Hechos 16:9 - Mixteco del suroeste de Tlaxiaco Oaxaca

⁹ Jee kájíkuitɨꞌ ntu̱vi ya̱ nxi̱néꞌénꞌ Ndiosíꞌ nu̱u̱nꞌ Pablo yakuááꞌ. Ntu̱vi nu̱u̱nꞌ re̱ꞌ ɨɨn te̱e Macedonia íñɨ́ nichiꞌ, jee ni̱ka̱nꞌ táꞌvíꞌ‑i nu̱u̱nꞌ re̱ꞌ: “Kiji nú nu̱u̱nꞌ Macedonia jee chineí nú ránuꞌuꞌ.”

Hechos 16:9 ပူးပေါင်းရင်းမြစ်များ

Hechos 10:3

Jee ɨɨn ki̱vɨ̱ꞌ, kájíkuitɨꞌ niniꞌ re̱ꞌ ɨɨn ya̱ nxi̱nénu̱u̱nꞌ Ndiosíꞌ re̱ꞌ, nɨ́ɨ́n kau̱ni̱ꞌ yánini. Jee nki̱vɨ ɨɨn najiáꞌáꞌ ííꞌ Ndiosíꞌ nu̱u̱nꞌ nééꞌ re̱ꞌ, jee nkachiꞌ‑i nu̱u̱nꞌ re̱ꞌ: ―¡Cornelio!

Hechos 10:30

Jee nkachiꞌ Cornelio: ―Ya̱ nkuvi ku̱mi̱ꞌ ki̱vɨ̱ꞌ, nɨ́ɨ́n hora yaꞌá, jee káꞌánꞌ ni̱ꞌ jín Ndiosíꞌ iniꞌ veꞌi ni̱ꞌ, jee niniꞌ sa̱naanꞌ ni ɨɨn te̱e íñɨ́ ichinúúnꞌ ni̱ꞌ, ñúꞌún‑u saꞌma jiánu̱te̱ꞌ.

Hechos 16:10

Sáá niniꞌ re̱ꞌ ya̱ nxi̱néꞌénꞌ nu̱u̱nꞌ Ndiosíꞌ nu̱u̱nꞌ re̱ꞌ, jee nsa̱ꞌá stákoo ráníꞌ sáva kene ránꞌ kɨ̱ꞌɨ̱nꞌ ránꞌ Macedonia, chi niniꞌ kájí ránꞌ ya̱ kána Ndiosíꞌ ránuꞌuꞌ stekútu̱ꞌún ránꞌ tu̱ꞌun va̱ꞌa re̱ꞌ nu̱u̱nꞌ ráa.

Hechos 16:12

Jee ne̱ yukuán ña̱ꞌa̱nꞌ ránꞌ ñuunꞌ Filipos, ya̱ kúvi ñuunꞌ maá ñáꞌnú ka̱ꞌ ya̱ tɨ́ɨn Macedonia. Rá ñɨvɨ ñuunꞌ Roma nkenta ña̱kuneeꞌ ñuunꞌ Filipos. Jee kéꞌín ki̱vɨ̱ꞌ nneeꞌ ráníꞌ ñuunꞌ yukuán.

Hechos 18:5

Sáá nkene Silas jín Timoteo Macedonia, jee sáá nkenta ráa ñuunꞌ Corinto, nka̱jiéꞌé Pablo máá tiñu stékútu̱ꞌún‑u tu̱ꞌun jie̱ꞌe̱ꞌ Jesús. Jee ístúvi‑i nu̱u̱nꞌ rá ñɨvɨ Israel ya̱ Jesús ví Cristo, [ya̱ ñani Ndiosíꞌ sáva natavaꞌ‑a ñɨvɨ nu̱u̱nꞌ kua̱chi ráa].

Hechos 19:21

Sáá nkuvi yaꞌá, ñani iniꞌ Pablo ya̱ xíꞌna kɨ̱ꞌɨ̱nꞌ‑ɨ rá ñuunꞌ tɨ́ɨn Macedonia jín Acaya, ni kua̱ꞌa̱nꞌ‑a ñuunꞌ Jerusalén. Jee káchíꞌ‑i: ―Sáá ya̱ njia̱ꞌa ni̱ꞌ yukuán, suni íyó kɨ̱ꞌɨ̱nꞌ ni̱ꞌ nu̱u̱nꞌ ñuunꞌ káꞌnú Roma.

Hechos 19:22

Jee nchu̱ichí re̱ꞌ u̱vi̱ꞌ rá te̱e nu̱u̱nꞌ Macedonia ya̱ chíneí táꞌán ráa re̱ꞌ, Timoteo jín Erasto. Jee maáréꞌ nkino̱o ɨɨnúún ka̱ꞌ Asia.

Hechos 19:29

Jee nku̱naan nku̱suꞌva víꞌí rá ñɨvɨ nɨꞌɨ ñuunꞌ vá. Jee ntɨɨn ráa Gayo jín Aristarco, rá te̱e Macedonia ya̱ kútáꞌán jín Pablo. Jee nuún iniꞌ rá ñɨvɨ jee ninu ráa kua̱ꞌa̱nꞌ ráa nu̱u̱nꞌ teatro jín ni u̱vi̱ꞌ rá te̱e vá.

Hechos 20:1

Sáá nnɨꞌɨ ti̱xi̱nꞌ, jee nkana Pablo rá ñɨvɨ yɨ́ꞌɨ́ ñujiínꞌ Jesús. Jee násáneí re̱ꞌ iniꞌ ráa. Jee nkaꞌanꞌ‑a ka̱ꞌ jín ráa, jee nkene‑e kua̱ꞌa̱nꞌ‑a Macedonia.

Hechos 20:3

Yukuán nkino̱o re̱ꞌ u̱ni̱ꞌ yo̱o̱ꞌ. Sáá sukuáni kene re̱ꞌ kɨ̱ꞌɨ̱nꞌ re̱ꞌ Siria jín barkúꞌ nékui, jee nátúꞌún rá ñɨvɨ Israel ya̱ kaꞌniꞌ ráa re̱ꞌ. Saáva nkaꞌvi iniꞌ‑i nikó‑o jia̱ꞌa‑a Macedonia.

Hechos 27:2

Jee nki̱vɨ ránꞌ iniꞌ barkúꞌ va̱ji ne̱ ñuunꞌ Adramitio. Jee kɨ̱ꞌɨ̱nꞌ barkúꞌ vá rá ñuunꞌ íyó yúnteñúꞌún sánitɨ́ɨn Asia. Jee kua̱ꞌa̱nꞌ ránꞌ iniꞌ barkúꞌ vá. Jee suni kútáꞌán Aristarco jín ránꞌ. Kúvi re̱ꞌ te̱e Macedonia, ya̱ váji ne̱ ñuunꞌ Tesalónica.

Hechos 9:38

Soo ñuunꞌ Lida káá yatin jín ñuunꞌ Jope. Jee sáá nteso̱ꞌo rá ñɨvɨ níkɨ́nꞌ ichi Jesús, ya̱ nééꞌ Pedro yukuán, jee nta̱jí ráa u̱vi̱ꞌ te̱e kua̱ꞌa̱nꞌ ka̱ka̱nꞌ táꞌvíꞌ ráa nu̱u̱nꞌ re̱ꞌ: ―Koto kúkuéé nú jee kiji nú xá nu̱u̱nꞌ ñuunꞌ Jope.

Romanos 15:26

Chi rá ñanitáꞌán‑ó ya̱ nééꞌ ráa ñuunꞌ Macedonia jín ñuunꞌ Acaya ñani iniꞌ ráa ya̱ nasokoꞌ ráa xu̱ꞌún sáva chineí ráa rá ñɨvɨ láꞌví ya̱ íyó nteñu rá ñanitáꞌán‑ó ya̱ yɨ́tíñú ráa nu̱u̱nꞌ Cristo ya̱ nééꞌ ráa Jerusalén.

2 Corintios 11:9

Jee sáá nneeꞌ ni̱ꞌ jín ránoꞌó jee ntu nkúvi ni̱ꞌ tiñu véi nu̱u̱nꞌ ni ɨɨn ránoꞌó, sú nkumaniꞌ nu̱u̱nꞌ ni̱ꞌ. Chi rá ñanitáꞌán‑ó ya̱ nkiji ichi rá ñuunꞌ Macedonia nkenta ráa ntaji ráa ya̱ niniñúꞌún ni̱ꞌ. Jee íchí ntu njiáꞌa ni̱ꞌ maáníꞌ kúvi ni̱ꞌ tiñu véi nu̱u̱nꞌ ránoꞌó, jee kunikɨnꞌ ni̱ꞌ saꞌá ni̱ꞌ suꞌva.

2 Corintios 12:7

Jee sáva nkáni téyɨ́ɨ́ víꞌí iniꞌ ni̱ꞌ jie̱ꞌe̱ꞌ ya̱ nxi̱nénu̱u̱nꞌ Ndiosíꞌ nu̱u̱nꞌ nuꞌuꞌ, ya̱ kúvi‑i mánasɨ́ nasɨ́kuitɨꞌ, jee jie̱ꞌe̱ꞌ yaꞌá ntaji Ndiosíꞌ nkenta tu̱nóꞌó nóꞌo ni̱ꞌ iniꞌ yɨkɨkúñu ni̱ꞌ, kuéntáꞌ yɨ́ꞌɨ́ iñu yɨkɨkúñu ni̱ꞌ. Yukuán kúvi ya̱ njia̱ꞌa re̱ꞌ nu̱u̱nꞌ ɨɨn najiáꞌáꞌ Satanás xinóꞌo‑o nuꞌuꞌ sáva nkáni téyɨ́ɨ́ iniꞌ ni̱ꞌ.

2 Corintios 7:5

Chi máá naáꞌ nijia sáá nkenta ráníꞌ nu̱u̱nꞌ ñuunꞌ Macedonia, jee ntu̱ví nnájiáví ñunéꞌyúꞌ ránꞌ, chisaꞌ ntáká nu̱u̱nꞌ nnoꞌo ránꞌ tu̱nóꞌó, nñuti̱yu̱ꞌ ránꞌ nsa̱ꞌá ñɨvɨ tuntíxín jín ránꞌ, jee nñu̱ꞌun yúꞌví iniꞌ ránꞌ.

2 Corintios 8:1

Ránoꞌó ñanitáꞌán, vitan jee síkúkáꞌnú ni̱ꞌ iniꞌ ránú jie̱ꞌe̱ꞌ ya̱ nsa̱ꞌá re̱ꞌ tiñu váꞌa iniꞌ rá ñɨvɨ rá grupo kútútú ráa ya̱ kúneí iniꞌ ráa Cristo, ya̱ nééꞌ ráa rá ñuunꞌ tɨɨn ñuunꞌ Macedonia chi íyó mániꞌ iniꞌ Ndiosíꞌ néꞌyá re̱ꞌ ráa.

2 Corintios 9:2

Chi ya jíníꞌ ni̱ꞌ ya̱ ñúꞌún káñá iniꞌ rán chineí rán. Jee jie̱ꞌe̱ꞌ vá káꞌánꞌ téyɨ́ɨ́ ni̱ꞌ nu̱u̱nꞌ rá ñɨvɨ ñuunꞌ Macedonia. Jee káchíꞌ ni̱ꞌ nu̱u̱nꞌ ráa ya̱ ránoꞌó, ñɨvɨ nééꞌ rán rá ñuunꞌ tɨ́ɨn Acaya, ya̱ nsa̱túꞌva rán ne̱ kiava. Jee jie̱ꞌe̱ꞌ ya̱ ñúkáñá iniꞌ rán chineí rán, jee nchuꞌun káñá‑a iniꞌ ráa ya̱ kue̱ꞌe̱ꞌ víꞌí ráa nóꞌónꞌ iniꞌ ráa chineí ráa.

1 Tesalonicenses 4:10

Chi ya̱ sáꞌá nijia ránú maa nu̱u̱nꞌ nɨꞌɨ rá ñanitáꞌán nɨꞌɨ rá ñuunꞌ Macedonia. Jee xíníꞌvɨ́ꞌ ránꞌ iniꞌ ránoꞌó, ñanitáꞌán, ya̱ saꞌ víꞌí káꞌ saꞌá rán maa.