Hechos 2:11 - Mixteco del suroeste de Tlaxiaco Oaxaca

¹¹ Jee suni sava‑ó kúvi‑ó ñɨvɨ ñuunꞌ Creta jín Arabia. ’Soo tésóꞌo‑ó ya̱ káꞌánꞌ ráa rá tu̱ꞌun káꞌánꞌ ta ɨɨn‑ó jee káꞌánꞌ ráa jie̱ꞌe̱ꞌ rá tiñu ñáꞌnú nsa̱ꞌá Ndiosíꞌ ―nkachiꞌ rá ñɨvɨ nkenta yukuán.

Hechos 2:11 ပူးပေါင်းရင်းမြစ်များ

Hechos 2:10

Frigia, jín Panfilia, Egipto, jín rá ñuunꞌ tɨ́ɨn Libia káá yatin ñuunꞌ Cirene, jee sava‑ó kúvi rá ñɨvɨ ñuunꞌ Roma, ya̱ nééꞌ yakuꞌ tiempúꞌ yaꞌá. Sava‑ó ví ñɨvɨ Israel jee sava‑ó ví inka ñɨvɨ ntu kúvi Israel, soo ntɨɨn ráa ñujiínꞌ Israel.

Hechos 2:12

Jee ntáká ráa nti̱vɨ́ xi̱ni̱ꞌ ráa jee nku̱naanꞌ ráa. Ɨɨn inka ráa nkachiꞌ: ―¿Ná kúvi ya̱ kúvi suꞌva?

Hechos 27:12

Ñuunꞌ nu̱u̱nꞌ jiákui̱ñɨ̱ꞌ barkúꞌ ntu íyó va̱ꞌa kino̱o maa rá yo̱o̱ꞌ yɨ́ꞌɨ́ ta̱chi̱ꞌ sa̱vi xéénꞌ. Jee kue̱ꞌe̱ꞌ ráa nsa̱náaꞌ ya̱ kene ránꞌ yukuán kɨ̱ꞌɨ̱nꞌ ránꞌ jín barkúꞌ. Jee retú sa̱naanꞌ re̱ꞌ jee kuvi kenta ránꞌ ñuunꞌ Fenice jee kino̱o ránꞌ yukuán rá yo̱o̱ꞌ yɨ́ꞌɨ́ ta̱chi̱ꞌ sa̱vi xéénꞌ. Ñuunꞌ tɨ́ɨn Creta ví Fenice. Ñuunꞌ yukuán ví nu̱u̱nꞌ jiákui̱ñɨ̱ꞌ rá barkúꞌ, jee ichinúúnꞌ ñuunꞌ vá núne nijinꞌ túvi néꞌyá ráa ichi noroeste jín suroeste.

Hechos 27:13

Sáá nka̱jiéꞌé kuééni ña̱kɨ̱ꞌɨ ta̱chi̱ꞌ váji ichi sur, jee káꞌvi iniꞌ ráa ya̱ kúvi kenta ránꞌ ñuunꞌ Fenice. Jee nka̱jiéꞌé ránꞌ jíka ránꞌ yuꞌú yuꞌú nteñúꞌún Creta.

Hechos 27:7

Kue̱ꞌe̱ꞌ ki̱vɨ̱ꞌ, kuéé jíka ránꞌ nu̱u̱nꞌ nteñúꞌún. Jee tu̱nóꞌó víꞌí nkenta ránꞌ yatin ñuunꞌ Gnido. Soo ntu ntáji ta̱chi̱ꞌ kaka ránꞌ ka̱ꞌ ichinúúnꞌ. Jee njia̱ꞌa yatin ránꞌ ñuunꞌ Salmón ya̱ káá nu̱u̱nꞌ ñuꞌun íyó ma̱ꞌñú nteñúꞌún naní Creta. Njia̱ꞌa ránꞌ xiín ñuꞌun vá nu̱u̱nꞌ ntu káni ta̱chi̱ꞌ.

1 Corintios 12:10

Jee nu̱u̱nꞌ inka‑ó ka̱ꞌ táji re̱ꞌ fuersáꞌ níꞌin níso re̱ꞌ sáva kuvi saꞌá‑a rá tiñu a̱nasɨ́ váꞌa, jee nu̱u̱nꞌ inka‑ó ka̱ꞌ táji re̱ꞌ ya̱ kuvi nakani‑i tu̱ꞌun kéne yuꞌú maá Ndiosíꞌ, jee nu̱u̱nꞌ inka‑ó ka̱ꞌ táji re̱ꞌ ta̱ꞌvi̱ꞌ sáva nakuniꞌ‑i ntáká ya̱ váji nu̱u̱nꞌ Ta̱chi̱ꞌ Ííꞌ áxí retú nu̱u̱nꞌ ta̱chi̱ꞌ kíni va̱ji rá tu̱ꞌun vá. Jee nu̱u̱nꞌ inka‑ó ka̱ꞌ táji re̱ꞌ ta̱ꞌvi̱ꞌ ya̱ kuvi kaꞌanꞌ‑a kéꞌín nu̱u̱nꞌ tu̱ꞌun ya̱ ntu jiáku̱ꞌun iniꞌ‑i, jee nu̱u̱nꞌ inka‑ó ka̱ꞌ táji re̱ꞌ ta̱ꞌvi̱ꞌ ya̱ kuvi nakachiꞌ‑i ná kúníꞌ kachiꞌ rá tu̱ꞌun káꞌánꞌ ñɨvɨ súnika̱ꞌ ntu jiáku̱ꞌun iniꞌ‑i vá.

1 Corintios 12:28

Jee saáva nteñu rá ñɨvɨ yɨ́ꞌɨ́ xi̱ntíín Cristo jee xíꞌna ka̱ꞌ ñani Ndiosíꞌ sava rá te̱e kuniso ráa tiñu apóstol chúichí Cristo ráa stúvi ráa ya̱ nááꞌ jie̱ꞌe̱ꞌ Cristo. Jee ya̱ uvíꞌ, jee ñani re̱ꞌ sava rá ñɨvɨ kuniso ráa tiñu ya̱ nakani ráa rá tu̱ꞌun kéne yuꞌú maáréꞌ. Jee ya̱ uníꞌ, jee ñani re̱ꞌ sava rá ñɨvɨ ya̱ xínéꞌénꞌ ráa tu̱ꞌun váꞌa re̱ꞌ nu̱u̱nꞌ rá ñɨvɨ. Jee kuíre ñani re̱ꞌ sava ñɨvɨ ya̱ sáꞌá rá tiñu a̱nasɨ́ jín fuersáꞌ ííꞌ Ndiosíꞌ. Jee kuíre njia̱ꞌa re̱ꞌ ta̱ꞌvi̱ꞌ nu̱u̱nꞌ sava rá ñɨvɨ sáva xínúvi ráa rá ñɨvɨ kúꞌvíꞌ, jee njia̱ꞌa re̱ꞌ ta̱ꞌvi̱ꞌ nu̱u̱nꞌ sava rá ñɨvɨ sáva chíneí ráa rá ñanitáꞌán ráa, jee njia̱ꞌa re̱ꞌ ta̱ꞌvi̱ꞌ nu̱u̱nꞌ sava rá ñɨvɨ sáva kuneen kuéntáꞌ rá ñɨvɨ ya̱ jínúꞌ iniꞌ ráa Cristo, jee njia̱ꞌa re̱ꞌ ta̱ꞌvi̱ꞌ nu̱u̱nꞌ sava rá ñɨvɨ sáva kúvi káꞌánꞌ ráa inka ka̱ꞌ nu̱u̱nꞌ rá tu̱ꞌun káꞌánꞌ ya̱ ntu jiáku̱ꞌun iniꞌ ráa.

Gálatas 1:17

Ni ntu ñáꞌánꞌ nne̱ꞌyá ni̱ꞌ rá te̱e ñuunꞌ Jerusalén ya̱ níso ráa tiñu apóstol ne̱ ntiáꞌan kuniso ni̱ꞌ tiñu vá. Soo ña̱ꞌa̱nꞌ ni̱ꞌ Arabia. Jee nni̱kó tuku ni̱ꞌ ñuunꞌ Damasco.

Gálatas 4:25

Chi Agar kúvi kuéntáꞌ yuku Sinaí ya̱ íñɨ́ nu̱u̱nꞌ ñuꞌun Arabia. Jee suni kúvi ña kuéntáꞌ ñuunꞌ Jerusalén ya̱ íyó‑o vitan. Chi rá se̱ꞌya ñuunꞌ vá kúvi ráa musúꞌ sátíñú saɨn ya̱ yɨ́ꞌɨ́ ráa chi̱ji xi̱ntíín tu̱ꞌun ley vá ya̱ nta̱túníꞌ Ndiosíꞌ.

Tito 1:12

Suꞌva nkachiꞌ ɨɨn te̱e tu̱ꞌva ya̱ táꞌán ñuunꞌ Creta kúvi re̱ꞌ, jee nkachiꞌ re̱ꞌ: “Rá ñɨvɨ ñuunꞌ Creta sukuáni kúvi ñɨvɨ túꞌún. Jee íyó ráa kuéntáꞌ kitɨ yúkú. Jee ne̱ꞌí ráa jee kúxí ráa.”

Tito 1:5

Nxi̱nóo ni̱ꞌ noꞌó ñuunꞌ Creta, sáva nasaꞌá nú rá tiñu nkumaniꞌ saꞌá‑ó, jín sáva kani nú rá te̱e kúñáꞌnú kosoꞌ ráa nu̱u̱nꞌ rá ñɨvɨ kúneí iniꞌ ráa Cristo, ya̱ nééꞌ ráa ta ñuunꞌ tɨ́ɨn Creta, sáni nte̱tíñú ni̱ꞌ noꞌó.

Hebreos 2:4

Jee stúvi maá Ndiosíꞌ ya̱ naáꞌ ví tu̱ꞌun vá. Chi nsa̱ꞌá re̱ꞌ ya̱ saꞌá rá te̱e vá rá seña, jín tiñu ñáꞌnú ya̱ tívɨ́ xíniꞌ‑ó, jín kéꞌín nu̱u̱nꞌ a̱nasɨ́, ya̱ stúvi ya̱ naáꞌ ví tu̱ꞌun vá. Jee suni ntaji re̱ꞌ Ta̱chi̱ꞌ Ííꞌ re̱ꞌ nu̱u̱nꞌ ta ɨɨn ɨɨn‑órán, sáva saꞌá‑a ya̱ kuvi saꞌá‑ó sɨ́ɨ́n sɨ́ɨ́n tiñu re̱ꞌ, sánikua̱ꞌ kuíni maáréꞌ.