Hechos 18:2 - Mixteco del suroeste de Tlaxiaco Oaxaca

² Jee yukuán ninita̱ꞌán‑a jín ɨɨn te̱e Israel naní Aquila. Kúvi re̱ꞌ se̱ꞌya ñuunꞌ Ponto. Sukuán nkenta re̱ꞌ ñuunꞌ Corinto, ya̱ nkene re̱ꞌ nación Italia. Nkenta re̱ꞌ jín ñasɨ́ꞌɨ́ re̱ꞌ Priscila. Nkene ráa chi Claudio, te̱e nísotíñú tátúníꞌ re̱ꞌ nu̱u̱nꞌ ñuunꞌ Roma, jee nta̱túníꞌ re̱ꞌ ya̱ íyó kene nɨꞌɨ rá ñɨvɨ Israel ñuunꞌ Roma. Kua̱ne̱ꞌyá Pablo ráa.

Hechos 18:2 ပူးပေါင်းရင်းမြစ်များ

Hechos 11:28

Ɨɨn ráa naní Agabo, jee nnakui̱ñɨ̱ꞌ nichiꞌ re̱ꞌ, jee njia̱ꞌa Ta̱chi̱ꞌ Ííꞌ Ndiosíꞌ sákachiꞌ re̱ꞌ, jee nste̱kútu̱ꞌún ya̱chi̱ꞌ re̱ꞌ, ya̱ kutámá ntántúníꞌ nɨꞌɨ rá ñuunꞌ. (Nkuvi suꞌva rá tiempúꞌ nta̱túníꞌ Claudio nu̱u̱nꞌ ñuunꞌ Roma.)

Hechos 18:18

Sáá nkuvi nneeꞌ Pablo ñuunꞌ Corinto kue̱ꞌe̱ꞌ ki̱vɨ̱ꞌ ka̱ꞌ, jee nkaꞌanꞌ‑a ka̱ꞌ jín rá ñaniꞌ yɨ́ꞌɨ́ ñujiínꞌ Jesús, jee ntɨɨn‑ɨ barkúꞌ kua̱ꞌa̱nꞌ‑a ñuunꞌ Siria, jín Priscila jín Aquila. Ne̱ ntiáꞌan nkene‑e, jee ni nééꞌ i̱i̱ꞌ‑i ñuunꞌ Cencrea, nu̱u̱nꞌ néne nívɨ rá barkúꞌ. Jee yukuán nsa̱ñɨɨ́n‑ɨ xi̱ni̱ꞌ‑i, chi suꞌva stúvi ya̱ nsi̱kúnkuvi‑i ɨɨn tiñu ya̱ nchi̱sóyuꞌú‑u saꞌá‑a nu̱u̱nꞌ Ndiosíꞌ.

Hechos 18:26

Jee kíjiéꞌé‑e káꞌánꞌ neí iniꞌ‑i iniꞌ veꞌi sinagoga nu̱u̱nꞌ kútútú rá ñɨvɨ Israel. Sáá nteso̱ꞌo Priscila jín Aquila ya̱ káꞌánꞌ‑a, jee ntɨɨn sɨ́ɨ́n ráa maa jee nkachiꞌ na̱a̱ꞌ ráa ka̱ꞌ ichi Ndiosíꞌ nu̱u̱nꞌ‑u.

Hechos 2:9

Kúvi‑ó ñɨvɨ ñuunꞌ Partia, jín Media, jín Elam, jín rá ñɨvɨ nééꞌ Mesopotamia, jín Judea, jín Capadocia, Ponto, jín Asia,

Hechos 27:1

Sáá nkuna̱a̱ꞌ iniꞌ ráa ya̱ kɨ̱ꞌɨ̱nꞌ ráníꞌ iniꞌ barkúꞌ ne̱ ñuunꞌ Italia, jee ntaji ráa Pablo jín sava rá te̱e yɨ́ꞌɨ́ veka̱a nu̱u̱nꞌ ɨɨn capitán naní Julio. Yɨ́ꞌɨ́ re̱ꞌ nu̱u̱nꞌ ɨɨn batallón rá soldado naní Augusto.

Hechos 27:6

Yukuán nna̱niꞌinꞌ capitán ɨɨn barkúꞌ váji ne̱ ñuunꞌ Alejandría, ya̱ kua̱ꞌa̱nꞌ ne̱ ñuunꞌ Italia. Jee nte̱tíñú re̱ꞌ ránuꞌuꞌ ki̱vɨ ránꞌ iniꞌ‑i jee kɨ̱ꞌɨ̱nꞌ ránꞌ.

1 Corintios 16:19

Rá ñanitáꞌán ya̱ kúneí iniꞌ ráa Cristo ya̱ nééꞌ ráa sánitɨ́ɨn ñuꞌun Asia, tájí ráa tu̱ꞌun káva̱ꞌa nu̱u̱nꞌ ránoꞌó. Jee suni Aquila jín Priscila jín rá ñanitáꞌán ya̱ kúneí iniꞌ ráa Cristo ya̱ nútútú ráa veꞌi Aquila jín Priscila táji tu̱ꞌun káva̱ꞌa nu̱u̱nꞌ ránoꞌó.

2 Timoteo 4:19

Jiáꞌa ni̱ꞌ ɨɨn tu̱ꞌun káva̱ꞌa nu̱u̱nꞌ Prisca jín Aquila, jín nu̱u̱nꞌ rá ñɨvɨ táꞌán veꞌi Onesíforo.

Hebreos 13:24

Ku̱ꞌva rán tu̱ꞌun káva̱ꞌa nu̱u̱nꞌ ntáká rá te̱e yósóꞌ nu̱u̱nꞌ rán, jín nu̱u̱nꞌ ntáká rá ñɨvɨ yɨ́ꞌɨ́ nu̱u̱nꞌ Ndiosíꞌ. Jee rá ñanitáꞌán Italia suni chúichí ráa tu̱ꞌun káva̱ꞌa nu̱u̱nꞌ ránoꞌó.

1 Pedro 1:1

Nuꞌuꞌ Pedro níso ni̱ꞌ tiñu apóstol chúichí Jesús nuꞌuꞌ. Níso re̱ꞌ tiñu Cristo ya̱ chúichí re̱ꞌ nuꞌuꞌ sáva stékútu̱ꞌún ni̱ꞌ tu̱ꞌun re̱ꞌ. Tée ni̱ꞌ tutuꞌ yaꞌá kua̱jiááꞌ nu̱u̱nꞌ ránoꞌó ñɨvɨ ya̱ nka̱ji Ndiosíꞌ ya̱ kúvi rán to̱ꞌo̱ꞌ inka ñuunꞌ ñe̱te̱nuun rán nééꞌ rán nu̱u̱nꞌ rá ñuunꞌ Ponto, Galacia, Capadocia, Asia jín Bitinia.