Hechos 27:41 - Mixteco del suroeste de Tlaxiaco Oaxaca

⁴¹ Nkenta barkúꞌ nu̱u̱nꞌ náketáꞌán u̱vi̱ꞌ nu̱u̱nꞌ ni̱ꞌin nute, jee ña̱ki̱vɨ‑i nu̱u̱nꞌ yáxín nute. Jee ntɨɨn kutú i̱xti̱nꞌ barkúꞌ nu̱u̱nꞌ ñuítɨ́, jee nkino̱o yukuán, chi ntu kúvi kene‑e. Jee tánɨ́ꞌ ichi ya̱ta̱ꞌ barkúꞌ, chi máá níꞌin káni nute maa.

Hechos 27:41 ပူးပေါင်းရင်းမြစ်များ

Hechos 27:17

Sáá nsi̱káa ránꞌ maa nu̱u̱nꞌ barkúꞌ, jee sava barkúꞌ niꞌniꞌ ráa kue̱ꞌe̱ꞌ yoꞌo nsu̱kún ti̱yu̱ꞌ ráa maa sáva kukutú‑u ka̱ꞌ. Chi yúꞌví ráa kenta barkúꞌ nu̱u̱nꞌ yáxín nteñúꞌún naní Sirte, [nu̱u̱nꞌ tɨ̱ɨn barkúꞌ, jee naanꞌ‑a]. Saáva nxi̱núun ráa manta káꞌnú núꞌníꞌ nu̱u̱nꞌ barkúꞌ, [chi káni ta̱chi̱ꞌ maa jee chínaꞌá ta̱chi̱ꞌ barkúꞌ]. Jee suꞌva kua̱ꞌa̱nꞌ ránꞌ jín ta̱chi̱ꞌ.

Hechos 27:30

Rá te̱e síkáka barkúꞌ nkuini ráa ka̱ku ráa nu̱u̱nꞌ barkúꞌ. Jee nxi̱núun ráa canoa nu̱u̱nꞌ nteñúꞌún. Nsa̱ꞌá ráa nika̱ꞌ ya̱ sikúun ráa inka gancho nu̱u̱nꞌ nteñúꞌún jee kuꞌniꞌ ráa maa i̱xti̱nꞌ ichinúúnꞌ barkúꞌ.

Hechos 27:40

Jee nsia̱áꞌ ráa yoꞌo núꞌníꞌ rá gancho, jee nxi̱nóo ráa rá gancho chi̱ji nute. Jee nna̱nají ráa yoꞌo núꞌníꞌ rá remóꞌ ya̱ síkáka maa ichi íyó kɨ̱ꞌɨ̱nꞌ‑ɨ. Jee nsi̱káa ráa manta i̱xti̱nꞌ ichinúúnꞌ barkúꞌ, sáva káni ta̱chi̱ꞌ maa, jee chínaꞌá ta̱chi̱ꞌ barkúꞌ kɨ̱ꞌɨ̱nꞌ yúnteñúꞌún.

Hechos 27:42

Jiáni iniꞌ rá soldado kaꞌniꞌ ráa rá te̱e yɨ́ꞌɨ́ xi̱ntíín ráa, sáva nsúté rává jee ni ɨɨn rává nkáku.

1 Corintios 15:58

Jee saáva ránoꞌó ñaniꞌ jín ku̱ꞌva maáníꞌ ya̱ ñúnúunꞌ ni̱ꞌ, kuiñɨ ni̱ꞌin rán jín ya̱ yɨ́táꞌán kunikɨnꞌ rán Cristo, sukuáni sáꞌá rán ka̱ꞌ tiñu I̱toꞌoꞌ‑ó. Chi jíníꞌ rán ya̱ ntu sátíñú ka̱ꞌá rán jie̱ꞌe̱ꞌ yɨ́ꞌɨ́ rán nu̱u̱nꞌ I̱toꞌoꞌ‑ó.