Hechos 28:9 - Mixteco del suroeste de Tlaxiaco Oaxaca

⁹ Sáá nkuvi yaꞌá, suni nkiji rá inka ñɨvɨ kúꞌvíꞌ nu̱u̱nꞌ ñuunꞌ yukuán, jee nxi̱núvi re̱ꞌ ráa.

Hechos 28:9 ပူးပေါင်းရင်းမြစ်များ

Mateo 4:24

Jee ñe̱te̱nuun tu̱ꞌun jie̱ꞌe̱ꞌ Jesús nu̱u̱nꞌ ntáká rá ñuunꞌ sánitɨ́ɨn ñuunꞌ Siria. Jee nki̱naka rá ñɨvɨ nu̱u̱nꞌ Jesús ntáká rá ñɨvɨ kúꞌvíꞌ ya̱ nóꞌo sɨ́ɨ́n sɨ́ɨ́n kéꞌín nu̱u̱nꞌ kue̱ꞌi̱ꞌ, jín rá yájíꞌ yatúꞌ, jín rá yɨ́ꞌɨ́ ta̱chi̱ꞌ kíni, jín rá jíꞌíyɨ̱ꞌɨ́ jín rá ñɨvɨ ya̱ ntu kúvi kantaꞌ ñunéꞌyúꞌ jee nxi̱núvi Jesús ráa.

Hechos 13:6

Jee ni̱kónúun ráa nɨꞌɨ nu̱u̱nꞌ ñuꞌun Chipre ne̱ ñuunꞌ Pafos. Yukuán nke̱táꞌán ráa ɨɨn te̱e tásɨ́. Káchíꞌ re̱ꞌ nika̱ꞌ ya̱ nákani re̱ꞌ tu̱ꞌun kéne yuꞌú Ndiosíꞌ, soo xínáꞌví re̱ꞌ. Kúvi re̱ꞌ te̱e Israel naní BarJesús.

Hechos 28:10

Jee ni̱to ñunkúún ráa ránuꞌuꞌ, jee kue̱ꞌe̱ꞌ ya̱ nsi̱kútaꞌviꞌ ráa ránuꞌuꞌ. Jee sáá ninu kene ránꞌ nu̱u̱nꞌ nteñúꞌún jín barkúꞌ kɨ̱ꞌɨ̱nꞌ, jee ntaji ráa nɨꞌɨ ya̱ jíniñúꞌún ránꞌ.

Hechos 28:8

Jee kúꞌvíꞌ tááꞌ Publio, chi yɨ́ꞌɨ́ ki̱ji re̱ꞌ jee kúun chi̱ji re̱ꞌ ni̱ñɨ̱ꞌ, saáva káá re̱ꞌ nu̱u̱nꞌ i̱to. Nki̱vɨ Pablo yukuán, jee ni̱ka̱nꞌ táꞌvíꞌ re̱ꞌ nu̱u̱nꞌ Ndiosíꞌ jie̱ꞌe̱ꞌ‑e, jee nchi̱só re̱ꞌ naꞌá re̱ꞌ maa, jee nxi̱núvi re̱ꞌ maa.

Hechos 5:12

Nsa̱ꞌá Ndiosíꞌ saꞌá rá te̱e nísotíñú apóstol kue̱ꞌe̱ꞌ seña, ya̱ stúvi ya̱ nchu̱ichí Ndiosíꞌ ráa jín tu̱ꞌun re̱ꞌ, jín kue̱ꞌe̱ꞌ a̱nasɨ́, nteñu rá ñɨvɨ ya̱ tívɨ́ xíniꞌ ráa. Nuún iniꞌ ntáká rá ñɨvɨ ya̱ kúneí iniꞌ ráa Jesús, jee kútútú ráa yuꞌú véꞌi veñu̱ꞌun vá naní Yuꞌú Véꞌi Salomón.

Hechos 5:15

Saáva ña̱na̱ka rá ñɨvɨ rá kúꞌvíꞌ iniꞌ ichi, jee yákɨ́nꞌ ráa rává nu̱u̱nꞌ i̱to jín nu̱u̱nꞌ tu̱nchi̱só. Sáva sa̱naanꞌ jia̱ꞌa xi̱ne̱ꞌñu̱ꞌ Pedro nu̱u̱nꞌ káá kéꞌín rává, sáá kua̱jia̱ꞌa re̱ꞌ.