Hechos 22:1 - Mixteco del suroeste de Tlaxiaco Oaxaca

¹ ―¡Ránoꞌó ñaniꞌ jín tátáꞌ! ¡Teso̱ꞌo rán ya̱ kachiꞌ ni̱ꞌ, ya̱ nama ni̱ꞌ maáníꞌ nu̱u̱nꞌ rán!

Hechos 22:1 ပူးပေါင်းရင်းမြစ်များ

Lucas 12:11

’Jee sáá kɨ̱na̱siáꞌa rá ñɨvɨ ránoꞌó iniꞌ rá veꞌi sinagoga ichinúúnꞌ rá te̱e jiéꞌnéꞌ kua̱chi jín rá te̱e nísotíñú, jee koto nániꞌvɨꞌ iniꞌ rán na̱ja naxiníkó rán ni ná kúvi ya̱ kachiꞌ rán nama rán maárán ni ná kúvi ya̱ kaꞌanꞌ rán.

Lucas 21:14

Soo kuꞌun iniꞌ ránú ya̱ ntu̱né íyó xíꞌna ka̱ꞌ kani ya̱chi̱ꞌ iniꞌ ránú na̱ja naxiníkó ránú nu̱u̱nꞌ ráa sáva nama rán maárán.

Hechos 13:26

’Ránoꞌó ñaniꞌ, ya̱ kúvi rán se̱ꞌya tataꞌ Abraham, jín rá inka ñɨvɨ, ya̱ nééꞌ nteñu rán, ya̱ ñúyúꞌví iniꞌ rán nu̱u̱nꞌ Ndiosíꞌ. Nta̱jí re̱ꞌ nu̱u̱nꞌ rán tu̱ꞌun yaꞌá ya̱ káchíꞌ ya̱ nátavaꞌ re̱ꞌ yó nu̱u̱nꞌ kua̱chi‑ó xínánitáꞌvíꞌ re̱ꞌ yó.

Hechos 19:33

Jee sava ráa njia̱ꞌa tu̱ꞌun nu̱u̱nꞌ Alejandro sákachiꞌ‑i. Jee chínaꞌá rá ñɨvɨ Israel maa ichinúúnꞌ rá ñɨvɨ. Jee xínénaꞌá Alejandro nu̱u̱nꞌ ráa ya̱ kasɨꞌ ráa yuꞌú ráa, sáva nama re̱ꞌ maáréꞌ jín rá kútáꞌán jín re̱ꞌ.

Hechos 23:1

Jee yukuán nne̱ꞌyá váꞌa Pablo nu̱u̱nꞌ rá te̱e Justicia Ñáꞌnú jee nkachiꞌ re̱ꞌ: ―Ránoꞌó ñaniꞌ. Kúváꞌa iniꞌ ni̱ꞌ chi jíníꞌ ni̱ꞌ ya̱ jíka na̱a̱ꞌ va̱ꞌa ni̱ꞌ ichinúúnꞌ Ndiosíꞌ ne̱ vitan.

Hechos 23:6

Jee niniꞌ Pablo ya̱ sava ráa kúvi ráa saduceo, jín sava ráa ka̱ꞌ kúvi ráa fariseo, jee nka̱najíín re̱ꞌ nteñu rá te̱e Justicia Ñáꞌnú yukuán: ―Ránoꞌó ñaniꞌ. Nuꞌuꞌ ví fariseo jín se̱ꞌya ɨɨn te̱e fariseo. Sánáaꞌ rán jie̱ꞌe̱ꞌ kua̱chi nuꞌuꞌ, chi íyó tu̱ꞌun neí iniꞌ ni̱ꞌ ya̱ natekuꞌ i̱i̱ꞌ rá níyɨ.

Hechos 24:10

Jee sáá nsa̱ꞌá te̱e nísotíñú seña ya̱ kaꞌanꞌ Pablo, jee nkachiꞌ re̱ꞌ: ―Jíníꞌ ni̱ꞌ ya̱ kue̱ꞌe̱ꞌ kui̱ya̱ꞌ kúvi nú te̱e tátúníꞌ nu̱u̱nꞌ nación yaꞌá. Saáva kúsɨ́ɨꞌ iniꞌ ni̱ꞌ, nama ni̱ꞌ maáníꞌ nu̱u̱nꞌ nú.

Hechos 25:16

Jee nna̱xiníkó ni̱ꞌ nu̱u̱nꞌ ráa, ya̱ ntu íyó ñujiínꞌ rá te̱e Roma, ya̱ naku̱ꞌva ráa ni ɨɨn te̱e xíkóñáꞌán rá ñɨvɨ, ya̱ ntiáꞌan kuiñɨ‑ɨ kune̱ꞌyá‑a nu̱u̱nꞌ rá ñɨvɨ xíkóñáꞌán maa, jee nama‑a maáa jie̱ꞌe̱ꞌ kua̱chi ya̱ xíkóñáꞌán ráa maa.

Hechos 25:8

Jee Pablo nnama re̱ꞌ maáréꞌ jee nkachiꞌ‑i: ―Ni ntu̱ví na̱ kua̱chi vá nsa̱ꞌá ni̱ꞌ, ni si̱kɨ̱ꞌ tu̱ꞌun ley njia̱ꞌa Ndiosíꞌ nu̱u̱nꞌ Israel, ni si̱kɨ̱ꞌ veñu̱ꞌun káꞌnú, ni si̱kɨ̱ꞌ te̱e tátúníꞌ nɨꞌɨ rá ñuunꞌ tɨ́ɨn Roma.

Hechos 26:24

Sáá náma re̱ꞌ maáréꞌ suꞌva, jee nkaꞌanꞌ ni̱ꞌin Festo: ―Sáꞌá xi̱ni̱ꞌ nú jín tu̱ꞌun káꞌánꞌ nú, ká Pablo. Máá súkuáꞌa nasɨ́kuitɨꞌ nú, jee nkenta kúꞌvíꞌ xi̱ni̱ꞌ nú.

Hechos 28:17

Sáá njia̱ꞌa u̱ni̱ꞌ ki̱vɨ̱ꞌ jee nkana Pablo rá te̱e kúñáꞌnú nu̱u̱nꞌ rá ñɨvɨ Israel, nééꞌ yukuán. Jee sáá nnu̱tútú ráa, jee nkachiꞌ‑i nu̱u̱nꞌ ráa: ―Ránoꞌó ñaniꞌ. Súnika̱ꞌ ntu̱ví na̱ nsa̱ꞌá kini ni̱ꞌ si̱kɨ̱ꞌ rá ñɨvɨ ñuunꞌ‑ó, ni si̱kɨ̱ꞌ rá costumbre nxi̱nóo rá jííꞌ‑ó yanaꞌán nu̱u̱nꞌ‑ó, jee ntɨɨn ráa nuꞌuꞌ ñuunꞌ Jerusalén, jee nna̱ku̱ꞌva ráa nuꞌuꞌ xi̱ntíín rá te̱e ñuunꞌ Roma.

Hechos 7:2

Jee nkachiꞌ Esteban: ―¡Ránoꞌó ñaniꞌ jín ránoꞌó tátáꞌ! ¡Teso̱ꞌo rán nuꞌuꞌ! Viiꞌ kúñáꞌnú maá Ndiosíꞌ, jee nkitu̱vi re̱ꞌ nu̱u̱nꞌ maá jííꞌ‑ó yanaꞌán, Abraham, ni nneeꞌ re̱ꞌ ñuunꞌ Mesopotamia, ne̱sá ntiáꞌan kuneeꞌ re̱ꞌ ñuunꞌ Harán.

Romanos 2:15

Chi stúvi ráa tiñu sáꞌá ley maáráa ya̱ yɨ́ꞌɨ́ ánímaꞌ ráa, chi iniꞌ maáráa jiáꞌa‑a ya̱ naáꞌ nu̱u̱nꞌ maáráa jee antúníꞌ maáráa chíkuáchi‑i maáráa áxí náma‑a maáráa.

1 Corintios 9:3

Jee tu̱ꞌun yaꞌá kúvi tu̱ꞌun ya̱ nama ni̱ꞌ maáníꞌ nu̱u̱nꞌ rá ñɨvɨ ya̱ kákuíyuꞌú ráa jie̱ꞌe̱ꞌ ni̱ꞌ.

2 Corintios 12:19

¿Á sa̱naanꞌ jiáni iniꞌ rán ya̱ náma ráníꞌ maáráníꞌ nu̱u̱nꞌ ránú rúja? Soo ntu̱ví. Chisaꞌ nu̱u̱nꞌ súví Cristo káꞌánꞌ ráníꞌ jee ne̱ maá Ndiosíꞌ jíníꞌ, ya̱ káchíꞌ ránꞌ nta̱ká tu̱ꞌun nu̱u̱nꞌ ránú, sáva sikújia ráníꞌ iniꞌ ránoꞌó nu̱u̱nꞌ Cristo, ya̱ ñúnúunꞌ ráníꞌ ránoꞌó.

2 Corintios 7:11

Chi tu̱nkuéká ni̱yo iniꞌ rán sáni kuíni Ndiosíꞌ, jee tɨɨn kuéntáꞌ ránú ná kúvi ya̱ nsa̱ꞌá‑a iniꞌ ánímaꞌ rán: ¡Na̱ ka̱ꞌ ntɨɨn ñáꞌnú rán tiñu yaꞌá! ¡Na̱ ka̱ꞌ nnakui̱ñɨ̱ꞌ rán jín ránuꞌuꞌ! ¡Na̱ ka̱ꞌ nki̱tɨ̱ꞌ iniꞌ maárán jie̱ꞌe̱ꞌ ya̱ nsa̱ꞌá rán! ¡Na̱ ka̱ꞌ nñu̱yúꞌví iniꞌ rán Ndiosíꞌ! ¡Na̱ ka̱ꞌ nñu̱ꞌun káñá iniꞌ rán kune̱ꞌyá tuku rán ránuꞌuꞌ! ¡Na̱ ka̱ꞌ nániꞌvɨꞌ iniꞌ rán jie̱ꞌe̱ꞌ ránuꞌuꞌ! ¡Na̱ ka̱ꞌ viiꞌ nsa̱náaꞌ rán si̱kɨ̱ꞌ ñɨvɨ vá ya̱ nsa̱ꞌá‑a kua̱chi yaꞌá! Jee ntáká nu̱u̱nꞌ nstúvi rán ya̱ íyó noo ninuꞌun rán jie̱ꞌe̱ꞌ tiñu níváꞌa yaꞌá.

Filipenses 1:17

Soo rá inka ñaniꞌ yaꞌá sáꞌá maa chi ñúnúunꞌ ráa nuꞌuꞌ, chi jíníꞌ ráa, ya̱ sáá váji ni̱ꞌ sáꞌá Ndiosíꞌ sáva nama ni̱ꞌ tu̱ꞌun váꞌa Cristo.

Filipenses 1:7

Na̱a̱ꞌ vá jiáni iniꞌ ni̱ꞌ suꞌva jie̱ꞌe̱ꞌ nta̱ká rán, chi ñúꞌún víꞌí iniꞌ ni̱ꞌ néꞌyá ni̱ꞌ ránoꞌó, chi íyó mániꞌ iniꞌ Ndiosíꞌ néꞌyá re̱ꞌ nta̱ká‑órán, ya̱ chíneí chituvi re̱ꞌ yó, sáva chíneí táꞌán nta̱ká rán jín ni̱ꞌ, sáá núꞌníꞌ ni̱ꞌ iniꞌ veka̱a, jín sáá náma ni̱ꞌ tu̱ꞌun va̱ꞌa Jesús, jín sáá sánáaꞌ ni̱ꞌ ya̱ na̱a̱ꞌ ví tu̱ꞌun vá.

2 Timoteo 4:16

Jee sáá nnama ni̱ꞌ maáníꞌ ichinúúnꞌ rá te̱e jiéꞌnéꞌ kua̱chi ya̱ xíꞌnañúꞌún, jee ni ɨɨn ñɨvɨ ntu nnákuíñɨꞌ ráa jín ni̱ꞌ, chi nta̱ká ráa nxi̱nóo métúꞌún nuꞌuꞌ. Varéáꞌ ntɨ́ɨn kuéntáꞌ Ndiosíꞌ maa si̱kɨ̱ꞌ ráa.

1 Pedro 3:15

Chisaꞌ ne̱ ánímaꞌ rán íyó chiñúꞌún rán Cristo jee íyó ku̱ꞌvayuꞌú rán ya̱ kúvi re̱ꞌ I̱toꞌoꞌ rán, jee sukuáni íyó satúꞌva rán maárán sáva naxiníkó váꞌa rán nu̱u̱nꞌ ntáká ñɨvɨ ya̱ jíkátu̱ꞌún‑u ránoꞌó jie̱ꞌe̱ꞌ ya̱ váꞌa ya̱ nétu rán íyó tu̱neí iniꞌ rán ya̱ saꞌá Cristo jín rán.