Hechos 26:7 - Mixteco del suroeste de Tlaxiaco Oaxaca

⁷ Jee nɨꞌɨ ráníꞌ, ya̱ kúvi ránꞌ se̱ꞌya ichiyúkúnꞌ váji ne̱ nu̱u̱nꞌ rá u̱xu̱vi̱ꞌ (12) se̱ꞌya yɨ́ɨ́ Israel, nuví niñuꞌ ñúꞌún káñá iniꞌ ránꞌ néñu̱ꞌun ránꞌ Ndiosíꞌ, jee íyó tu̱neí iniꞌ ránꞌ ya̱ kenta ya̱ nchi̱sóyuꞌú re̱ꞌ. Kátáta rey, jie̱ꞌe̱ꞌ yaꞌá vá chíkuáchi rá ñɨvɨ Israel nuꞌuꞌ.

Hechos 26:7 ပူးပေါင်းရင်းမြစ်များ

Mateo 19:28

Jee nkachiꞌ Jesús: ―Máá nááꞌ vá káchíꞌ ni̱ꞌ nu̱u̱nꞌ rán, ya̱ sáá kenta tiempúꞌ ya̱ nɨꞌɨ nasama jiáá, sáá kenta nuꞌuꞌ, ya̱ nta̱jí Ndiosíꞌ nuꞌuꞌ nu̱u̱nꞌ ñɨ̱vɨ́ yaꞌá sáva kuvi ni̱ꞌ Se̱ꞌya Ñɨvɨ, jee sáá kuneeꞌ ni̱ꞌ teyuꞌ kúñáꞌnú nu̱u̱nꞌ tatúníꞌ ni̱ꞌ, nu̱u̱nꞌ viiꞌ nasɨ́kuitɨꞌ kúñáꞌnú ni̱ꞌ, jee ránoꞌó ya̱ níkɨ́nꞌ rán nuꞌuꞌ, jee suni sukuán kuneeꞌ rán ni uxúꞌ u̱vi̱ꞌ (12) teyuꞌ ñáꞌnú, sáva sanáaꞌ rán tatúníꞌ rán nu̱u̱nꞌ rá ñɨvɨ ya̱ kúvi ráa rá ni uxúꞌ u̱vi̱ꞌ (12) tataꞌ ichiyúkúnꞌ ya̱ nkene ráa nu̱u̱nꞌ rá ni uxúꞌ u̱vi̱ꞌ (12) rá se̱ꞌya yɨ́ɨ́ Israel.

Lucas 2:25

Jee saájee ni̱yo ɨɨn te̱e naní Simeón, jee nééꞌ re̱ꞌ Jerusalén jee kúvi re̱ꞌ ɨɨn te̱e na̱a̱ꞌ ya̱ yɨ́tíñú re̱ꞌ nu̱u̱nꞌ Ndiosíꞌ, jee ñúꞌún iniꞌ re̱ꞌ nétu re̱ꞌ ya̱ kiji I̱toꞌoꞌ‑ó sikáku re̱ꞌ rá ñɨvɨ ñuunꞌ Israel nasaváꞌa re̱ꞌ iniꞌ ráa. Jee Ta̱chi̱ꞌ Ííꞌ Ndiosíꞌ íyó‑o jín Simeón.

Lucas 22:30

sáva kajiꞌ rán koꞌo rán jín nuꞌuꞌ kuneeꞌ rán yuꞌú mesa ni̱ꞌ nu̱u̱nꞌ tátúníꞌ ni̱ꞌ nu̱u̱nꞌ nɨꞌɨ. Jee suni yukuán kuneeꞌ rán rá teyuꞌ ñáꞌnú sáva sanáaꞌ rán tatúníꞌ rán nu̱u̱nꞌ rá ñɨvɨ ya̱ kúvi ráa rá ni uxúꞌ u̱vi̱ꞌ tataꞌ ichiyúkúnꞌ ya̱ nkene ráa nu̱u̱nꞌ rá ni uxúꞌ u̱vi̱ꞌ (12) rá se̱ꞌya yɨ́ɨ́ Israel.

Hechos 20:31

Saáva nito koo rán. Kunaꞌán rán ya̱ nuví niñuꞌ ya̱ uníꞌ kui̱ya̱ꞌ jee ntu nsi̱kɨ́kui̱ñɨ̱ꞌ ni̱ꞌ nna̱kutíñú ni̱ꞌ nu̱u̱nꞌ ta ɨɨn rán, ne̱ nnaꞌyuꞌ ni̱ꞌ.

Hechos 24:15

Íyó tu̱neí iniꞌ ni̱ꞌ ya̱ saꞌá Ndiosíꞌ, kuéntáꞌ suni nétu ráa ya̱ natekuꞌ i̱i̱ꞌ rá níyɨ, va̱ni ñɨvɨ na̱a̱ꞌ áxí ñɨvɨ kánéꞌén, jee nako̱o rá ñunéꞌyúꞌ ráa.

Hechos 26:2

―Rey Agripa, kúsɨ́ɨꞌ iniꞌ ni̱ꞌ ya̱ nama ni̱ꞌ maáníꞌ nu̱u̱nꞌ nú vitan, jie̱ꞌe̱ꞌ nɨꞌɨ ya̱ chíkuáchi rá ñɨvɨ Israel nuꞌuꞌ.

Hechos 26:3

Chi jíníꞌ nú nɨꞌɨ rá costumbre rá ñɨvɨ Israel, jín nɨꞌɨ tu̱ꞌun jie̱ꞌe̱ꞌ kúváa yuꞌú ráníꞌ. Saájee jíkánꞌ táꞌvíꞌ ni̱ꞌ ya̱ káꞌnú koo iniꞌ nú jee teso̱ꞌo nú ya̱ kachiꞌ ni̱ꞌ.

Hechos 28:20

I̱ña̱jée nkana ni̱ꞌ ránó, sáva kaꞌanꞌ ni̱ꞌ jín rán jie̱ꞌe̱ꞌ rá yaꞌá. Jee núꞌníꞌ ni̱ꞌ jín cadena ka̱a yaꞌá, chi jie̱ꞌe̱ꞌ íyó tu̱neí iniꞌ ni̱ꞌ sánikua̱ꞌ íyó tu̱neí iniꞌ rá ñɨvɨ Israel, ya̱ nchi̱sóyuꞌú Ndiosíꞌ nu̱u̱nꞌ‑ó ―nkachiꞌ Pablo.

Filipenses 3:11

Nu̱u̱nꞌ kenta natekuꞌ i̱i̱ꞌ ni̱ꞌ nteñu rá níꞌiꞌ jee nako̱o yɨkɨkúñu ni̱ꞌ, sú na̱sa ni nkuvi.

1 Tesalonicenses 3:10

Nuví jín yakuááꞌ jíkánꞌ táꞌvíꞌ nasɨ́kuitɨꞌ ráníꞌ nu̱u̱nꞌ Ndiosíꞌ ya̱ kua̱jiane̱ꞌyá ránꞌ ránoꞌó. Sáva xinéꞌénꞌ ráníꞌ ka̱ꞌ tu̱ꞌun kúmániꞌ rán, jie̱ꞌe̱ꞌ tu̱ꞌun váꞌa Jesús ya̱ jínúꞌ iniꞌ rán.

1 Timoteo 5:5

Soo ñaꞌan náꞌví nijia, ya̱ nkino̱o métúꞌún, ví ya̱ íyó tu̱neí iniꞌ ña Ndiosíꞌ, jee níkɨ́nꞌ ña káꞌánꞌ ña jín re̱ꞌ, jee nuví niñuꞌ ta íchí níkɨ́nꞌ ña jíkánꞌ táꞌvíꞌ ña nu̱u̱nꞌ re̱ꞌ.

Santiago 1:1

Maáníꞌ Jacobo, ya̱ kúvi ni̱ꞌ musúꞌ Ndiosíꞌ jín I̱toꞌoꞌ‑ó Jesús ya̱ níso re̱ꞌ tiñu Cristo, ya̱ ñani Ndiosíꞌ sáva tatúníꞌ nu̱u̱nꞌ nɨꞌɨ, tée ni̱ꞌ tutuꞌ yaꞌá nu̱u̱nꞌ ránoꞌó ya̱ kúneí iniꞌ Jesús, ya̱ kúvi rán sava ni uxúꞌ u̱vi̱ꞌ (12) rá tataꞌ ichiyúkúnꞌ nkene rán nu̱u̱nꞌ Israel, ya̱ ñéte̱nuun nu̱u̱nꞌ ñɨ̱vɨ́ yaꞌá. Tájí ni̱ꞌ tu̱ꞌun káva̱ꞌa nu̱u̱nꞌ rán.