Hechos 27:1 - Mixteco del suroeste de Tlaxiaco Oaxaca

¹ Sáá nkuna̱a̱ꞌ iniꞌ ráa ya̱ kɨ̱ꞌɨ̱nꞌ ráníꞌ iniꞌ barkúꞌ ne̱ ñuunꞌ Italia, jee ntaji ráa Pablo jín sava rá te̱e yɨ́ꞌɨ́ veka̱a nu̱u̱nꞌ ɨɨn capitán naní Julio. Yɨ́ꞌɨ́ re̱ꞌ nu̱u̱nꞌ ɨɨn batallón rá soldado naní Augusto.

Hechos 27:1 ပူးပေါင်းရင်းမြစ်များ

Génesis 50:20

Ránoꞌó nkaꞌvi iniꞌ rán saꞌá kini rán nuꞌuꞌ, soo Ndiosíꞌ nkuna̱a̱ꞌ iniꞌ re̱ꞌ maa sáva sama re̱ꞌ ya̱ niváꞌa vá sáva kene ya̱ váꞌa sáva sáꞌá re̱ꞌ tiñu váꞌa vitan, sáva sikáku ni̱ꞌ rá ñɨvɨ kue̱ꞌe̱ꞌ tékúꞌ ráa.

Mateo 27:54

Jee te̱e kúvi capitán rá soldado jín rá soldado ya̱ íñɨ́ ráa jín re̱ꞌ ya̱ kúmí ráa Jesús, jee sáá niniꞌ ráa ya̱ nta̱an jín nɨꞌɨ ya̱ nkuvi, jee nyu̱ꞌví nasɨ́kuitɨꞌ ráa, jee nkachiꞌ ráa: ―Máá nááꞌ nijia ya̱ Se̱ꞌya Ndiosíꞌ kúvi te̱e yaꞌá ―nkachiꞌ ráa.

Lucas 23:47

Jee sáá niniꞌ te̱e kúvi capitán tátúníꞌ nu̱u̱nꞌ rá soldado vá ya̱ nkuvi suꞌva, jee nna̱kuetúꞌún re̱ꞌ Ndiosíꞌ jee suni nkachiꞌ re̱ꞌ: ―Máá nááꞌ nijia ya̱ tee yaꞌá kúvi re̱ꞌ te̱e na̱a̱ꞌ ―nkachiꞌ re̱ꞌ.

Lucas 7:2

Jee yukuán nééꞌ ɨɨn capitán tátúníꞌ nu̱u̱nꞌ rá soldado Roma, jee ɨɨn rá musúꞌ re̱ꞌ, ya̱ ñúnúunꞌ víꞌí re̱ꞌ maa, jee kúꞌvíꞌ‑i jee sa̱néꞌ íyó kuviꞌ‑i.

Hechos 10:1

Íyó ɨɨn te̱e nééꞌ ñuunꞌ Cesarea, ya̱ naní re̱ꞌ Cornelio. Kúvi re̱ꞌ capitán ya̱ tátúníꞌ nu̱u̱nꞌ ɨɨn sientúꞌ (100) soldado ejército Roma. Yɨ́ꞌɨ́ re̱ꞌ nu̱u̱nꞌ batallón naní Italiano.

Hechos 10:22

Jee nna̱xiníkó ráa: ―Capitán Cornelio kúvi re̱ꞌ te̱e na̱a̱ꞌ nu̱u̱nꞌ Ndiosíꞌ, jee ñúyúꞌví iniꞌ re̱ꞌ néñu̱ꞌun re̱ꞌ Ndiosíꞌ. Jee nɨꞌɨ rá ñɨvɨ Israel jiáꞌa ráa ya̱ naáꞌ ya̱ kúvi re̱ꞌ suꞌva. Ɨɨn najiáꞌáꞌ ííꞌ Ndiosíꞌ nkachiꞌ‑i nu̱u̱nꞌ re̱ꞌ, ya̱ kána re̱ꞌ nó kɨ̱ꞌɨ̱nꞌ nú nu̱u̱nꞌ veꞌi re̱ꞌ, sáva teso̱ꞌo re̱ꞌ tu̱ꞌun ya̱ kachiꞌ nú nu̱u̱nꞌ re̱ꞌ ―nkachiꞌ ráa nu̱u̱nꞌ Pedro.

Hechos 16:10

Sáá niniꞌ re̱ꞌ ya̱ nxi̱néꞌénꞌ nu̱u̱nꞌ Ndiosíꞌ nu̱u̱nꞌ re̱ꞌ, jee nsa̱ꞌá stákoo ráníꞌ sáva kene ránꞌ kɨ̱ꞌɨ̱nꞌ ránꞌ Macedonia, chi niniꞌ kájí ránꞌ ya̱ kána Ndiosíꞌ ránuꞌuꞌ stekútu̱ꞌún ránꞌ tu̱ꞌun va̱ꞌa re̱ꞌ nu̱u̱nꞌ ráa.

Hechos 18:2

Jee yukuán ninita̱ꞌán‑a jín ɨɨn te̱e Israel naní Aquila. Kúvi re̱ꞌ se̱ꞌya ñuunꞌ Ponto. Sukuán nkenta re̱ꞌ ñuunꞌ Corinto, ya̱ nkene re̱ꞌ nación Italia. Nkenta re̱ꞌ jín ñasɨ́ꞌɨ́ re̱ꞌ Priscila. Nkene ráa chi Claudio, te̱e nísotíñú tátúníꞌ re̱ꞌ nu̱u̱nꞌ ñuunꞌ Roma, jee nta̱túníꞌ re̱ꞌ ya̱ íyó kene nɨꞌɨ rá ñɨvɨ Israel ñuunꞌ Roma. Kua̱ne̱ꞌyá Pablo ráa.

Hechos 19:21

Sáá nkuvi yaꞌá, ñani iniꞌ Pablo ya̱ xíꞌna kɨ̱ꞌɨ̱nꞌ‑ɨ rá ñuunꞌ tɨ́ɨn Macedonia jín Acaya, ni kua̱ꞌa̱nꞌ‑a ñuunꞌ Jerusalén. Jee káchíꞌ‑i: ―Sáá ya̱ njia̱ꞌa ni̱ꞌ yukuán, suni íyó kɨ̱ꞌɨ̱nꞌ ni̱ꞌ nu̱u̱nꞌ ñuunꞌ káꞌnú Roma.

Hechos 21:32

Jee ntañúꞌún kuitɨꞌ nna̱stútú re̱ꞌ rá soldado jín rá capitán jee ninu ráa kua̱ꞌa̱nꞌ ráa nu̱u̱nꞌ íñɨ́ rá ñɨvɨ. Sáá niniꞌ rá ñɨvɨ ya̱ va̱ji general jín rá soldado, jee ña̱kui̱ñɨ̱ꞌ ráa ya̱ jiáꞌa ráa Pablo.

Hechos 22:26

Sáá nteso̱ꞌo capitán yaꞌá, jee ña̱kachiꞌ re̱ꞌ nu̱u̱nꞌ general: ―¿Ná kúvi ya̱ saꞌá nú? Chi se̱ꞌya ñuunꞌ Roma ví te̱e yaꞌá.

Hechos 23:11

Yakuááꞌ ki̱vɨ̱ꞌ steñu̱ꞌún yukuán ntu̱vi I̱toꞌoꞌ‑ó nu̱u̱nꞌ Pablo, jee nkachiꞌ‑i nu̱u̱nꞌ re̱ꞌ: ―Neí koo iniꞌ nú, chi kuéntáꞌ nna̱stúvi nú ya̱ naáꞌ jie̱ꞌe̱ꞌ ni̱ꞌ Jerusalén, sukuán íyó nastúvi nú ya̱ naáꞌ jie̱ꞌe̱ꞌ ni̱ꞌ ñuunꞌ Roma.

Hechos 23:17

Jee nkana Pablo ɨɨn rá capitán jee nkachiꞌ re̱ꞌ nu̱u̱nꞌ‑u: ―Kɨ̱na̱ka nú te̱e súchí yaꞌá nu̱u̱nꞌ general. Chi íyó tu̱ꞌun nakani re̱ꞌ nu̱u̱nꞌ‑u.

Hechos 24:23

Jee nta̱túníꞌ re̱ꞌ nu̱u̱nꞌ capitán ya̱ kúmí‑i Pablo. Soo ku̱ꞌva‑a kuiñɨ núne Pablo iniꞌ veka̱a. Jee koto kúsáꞌán ni ɨɨn rán chineí rá táꞌán Pablo maáréꞌ.

Hechos 25:12

Saájee Festo nna̱túꞌún re̱ꞌ jín rá te̱e nákutíñú nu̱u̱nꞌ re̱ꞌ, jee nkachiꞌ re̱ꞌ: ―Ni̱ka̱nꞌ nú ya̱ sanáaꞌ te̱e tátúníꞌ Roma jie̱ꞌe̱ꞌ nú, jee yukuán kɨ̱ꞌɨ̱nꞌ nú nu̱u̱nꞌ re̱ꞌ.

Hechos 25:25

Soo nku̱káꞌnú iniꞌ ni̱ꞌ ya̱ ntu̱ví na̱ nsa̱ꞌá‑a ya̱ kaꞌniꞌ ránꞌ maa. Soo maáréꞌ ni̱ka̱nꞌ re̱ꞌ ya̱ sanáaꞌ Augusto jie̱ꞌe̱ꞌ kua̱chi re̱ꞌ, saáva ñani iniꞌ ni̱ꞌ tají ni̱ꞌ maa nu̱u̱nꞌ Augusto.

Hechos 27:11

Soo nsa̱ꞌá capitán ka̱ꞌ kuéntáꞌ ya̱ nkachiꞌ te̱e síkáka barkúꞌ jín te̱e xín barkúꞌ nsú káꞌ ya̱ nkachiꞌ Pablo.

Hechos 27:43

Soo capitán kuíni re̱ꞌ sikáku re̱ꞌ Pablo, jee ntu njiáꞌa re̱ꞌ saꞌá ráa maa. Jee nta̱túníꞌ‑i ya̱ rá ñɨvɨ jíníꞌ su̱té, xíꞌnañúꞌún ráa ka̱ꞌ vá nava nu̱u̱nꞌ nute, jee kɨ̱ꞌɨ̱nꞌ ráa ne̱ yúnteñúꞌún.

Hechos 27:6

Yukuán nna̱niꞌinꞌ capitán ɨɨn barkúꞌ váji ne̱ ñuunꞌ Alejandría, ya̱ kua̱ꞌa̱nꞌ ne̱ ñuunꞌ Italia. Jee nte̱tíñú re̱ꞌ ránuꞌuꞌ ki̱vɨ ránꞌ iniꞌ‑i jee kɨ̱ꞌɨ̱nꞌ ránꞌ.

Hechos 28:1

Sáá nka̱ku ránꞌ, jee nku̱káꞌnú iniꞌ ránꞌ ya̱ ñuunꞌ íyó ma̱ꞌñú nteñúꞌún naní Malta.

Hechos 28:16

Sáá nkenta ránꞌ ñuunꞌ Roma, nna̱ku̱ꞌva capitán rá te̱e yɨ́ꞌɨ́ xi̱ntíín re̱ꞌ nu̱u̱nꞌ capitán tátúníꞌ nu̱u̱nꞌ veka̱a ñuunꞌ vá. Soo njia̱ꞌayuꞌú rá te̱e néetiñu ya̱ kuneeꞌ Pablo ɨɨn veꞌi jín ɨɨn soldado, ya̱ kúmí‑i re̱ꞌ.

Hebreos 13:24

Ku̱ꞌva rán tu̱ꞌun káva̱ꞌa nu̱u̱nꞌ ntáká rá te̱e yósóꞌ nu̱u̱nꞌ rán, jín nu̱u̱nꞌ ntáká rá ñɨvɨ yɨ́ꞌɨ́ nu̱u̱nꞌ Ndiosíꞌ. Jee rá ñanitáꞌán Italia suni chúichí ráa tu̱ꞌun káva̱ꞌa nu̱u̱nꞌ ránoꞌó.