Hechos 20:2 - Mixteco del suroeste de Tlaxiaco Oaxaca

² Jee yukuán jiáꞌa re̱ꞌ nu̱u̱nꞌ rá ñuunꞌ, jee násáneí re̱ꞌ iniꞌ rá ñɨvɨ níkɨ́nꞌ ichi Jesús jín kue̱ꞌe̱ꞌ tu̱ꞌun. Jee nkenta re̱ꞌ Grecia.

Hechos 20:2 ပူးပေါင်းရင်းမြစ်များ

Lucas 3:18

Jee jín rá tu̱ꞌun yaꞌá jín kue̱ꞌe̱ꞌ ka̱ꞌ rá inka ka̱ꞌ jie̱ꞌe̱ꞌ nna̱kutíñú re̱ꞌ nu̱u̱nꞌ rá ñɨvɨ, jee nkachitu̱ꞌún re̱ꞌ tu̱ꞌun váꞌa Ndiosíꞌ nu̱u̱nꞌ ráa.

Hechos 14:22

Yukuán, nna̱chituvi ráa ánímaꞌ rá ñɨvɨ yɨ́ꞌɨ́ nu̱u̱nꞌ Jesús. Nna̱xiníꞌvɨ́ꞌ ráa iniꞌ rává kuni̱ꞌin rává kúneí iniꞌ rává Jesús. Nkachiꞌ ráa: ―Kue̱ꞌe̱ꞌ tu̱nóꞌó nínísaá kunoꞌo‑ó jee ki̱vɨ‑ó nu̱u̱nꞌ tátúníꞌ Ndiosíꞌ.

Hechos 15:41

Jee njia̱ꞌa Pablo kua̱ꞌa̱nꞌ re̱ꞌ rá sánitɨ́ɨn Siria jín Cilicia, jee nna̱chituvi Pablo rá ñɨvɨ ya̱ kúneí iniꞌ ráa Jesús.

Hechos 16:12

Jee ne̱ yukuán ña̱ꞌa̱nꞌ ránꞌ ñuunꞌ Filipos, ya̱ kúvi ñuunꞌ maá ñáꞌnú ka̱ꞌ ya̱ tɨ́ɨn Macedonia. Rá ñɨvɨ ñuunꞌ Roma nkenta ña̱kuneeꞌ ñuunꞌ Filipos. Jee kéꞌín ki̱vɨ̱ꞌ nneeꞌ ráníꞌ ñuunꞌ yukuán.

Hechos 17:1

Njia̱ꞌa Pablo jín Silas ñuunꞌ Anfípolis jín ñuunꞌ Apolonia, jee nkenta ráa ñuunꞌ Tesalónica. Yukuán ni̱yo ɨɨn veꞌi sinagoga nu̱u̱nꞌ kútútú rá ñɨvɨ Israel súkuáꞌa ráa Tu̱ꞌun Ndiosíꞌ.

Hechos 17:10

Yankuaaꞌ, kuísá ntañúꞌún, nchu̱ichí rá ñaniꞌ Pablo jín Silas kua̱ꞌa̱nꞌ ne̱ ñuunꞌ Berea. Sáá nkenta ráa yukuán, jee nki̱vɨ ráa iniꞌ veñu̱ꞌun rá ñɨvɨ Israel.

Hechos 2:40

Jee jín kue̱ꞌe̱ꞌ ka̱ꞌ tu̱ꞌun ni̱stúvi re̱ꞌ ya̱ naáꞌ, jee nxi̱nániꞌvɨꞌ re̱ꞌ iniꞌ ráa: ―Sikáku rán maárán nu̱u̱nꞌ ichi níkɨ́nꞌ rá ñɨvɨ niva̱ꞌa yaꞌá chi xinóꞌo Ndiosíꞌ ráa.

Hechos 20:1

Sáá nnɨꞌɨ ti̱xi̱nꞌ, jee nkana Pablo rá ñɨvɨ yɨ́ꞌɨ́ ñujiínꞌ Jesús. Jee násáneí re̱ꞌ iniꞌ ráa. Jee nkaꞌanꞌ‑a ka̱ꞌ jín ráa, jee nkene‑e kua̱ꞌa̱nꞌ‑a Macedonia.

Hechos 20:11

Jee nnaa Pablo jee nyajiꞌ re̱ꞌ jín ráa. Jee kue̱ꞌe̱ꞌ tiempúꞌ nku̱kuéntú re̱ꞌ ne̱ nku̱nijinꞌ. I̱ña̱jée kua̱ꞌa̱nꞌ re̱ꞌ.

Hechos 20:3

Yukuán nkino̱o re̱ꞌ u̱ni̱ꞌ yo̱o̱ꞌ. Sáá sukuáni kene re̱ꞌ kɨ̱ꞌɨ̱nꞌ re̱ꞌ Siria jín barkúꞌ nékui, jee nátúꞌún rá ñɨvɨ Israel ya̱ kaꞌniꞌ ráa re̱ꞌ. Saáva nkaꞌvi iniꞌ‑i nikó‑o jia̱ꞌa‑a Macedonia.

1 Corintios 4:19

Soo ya̱chi̱ꞌ ni kua̱jiaaꞌ néꞌyá ni̱ꞌ ránoꞌó, retú maá I̱toꞌoꞌ‑ó kuíni ya̱ sukuán kuvi, jee kukáꞌnú iniꞌ ni̱ꞌ nsú tu̱ꞌun káꞌánꞌ rá ñɨvɨ téyɨ́ɨ́ vá, chisaꞌ kukáꞌnú iniꞌ ni̱ꞌ retánꞌ sátíñú fuersáꞌ ííꞌ Ndiosíꞌ iniꞌ ráa jee ná kúvi ya̱ kuvi saꞌá ráa.

Colosenses 1:28

Jee jie̱ꞌe̱ꞌ Cristo stékútu̱ꞌún ránꞌ, jee stúꞌva ránꞌ, jee xínéꞌénꞌ ránꞌ nu̱u̱nꞌ nta̱ká ñɨvɨ nɨꞌɨ tu̱ꞌun níchí nta̱jí Ndiosíꞌ, sáva saꞌá ránꞌ ya̱ kujia iniꞌ nta̱ká ráa nu̱u̱nꞌ Ndiosíꞌ, ya̱ yɨ́ꞌɨ́ ráa nu̱u̱nꞌ Cristo.

1 Tesalonicenses 2:11

Jee suni jíníꞌ ránú ya̱ nsa̱ꞌá ráníꞌ jín ta ɨɨn ránoꞌó kuéntáꞌ sáꞌá ɨɨn tátáꞌ jín rá se̱ꞌya re̱ꞌ, chi nna̱sáneí ránꞌ iniꞌ ránoꞌó jee nna̱saꞌá sɨ́ɨꞌ ránꞌ iniꞌ ránoꞌó,

1 Tesalonicenses 2:3

Chi tu̱ꞌun káchítu̱ꞌún ráníꞌ nsáꞌ váji‑i nu̱u̱nꞌ tu̱ꞌun kúsanaanꞌ, ni nsáꞌ váji‑i nu̱u̱nꞌ tu̱ꞌun jiáni néꞌí iniꞌ ránꞌ, ni nsáꞌ váji‑i nu̱u̱nꞌ ya̱ xínáꞌví ránꞌ ránoꞌó.

1 Tesalonicenses 4:1

Jee ntañúꞌún kaꞌanꞌ ráníꞌ jie̱ꞌe̱ꞌ inka ka̱ꞌ tiñu. Ránoꞌó, ñaniꞌ jín ku̱ꞌva, jee jie̱ꞌe̱ꞌ yɨ́ꞌɨ́ ráníꞌ nu̱u̱nꞌ I̱toꞌoꞌ‑ó Jesús jee jíkánꞌ táꞌvíꞌ ránꞌ nu̱u̱nꞌ ránoꞌó jee xíníꞌvɨ́ꞌ ránꞌ iniꞌ ránoꞌó, ya̱ kukueꞌeꞌ víꞌí ka̱ꞌ kaka rán sánikua̱ꞌ nxi̱néꞌénꞌ ránꞌ ránoꞌó na̱sa íyó kaka rán sáva kuva̱ꞌa iniꞌ Ndiosíꞌ kune̱ꞌyá re̱ꞌ na̱sa jíka rán, sánikua̱ꞌ ya jiáꞌnu rán.