Hechos 18:3 - Mixteco del suroeste de Tlaxiaco Oaxaca

³ Jee nkino̱o re̱ꞌ jín ráa jee nsa̱tíñú re̱ꞌ jín ráa. Chijie̱ꞌ ɨɨn nu̱u̱nꞌ ni tiñu yɨ́tíñú‑u jín ráa, ya̱ sáꞌá ráa vesayo saꞌma.

Hechos 18:3 ပူးပေါင်းရင်းမြစ်များ

1 Corintios 4:12

Jee suni jiáví ráníꞌ sátíñú yɨ́ɨ́ ránꞌ jín naꞌá maáránꞌ, jee chísónínu rá ñɨvɨ ránuꞌuꞌ jín tu̱ꞌun níváꞌa néꞌyá ráa ránuꞌuꞌ, soo káꞌánꞌ ránꞌ tu̱ꞌun váꞌa jie̱ꞌe̱ꞌ ráa, jee jíto u̱ꞌvi̱ꞌ ráa ránuꞌuꞌ, jee jiéꞌnéꞌ iniꞌ ráníꞌ ya̱ sukuán nóꞌo ránꞌ,

1 Corintios 9:14

Jee suni sukuán nta̱túníꞌ maá I̱toꞌoꞌ‑ó ya̱ rá te̱e ya̱ nákani tu̱ꞌun váꞌa jie̱ꞌe̱ꞌ Cristo, jee íyó ni̱ꞌi̱nꞌ ráa rá kutekuꞌ ráa nu̱u̱nꞌ tiñu sáꞌá ráa vá.

1 Corintios 9:15

Soo nuꞌuꞌ chi ni ntu̱náꞌ ni̱ka̱nꞌ ni̱ꞌ ya̱ taji rán nu̱u̱nꞌ ni̱ꞌ ya̱ íyó ni̱ꞌi̱nꞌ ni̱ꞌ ya̱ taji rán ya̱ kutekuꞌ ni̱ꞌ. Jee ntu tée ni̱ꞌ tu̱ꞌun yaꞌá nu̱u̱nꞌ rán sáva sukuán taji rán ya̱ kutekuꞌ ni̱ꞌ. Chi va̱ꞌa ka̱ꞌ ví nu̱u̱nꞌ nuꞌuꞌ ya̱ retánꞌ kuviꞌ ni̱ꞌ nsú ká kasɨꞌ ɨɨn ñɨvɨ nu̱u̱nꞌ nuꞌuꞌ ya̱ kúvi káꞌánꞌ téyɨ́ɨ́ ni̱ꞌ jie̱ꞌe̱ꞌ ya̱ ntu níꞌínꞌ ni̱ꞌ ya̱ kutekuꞌ ni̱ꞌ nu̱u̱nꞌ rán.

1 Corintios 9:18

Jee saáva, ¿ná ya̱ꞌvi ni̱ꞌ koo‑o rúja? Ya̱ꞌvi ni̱ꞌ kúvi yaꞌá: sáá stékútu̱ꞌún ni̱ꞌ tu̱ꞌun váꞌa jie̱ꞌe̱ꞌ Jesús jee ntu kéya̱ꞌvi ni̱ꞌ nu̱u̱nꞌ rán jie̱ꞌe̱ꞌ táji ni̱ꞌ nu̱u̱nꞌ rán tu̱ꞌun váꞌa vá, sáva ntu̱náꞌ ñátíñú ni̱ꞌ ya̱ íyó ni̱ꞌi̱nꞌ ni̱ꞌ ya̱ kutekuꞌ ni̱ꞌ jie̱ꞌe̱ꞌ stékútu̱ꞌún ni̱ꞌ tu̱ꞌun I̱toꞌoꞌ‑ó.

2 Corintios 11:7

Áxí, ¿á nsa̱ꞌá ni̱ꞌ kua̱chi ya̱ nsa̱ꞌá láꞌví ni̱ꞌ maáníꞌ sáva xináa Ndiosíꞌ ránoꞌó kúñáꞌnú rán, jie̱ꞌe̱ꞌ ya̱ ntu kéꞌen ni̱ꞌ ya̱ꞌvi ni̱ꞌ nu̱u̱nꞌ ránoꞌó sáva stekútu̱ꞌún saɨn ni̱ꞌ tu̱ꞌun váꞌa Ndiosíꞌ jie̱ꞌe̱ꞌ Jesús nu̱u̱nꞌ rán rúja?

2 Corintios 11:9

Jee sáá nneeꞌ ni̱ꞌ jín ránoꞌó jee ntu nkúvi ni̱ꞌ tiñu véi nu̱u̱nꞌ ni ɨɨn ránoꞌó, sú nkumaniꞌ nu̱u̱nꞌ ni̱ꞌ. Chi rá ñanitáꞌán‑ó ya̱ nkiji ichi rá ñuunꞌ Macedonia nkenta ráa ntaji ráa ya̱ niniñúꞌún ni̱ꞌ. Jee íchí ntu njiáꞌa ni̱ꞌ maáníꞌ kúvi ni̱ꞌ tiñu véi nu̱u̱nꞌ ránoꞌó, jee kunikɨnꞌ ni̱ꞌ saꞌá ni̱ꞌ suꞌva.

2 Corintios 12:13

¿Á nsa̱ꞌá núun ni̱ꞌ ka̱ꞌ ránoꞌó nsú káꞌ rá inka grupo ñanitáꞌán‑ó ya̱ kúneí iniꞌ ráa Jesús rúja? Chisaꞌ kua̱chi ya̱ ntu nkúvi ni̱ꞌ tiñu véi nu̱u̱nꞌ rán. Kunekáꞌnú xá iniꞌ rán nuꞌuꞌ jie̱ꞌe̱ꞌ ya̱ niváꞌa vá.

1 Tesalonicenses 2:9

Chi, ránoꞌó ñanitáꞌán, náꞌán rán ya̱ nsa̱tíñú ni̱ꞌin ráníꞌ jee nnu̱nasɨ́ yɨ́ɨ́ ránꞌ. Nuví niñuꞌ nsa̱tíñú ránꞌ sáva ni̱ꞌi̱nꞌ ránꞌ ya̱ jíniñúꞌún ránꞌ, sáva ntu nkúvi ránꞌ ɨɨn tiñu véi nu̱u̱nꞌ ni ɨɨn ránoꞌó, sáá káchítu̱ꞌún ránꞌ tu̱ꞌun váꞌa Ndiosíꞌ nu̱u̱nꞌ ránoꞌó.

1 Tesalonicenses 4:11

Jee nakeni rán kuneeꞌ ñunkúún rán. Jee jitú iniꞌ rán tiñu sáꞌá maárán. Jee satíñú rán sáva koto rán maárán. Íyó saꞌá rán yaꞌá sáni ya̱ nta̱túníꞌ ránꞌ nu̱u̱nꞌ ránoꞌó.