Hechos 17:10 - Mixteco del suroeste de Tlaxiaco Oaxaca

¹⁰ Yankuaaꞌ, kuísá ntañúꞌún, nchu̱ichí rá ñaniꞌ Pablo jín Silas kua̱ꞌa̱nꞌ ne̱ ñuunꞌ Berea. Sáá nkenta ráa yukuán, jee nki̱vɨ ráa iniꞌ veñu̱ꞌun rá ñɨvɨ Israel.

Hechos 17:10 ပူးပေါင်းရင်းမြစ်များ

Hechos 1:15

Rá ki̱vɨ̱ꞌ yukuán, nku̱tútú yatin sientúꞌ o̱ko̱ꞌ (120) ñɨvɨ yukuán. Jee nnakui̱ñɨ̱ꞌ nichiꞌ Pedro nteñu rá ñanitáꞌán vá, jee nkachiꞌ‑i nu̱u̱nꞌ ráa:

Hechos 15:22

I̱ña̱jée rá te̱e nísotíñú ráa apóstol jín rá te̱e kúñáꞌnú jín ntáká rá inka rá ñɨvɨ kúneí iniꞌ ráa Jesús, jee nkuna̱a̱ꞌ iniꞌ ráa ya̱ ka̱ji ráa rá te̱e nteñu ráa, ya̱ tají ráa kɨ̱ꞌɨ̱nꞌ nu̱u̱nꞌ ñuunꞌ Antioquía jín Pablo jín Bernabé. Nka̱ji ráa Judas, ya̱ naní Barsabás, jín ɨɨn te̱e naní Silas. Kúvi ráa u̱vi̱ꞌ rá te̱e kúñáꞌnú nteñu rá ñaniꞌ.

Hechos 17:1

Njia̱ꞌa Pablo jín Silas ñuunꞌ Anfípolis jín ñuunꞌ Apolonia, jee nkenta ráa ñuunꞌ Tesalónica. Yukuán ni̱yo ɨɨn veꞌi sinagoga nu̱u̱nꞌ kútútú rá ñɨvɨ Israel súkuáꞌa ráa Tu̱ꞌun Ndiosíꞌ.

Hechos 17:2

Sáni nka̱an Pablo, ña̱ꞌa̱nꞌ re̱ꞌ yukuán. Jee u̱ni̱ꞌ sátuꞌ ki̱vɨ̱ꞌ nájiáví ráa, jee nkua̱yuꞌú re̱ꞌ jín ráa sáni káchíꞌ nu̱u̱nꞌ Tutuꞌ níso Tu̱ꞌun Ndiosíꞌ.

Hechos 17:4

Kéꞌín ráa ni̱nu̱ꞌ iniꞌ jee nna̱sikánitáꞌán ráa maáráa jín Pablo jín Silas. Jee suni sukuán nsa̱ꞌá kue̱ꞌe̱ꞌ rá ñɨvɨ ntu kúvi Israel, ya̱ nééñuꞌun ráa Ndiosíꞌ, jín kue̱ꞌe̱ꞌ rá ñaꞌan kúñáꞌnú.

Hechos 17:6

Soo sáá ntu nnániꞌinꞌ ráa rává, nsi̱úꞌun ráa Jasón jín kéꞌín rá ñaniꞌ jínúꞌ iniꞌ tu̱ꞌun Jesús kua̱ꞌa̱nꞌ nu̱u̱nꞌ rá te̱e néetiñu ñuunꞌ vá. Jee nka̱najíín ráa: ―Suviráa ví ya̱ sáꞌá kue̱ꞌe̱ꞌ tuntíxín nɨꞌɨ ñɨ̱vɨ́, jee suni nkiaaꞌ ráa yaꞌá.

Hechos 20:4

Rá te̱e yaꞌá nku̱táꞌán jín re̱ꞌ: Sópater, se̱ꞌya Pirro, te̱e ñuunꞌ Berea, jín Aristarco jín Segundo rá te̱e ñuunꞌ Tesalónica ví ráa, jín Gayo ñuunꞌ Derbe, jín Timoteo, jín Tíquico jín Trófimo, rá te̱e ñuunꞌ sánitɨ́ɨn Asia ví ráa.

Hechos 9:20

Jee kuíntañúꞌún nste̱kútu̱ꞌún re̱ꞌ jie̱ꞌe̱ꞌ Jesús iniꞌ rá veꞌi sinagoga nu̱u̱nꞌ kútútú rá ñɨvɨ Israel nu̱u̱nꞌ súkuáꞌa ráa Tu̱ꞌun Ndiosíꞌ. Nkachiꞌ re̱ꞌ ya̱ Jesús kúvi Se̱ꞌya Ndiosíꞌ.

Hechos 9:25

Soo yakuááꞌ, jee rá te̱e súkuáꞌa re̱ꞌ ráa jie̱ꞌe̱ꞌ Jesús, kua̱ꞌa̱nꞌ ráa jín re̱ꞌ jee nsi̱kúun ráa re̱ꞌ ɨɨn iniꞌ chikívɨ́ꞌ, ya̱ta̱ꞌ koo súkún yu̱u̱ꞌ ya̱ násɨ́ꞌ yuꞌú ñuunꞌ, jee kua̱ꞌa̱nꞌ re̱ꞌ.

1 Tesalonicenses 2:2

Chi sú nnoꞌo ránuꞌuꞌ xi̱ntíín rá te̱e nísotíñú ñuunꞌ Filipos jee ntenu̱u̱nꞌ ráa ránuꞌuꞌ yukuán, sáni jíníꞌ ránoꞌó, soo nna̱sáneí Ndiosíꞌ iniꞌ ránꞌ sáva kachiꞌ ránꞌ tu̱ꞌun váꞌa Ndiosíꞌ nu̱u̱nꞌ ránoꞌó. Nnu̱nasɨ́ víꞌí ránꞌ nsa̱ꞌá ránꞌ suꞌva sú nkenta víꞌí rá ñɨvɨ yukuán si̱kɨ̱ꞌ ránuꞌuꞌ.