Hechos 22:3 - Mixteco del suroeste de Tlaxiaco Oaxaca

³ ―Maáníꞌ ví te̱e Israel. Nkaku ni̱ꞌ ñuunꞌ Tarso, ya̱ tɨ́ɨn Cilicia. Soo ñaꞌnu ni̱ꞌ ñuunꞌ Jerusalén yaꞌá. Te̱e tu̱ꞌva naní Gamaliel nxi̱néꞌénꞌ va̱ꞌa re̱ꞌ nuꞌuꞌ jie̱ꞌe̱ꞌ tu̱ꞌun ley rá jííꞌ‑ó yanaꞌán. Ñúꞌún káñá iniꞌ ni̱ꞌ sikúnkuvi ni̱ꞌ nu̱u̱nꞌ Ndiosíꞌ, kuéntáꞌ nta̱ká ránoꞌó vitan.

Hechos 22:3 ပူးပေါင်းရင်းမြစ်များ

Lucas 10:39

Jee íyó ɨɨn ku̱ꞌvi̱ꞌ ñaꞌan yaꞌá ya̱ naní María, jee ña̱kuneeꞌ María xiín jie̱ꞌe̱ꞌ Jesús, jee tésóꞌo ña tu̱ꞌun ya̱ káchíꞌ re̱ꞌ.

Lucas 2:46

Jee ne̱ ki̱vɨ̱ꞌ uníꞌ nkuvi jee nna̱niꞌinꞌ ráa re̱ꞌ iniꞌ veñu̱ꞌun káꞌnú Jerusalén, nééꞌ re̱ꞌ nteñu rá te̱e xínéꞌénꞌ jie̱ꞌe̱ꞌ tu̱ꞌun nta̱túníꞌ Ndiosíꞌ, tésóꞌo re̱ꞌ tu̱ꞌun káchíꞌ ráa, jee jíkátu̱ꞌún re̱ꞌ ráa.

Lucas 8:35

Jee nkene rá ñɨvɨ kua̱ne̱ꞌyá ráa na̱kuá nkuvi. Jee nkenta ráa nu̱u̱nꞌ Jesús, jee nna̱niꞌinꞌ ráa te̱e ya̱ nkene rá kui̱ꞌna̱ꞌ iniꞌ re̱ꞌ, ñúꞌún re̱ꞌ saꞌma, jee ya̱ nna̱ku̱ꞌun kájí iniꞌ re̱ꞌ, jee nééꞌ re̱ꞌ jie̱ꞌe̱ꞌ Jesús. Jee nyu̱ꞌví rá ñɨvɨ vá.

Hechos 11:25

Saájee kua̱ꞌa̱nꞌ re̱ꞌ ñuunꞌ Tarso nna̱nukú re̱ꞌ Saulo. Sáá nna̱niꞌinꞌ re̱ꞌ maa jee kua̱ꞌa̱nꞌ re̱ꞌ jín‑i ñuunꞌ Antioquía.

Hechos 15:23

Nta̱jí ráa tutuꞌ kua̱ꞌa̱nꞌ jín rá te̱e vá, ya̱ káchíꞌ suꞌva: “Ránuꞌuꞌ ya̱ kúvi ránꞌ rá apóstol jín rá te̱e kúñáꞌnú. Kúvi ráníꞌ ñaniꞌ ránú. Tée ráníꞌ nu̱u̱nꞌ rán, ya̱ nééꞌ nɨꞌɨ ñuunꞌ Antioquía jín rá sánitɨ́ɨn Siria jín Cilicia, ya̱ kúvi rán rá ñaniꞌ jín rá ku̱ꞌva, ya̱ ntu kúvi Israel. ’Nátají ránꞌ saludos tu̱ꞌun káva̱ꞌa nu̱u̱nꞌ ránoꞌó.

Hechos 15:41

Jee njia̱ꞌa Pablo kua̱ꞌa̱nꞌ re̱ꞌ rá sánitɨ́ɨn Siria jín Cilicia, jee nna̱chituvi Pablo rá ñɨvɨ ya̱ kúneí iniꞌ ráa Jesús.

Hechos 21:20

Sáá nteso̱ꞌo ráa yaꞌá, jee nna̱kuetúꞌún ráa Ndiosíꞌ. Jee nkachiꞌ ráa nu̱u̱nꞌ re̱ꞌ: ―Ñaniꞌ, ya̱ jíníꞌ nú ya̱ kéꞌín mil ñɨvɨ Israel kúneí iniꞌ ráa Jesús. Jee ñúꞌún káñá iniꞌ ráa sikúnkuvi ráa tu̱ꞌun ley nta̱túníꞌ Ndiosíꞌ yanaꞌán.

Hechos 21:39

Jee nkachiꞌ Pablo: ―Suvini̱ꞌ ví nijia ɨɨn te̱e Israel. Va̱ji ni̱ꞌ ne̱ ñuunꞌ Tarso ya̱ tɨ́ɨn Cilicia. Maáníꞌ ví se̱ꞌya ñuunꞌ kúñáꞌnú. Jíkánꞌ ni̱ꞌ nu̱u̱nꞌ nú ya̱ taji nú kaꞌanꞌ ni̱ꞌ jín rá ñɨvɨ.

Hechos 23:34

Jee sáá nkaꞌvi te̱e nísotíñú vá tutuꞌ, jee ni̱ka̱tu̱ꞌún re̱ꞌ né ñuunꞌ va̱ji‑i. Soo sáá nku̱káꞌnú iniꞌ re̱ꞌ ya̱ kúvi‑i te̱e váji ñuunꞌ Cilicia,

Hechos 23:6

Jee niniꞌ Pablo ya̱ sava ráa kúvi ráa saduceo, jín sava ráa ka̱ꞌ kúvi ráa fariseo, jee nka̱najíín re̱ꞌ nteñu rá te̱e Justicia Ñáꞌnú yukuán: ―Ránoꞌó ñaniꞌ. Nuꞌuꞌ ví fariseo jín se̱ꞌya ɨɨn te̱e fariseo. Sánáaꞌ rán jie̱ꞌe̱ꞌ kua̱chi nuꞌuꞌ, chi íyó tu̱ꞌun neí iniꞌ ni̱ꞌ ya̱ natekuꞌ i̱i̱ꞌ rá níyɨ.

Hechos 26:5

Ya jíníꞌ ráa kue̱ꞌe̱ꞌ tiempúꞌ ya̱ ne̱ xíꞌnañúꞌún nyɨ̱ꞌɨ ni̱ꞌ ñujiínꞌ fariseo, ya̱ ni̱ꞌin yɨ́ɨ́ xá ka̱ꞌ síkúnkuvi ráa ley Moisés nsú káꞌ rá inka ñɨvɨ níkɨ́nꞌ ñujiínꞌ Israel. Jee kúvi nástúvi ráa ya̱ naáꞌ jie̱ꞌe̱ꞌ vá, ré kuíni ráa.

Hechos 26:9

’I̱ña̱jée nékúvi ñúꞌún iniꞌ ni̱ꞌ, ya̱ íyó saꞌá kini víꞌí ni̱ꞌ si̱kɨ̱ꞌ rá ñɨvɨ ya̱ yɨ́ꞌɨ́ ráa nu̱u̱nꞌ Jesús, te̱e ñuunꞌ Nazaret.

Hechos 5:34

Soo nnakui̱ñɨ̱ꞌ nichiꞌ ɨɨn te̱e naní Gamaliel ichinúúnꞌ Justicia. Kúvi re̱ꞌ ɨɨn te̱e yɨ́ꞌɨ́ ñujiínꞌ fariseo, ya̱ xínéꞌénꞌ re̱ꞌ jie̱ꞌe̱ꞌ tu̱ꞌun ley Ndiosíꞌ. Jee íyó ñáꞌnú nɨꞌɨ rá ñɨvɨ nu̱u̱nꞌ re̱ꞌ. Jee nta̱túníꞌ re̱ꞌ ya̱ tavaꞌ ráa rá te̱e vá chíkéꞌi unúún.

Hechos 6:9

Jee nkenta rá te̱e káꞌvi ni ya̱ yɨ́ꞌɨ́ ráa nu̱u̱nꞌ ñujiínꞌ veꞌi sinagoga naní Rá Íñɨ́ Núne, jín rá te̱e káꞌvi ni ñuunꞌ Cirene jín ñuunꞌ Alejandría, jín rá sánitɨ́ɨn Cilicia jín Asia. Jee kántátúꞌun ráa jín Esteban.

Hechos 9:1

Jee Saulo síúꞌví i̱i̱ꞌ re̱ꞌ ya̱ kaꞌniꞌ re̱ꞌ rá ñɨvɨ yɨ́ꞌɨ́ ráa ichi Jesús. Jee ña̱ꞌa̱nꞌ re̱ꞌ nu̱u̱nꞌ su̱tu̱ꞌ kúñáꞌnú ka̱ꞌ,

Hechos 9:11

Jee nkachiꞌ I̱toꞌoꞌ‑ó nu̱u̱nꞌ re̱ꞌ: ―Nako̱o jee kuáꞌán nú nu̱u̱nꞌ ichi naní Ichi Naáꞌ. Jee iniꞌ veꞌi Judas, nanukú nú ɨɨn te̱e ñuunꞌ Tarso, naní Saulo. Jee káꞌánꞌ re̱ꞌ jín Ndiosíꞌ.

Hechos 9:30

Soo sáá nku̱káꞌnú iniꞌ rá ñanitáꞌán yɨ́ꞌɨ́ nu̱u̱nꞌ Jesús, jie̱ꞌe̱ꞌ ya̱ kaꞌniꞌ rává maa, jee kua̱na̱ka ráa re̱ꞌ nu̱u̱nꞌ ñuunꞌ Cesarea. Jee yukuán nchu̱ichí ráa re̱ꞌ kua̱noꞌonꞌ re̱ꞌ nu̱u̱nꞌ ñuunꞌ Tarso.

Romanos 11:1

Saáva káchíꞌ ni̱ꞌ: ¿Á nku̱ichi iniꞌ Ndiosíꞌ rá ñɨvɨ Israel ya̱ kúvi ráa ñɨvɨ re̱ꞌ? ¡Vankée sukuán! Chi suni nuꞌuꞌ kúvi ni̱ꞌ ɨɨn te̱e Israel, jee kúvi ni̱ꞌ se̱ꞌya ichiyúkúnꞌ váji ni̱ꞌ ne̱ nu̱u̱nꞌ Abraham, jee suni kúvi ni̱ꞌ tataꞌ Benjamín.

2 Corintios 11:22

¿Á kúvi ráa rá te̱e hebreo? Jee sunisaá ranika̱ꞌ nuꞌuꞌ. ¿Á kúvi ráa ñɨvɨ Israel ya̱ kúvi ñɨvɨ Ndiosíꞌ? Jee sunisaá ranika̱ꞌ nuꞌuꞌ. ¿Á kúvi ráa se̱ꞌya ichiyúkúnꞌ váji ráa nu̱u̱nꞌ Abraham? Jee sunisaá ranika̱ꞌ nuꞌuꞌ.

Gálatas 1:14

Jee nkaa ni̱ꞌ ka̱ꞌ kúñáꞌnú ni̱ꞌ nu̱u̱nꞌ ñujiínꞌ Judaísmo, nsú káꞌ rá inka táꞌán ni̱ꞌ jiáꞌnu nkáá jín ni̱ꞌ. Nku̱káñá iniꞌ ni̱ꞌ nsi̱kúnkuvi ni̱ꞌ rá costumbre ya̱ nxi̱nóo rá jííꞌ yanaꞌán ni̱ꞌ nu̱u̱nꞌ ránꞌ.

Gálatas 1:21

Jee kuíre ña̱ꞌa̱nꞌ ni̱ꞌ rá ñuunꞌ Siria jín Cilicia.