Hechos 2:22 - Mixteco del suroeste de Tlaxiaco Oaxaca

²² Jee suni nkachiꞌ Pedro nu̱u̱nꞌ ráa: ―¡Ránoꞌó tántéyɨ́ɨ́ Israel! Teso̱ꞌo rán rá tu̱ꞌun yaꞌá. Jesús, ya̱ váji ñuunꞌ Nazaret, nstúvi Ndiosíꞌ nteñu ránoꞌó ya̱ nchu̱ichí re̱ꞌ maa. Chi nsa̱ꞌá Ndiosíꞌ, ya̱ nsa̱ꞌá re̱ꞌ rá milagrúꞌ, rá tiñu a̱nasɨ́ ya̱ nsa̱ꞌá‑a ya̱ nti̱vɨ́ xíniꞌ‑ó, jín rá seña, ya̱ stúvi ya̱ kúñáꞌnú ví re̱ꞌ. Nsa̱ꞌá re̱ꞌ rá yaꞌá nteñu ránú, sáni ya̱ jíníꞌ ránú.

Hechos 2:22 ပူးပေါင်းရင်းမြစ်များ

Mateo 12:28

Soo ya̱ nuꞌuꞌ táváꞌ ni̱ꞌ rá kui̱ꞌna̱ꞌ iniꞌ rá ñɨvɨ jín máá fuersáꞌ ííꞌ níꞌin Ta̱chi̱ꞌ Ííꞌ Ndiosíꞌ, jee saájee nkenta Ndiosíꞌ nu̱u̱nꞌ ránoꞌó sáva íyó ki̱vɨ rán xi̱ntíín re̱ꞌ tátúníꞌ re̱ꞌ nu̱u̱nꞌ rán.

Mateo 2:23

Jee sáá nkenta re̱ꞌ yukuán, jee kua̱ꞌa̱nꞌ re̱ꞌ kuneeꞌ re̱ꞌ ɨɨn ñuunꞌ naní Nazaret. Sukuán nsi̱kúnkuvi rá tu̱ꞌun nkachiꞌ rá te̱e ya̱ nna̱kani ráa tu̱ꞌun nkene yuꞌú máá maá Ndiosíꞌ ne̱ yanaꞌán, ya̱ kuna̱ní Jesús te̱e ñuunꞌ Nazaret.

Mateo 9:8

Jee sáá niniꞌ rá ñɨvɨ ya̱ nsa̱ꞌá Jesús, jee nti̱vɨ́ xá xi̱ni̱ꞌ ráa. Jee nna̱kuetúꞌún víꞌí ráa Ndiosíꞌ, ya̱ suꞌva njiáꞌa Ndiosíꞌ fuersáꞌ ííꞌ níꞌin níso re̱ꞌ nu̱u̱nꞌ ñɨvɨ.

Lucas 11:20

Soo ya̱ nuꞌuꞌ táváꞌ ni̱ꞌ rá kui̱ꞌna̱ꞌ iniꞌ rá ñɨvɨ jín máá fuersáꞌ ííꞌ níꞌin níso Ndiosíꞌ, jee saájee nkenta Ndiosíꞌ nu̱u̱nꞌ ránoꞌó sáva íyó ki̱vɨ rán xi̱ntíín re̱ꞌ tátúníꞌ re̱ꞌ nu̱u̱nꞌ rán.

Lucas 18:37

Jee nkachiꞌ ráa nu̱u̱nꞌ re̱ꞌ ya̱ Jesús, te̱e ñuunꞌ Nazaret, kua̱jia̱ꞌa‑a yukuán.

Lucas 24:18

Jee nna̱xiníkó ɨɨn rá te̱e vá, ya̱ naní Cleofas, jee nkachiꞌ‑i: ―¿Á noꞌó ví métúꞌún ñɨvɨ va̱néꞌyá túꞌún nú Jerusalén ya̱ ntu jíníꞌ nú ya̱ nkuvi rá ki̱vɨ̱ꞌ yaꞌá? ―nkachiꞌ‑i.

Juan 1:45

Saájee ña̱nanukú Felipe Natanael, jee nkachiꞌ re̱ꞌ nu̱u̱nꞌ‑u: ―Nna̱ketáꞌán ránꞌ maáréꞌ ya̱ kúvi te̱e jie̱ꞌe̱ꞌ ya̱ ntee Moisés nu̱u̱nꞌ Tutuꞌ Ííꞌ níso tu̱ꞌun ley Ndiosíꞌ, jín suni jie̱ꞌe̱ꞌ‑e ya̱ ntee rá te̱e ya̱ nna̱kani tu̱ꞌun nkene yuꞌú Ndiosíꞌ ne̱ yanaꞌán. Jee yaꞌá ví Jesús se̱ꞌya José ya̱ kúvi te̱e ñuunꞌ Nazaret ―nkachiꞌ Felipe.

Juan 10:37

Retú ntu̱ví sáꞌá ni̱ꞌ rá tiñu sáꞌá Tátáꞌ ni̱ꞌ, jee koto jínúꞌ iniꞌ rán nuꞌuꞌ.

Juan 11:47

Saájee rá su̱tu̱ꞌ kúñáꞌnú jín rá te̱e ya̱ kúvi fariseo nku̱tútú ráa Junta Káꞌnú jín rá inka te̱e kúñáꞌnú, jee nkachiꞌ ráa: ―¿Ná kúvi ya̱ saꞌá‑o? Chi Jesús yaꞌá sáꞌá víꞌí re̱ꞌ rá seña a̱nasɨ́.

Juan 12:17

Jee rá ñɨvɨ ya̱ níñɨ jín Jesús sáá nkana re̱ꞌ xi̱ni̱ꞌ Lázaro ne̱ veꞌi kava yu̱u̱ꞌ jee nxi̱nátekuꞌ re̱ꞌ maa nkene re̱ꞌ nteñu rá níꞌiꞌ, jee jiáꞌa ráa nu̱u̱nꞌ rá inka ñɨvɨ ya̱ naáꞌ jie̱ꞌe̱ꞌ ya̱ niniꞌ ráa ya̱ nsa̱ꞌá re̱ꞌ.

Juan 15:24

Chi retánꞌ ni ntu̱ví nsáꞌá ni̱ꞌ rá tiñu a̱nasɨ́ váꞌa nteñu ráa, ya̱ ntu̱ví sáꞌá ni ɨɨn inka ñɨvɨ maa, jee nsáꞌ koo kua̱chi si̱kɨ̱ꞌ ráa nékúvi. Soo vitan jee ya̱ niniꞌ ráa rá tiñu ya̱ nsa̱ꞌá ni̱ꞌ jee táꞌvi iniꞌ ráa néꞌyá ráa nuꞌuꞌ jín Tátáꞌ ni̱ꞌ.

Juan 19:19

Jee nta̱túníꞌ Pilato ya̱ kuneeꞌ tu̱ꞌun xi̱ni̱ꞌ kurúsiꞌ, ya̱ kachiꞌ‑i suꞌva: “Jesús te̱e ñuunꞌ Nazaret, ya̱ kúvi te̱e kúñáꞌnú ya̱ tátúníꞌ nu̱u̱nꞌ rá ñɨvɨ Israel”, káchíꞌ tu̱ꞌun vá.

Juan 3:2

Jee ña̱ꞌa̱nꞌ te̱e yaꞌá yakuááꞌ nu̱u̱nꞌ nééꞌ Jesús, jee nkachiꞌ re̱ꞌ nu̱u̱nꞌ Jesús: ―Mestrúꞌ, jíníꞌ ránꞌ ya̱ máá Ndiosíꞌ nchu̱ichí noꞌó va̱ji nú sáva xínéꞌénꞌ nú rá tu̱ꞌun re̱ꞌ, kuéntáꞌ ɨɨn Mestrúꞌ nu̱u̱nꞌ ránꞌ. Chi ni̱ꞌ ɨɨn ñɨvɨ nsáꞌ kúvi saꞌá rá seña a̱nasɨ́ sáꞌá nú, retú ntu íyó Ndiosíꞌ jín‑i.

Juan 4:48

Saájee nkachiꞌ Jesús nu̱u̱nꞌ re̱ꞌ: ―Retánꞌ ntu néꞌyá rán rá seña jín tiñu a̱nasɨ́, jee nsáꞌ kúneí kuitɨꞌ iniꞌ rán nuꞌuꞌ ―nkachiꞌ Jesús.

Juan 5:36

’Soo íyó ɨɨn ya̱ jiáꞌa ya̱ naáꞌ máá ñáꞌnú yɨ́yáꞌvi ka̱ꞌ jie̱ꞌe̱ꞌ ni̱ꞌ nsú káꞌ ya̱ njia̱ꞌa Juan. Chi rá tiñu ya̱ ntaji Tátáꞌ ni̱ꞌ sáva sikúnkuvi ni̱ꞌ, jee rá tiñu vá ya̱ sáꞌá ni̱ꞌ jiáꞌa ya̱ naáꞌ jie̱ꞌe̱ꞌ ni̱ꞌ, chi rá tiñu vá stúvi ya̱ Tátáꞌ ni̱ꞌ nchu̱ichí re̱ꞌ nuꞌuꞌ.

Juan 6:14

Saájee sáá niniꞌ rá ñɨvɨ vá seña a̱nasɨ́ ya̱ nsa̱ꞌá re̱ꞌ, jee nkachiꞌ ráa: ―Máá nááꞌ nijia ya̱ te̱e yaꞌá kúvi máá te̱e ya̱ íyó kiji iniꞌ ñɨ̱vɨ́ nakani‑i tu̱ꞌun kene yuꞌú Ndiosíꞌ ―nkachiꞌ ráa.

Juan 6:27

Koto nániꞌvɨꞌ iniꞌ rán jie̱ꞌe̱ꞌ ya̱ yájíꞌ ya̱ tívɨ́. Chisaꞌ naniꞌvɨꞌ iniꞌ rán ni̱ꞌi̱nꞌ rán kuéntáꞌ ɨɨn ya̱ yájíꞌ ya̱ íyó nɨ́ɨ́nkání ya̱ sáꞌá‑a ya̱ kutekuꞌ rán nɨ́ɨ́nkání jín Ndiosíꞌ. Yaꞌá vá taji ni̱ꞌ nu̱u̱nꞌ ránoꞌó, ya̱ nta̱jí Ndiosíꞌ nuꞌuꞌ nu̱u̱nꞌ ñɨ̱vɨ́ sáva kuvi ni̱ꞌ Se̱ꞌya Ñɨvɨ, chi Tátáꞌ ni̱ꞌ Ndiosíꞌ nstúvi re̱ꞌ nu̱u̱nꞌ ñɨvɨ ya̱ ñani re̱ꞌ nuꞌuꞌ kuniso ni̱ꞌ tiñu vá sáva nakuniꞌ ñɨvɨ níso ni̱ꞌ tiñu vá.

Juan 7:31

Jee kue̱ꞌe̱ꞌ rá ñɨvɨ ni̱nu̱ꞌ iniꞌ ráa ya̱ kúvi re̱ꞌ Cristo, jee nkachiꞌ ráa: ―Jee sáá kiji máá maá Cristo, ¿á saꞌá re̱ꞌ ka̱ꞌ seña a̱nasɨ́ nsú káꞌ te̱e yaꞌá rúja? ¡Ntu̱ví!, [saáva íyó kúvi re̱ꞌ Cristo].

Juan 9:33

Jee retánꞌ nsú ne̱ nu̱u̱nꞌ Ndiosíꞌ va̱ji te̱e yaꞌá, ntu̱náꞌ kúvi saꞌá re̱ꞌ.

Hechos 13:16

Nna̱kui̱ñɨ̱ꞌ nichiꞌ Pablo, jee nsa̱ꞌá naꞌá re̱ꞌ nu̱u̱nꞌ rá ñɨvɨ sáva kuniꞌín ráa, jee nkachiꞌ re̱ꞌ nu̱u̱nꞌ ráa: ―Teso̱ꞌo ránoꞌó, se̱ꞌya ñuunꞌ‑ó Israel, jín rá inka ránoꞌó ya̱ ñúyúꞌví iniꞌ rán Ndiosíꞌ.

Hechos 14:27

Sáá nnenta i̱i̱ꞌ ráa Antioquía, jee nstútú ráa rá ñɨvɨ ya̱ kúneí iniꞌ rává Jesús. Jee nna̱kani ráa rá nsa̱ꞌá Ndiosíꞌ jín ráa. Jee nna̱kani ráa ya̱ kuéntáꞌ nine Ndiosíꞌ ɨɨn yuvéꞌí, sáva ki̱vɨ rá ñɨvɨ ntu kúvi Israel nu̱u̱nꞌ Ndiosíꞌ, chi suni kúneí iniꞌ ráa Jesús.

Hechos 2:19

Jee saꞌá ni̱ꞌ rá a̱nasɨ́ kuvi súkún nu̱u̱nꞌ kúvi súkún ya̱ ti̱vɨ́ xíniꞌ rá ñɨvɨ. Jee saꞌá ni̱ꞌ rá seña a̱nasɨ́ chi̱ji nu̱u̱nꞌ kúvi nu̱u̱nꞌ ñɨ̱vɨ́ ya̱ kuniꞌ ráa ya̱ kúñáꞌnú ni̱ꞌ: chi koo ni̱ñɨ̱ꞌ, jee koo ñuꞌunꞌ, jín vi̱ko̱ꞌ ñu̱ꞌmáꞌ.

Hechos 2:43

Jee nñu̱yúꞌví iniꞌ ntáká rá ñɨvɨ, chi nsa̱ꞌá Ndiosíꞌ ya̱ rá te̱e nísotíñú apóstol saꞌá ráa kue̱ꞌe̱ꞌ a̱nasɨ́ jín seña ya̱ stúvi Ndiosíꞌ ya̱ kúñáꞌnú re̱ꞌ ka̱ꞌ.

Hechos 21:28

Nka̱najíín ráa: ―¡Ránoꞌó, te̱e Israel! ¡Chineí rán ránuꞌuꞌ! ¡Chi te̱e yaꞌá ví ya̱ xínéꞌénꞌ re̱ꞌ si̱kɨ̱ꞌ ñɨvɨ‑ó, jín si̱kɨ̱ꞌ tu̱ꞌun ley, jín si̱kɨ̱ꞌ veñu̱ꞌun yaꞌá! ¡Jee suꞌva xínéꞌénꞌ re̱ꞌ nɨꞌɨ rá ñɨvɨ nééꞌ nɨꞌɨ ñuunꞌ! Jee suni nki̱vɨ re̱ꞌ jín rá te̱e griego iniꞌ veñu̱ꞌun yaꞌá. Suꞌva nstívɨ́ re̱ꞌ iniꞌ veñu̱ꞌun ííꞌ yaꞌá.

Hechos 22:8

Jee ni̱ka̱tu̱ꞌún ni̱ꞌ: “¿Né ɨɨn ví nú, I̱toꞌoꞌ ni̱ꞌ?” Jee nkachiꞌ‑i: “Suvini̱ꞌ ví Jesús te̱e ñuunꞌ Nazaret, ya̱ jíto u̱ꞌvi̱ꞌ nú.”

Hechos 24:5

’Jíníꞌ ránꞌ ya̱ xéénꞌ víꞌí sáꞌá te̱e yaꞌá. Chi sáꞌá re̱ꞌ ti̱xi̱nꞌ nteñu rá ñɨvɨ Israel, ya̱ nééꞌ nɨꞌɨ ñɨ̱vɨ́. Kúvi re̱ꞌ ɨɨn rá te̱e yósóꞌ nu̱u̱nꞌ rá ñɨvɨ níkɨ́nꞌ ichi túꞌún Jesús te̱e ñuunꞌ Nazaret.

Hechos 26:26

Chi ya̱ jíníꞌ rey jie̱ꞌe̱ꞌ rá yaꞌá. Ntu íñɨ́ yúꞌví ni̱ꞌ káꞌánꞌ ni̱ꞌ jín re̱ꞌ. Chi ínúꞌ iniꞌ ni̱ꞌ ya̱ ntu níyo yuꞌuꞌ yaꞌá nu̱u̱nꞌ re̱ꞌ. Chi nsú nu̱u̱nꞌ yuꞌuꞌ skináꞌ iniꞌ veꞌi nkuvi rá yaꞌá.

Hechos 26:9

’I̱ña̱jée nékúvi ñúꞌún iniꞌ ni̱ꞌ, ya̱ íyó saꞌá kini víꞌí ni̱ꞌ si̱kɨ̱ꞌ rá ñɨvɨ ya̱ yɨ́ꞌɨ́ ráa nu̱u̱nꞌ Jesús, te̱e ñuunꞌ Nazaret.

Hechos 3:12

Sáá niniꞌ Pedro yaꞌá, jee nkachiꞌ‑i nu̱u̱nꞌ rá ñɨvɨ: ―¡Ránoꞌó tántéyɨ́ɨ́ Israel! ¿Na̱kui chi sáꞌvi iniꞌ rán néꞌyá rán te̱e yaꞌá? Áxí, ¿na̱kui chi néꞌyá rán nu̱u̱nꞌ ránuꞌuꞌ kuéntáꞌ retánꞌ jie̱ꞌe̱ꞌ fuersáꞌ ííꞌ níso máá maáránꞌ áxí jie̱ꞌe̱ꞌ néñu̱ꞌun víꞌí ránꞌ Ndiosíꞌ jee nsi̱káka ránꞌ te̱e yaꞌá, rúsa?

Hechos 3:6

Soo nkachiꞌ Pedro nu̱u̱nꞌ re̱ꞌ: ―Ntu̱náꞌ xu̱ꞌún plata ni̱ꞌ íyó ni oro ni̱ꞌ. Soo ya̱ kúmí ni̱ꞌ, yaꞌá ví ya̱ taji ni̱ꞌ nu̱u̱nꞌ nú. Nu̱u̱nꞌ súví Jesús ya̱ kúvi Cristo, te̱e ñuunꞌ Nazaret, tátúníꞌ ni̱ꞌ nu̱u̱nꞌ nú: ¡Nakuiñɨꞌ!, jee, ¡kaka! ―nkachiꞌ Pedro.

Hechos 4:10

íyó kuniꞌ ntáká rán jín ntáká ñɨvɨ Israel ya̱ nu̱u̱nꞌ súví Jesús ya̱ kúvi Cristo, te̱e ñuunꞌ Nazaret, maáréꞌ ya̱ ñaꞌniꞌ rán nu̱u̱nꞌ kurúsiꞌ, soo nxi̱nákóo Ndiosíꞌ re̱ꞌ nteñu rá níꞌiꞌ, jee nxi̱nátekuꞌ i̱i̱ꞌ Ndiosíꞌ re̱ꞌ, jee íyó kuniꞌ rán ya̱ nu̱u̱nꞌ tiñu níso re̱ꞌ nnuva̱ꞌa te̱e yaꞌá, ya̱ íñɨ́‑ɨ nu̱u̱nꞌ rán.

Hechos 5:35

Kuíre nkachiꞌ re̱ꞌ nu̱u̱nꞌ rá te̱e Justicia: ―¡Ránoꞌó, te̱e se̱ꞌya ñuunꞌ Israel! Kumí rán maárán jie̱ꞌe̱ꞌ ya̱ káꞌvi iniꞌ rán saꞌá rán jín rá te̱e yaꞌá.

Hechos 6:14

Chi nteso̱ꞌo ráníꞌ káchíꞌ re̱ꞌ ya̱ Jesús yaꞌá, ya̱ kúvi te̱e ñuunꞌ Nazaret, kanɨꞌ re̱ꞌ veñu̱ꞌun yaꞌá, jee sama re̱ꞌ rá costumbre nxi̱nóo Moisés nu̱u̱nꞌ‑ó ―nkachiꞌ rá te̱e kátúꞌún.

2 Corintios 12:12

Chi maá nááꞌ nijia ya̱ káꞌnú íyó iniꞌ ni̱ꞌ nsa̱ꞌá ni̱ꞌ rá seña nteñu rán, ya̱ stúvi‑i ya̱ níso ni̱ꞌ tiñu apóstol ya̱ chúichi Cristo, chi nsa̱ꞌá ni̱ꞌ rá milagrúꞌ ya̱ tívɨ́ xíniꞌ ñɨvɨ jie̱ꞌe̱ꞌ Ndiosíꞌ maá ñáꞌnú, jín rá tiñu a̱nasɨ́ nsa̱ꞌá ni̱ꞌ jín fuersáꞌ ííꞌ Ndiosíꞌ.

Hebreos 2:4

Jee stúvi maá Ndiosíꞌ ya̱ naáꞌ ví tu̱ꞌun vá. Chi nsa̱ꞌá re̱ꞌ ya̱ saꞌá rá te̱e vá rá seña, jín tiñu ñáꞌnú ya̱ tívɨ́ xíniꞌ‑ó, jín kéꞌín nu̱u̱nꞌ a̱nasɨ́, ya̱ stúvi ya̱ naáꞌ ví tu̱ꞌun vá. Jee suni ntaji re̱ꞌ Ta̱chi̱ꞌ Ííꞌ re̱ꞌ nu̱u̱nꞌ ta ɨɨn ɨɨn‑órán, sáva saꞌá‑a ya̱ kuvi saꞌá‑ó sɨ́ɨ́n sɨ́ɨ́n tiñu re̱ꞌ, sánikua̱ꞌ kuíni maáréꞌ.