Hechos 3:16 - Mixteco del suroeste de Tlaxiaco Oaxaca

¹⁶ Jie̱ꞌe̱ꞌ kúneí iniꞌ ránꞌ tiñu níso Jesús nnu̱fésáꞌ te̱e yaꞌá, ya̱ néꞌyá rán maa, jee jíníꞌ rán maa. Jee nu̱u̱nꞌ súví Jesús jín jie̱ꞌe̱ꞌ kúneí iniꞌ ránꞌ re̱ꞌ jee nkenta nuva̱ꞌa te̱e yaꞌá ichinúúnꞌ nɨꞌɨ rán.

Hechos 3:16 ပူးပေါင်းရင်းမြစ်များ

Mateo 14:29

Saájee nkachiꞌ Jesús: ―Neꞌenꞌ rúja ―nkachiꞌ re̱ꞌ. Saájee nnuun Pedro iniꞌ barkúꞌ, nika jiéꞌé‑e nu̱u̱nꞌ nute, kua̱ꞌa̱nꞌ‑a nu̱u̱nꞌ Jesús.

Mateo 9:22

Soo nna̱koto yátá Jesús, jee niniꞌ re̱ꞌ ña, jee nkachiꞌ re̱ꞌ: ―Nasaꞌá neí iniꞌ nú, se̱ꞌya sɨ́ꞌɨ́, chi jie̱ꞌe̱ꞌ ya̱ ínúꞌ iniꞌ nú kúneí iniꞌ nú nuꞌuꞌ jee nxi̱núvi ni̱ꞌ noꞌó ―nkachiꞌ re̱ꞌ, jee kuísá máá hora yukuán nnuvi ña.

Juan 14:12

Jee máá naáꞌ vá káchíꞌ ni̱ꞌ nu̱u̱nꞌ rán: Ɨɨn ñɨvɨ ya̱ kúneí iniꞌ‑i nuꞌuꞌ, jee rá tiñu ya̱ sáꞌá nuꞌuꞌ, jee suni saꞌá‑a rá tiñu vá. Jee saꞌ víꞌí káꞌ saꞌá‑a tiñu ñáꞌnú ka̱ꞌ nsú káꞌ tiñu yaꞌá, chi nuꞌuꞌ jee kɨ̱ꞌɨ̱nꞌ noꞌonꞌ ni̱ꞌ nu̱u̱nꞌ Tátáꞌ ni̱ꞌ.

Juan 7:23

Jee retú níꞌínꞌ ɨɨn te̱e ya̱ saꞌá circuncidar rán maa ki̱vɨ̱ꞌ nájiáví, sáva ntu jiáꞌa rán nu̱u̱nꞌ tu̱ꞌun ley vá ya̱ nta̱túníꞌ Ndiosíꞌ ya̱ njia̱ꞌa re̱ꞌ nu̱u̱nꞌ Moisés, ¿na̱ kúvi chi kítɨ́ꞌ iniꞌ rán néꞌyá rán nuꞌuꞌ, chi nxi̱núvi nɨ́ɨ́n ni̱ꞌ ɨɨn te̱e ki̱vɨ̱ꞌ nájiáví?

Hechos 14:9

Tésóꞌo re̱ꞌ ya̱ káꞌánꞌ Pablo. Jee nkino̱o Pablo nne̱ꞌyá‑a re̱ꞌ, jee niniꞌ‑i ya̱ kúneí iniꞌ re̱ꞌ Ndiosíꞌ ya̱ kuvi xinúvi‑i re̱ꞌ.

Hechos 16:18

Kue̱ꞌe̱ꞌ ki̱vɨ̱ꞌ nsa̱ꞌá ña yaꞌá, jee nku̱níní víꞌí iniꞌ Pablo. Jee nna̱ikó re̱ꞌ jee nkachiꞌ re̱ꞌ nu̱u̱nꞌ ta̱chi̱ꞌ kíni vá: ―Nu̱u̱nꞌ súví Jesús ya̱ kúvi Cristo, tátúníꞌ ni̱ꞌ nu̱u̱nꞌ nú, kene nú ñasúchí vá. Jee kuísá nkene‑e ña.

Hechos 3:6

Soo nkachiꞌ Pedro nu̱u̱nꞌ re̱ꞌ: ―Ntu̱náꞌ xu̱ꞌún plata ni̱ꞌ íyó ni oro ni̱ꞌ. Soo ya̱ kúmí ni̱ꞌ, yaꞌá ví ya̱ taji ni̱ꞌ nu̱u̱nꞌ nú. Nu̱u̱nꞌ súví Jesús ya̱ kúvi Cristo, te̱e ñuunꞌ Nazaret, tátúníꞌ ni̱ꞌ nu̱u̱nꞌ nú: ¡Nakuiñɨꞌ!, jee, ¡kaka! ―nkachiꞌ Pedro.

Hechos 3:8

Jee íchíni nnava re̱ꞌ nnakui̱ñɨ̱ꞌ nichiꞌ re̱ꞌ, jee nka̱jiéꞌé re̱ꞌ nika re̱ꞌ. Jee nki̱vɨ re̱ꞌ jín ráa iniꞌ veñu̱ꞌun. Jíka re̱ꞌ, náva re̱ꞌ, jee nákuetúꞌún nasɨ́kuitɨꞌ re̱ꞌ jie̱ꞌe̱ꞌ Ndiosíꞌ.

Hechos 4:10

íyó kuniꞌ ntáká rán jín ntáká ñɨvɨ Israel ya̱ nu̱u̱nꞌ súví Jesús ya̱ kúvi Cristo, te̱e ñuunꞌ Nazaret, maáréꞌ ya̱ ñaꞌniꞌ rán nu̱u̱nꞌ kurúsiꞌ, soo nxi̱nákóo Ndiosíꞌ re̱ꞌ nteñu rá níꞌiꞌ, jee nxi̱nátekuꞌ i̱i̱ꞌ Ndiosíꞌ re̱ꞌ, jee íyó kuniꞌ rán ya̱ nu̱u̱nꞌ tiñu níso re̱ꞌ nnuva̱ꞌa te̱e yaꞌá, ya̱ íñɨ́‑ɨ nu̱u̱nꞌ rán.

Hechos 4:30

Jee jín fuersáꞌ ííꞌ nú xinúvi nú rá kúꞌvíꞌ, jee saꞌá nú rá seña a̱nasɨ́ ya̱ kuniꞌ ráa ya̱ kúñáꞌnú nú, jín rá a̱nasɨ́ ya̱ xtívɨ́‑ɨ xíniꞌ rá ñɨvɨ, nu̱u̱nꞌ súví Se̱ꞌya ííꞌ nú, Jesús.

Hechos 4:7

Jee ñani ráa Pedro jín Juan ma̱ꞌñú ráa, jee nxi̱náꞌmáꞌ ráa rává: ―¿Na̱ fesáꞌ ííꞌ níso rán?, áxí, ¿nu̱u̱nꞌ né ɨɨn súví nsa̱ꞌá rán tiñu yaꞌá?

Romanos 3:22

Chi Ndiosíꞌ sáꞌá re̱ꞌ ya̱ kínóo na̱a̱ꞌ ñɨvɨ nu̱u̱nꞌ re̱ꞌ jie̱ꞌe̱ꞌ ya̱ kúneí iniꞌ ráa Jesús ya̱ kúvi Cristo. Sáꞌá Ndiosíꞌ sukuán jín ntáká ráa ya̱ kúneí iniꞌ ráa Cristo chi ntu sɨ́ɨ́n sáꞌá re̱ꞌ jín ɨɨn inka ráa.

1 Corintios 13:2

Jee retánꞌ kúvi nakani ni̱ꞌ tu̱ꞌun kéne yuꞌú máá maá Ndiosíꞌ, jín retánꞌ jíníꞌ va̱ꞌa ni̱ꞌ ntáká rá tu̱ꞌun yɨ́yuꞌuꞌ re̱ꞌ, jín retánꞌ jíníꞌ ni̱ꞌ kua̱íyó ya̱ íyó, jee retánꞌ kúneí nasɨ́kuitɨꞌ nijia iniꞌ ni̱ꞌ Ndiosíꞌ ne̱ kuvi tatúníꞌ ni̱ꞌ nu̱u̱nꞌ ɨɨn yuku ya̱ kuiyo‑o nu̱u̱nꞌ íñɨ́‑ɨ jee kuiyo‑o, soo retú ntu̱ví ñúnúunꞌ ni̱ꞌ rá ñɨvɨ, saájee ntu̱náꞌ tiñu kuitɨꞌ ni̱ꞌ.