Hechos 26:2 - Mixteco del suroeste de Tlaxiaco Oaxaca

² ―Rey Agripa, kúsɨ́ɨꞌ iniꞌ ni̱ꞌ ya̱ nama ni̱ꞌ maáníꞌ nu̱u̱nꞌ nú vitan, jie̱ꞌe̱ꞌ nɨꞌɨ ya̱ chíkuáchi rá ñɨvɨ Israel nuꞌuꞌ.

Hechos 26:2 ပူးပေါင်းရင်းမြစ်များ

Mateo 10:19

Soo sáá naku̱ꞌva ráa ránoꞌó nu̱u̱nꞌ rá te̱e nísotíñú, jee koto nániꞌvɨꞌ iniꞌ rán ná kachiꞌ rán, áxí na̱ kuvi ya̱ kachiꞌ rán, chi hora yukuán jee maá Ndiosíꞌ taji tu̱ꞌun nu̱u̱nꞌ rán sákachiꞌ rán nu̱u̱nꞌ ráa.

Lucas 12:11

’Jee sáá kɨ̱na̱siáꞌa rá ñɨvɨ ránoꞌó iniꞌ rá veꞌi sinagoga ichinúúnꞌ rá te̱e jiéꞌnéꞌ kua̱chi jín rá te̱e nísotíñú, jee koto nániꞌvɨꞌ iniꞌ rán na̱ja naxiníkó rán ni ná kúvi ya̱ kachiꞌ rán nama rán maárán ni ná kúvi ya̱ kaꞌanꞌ rán.

Lucas 21:12

’Soo xíꞌna ka̱ꞌ ne̱ ntiáꞌan koo nta̱ká rá yaꞌá, jee tɨɨn rá ñɨvɨ ránoꞌó jee koto u̱ꞌvi̱ꞌ ráa ránoꞌó. Jee kɨ̱na̱ka ráa ránoꞌó nu̱u̱nꞌ rá te̱e kúñáꞌnú iniꞌ rá veꞌi sinagoga nu̱u̱nꞌ kútútú rá ñɨvɨ Israel koto u̱ꞌvi̱ꞌ ráa ránoꞌó, jee kɨ̱chiꞌi ráa ránó iniꞌ rá veka̱a. Jee kɨ̱na̱ka ráa ránó nu̱u̱nꞌ rá te̱e tátúníꞌ nación jín nu̱u̱nꞌ rá te̱e nísotíñú kúvi gobernador, sáva sijíta rává ránoꞌó jie̱ꞌe̱ꞌ ya̱ yɨ́ꞌɨ́ rán nu̱u̱nꞌ nuꞌuꞌ.

Hechos 25:26

Soo ntu̱ví ná íyó ni ɨɨn tu̱ꞌun, ya̱ kúvi tee ni̱ꞌ nu̱u̱nꞌ tutuꞌ jie̱ꞌe̱ꞌ‑e nu̱u̱nꞌ i̱toꞌoꞌ‑ó. Saáva va̱ji náka ni̱ꞌ te̱e vá, sáva kuiñɨ re̱ꞌ ichinúúnꞌ ránꞌ, jee ñáꞌnú ka̱ꞌ vá kuiñɨ re̱ꞌ ichinúúnꞌ maánú, rey Agripa. Jee saáva ré nxi̱náꞌmáꞌ‑ó maa, sáva kuvi tee ni̱ꞌ nu̱u̱nꞌ tutuꞌ jie̱ꞌe̱ꞌ‑e.

Hechos 26:1

Saájee nkachiꞌ Agripa nu̱u̱nꞌ Pablo: ―Yɨ́netuꞌ ránꞌ kaꞌanꞌ nú jee nama nú maánú. I̱ña̱jée nna̱neꞌen re̱ꞌ naꞌá re̱ꞌ, sáva kuniꞌ ráa ya̱ kaꞌanꞌ re̱ꞌ. Jee nnama re̱ꞌ maáréꞌ suꞌva:

Hechos 26:19

’Saájee, nka̱níjiá ni̱ꞌ tu̱ꞌun nkachiꞌ re̱ꞌ nu̱u̱nꞌ ni̱ꞌ ne̱ súkún, kátáta rey Agripa.

Hechos 26:26

Chi ya̱ jíníꞌ rey jie̱ꞌe̱ꞌ rá yaꞌá. Ntu íñɨ́ yúꞌví ni̱ꞌ káꞌánꞌ ni̱ꞌ jín re̱ꞌ. Chi ínúꞌ iniꞌ ni̱ꞌ ya̱ ntu níyo yuꞌuꞌ yaꞌá nu̱u̱nꞌ re̱ꞌ. Chi nsú nu̱u̱nꞌ yuꞌuꞌ skináꞌ iniꞌ veꞌi nkuvi rá yaꞌá.

Hechos 26:3

Chi jíníꞌ nú nɨꞌɨ rá costumbre rá ñɨvɨ Israel, jín nɨꞌɨ tu̱ꞌun jie̱ꞌe̱ꞌ kúváa yuꞌú ráníꞌ. Saájee jíkánꞌ táꞌvíꞌ ni̱ꞌ ya̱ káꞌnú koo iniꞌ nú jee teso̱ꞌo nú ya̱ kachiꞌ ni̱ꞌ.

Hechos 26:7

Jee nɨꞌɨ ráníꞌ, ya̱ kúvi ránꞌ se̱ꞌya ichiyúkúnꞌ váji ne̱ nu̱u̱nꞌ rá u̱xu̱vi̱ꞌ (12) se̱ꞌya yɨ́ɨ́ Israel, nuví niñuꞌ ñúꞌún káñá iniꞌ ránꞌ néñu̱ꞌun ránꞌ Ndiosíꞌ, jee íyó tu̱neí iniꞌ ránꞌ ya̱ kenta ya̱ nchi̱sóyuꞌú re̱ꞌ. Kátáta rey, jie̱ꞌe̱ꞌ yaꞌá vá chíkuáchi rá ñɨvɨ Israel nuꞌuꞌ.