Hechos 3:1 - Mixteco del suroeste de Tlaxiaco Oaxaca

¹ Ɨɨn ki̱vɨ̱ꞌ Pedro jín Juan nkaa ráa kua̱ꞌa̱nꞌ ráa veñu̱ꞌun káꞌnú kau̱ni̱ꞌ yánini, ya̱ kúvi maá hora sukuáni káꞌánꞌ rá ñɨvɨ Israel jín Ndiosíꞌ.

Hechos 3:1 ပူးပေါင်းရင်းမြစ်များ

Mateo 17:1

Jee sáá njia̱ꞌa i̱ñu̱ꞌ ki̱vɨ̱ꞌ, jee nkeꞌen Jesús, Pedro, jín Jacobo jín Juan ya̱ kúvi ñaniꞌ Jacobo, jee kua̱ꞌa̱nꞌ sɨ́ɨ́n Jesús jín ráa ne̱ xi̱ni̱ꞌ ɨɨn yuku súkún.

Mateo 26:37

Jee nkeꞌen Jesús Pedro jín ni núvíꞌ rá se̱ꞌya Zebedeo, kua̱ꞌa̱nꞌ jín re̱ꞌ, jee nka̱jiéꞌé nnu̱kuéká víꞌí iniꞌ re̱ꞌ, jee nnu̱kuíꞌyáꞌ víꞌí iniꞌ re̱ꞌ.

Mateo 27:45

Jee sáá nkuvi kaxu̱vi̱ꞌ (12), jee nnu̱neenꞌ kua̱ꞌ íyó kuitɨꞌ iniꞌ ñɨ̱vɨ́ nkenta ne̱ kau̱ni̱ꞌ ya̱ kuáini.

Lucas 1:10

Jee íñɨ́ ntáká rá ñɨvɨ kue̱ꞌe̱ꞌ chíkéꞌi veñu̱ꞌun vá káꞌánꞌ ráa jín Ndiosíꞌ máá hora sókóꞌ su̱jie vá káyúꞌ‑u.

Lucas 18:10

―U̱vi̱ꞌ rá te̱e nkaa ráa kua̱ꞌa̱nꞌ ráa kua̱kaꞌanꞌ ráa jín Ndiosíꞌ iniꞌ veñu̱ꞌun Jerusalén, jee ɨɨn ráa ví te̱e yɨ́ꞌɨ́ ñujiínꞌ fariseo jee inka ka̱ꞌ ví te̱e nástútú xu̱ꞌún náneeꞌ ñuunꞌ Roma.

Lucas 22:8

Jee nchu̱ichí Jesús Pedro jín Juan, jee nkachiꞌ re̱ꞌ nu̱u̱nꞌ ráa: ―Kuáꞌán rán kɨ̱saꞌá stákoo rán ya̱ kuxíní‑ó viko Pascua ―nkachiꞌ re̱ꞌ.

Lucas 24:53

Jee sukuáni yɨ́táꞌán ni̱yo ráa iniꞌ veꞌi chíkéꞌi veñu̱ꞌun káꞌnú Jerusalén, jee nákuetúꞌún ráa Ndiosíꞌ ya̱ viiꞌ kúñáꞌnú nasɨ́kuitɨꞌ re̱ꞌ. Amén. Suꞌva koo.

Juan 21:7

Saájee te̱e ya̱ súkuáꞌa Jesús maa ya̱ nñunu̱u̱nꞌ re̱ꞌ nkachiꞌ te̱e vá nu̱u̱nꞌ Pedro: ―¡Máá I̱toꞌoꞌ‑ó kúvi‑i! Sáá nteso̱ꞌo Simón Pedro ya̱ suvire̱ꞌ ví I̱toꞌoꞌ, jee nna̱ku̱ꞌun Pedro saꞌma re̱ꞌ (chi ntavaꞌ re̱ꞌ maa), jee íchíni nnava re̱ꞌ nu̱u̱nꞌ nute.

Hechos 10:3

Jee ɨɨn ki̱vɨ̱ꞌ, kájíkuitɨꞌ niniꞌ re̱ꞌ ɨɨn ya̱ nxi̱nénu̱u̱nꞌ Ndiosíꞌ re̱ꞌ, nɨ́ɨ́n kau̱ni̱ꞌ yánini. Jee nki̱vɨ ɨɨn najiáꞌáꞌ ííꞌ Ndiosíꞌ nu̱u̱nꞌ nééꞌ re̱ꞌ, jee nkachiꞌ‑i nu̱u̱nꞌ re̱ꞌ: ―¡Cornelio!

Hechos 10:30

Jee nkachiꞌ Cornelio: ―Ya̱ nkuvi ku̱mi̱ꞌ ki̱vɨ̱ꞌ, nɨ́ɨ́n hora yaꞌá, jee káꞌánꞌ ni̱ꞌ jín Ndiosíꞌ iniꞌ veꞌi ni̱ꞌ, jee niniꞌ sa̱naanꞌ ni ɨɨn te̱e íñɨ́ ichinúúnꞌ ni̱ꞌ, ñúꞌún‑u saꞌma jiánu̱te̱ꞌ.

Hechos 2:46

Jee ta ki̱vɨ̱ꞌ kútútú ráa iniꞌ veñu̱ꞌun káꞌnú. Jee kútútú ráa veꞌi ta ɨɨn táꞌán ráa, sáva tasáva ráa i̱xta̱tíláꞌ, sáva naku̱ꞌun iniꞌ ráa Jesús. Jee yájíꞌ nkáꞌnú ráa jee kúsɨ́ɨꞌ iniꞌ ráa jee saɨn iniꞌ ráa.

Hechos 3:3

Sáá niniꞌ te̱e vá Pedro jín Juan sukuán kua̱ki̱vɨ ráa veñu̱ꞌun, jee ni̱ka̱nꞌ re̱ꞌ kutaꞌviꞌ re̱ꞌ.

Hechos 3:4

Soo sáá nne̱ꞌyá váꞌa Pedro jín Juan nu̱u̱nꞌ re̱ꞌ, jee Pedro nkachiꞌ nu̱u̱nꞌ‑u: ―¡Kune̱ꞌyá nu̱u̱nꞌ ránuꞌuꞌ!

Hechos 4:13

Jee sáá niniꞌ ráa ya̱ chúneí iniꞌ Pedro jín Juan, jee sáá nku̱káꞌnú iniꞌ ráa ya̱ nsú te̱e nsu̱kuáꞌa víꞌí ví rává jee kúvi rává te̱e saɨn, jee nti̱vɨ́ xi̱ni̱ꞌ ráa. Jee nna̱kuniꞌ ráa ya̱ kúvi rává rá te̱e nku̱táꞌán rává jín Jesús.

Hechos 5:25

Jee ni ya̱ kúvi ráa sukuán, jee nkenta ɨɨn ñɨvɨ, jee nna̱kani‑i nu̱u̱nꞌ ráa: ―¡Teso̱ꞌo ránú! Rá te̱e ya̱ ñasɨꞌ rán iniꞌ veka̱a, jee íñɨ́ ráa iniꞌ veñu̱ꞌun káꞌnú jee xínéꞌénꞌ ráa rá ñɨvɨ.

Hechos 8:14

Sáá nteso̱ꞌo rá te̱e nísotíñú apóstol nééꞌ Jerusalén, ya̱ ntɨɨn rá ñɨvɨ ñuunꞌ Samaria Tu̱ꞌun Ndiosíꞌ, jee nchu̱ichí ráa Pedro jín Juan yukuán.

Gálatas 2:9

Jee jíníꞌ rá ñɨvɨ ya̱ Jacobo, Pedro, jín Juan ví rá te̱e kúñáꞌnú nu̱u̱nꞌ rá ñɨvɨ ya̱ kúneí iniꞌ ráa Jesús. Jee ni núníꞌ ráa nsa̱ꞌá kuéntáꞌ ya̱ ntaji Ndiosíꞌ tiñu vá nu̱u̱nꞌ ni̱ꞌ jee chíneí chítuvi re̱ꞌ nuꞌuꞌ. Jee ntɨɨn ráa naꞌá ni̱ꞌ jín Bernabé, jie̱ꞌe̱ꞌ nkuva̱ꞌa iniꞌ ráa nne̱ꞌyá ráa ránuꞌuꞌ. Nsa̱ꞌá ráa suꞌva sáva stúvi ráa ya̱ kúnuún iniꞌ nta̱ká ránꞌ ya̱ kɨ̱satíñú ni̱ꞌ jín Bernabé nteñu rá ñɨvɨ inka nación, jee kɨ̱satíñú ráa nteñu rá ñɨvɨ ya̱ kúvi ichiyúkúnꞌ Israel.