Hechos 22:5 - Mixteco del suroeste de Tlaxiaco Oaxaca

⁵ Jee su̱tu̱ꞌ kúñáꞌnú jín rá te̱e kúñáꞌnú kuvi nastúvi ráa ya̱ naáꞌ, ya̱ káꞌánꞌ na̱a̱ꞌ ni̱ꞌ. Chi suviráa ví ya̱ ntaji tutuꞌ nu̱u̱nꞌ ni̱ꞌ, ya̱ ku̱ꞌva ni̱ꞌ nu̱u̱nꞌ rá ñaniꞌ‑ó Israel nééꞌ ñuunꞌ Damasco, sáva kuniꞌ ráa ya̱ tiñu níso ni̱ꞌ. Jee ña̱ꞌa̱nꞌ ni̱ꞌ ñuunꞌ Damasco, sáva tɨɨn ni̱ꞌ rá ñɨvɨ yɨ́ꞌɨ́ ñujiínꞌ vá, kuꞌniꞌ ni̱ꞌ ráa, jee kinaka ni̱ꞌ ráa Jerusalén, sáva xinóꞌo ránꞌ ráa.

Hechos 22:5 ပူးပေါင်းရင်းမြစ်များ

Lucas 22:66

Jee sáá ntu̱u̱nꞌ nka̱niiꞌ, nku̱tútú rá te̱e kúñáꞌnú nu̱u̱nꞌ rá ñɨvɨ ñuunꞌ vá, jín rá su̱tu̱ꞌ kúñáꞌnú jín rá te̱e xínéꞌénꞌ jie̱ꞌe̱ꞌ tu̱ꞌun nta̱túníꞌ Ndiosíꞌ, jee kua̱ꞌa̱nꞌ ráa jín Jesús nu̱u̱nꞌ kútútú ráa ya̱ kúvi ráa Justicia Ñáꞌnú, jee ni̱ka̱tu̱ꞌún ráa re̱ꞌ jee nkachiꞌ ráa:

Hechos 1:15

Rá ki̱vɨ̱ꞌ yukuán, nku̱tútú yatin sientúꞌ o̱ko̱ꞌ (120) ñɨvɨ yukuán. Jee nnakui̱ñɨ̱ꞌ nichiꞌ Pedro nteñu rá ñanitáꞌán vá, jee nkachiꞌ‑i nu̱u̱nꞌ ráa:

Hechos 13:26

’Ránoꞌó ñaniꞌ, ya̱ kúvi rán se̱ꞌya tataꞌ Abraham, jín rá inka ñɨvɨ, ya̱ nééꞌ nteñu rán, ya̱ ñúyúꞌví iniꞌ rán nu̱u̱nꞌ Ndiosíꞌ. Nta̱jí re̱ꞌ nu̱u̱nꞌ rán tu̱ꞌun yaꞌá ya̱ káchíꞌ ya̱ nátavaꞌ re̱ꞌ yó nu̱u̱nꞌ kua̱chi‑ó xínánitáꞌvíꞌ re̱ꞌ yó.

Hechos 2:29

Jee suni nkachiꞌ Pedro nu̱u̱nꞌ ráa: ―¡Ránoꞌó ñaniꞌ! Núne kuvi kachiꞌ ni̱ꞌ nu̱u̱nꞌ rán jie̱ꞌe̱ꞌ jííꞌ yanaꞌán nu̱u̱nꞌ‑ó David. Ni̱ꞌi̱ꞌ re̱ꞌ jee suni nyɨse̱ꞌí re̱ꞌ. Jee veꞌi ni̱yɨ re̱ꞌ íyó i̱i̱ꞌ‑i nteñu‑ó ne̱ vitan.

Hechos 22:1

―¡Ránoꞌó ñaniꞌ jín tátáꞌ! ¡Teso̱ꞌo rán ya̱ kachiꞌ ni̱ꞌ, ya̱ nama ni̱ꞌ maáníꞌ nu̱u̱nꞌ rán!

Hechos 23:1

Jee yukuán nne̱ꞌyá váꞌa Pablo nu̱u̱nꞌ rá te̱e Justicia Ñáꞌnú jee nkachiꞌ re̱ꞌ: ―Ránoꞌó ñaniꞌ. Kúváꞌa iniꞌ ni̱ꞌ chi jíníꞌ ni̱ꞌ ya̱ jíka na̱a̱ꞌ va̱ꞌa ni̱ꞌ ichinúúnꞌ Ndiosíꞌ ne̱ vitan.

Hechos 23:6

Jee niniꞌ Pablo ya̱ sava ráa kúvi ráa saduceo, jín sava ráa ka̱ꞌ kúvi ráa fariseo, jee nka̱najíín re̱ꞌ nteñu rá te̱e Justicia Ñáꞌnú yukuán: ―Ránoꞌó ñaniꞌ. Nuꞌuꞌ ví fariseo jín se̱ꞌya ɨɨn te̱e fariseo. Sánáaꞌ rán jie̱ꞌe̱ꞌ kua̱chi nuꞌuꞌ, chi íyó tu̱ꞌun neí iniꞌ ni̱ꞌ ya̱ natekuꞌ i̱i̱ꞌ rá níyɨ.

Hechos 26:10

Jee sukuán nsa̱ꞌá nijia ni̱ꞌ ñuunꞌ Jerusalén. Ntaji rá su̱tu̱ꞌ kúñáꞌnú tiñu nu̱u̱nꞌ ni̱ꞌ, jee ntu̱ví ni̱ꞌ veka̱a kue̱ꞌe̱ꞌ rá ñɨvɨ yɨ́ꞌɨ́ nu̱u̱nꞌ Jesús. Jee sáá jiáꞌníꞌ rá ñɨvɨ rá ñɨvɨ vá, jee suni jiáꞌa ni̱ꞌ tu̱ꞌun ni̱ꞌ, ya̱ kuviꞌ ráa.

Hechos 26:11

Jee kue̱ꞌe̱ꞌ íchí nxi̱nóꞌo ni̱ꞌ ráa iniꞌ ntáká veꞌi sinagoga nu̱u̱nꞌ néñu̱ꞌun rá ñɨvɨ Israel Ndiosíꞌ. Jee nte̱tuvi ni̱ꞌ ráa kuichi iniꞌ ráa Jesús jee tenu̱u̱nꞌ ráa maa. Kítɨ́ꞌ nasɨ́kuitɨꞌ iniꞌ ni̱ꞌ néꞌyá ni̱ꞌ ráa, jee sáꞌá kini ni̱ꞌ ráa, ne̱ rá ñuunꞌ káá íká.

Hechos 26:12

’Jee jie̱ꞌe̱ꞌ tiñu yaꞌá vá ña̱ꞌa̱nꞌ ni̱ꞌ ñuunꞌ Damasco. Jee ntaji rá su̱tu̱ꞌ kúñáꞌnú tiñu kuneeꞌ si̱kɨ̱ꞌ ni̱ꞌ, jee ntaji ráa tu̱ꞌun ya̱ tátúníꞌ ráa ya̱ saꞌá ni̱ꞌ maa.

Hechos 28:17

Sáá njia̱ꞌa u̱ni̱ꞌ ki̱vɨ̱ꞌ jee nkana Pablo rá te̱e kúñáꞌnú nu̱u̱nꞌ rá ñɨvɨ Israel, nééꞌ yukuán. Jee sáá nnu̱tútú ráa, jee nkachiꞌ‑i nu̱u̱nꞌ ráa: ―Ránoꞌó ñaniꞌ. Súnika̱ꞌ ntu̱ví na̱ nsa̱ꞌá kini ni̱ꞌ si̱kɨ̱ꞌ rá ñɨvɨ ñuunꞌ‑ó, ni si̱kɨ̱ꞌ rá costumbre nxi̱nóo rá jííꞌ‑ó yanaꞌán nu̱u̱nꞌ‑ó, jee ntɨɨn ráa nuꞌuꞌ ñuunꞌ Jerusalén, jee nna̱ku̱ꞌva ráa nuꞌuꞌ xi̱ntíín rá te̱e ñuunꞌ Roma.

Hechos 28:21

Jee nkachiꞌ ráa nu̱u̱nꞌ re̱ꞌ: ―Ntu nkenta tutuꞌ váji ñuunꞌ Judea nu̱u̱nꞌ ránꞌ, ya̱ káꞌánꞌ jie̱ꞌe̱ꞌ nú. Ni ntu nkenta ni ɨɨn ñanitáꞌán ñuunꞌ‑ó, ya̱ káꞌánꞌ kini jie̱ꞌe̱ꞌ nú nu̱u̱nꞌ ránꞌ.

Hechos 3:17

’¡Soo, ránoꞌó ñaniꞌ! Jíníꞌ ni̱ꞌ ya̱ nsa̱ꞌá naanꞌ rán maa, suni sukuán rá te̱e néetiñu rán.

Hechos 4:5

Sáá nkuvi inka ki̱vɨ̱ꞌ, nku̱tútú rá te̱e nísotíñú nu̱u̱nꞌ rá ñɨvɨ ñuunꞌ Israel, jín rá te̱e kúñáꞌnú, jín rá te̱e xínéꞌénꞌ jie̱ꞌe̱ꞌ tu̱ꞌun ley nta̱túníꞌ Ndiosíꞌ, nku̱tútú ráa ñuunꞌ káꞌnú Jerusalén.

Hechos 5:21

Sáá nteso̱ꞌo ráa yaꞌá, jee sáá nku̱nijinꞌ jee nki̱vɨ ráa iniꞌ veñu̱ꞌun káꞌnú jee nka̱jiéꞌé ráa xinéꞌénꞌ ráa. Jee sáá nkenta maá su̱tu̱ꞌ kúñáꞌnú ka̱ꞌ jín rá te̱e íñɨ́ jín re̱ꞌ, jee nkana ráa rá te̱e kúñáꞌnú, sáva kutútú ntáká rá te̱e Justicia Ñáꞌnú nación Israel. Jee nta̱jí ráa ya̱ kuákeꞌen rá te̱e yɨ́ꞌɨ́ iniꞌ veka̱a.

Hechos 9:14

Jee njia̱ꞌa rá su̱tu̱ꞌ kúñáꞌnú tiñu kuneeꞌ si̱kɨ̱ꞌ re̱ꞌ, sáva kiji re̱ꞌ yaꞌá jee tɨɨn re̱ꞌ nta̱ká rá ñɨvɨ néñu̱ꞌun ráa noꞌó ―nkachiꞌ Ananías.

Gálatas 1:13

Nteso̱ꞌo rán sáá na̱ja nsa̱ꞌá ni̱ꞌ sáá néñu̱ꞌun ni̱ꞌ Ndiosíꞌ sáni xínéꞌénꞌ rá ñɨvɨ Israel, ya̱ naní ñujiínꞌ Judaísmo. Jee nsa̱ꞌá kini nasɨ́kuitɨꞌ ni̱ꞌ rá ñɨvɨ kúneí iniꞌ ráa Jesús, jee xínáánꞌ ni̱ꞌ ráa.

Filipenses 3:6

nñu̱ꞌun káñá nasɨ́kuitɨꞌ iniꞌ ni̱ꞌ jie̱ꞌe̱ꞌ ñujiínꞌ ráa, ne̱ nito u̱ꞌvi̱ꞌ ni̱ꞌ rá ñɨvɨ kúneí iniꞌ rává Jesús, jee sáni káchíꞌ ñɨvɨ ya̱ kuvi kino̱o na̱a̱ꞌ ɨɨn te̱e jie̱ꞌe̱ꞌ síkúnkuvi tu̱ꞌun ley vá, jee ntu nkúvi chikua̱chi ni ɨɨn ñɨvɨ nuꞌuꞌ.

1 Timoteo 4:14

Koto xínóo nú saꞌá nú tiñu Ndiosíꞌ ya̱ kúvi ta̱ꞌvi̱ꞌ ntaji Ta̱chi̱ꞌ Ííꞌ Ndiosíꞌ nu̱u̱nꞌ nú ya̱ chíneí re̱ꞌ noꞌó sáꞌá nú maa, chi rá te̱e kúñáꞌnú nu̱u̱nꞌ rá ñɨvɨ ya̱ kúneí iniꞌ rává Cristo nchi̱só ráa naꞌá ráa xi̱ni̱ꞌ nú, sáva kani ráa noꞌó kuniso nú tiñu vá, jee ɨɨn ráa nna̱kani‑i tu̱ꞌun nkene yuꞌú Ndiosíꞌ ya̱ taji re̱ꞌ ta̱ꞌvi̱ꞌ vá nu̱u̱nꞌ nú.