Hechos 2:1 - Mixteco del suroeste de Tlaxiaco Oaxaca

¹ Sáá nkenta ki̱vɨ̱ꞌ viko Pentecostés, nku̱tútú ntáká ráa ɨɨn nu̱u̱nꞌ.

Hechos 2:1 ပူးပေါင်းရင်းမြစ်များ

Hechos 1:5

Chi Juan nsi̱kuánuté nijia re̱ꞌ jín nute, soo ntu kuéꞌeꞌ ka̱ꞌ ki̱vɨ̱ꞌ, ránoꞌó kuanuté jín Ta̱chi̱ꞌ Ííꞌ Ndiosíꞌ, jee kɨꞌɨ re̱ꞌ iniꞌ rán ―nkachiꞌ Jesús.

Hechos 1:8

Soo ni̱ꞌi̱nꞌ rán fuersáꞌ ííꞌ sáá kenta Ta̱chi̱ꞌ Ííꞌ kɨꞌɨ re̱ꞌ iniꞌ rán. Jee kuvi rán ñɨvɨ, ya̱ istúvi rán ya̱ naáꞌ jie̱ꞌe̱ꞌ nuꞌuꞌ nu̱u̱nꞌ rá ñɨvɨ ñuunꞌ Jerusalén jín nu̱u̱nꞌ nɨꞌɨ rá sánitɨ́ɨn Judea jín Samaria, jín nu̱u̱nꞌ rá ñɨvɨ íyó rá ñuunꞌ íká ka̱ꞌ nu̱u̱nꞌ nɨ́ɨ́nkáꞌnú ñɨ̱vɨ́ ―nkachiꞌ Jesús.

Hechos 2:46

Jee ta ki̱vɨ̱ꞌ kútútú ráa iniꞌ veñu̱ꞌun káꞌnú. Jee kútútú ráa veꞌi ta ɨɨn táꞌán ráa, sáva tasáva ráa i̱xta̱tíláꞌ, sáva naku̱ꞌun iniꞌ ráa Jesús. Jee yájíꞌ nkáꞌnú ráa jee kúsɨ́ɨꞌ iniꞌ ráa jee saɨn iniꞌ ráa.

Hechos 20:16

Ñani iniꞌ Pablo jia̱ꞌa re̱ꞌ jín barkúꞌ ñuunꞌ Éfeso, sákua nkúkuéé re̱ꞌ ñuunꞌ Asia. Chi númíꞌ‑i kanta‑a ñuunꞌ Jerusalén, sáva kuiñɨ‑ɨ yukuán viko naní Pentecostés, réáꞌ kuvi.

Hechos 4:24

Jee sáá nteso̱ꞌo ráa maa, jee nuún iniꞌ ráa, jee nkaꞌanꞌ ráa jín Ndiosíꞌ, jee nkachiꞌ ráa: ―I̱toꞌoꞌ ya̱ tátúníꞌ nú nu̱u̱nꞌ nɨꞌɨ. Suvinú ví ya̱ nsa̱ꞌá súkún, jín nu̱u̱nꞌ ñu̱ꞌún, jín nteñúꞌún, jín nɨꞌɨ rá nantíñú íyó nteñu rává.

Hechos 4:31

Jee sáá nkuvi nkaꞌanꞌ ráa jín Ndiosíꞌ, jee nta̱an nu̱u̱nꞌ íyó tútú ráa. Jee nchi̱tú Ta̱chi̱ꞌ Ííꞌ Ndiosíꞌ nta̱ká ráa, jee nchu̱neí iniꞌ ráa káchíꞌ ráa Tu̱ꞌun Ndiosíꞌ.

Hechos 4:32

Jee rá ñɨvɨ kue̱ꞌe̱ꞌ ya̱ kúneí iniꞌ ráa Jesús, jee nuún ánímaꞌ ráa jee nuún ñúꞌún iniꞌ ráa. Ni ɨɨn ráa ntu káchíꞌ ya̱ kua̱chi maáréꞌ ví i̱toꞌoꞌ xí na̱ni nantíñú re̱ꞌ. Chi nñu̱ꞌun iniꞌ ráa ya̱ nɨꞌɨ nantíñú ráa kúvi nantíñú nkáꞌnú ráa.

Hechos 5:12

Nsa̱ꞌá Ndiosíꞌ saꞌá rá te̱e nísotíñú apóstol kue̱ꞌe̱ꞌ seña, ya̱ stúvi ya̱ nchu̱ichí Ndiosíꞌ ráa jín tu̱ꞌun re̱ꞌ, jín kue̱ꞌe̱ꞌ a̱nasɨ́, nteñu rá ñɨvɨ ya̱ tívɨ́ xíniꞌ ráa. Nuún iniꞌ ntáká rá ñɨvɨ ya̱ kúneí iniꞌ ráa Jesús, jee kútútú ráa yuꞌú véꞌi veñu̱ꞌun vá naní Yuꞌú Véꞌi Salomón.

Romanos 15:6

Sáva ɨɨn nuún tútú ntáká rán kuéntáꞌ ɨɨn ni ta̱chi̱yuꞌú rán, nakuetúꞌún rán Ndiosíꞌ, ya̱ kúvi Tátáꞌ I̱toꞌoꞌ‑ó Jesús ya̱ kúvi Cristo.

1 Corintios 16:8

Soo kino̱o ni̱ꞌ ñuunꞌ Éfeso yaꞌá nekuaꞌ koo viko naní Pentecostés.

Filipenses 1:27

Ñáꞌnú ka̱ꞌ ví ya̱ kueꞌnu na̱a̱ꞌ rán nu̱u̱nꞌ Ndiosíꞌ na̱kua̱ꞌ íyó kueꞌnu rá ñɨvɨ ya̱ tɨɨn tu̱ꞌun va̱ꞌa Cristo. Jee suꞌva, vasúꞌ kua̱jiaaꞌ kune̱ꞌyá ni̱ꞌ ránoꞌó, áxí vasúꞌ koo íká ni̱ꞌ nu̱u̱nꞌ rán, jee teso̱ꞌo ni̱ꞌ, ya̱ nuún íñɨ́ ni̱ꞌin rán jín tu̱ꞌun va̱ꞌa vá, jín ya̱ nuún ñúꞌún iniꞌ rán, jín ya̱ nuún nunasɨ́ tútú ni̱ꞌin rán sátíñú rán nu̱u̱nꞌ tu̱ꞌun va̱ꞌa Jesús ya̱ kúneí iniꞌ rán.

Filipenses 2:2

Jee nu̱u̱nꞌ íyó suꞌva nijia, jee saꞌá rán ya̱ chuchítú ya̱ nasásɨ́ɨꞌ kue̱ꞌe̱ꞌ rán ka̱ꞌ iniꞌ ánímaꞌ ni̱ꞌ, jie̱ꞌe̱ꞌ ya̱ nuún iniꞌ rán, jín jie̱ꞌe̱ꞌ ya̱ ɨɨn nuún kunu̱u̱nꞌ rán ɨɨn inka rán, jín jie̱ꞌe̱ꞌ ya̱ kani nuún iniꞌ rán, jín jie̱ꞌe̱ꞌ ya̱ kuꞌun nuún iniꞌ rán.