiosíꞌ. Jee retú ɨɨn ránoꞌó ni̱ꞌi̱nꞌ nú ta̱ꞌvi̱ꞌ ya̱ chineí nú táꞌán nú, jee saꞌá nú maa jín fuersáꞌ táji Ndiosíꞌ nu̱u̱nꞌ nú, sáva nakuetúꞌún rá ñɨvɨ Ndiosíꞌ jie̱ꞌe̱ꞌ ntáká tiñu sáꞌá rán jie̱ꞌe̱ꞌ Jesús ya̱ kúvi Cristo, jee kúñáꞌnú nasɨ́kuitɨꞌ re̱ꞌ tátúníꞌ re̱ꞌ nɨ́ɨ́nkání. Sukuán koo.